友飯食 (已結業)

平日lunch時間度度都係人😫好彩岩岩做到呢度最尾幾枱食客唔洗等位咋🙏餐廳名叫友飯食，真係好彩有位有飯食🥹🥹嗌左個重慶香辣雞煲 ，$61 抵到crazy, 雞件份量超多，仲要好多係雞脾位，啲肉寧舍滑！！！跟白飯，啲汁撈飯食好正架！我都幾食得辣，呢個雞煲勁岩我口味。同事嗌嘅蔥油豬扒煎蛋飯都好吸引（$58)，碟頭飯款around都係呢類價，又係超大碟抵食。豬扒味道濃香，咬落唔un, 仲有煎得靚靚嘅太陽蛋， so yummy!

喺近火炭站開左間新餐廳，行5-6分鐘左右，好易搵。menu有茶餐廳野食又有西餐野食，重點地方超寬落！唔怕好快冇晒位☺️lunchtime過黎食左個招牌炸子雞，可跟配白飯 / 意粉 / 薯菜。我就嗌左薯菜，份量勁多😲又送埋餐飲，我就飲左樽仔奶茶，好香滑呢～～隻雞真正做到menu上所寫嘅皮脆肉嫩，香滑多汁！要大讚！另外嗌左西多士，麵包油炸至金黃香脆😍我查晒成舊牛油好好食😍😍😍餐廳唔洗加一，抵到爛！下次可以再黎！！

今日收早，過左黎嘆下午茶之後先去接個女落堂。餐牌啲野都好抵食，其中午餐最貴都唔過$70, 下午茶當然再抵啲，都係$30-$40幾，包埋野飲。而重點係location夠近公司！啲Staff嘅笑容好好，落單上菜好迅速！呢個沙嗲牛肉包 $36 咋，加$3飲凍檸茶少甜！睇下啲沙嗲汁滿到差唔多瀉出黎就知有幾多餡🫢🤤🤤啲牛肉係幾軟熟架唔會咬到牙鉸軟。仲有個包係長形漢堡包黎，有白芝麻果種，軟熟好食！出面鬼咁熱飲杯凍飲就精神爽利晒～～下次帶埋呀女黎食先