叙苑粉麵茶餐廳 (已結業)

真的好可惜，11月底去到先知敘苑結業了恐怕好難在九龍灣搵到第二間可以代替佢嘅茶餐廳了個人認為，凍奶茶係檢驗一間茶餐廳嘅標準敘苑真係好好飲，茶同奶嘅比例啱啱好當然有我最愛的牛雜湯米加上敘苑秘製嘅辣椒油冇得頂真系好可惜，就咁結業了

食左呢間成廿年， 不過1直都系食粉麵多， 今晚見人叫外賣盅頭飯，咁我又試下， 都ok喎 $23 平時叫個河粉實過卅蚊 值得再買 宵夜食個盅頭飯真系岩岩好 不過聽店員講成日賣晒如果夜晚黎買 今晚都系得番雞同牛肉 下次希望試下其他

本身唸住隨便食d,但卻出乎意料ge好味。兩個人點左兩個晚市套餐，咕嚕肉和梅菜扣肉。咕嚕肉炸得岩岩好搭配酸甜ge醬汁真係一塊食完就忍唔住要接住食第二塊！！之前去過某些茶餐廳食一係就醬汁太酸，一係就肉冇咬口，所以今次食的咕嚕肉真係十分合我口味！！而梅菜扣肉裡面瘦肉肥肉相間，煮的好軟熟，肥肉送飯陣係一流 如果但食瘦肉就冇咁好味🤥 不過d咖啡就真係麻麻地，暫時未搵到一間茶餐廳ge咖啡係比較好味ge...🤒

開餐啦喂！又齊人一家4囗去左陶大食飯敘苑茶餐廳大大話話都食左20年，算係老主顧，本身想食煲仔飯，見最近兩日有啲寒，想話暖下個胃，點知醒唔起，冬天有得食，春天收爐。原來10日前收左爐。無計啦，唯有叫4個套餐，起碼每人有杯野飲，or湯飲下。芥蘭爽囗5會太爛，同靠得住差5多土魷肉餅飯，好惹味，不過咸左啲。斑腩苦瓜，不錯，油5多麻麻地，可能本身5中意食呢種煮法紅豆冰其實應該配大同粗既飲筒咁細支點飲感恩。晚安。

約出黎食煲仔飯，好難得。本身約左7點，但7點半先有得食，等個fd買野先齊人，懷住勁肚餓既身體，一行五人入左敘苑。一坐底就order左一個立味煲仔飯飯，一個雞飯，2個細既盅頭飯，一個排骨煲仔飯。熱辣辣好好味，飯多送多，價錢合理。

承接上兩回食評提及的事，我在淘大影藝預訂電影戲票，年初一跟阿媽細佬三人，一同看賀歲片應節。看完賀歲片後，三人在淘大附近找餐廳食晚飯。不過農曆新年，很多商舖食店都趁新年期間關門休息數天，所以要在農曆新年找理想食肆並非易事。結果在淘大花園近著牛頭角道斑馬線附近，找到「敘苑粉麵茶餐廳」這間農曆新年照常營業的食肆，牛頭角「敘苑」其實都只是分店，只是「敘苑」不像一般集團連鎖經營食肆那樣系統化而已。這間「敘苑」或者真的可以配上「平民食堂」這稱號，一來因為「敘苑」集不同類型飲食方式於一身。既有一般茶餐廳的食品，亦有酒樓點心茶芥提供，甚至晚上專有的煲仔飯竟然都可以食。二來價錢於九龍區食肆而言，「敘苑」可能已經是價錢最便宜的食肆。最便宜，最平民化的碟頭飯連飲品價錢約四十三元起，凍飲加十元左右。不過「敘苑」的碟頭飯再便宜，也沒可能及得上，每月下半旬才有的超值快餐般實惠，四十七元一碟碟頭飯，配凍飲才加兩元而已。不過兩者相比，超值快餐再便宜，也無法跟大學飯堂裡的「頹飯」相提並論。我點了一個快餐「蒜蓉雞扒火腿飯」，是典型港式快餐，用鐵板煎熟雞扒跟火腿並放在白飯上，再淋上一大堆蒜蓉汁在上面。雞扒火腿飯食法也很「頹

食碗雲吞河加碟炸魚皮，收48蚊，難食右貴。D阿姐態度勁差，叫佢拎多對筷子，勁大聲鬧人咁款。預左呢d麵檔 0 服務，但我幫襯你唔係黎俾你鬧。九龍灣勁多野食，絶對冇下次。

行開淘大,有啲肚餓想食茶餐廳,但係淘大本身冇茶餐廳,咁我就走咗去利基大廈嗰邊嗰間敘園粉麵茶餐廳到搵嘢食, 呢間茶餐廳每日都有唔同嘅$45超值快餐快, 咁今次我就揀咗佢哋嘅乾炒牛河, 佢哋個乾炒牛河可以講係話不過不失,牛肉分量唔係太多,但都幾爽口唔會太韌, 河粉質感都幾滑口, 鑊氣都夠! 雖然包埋例湯,但45蚊嚟講唔算係十分之超值! 但如果行開淘大又想食茶餐廳大家不妨一試!

今日路過牛頭角, 求其搵間鋪走入去... 點知.. 中伏.. 行入去時已經覺得撻地好跣...跟朋友分別叫左個墨丸米同牛腩麵.我食過咁耐米粉, 我好似印像中未試過碗米黎到了極都起泡. 朋友話煮時都有架喎, 但係好少上左枱都係咁.有d驚, 而且米粉的味唔似平日食個d咁0既, 都唔識形容個隻味. 總之就係唔同平日食開個隻味, 墨魚亦無咩味... 真係至在用黎頂肚... 下次都唔會敢係度叫米粉. 朋友個碗牛腩麵, 佢食量十分少, 所以比左大半牛腩比我, 但有點un, 而且食完痴住晒我d牙... 真係一次就夠. 

牛坑腩是很爽身的牛腩位，也是我最愛吃的部份。平常很難買到，除非你跟牛檔檔主很熟或者你很不介意買貴牛腩。如果買不到，大家可以光顧「敘苑粉麵茶餐廳」的牛坑腩麵。 敘苑推出這些牛坑腩麵$36，一碗共三塊，每一片都十分完整，不肥不瘦；店主好細心，將本身牛坑腩帶點的肥膏盡量剪掉，但不是全部，吃起來比較有質感。店主應有放薑蔥和薑，所以她們的牛坑腩沒有騷味，蔥也提升香味。 牛坑腩有紹興酒味道，略帶點甜味。麵條是較普通，但是她吸收了坑腩精華，變了另一種美食，實在太屈機。今次這碗牛坑腩麵是"牛魔王"愛好者摯愛，以為不用去九記，華姐了....

搬離牛頭角已經有5年，仲記得由細個已經食既敍苑今日終於有機會再食。megabox睇完戲，門口已經有小巴去到對面馬路。舖頭地方好大，有3個舖位既大細，有牛雜粉麵，有炒粉麵飯，仲有蒸飯點心，可算係九龍灣區唯一一間宵夜點心吧鳳爪排骨蒸飯 hk22用舊式酒樓既鐵兜載，份量唔大，幾舊排骨，半隻好長既鳳爪（可能兜太細，令隻爪好似好長），蒸飯只佔半個兜左右。豉油係甜既，落多啲個飯入面都唔會太咸，蒸飯粒狀，但撈埋落甜豉油好夾，濕淋淋咁好易入口。排骨斬得大小不一，骨大過肉，偏肥。鳳爪蒸得唔錯，好淋又不至於甩皮甩骨，味道有少少辣，好惹味雞扎 hk17剛剛出爐，望住佢由廚房拎出黎，香氣溢出。一塊長長腐竹包住大大舊魚肚，火腿，雞肉，蟹柳，材料豐富，漲卜卜。味道不錯，因為極舊無骨，可以一口咬落去，醬汁從口邊留出，不同既料有不同咬口，口感豐富要特別一提佢個辣椒油，每次黎必食，不論點牛雜，蒸排骨。因為佢辣味唔太濃，但好香口，而且帶少少甜 味道豐富。亦將其他食材既味道更加提升總括，雖然味道唔係特別出衆，但果番感情，加埋價錢大衆，令我每次黎開都有衝動想黎食

圖中既食物就係豆腐雞柳，同片頭河！味道方面：就超級難食同十分之油膩，D油多到冇人有，好可怕！環境方面：廚房張D野食放曬落地下，又唔合衞生！😖😖😖😖😖😖😖侍應既態度：十分欠佳，点叫都唔係好想理！😡😡😡😡😡食物價貴到超級唔合理，所以我下一次一定唔會再去囉！😤😤😤😤😤😤😤

不知道大家對於每一年的第一餐有沒有特別的記憶? 或者會不會好隆重其事的去挑選?自問小時候沒有，到了十多歲時會想，今天卻覺得這個想法有點傻。今天沒有刻然安排新一年要由美好的早餐開始。直接地…到了最快捷的、最常光顧外賣早餐的茶餐廳。簡單地…叫了最簡單的食物，最常喝的飲料。陪伴的是…最親愛的、最習慣的人。悠然自得的看著被烘至金黃的占醬多，實在比起平時外賣的版本漂亮得多。微脆的外皮，滲著微酸的果占，混著濃稠適中的香滑花生醬…此刻我在想，我是不是以後都應該只光顧堂食了?唯一美中不足的是，占醬只佔據著多士的中央，四個角落實在是無味的，我想這也是普遍茶餐廳的做法吧。所以我也習慣先從外吃起，先無後有，總好過先有後無吧。男友叫的是沙爹牛肉麵常餐，如不是鍾情於一丁的麻油味及麵的粗度，我想加4元轉一丁麵的錢可省回了。麵煮得十分適宜，帶有湯及沙爹味之餘，並不會過軟，仍保留麵該有的鬈度。至於那杯茶走，卻令我們有點失望了。平時外賣的飲料總是熱燙燙的，今天不知道是怎麼原因，茶的溫度連煉奶都溶不了。而已，最後卻讓我們吃到兩口甜甜的煉奶，帶著甜甜的味道繼續我們今天的旅程。

住響附近, 近近地唔想行得太遠而又想醫肚, 呢度基本上都OK可以的.早餐一般, 奶茶味道都尚可啦!午飯我通常食蒸飯, 排骨蒸飯為至愛, 簡簡單單普通SIZE, 味道OK, 又唔貴仲可以話算抵, 無投訴!晚飯小炒都食過, 以質素同環境來睇唔係平, 但一餐半餐無所謂啦! 試過生炒骨, 咖喱腩, 個人鍾意D咖喱汁, 送飯唔錯!一般茶記環境, 地下略嫌少少跣, 果度由朝到晚都好多人

係我去過服務態度最差嘅一間，食物都唔好味，米線勁硬、河粉太碎、雲吞麵都唔好食。一坐低成枱嘢，叫人執第一個話唔得閒，第二個望吓我就行咗去，咪先叫嘢食，心諗到時你都要執枱先擺到嘢落嚟，點知嘢食到啦，佢竟然事旦揾個位就（拍）一聲放低碗麵，我叫住佢執枱，佢竟然勁悔氣話我做咩唔問落單嗰個！同一時間隔離枱叫人，佢地都係嗰句：唔得閒，就走咗去。成班人淨係識行嚟行去扮唔得閒，我一定唔會再去！