古今二 (The ONE)

营业中

休息中

古今二行開尖沙咀一定要食下日本野🤭💛龍捲風沙律 $98入面有沙律菜、蟹子、蟹柳、沙律醬、脆片口感好豐富，蟹柳軟、沙律菜同脆片都脆沙律醬味道都好夾！💛火山 $128火山個名好特別！跟住職員會點火好有視覺享受，睇住火包圍住12件壽司約數分鐘就熄火，就享用壽司壽司上有帶子、青瓜、牛油果、蟹子、蟹柳口感同味道都好豐富！💛東京爆脆 $98飯捲包住左吞拿魚、蟹柳，食落口又會有脆脆口感好有口感，味道幾好！💛鹽燒白鰻 $38價錢算幾抵，白鰻肥美，加上少少鹽調味可以食出白鰻鮮味價錢：$362（另加一）（二人）⭐️⭐️⭐️評分：8/10⭐️⭐️⭐️📍古今二 (The ONE) (尖沙咀)尖沙咀彌敦道100號The ONE 5樓502號舖

早幾日去尖沙咀，突然好想食日式卷物，就去咗 "古今二"，依間嘅卷物、壽司及日式料理都唔錯，又有好多選擇，款式都幾特別㗎 ~這裡裝修簡約嘅日式風格，地方都幾闊落，餐廳設有卡位、bar枱同4人枱，另有獨立區域，約埋啲friend食下嘢都唔錯。餐牌內有好多選擇，特色卷物、刺身、壽司、鍋物、鐡板燒、串燒、天婦羅等等，看起來很不錯。超級龍卷風     $98鍾意食材豐富的超級龍卷風，外層沾滿黑芝麻同日式醬汁，餡料有鰻魚、海老、青瓜及芝士，鰻魚嫩滑，炸蝦酥脆可口，青瓜爽甜，夾住溶溶的芝士，入口超滿足，很美味的特色卷物。東京爆脆    $98另一款的東京爆脆，亦是我喜歡的高質日式卷物壽司。紫菜包飯、吞拿魚、蟹柳及蟹籽，再淋上自家製醬汁，增加層次感，口感軟綿，越食越滋味。日式麻醬豆腐沙律     $98餐廳用上的沙律菜非常新鮮，食落爽脆清甜，除了蔬菜，亦有其他材料，滑嘟嘟的豆腐，豆味濃郁，爽脆的蟹籽，清甜的車厘茄，與麻醬拌勻一齊食，口感清新，份量好足。鹽燒白鰻    $38白鰻外層燒烤到十分焦香，口感脆脆，無魚骨啖啖肉，可放心食，鹽味夠出，只是少少鹹，味道啱啱好，肉質鮮嫩多汁，好惹味。鹿兒島黑豚荔枝卷

TGIF❕又到左大家最愛既星期五，我緊係唔煮飯出去食野休息下啦🫢 今次我想食日本野，呢間有串燒有創作卷物，幾特別。🌟蜘蛛$103入面有軟殼蟹同牛油果，配咗鰻魚汁，份量十足。🌟超級龍捲風$98入邊有鰻魚、蟹柳等材料，擺盤精美，味道亦都唔錯，大人細路都啱食。🌟日式麻醬豆腐沙律$98滿滿麻醬豆腐上邊有飛魚子及三文魚子，底下是大量的沙律菜，配咗麻醬非常清新。🌟黑豚豬頸肉串燒（一串）$32豬頸肉燒得啱啱好，鹹味適中，好食！🌟宮崎味鹽牛舌串（一串）$32牛舌非常爽彈，質感非常好，黑椒加鹽味是絕配！食評總結：環境還是非常方便嘅餐廳，主打特色卷物，味道幾好，係小朋友都啱食嘅居酒屋。

去過噶荃新天地古今二，今日去尖沙咀噶The One，又見到哩間店，頂不住美食噶誘惑又吃左一餐。哩間店地理位置十分便捷，座位闊落舒服，服務員都好好態度，整體都唔錯。卷物、串燒一樣無失水準，依然保持高品質，值得一提噶系黑豚荔枝卷串燒，黑豚肉包住粒荔枝肉，一齊燒，外面肉香，裏面香甜，真系好夾，味道十分獨特。

好耐冇係尖沙咀行街街，仲去埋Dxxki掃零食，跟住過左去The One，逐層掃下搵地方食晚餐，見到呢間居酒屋，環境唔錯喎！好，坐低睇下有咩好食先。柚想蝦你，呢係沙律好豐富，除左沙律菜仲有蘋果粒，上面既柚子甜甜酸酸好開胃。安格斯蔥牛卷，外面牛肉多汁又有牛味，包住裡面又爽又甜既香蔥，上面仲有片片炸蒜。西京比目燒，表面燒到金黃色，魚皮好脆口，魚肉又滑又有油脂，唔錯！東京爆脆，內含吞拿魚和蟹柳，食落又有脆脆口感，飯粒不黏牙，紫菜都多乾身。

The One呢一間餐廳無論裝修定係食物質素都充滿咗日式居酒屋嘅特色🍶附近做完嘢過嚟試吓先😍==============================Food List📝🥗日式麻醬豆腐沙律 夠晒清新好味👍🏻🍣金龍卷 壽司如其名 嘅吉列蝦拼湊出嚟真係好似一條金龍🐉呢條龍好睇又好食😍🎌超級龍捲風 同樣地呢個亦都用吉列蝦同埋鰻魚做膽 加上炸咗嘅薄脆 令到成個龍捲風更加可口😊🍢豬頸肉串燒 脂肪比例均勻 咬落去油香爆滿😍🐷鹿兒島黑豚荔枝卷串燒 好喜歡呢個組合 荔枝嘅甜味中和咗豚肉咸香嘅味道 取其鹹甜適中👍🏻

-古今二-📍尖沙咀.餐廳喺The One5樓，坐喺窗邊嘅卡位，仲可以望到尖沙咀嘅景色。食品選擇多，座位都寬敞，而且價錢唔貴，仲要好近我返工的地方，所以經常成為我晚餐之選。.雜錦刺身沙律 ($58)超抵食嘅刺身沙律，份量超多。大量角切三文魚、吞拿魚同蟹籽，加上新鮮嘅生菜，配上開胃嘅沙律醬，非常適合飯前開胃之用。.鹿兒島黑豚荔枝卷串燒 超級清甜Juicy的一款串燒。用新鮮嫩口嘅黑豚肉包住啖啖果汁嘅荔枝，突出黑豚肉的香味之餘，又可一解黑豚肉嘅油膩。.火山 ($128)Present超特別的卷物。飯捲上放上滿滿的帶子、青瓜、牛油果、蟹籽和蟹柳，上枱時侍應仲喺碟邊點起火焰，名副其實的效果。.新鮮的帶子片配上爽口的青瓜和蟹籽，加埋軟滑的牛油果，口感同味道都好豐富。.金龍卷 ($108)飯卷包住香脆炸蝦，上面放了三文魚同芝士醬，食落香脆可口。.

今日同娘親去尖沙咀行街食飯，街上面都好多人同旅客，the one 係姊幾鐘意行既商場，鋪頭啱行之餘，又多餐廳選擇。係扶手電梯見到古今二日本餐廳宣傳，一於就試下。卡位枱大大張好寬敞，坐得舒服。有好多唔同卷物，每款卷物都有特別既名，嗌左火山、龍捲風 2個卷物，再嗌左串燒&沙律。🔅火山（有帶子、青瓜、牛油果、蟹柳）外形好似一舊巨型壽司，上面鋪滿蟹柳絲蟹子沙律醬，上枱既時間侍應會係碟兩旁點火，營造好似火山既效果，睇張相就知幾咁成功喇。蟹柳絲底下係一個個細飯卷。由於每種食材都唔重味，而且沙律醬唔多，可以食到帶子既鮮味同其他食材既味道，唔會俾其中一種食材搶晒啲味，配搭得好好。🔅龍捲風（有鰻魚、芝士、脆片）脆片唔似係粟米脆片，厚身一啲，有d 似餅乾，連飯卷一齊食，每啖都有脆卜卜，幾特別。飯卷d 飯只係薄薄一層，唔會好多飯，加埋d啲微酸既醬，唔覺意就密密食。🔅黑豚豬頸肉串燒一串有5舊長方形豬頸肉，上枱既時候熱辣辣，咬落爽口，濃豬肉味，塗係上面既醬汁有少少微微辣，唔肥膩。🔅鹽燒白鱔一串2舊厚身白鱔，上枱時都係熱辣辣，仲差啲焫親個嘴唇。4個字：「皮脆肉彈」，好好食！🔅龍捲風沙律份量好足，有好多蟹柳絲、蟹子

{創作日本菜 - $405}古今系列真係由官塘就已經食起，今次去埋The One 分店，繼續係大大滿足，嗰度嘅新派創意日本料理，令本麻甩每次都帶著大大嘅期待去食每一樣嘢！♦️ 自家玉子燒唔使多講，呢個真係玉子燒，唔係創作菜式！不過我超喜歡呢度嘅玉子燒，因為唔係果種死甜嘅蛋蛋，而係略有甜味但有大大蛋香果種，我次次都叫！♦️ 彩虹卷呢個就係本麻甩覺得每次都有驚喜嘅菜式，平平無奇嘅蟹柳卷，再卷上一層由時令刺身、牛油果、青瓜組成的外層，每次都令人有驚喜，令你想逐層品嘗又得，一次過食晒食出唔同層次嘅滋味又得！♦️ 超級龍卷風鰻魚、炸蝦、芝士、青瓜、脆片幾種食材嘅mix and match! 無論係味道、層次，以至口感都出色，令人會一邊食一邊嘗試挑戰用味蕾嚟分辯出食緊咩食材，是一個有趣又有創意的菜式！♦️ 串燒今次叫了「宮崎味鹽牛舌串」，「鹽燒雞中翼」，「鹿兒島黑豚荔枝卷串燒」，每一串都燒得勁好，火路控制出色，令食材到剛剛熟的口感，同時又透過熱力令食物的鮮味爆發出來，超正！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #古今二 (The ONE) (尖沙咀)尖沙咀彌敦

日式卷物｜古今二 ｜尖沙咀係the one行到攰 見到呢間卷物出名嘅餐廳佢哋嘅卷物會配搭不同的配料及醬汁所以好特別！—————————-🫶🏻 忘不了你 餡料相對較少，入面只有炸牛肉配上醬汁同芒果外面多汁餡料軟乾身，所以啱啱好！🫶🏻 相撲力士餡料有蟹柳同芝士，芝士香軟而且幾重味上面仲有三文魚，整體味道豐富。🫶🏻 日式麻醬豆腐沙律 入面有：豆腐、蟹柳、蟹籽同沙律菜整體好fresh，蔬菜新鮮夏天食一流！🫶🏻 安格斯蔥牛卷即叫即整 上枱時熱辣辣肥牛包著大量嘅蔥口感好豐富，爽口—————————📍尖沙咀彌敦道100號The ONE 5樓502號舖—————————-Overall 💗💗💗 💗#古今二 #The ONE#尖沙咀美食#尖沙咀#彌敦道

🍣特色盞鬼壽司居酒屋🍣 餐廳位於尖沙咀the one 五樓，地理方便至極！食物類型選擇眾多，當中的壽司卷系列更是融入創意元素，色香味俱全！.食物🥘：❇️日式麻醬豆腐沙律 $98（大）好大碟，份量足夠2-3人食！豆腐上加有麻醬，好香滑！中華沙律亦伴有魚子，開胃之餘亦好有口感！❇️自家玉子燒（6件） $55第一次食🍕形切塊嘅玉子燒，外型特別精緻，玉子燒內部質地嫩滑，蛋液的口感非常柔滑，咬下去時有一種微妙的彈牙感同埋伴隨住濃郁的蛋香和微甜的口味♥️❇️蜘蛛 $103卷物以紫菜包住新鮮的蝦、牛油果和蟹籽製成，配合軟殼蟹作造型，外形猶如蜘蛛🕷️夠哂鬼馬😗❇️東京爆脆 $98卷物以紫菜包住天婦羅脆脆、吞拿魚同蟹柳，配合少少辣嘅醬汁，愈食愈滋味🤍.📍：古今二 (The ONE) (尖沙咀)尖沙咀彌敦道100號The ONE 5樓502號舖

今次再嚟食尖沙咀古今二，喺the one 商場裏面，食完仲可以行下街添，去到餐廳都多人，餐廳裝修精美，有卡位，有吧台，坐嘅位置都很寬闊，適合情侶，朋友或家人聚會龍捲風沙律首先黎個前菜龍捲風沙律， 沙律係由飛魚子，蟹柳，薯片碎和生菜造成， 配埋沙律醬汁個味道都幾開胃 😄網燒味淋魚乾嗌咗個小食魚乾，燒得金金黃黃好靚，食落去軟熟又帶一點口感，幾有風味 😉東京爆脆東京爆脆係卷物，裏面有吞拿魚和蟹柳，配埋辣醬，都幾得意 😁粉紅佳人粉紅佳人都係卷物，裏面係有三文魚，吞拿魚蓉，牛油果和蟹柳，味道有少少辣味，上面有大大舊吞拿魚蓉，好捉料 ☺️

今晚朋友帶左我去The One 入面既古今二食晚餐🥣，不過我地今次冇叫佢地既主打卷物，返而我地點左我個朋友中意食既牛肉壽喜鍋🌟牛肉壽喜鍋 ｜$248呢一個同樣都係店員推薦，店員一拎埋嚟嘅時候我哋都覺得好驚訝，因為好大煲。入面有好多豆腐，兩大隻巨型菇🍄‍🟫，仲有好多牛肉同娃娃菜。撈埋蛋漿一齊食very good💕🌟 大阪自家製炸雞｜$78上碟時熱辣辣，咬落去好脆，炸粉唔算好厚，既邪惡，又美味😈🌟 日式章魚小丸子｜$48章魚燒好抵食，有時外賣店都差唔多已經係呢個價錢。外皮香脆好食😋

揀餐廳嘅時候除咗食物質素，「顏值」都好重要㗎！室內裝潢行簡約和式風格嘅古今，座位舒適寬敞之餘，更以天然採光營造溫馨親切嘅感覺，話明係高顏值餐廳，效果打卡一流嘅卷物「火山」蕎麥麵套餐🍱卷物內原來暗藏玄機🙊喺脆薄嘅金黃色麵衣下⋯�包裹住海中珍寶——海老🍤外脆內彈牙，再加埋幼滑嘅忌廉芝士🧀一口吃下，簡直係「脆」味牛肉壽喜鍋定食🥘採用既肥牛有著濃郁既肉香和嫩滑多汁既口感🤤加上豆腐、冬菇、洋蔥🧅蒜🧄醬油🫗等調味料增加菜鍋的風味火山🍣將卷物疊成山的形狀，上桌時有專人點火燃燒，剎那間閃出熊熊烈火，猶如火出爆發般氣勢十足。面層堆滿蟹籽、蟹柳絲和帶子，中間緊緊捲著蟹柳、青瓜、牛油果餡料，一口就有多重層次。黑豚豬頸肉串燒🍢燒得非常香口，調味恰到好處。味道鮮美且口感豐富，肉甜又彈牙炸生蠔🦪肥美的酥炸生蠔，新鮮炸起特別香脆。做出來的味道和口感，絕對能媲美大排檔

係the one行街，搵到呢間居酒屋坐下食小小野，這裡環境有一種溫馨而又舒適的感覺，桌面上擺放著精緻的日式餐具，餐廳客人都幾多。先來一碟驚艷的火山壽司。這道壽司以火焰點燃形成一道壯觀的景象。壽司上滿滿的蟹柳絲，仿佛是一座火山，打卡一流。每一口都散發出沙律醬的香氣～接下來是龍捲風，這道菜的名字很有趣，其實就是鰻魚卷物，份量還幾多～👍🏻之後點了兩串燒，白鱔肉質鮮嫩多汁，搭配著微微的鹽味，每一口都帶來滿滿的滿足感，黑豚豬頸肉串燒肉質細嫩，搭配上炭火燒烤的獨特風味，每一口都帶來濃郁的肉香和油脂香😋最後有清爽的日式麻醬豆腐沙律。豆腐搭配上麻醬和各種新鮮的時蔬，滑嫩口感與麻醬的香辣味道相得益彰，好健康輕盈的感覺，吃完可以繼續行街了😆