影片
港铁炮台山站 A 出口, 步行约3分钟
继续阅读
付款方式
以上资料只供参考，请与餐厅确认详情
經過見到古早蛋糕有特價，平時$70個唔捨得食，而家做緊特價$55，忍唔住買咗。其實佢嘅古早蛋糕大大個，$70都唔係話唔可以接受，但$55性價比真心高😍佢嘅古早蛋糕鬆軟度啱啱好，又好有蛋香，鍾意食蛋糕嘅真心要試下。大愛朱古力嘅我當然買番朱古力味古早蛋糕！除左蛋糕本身係朱古力味，面層都加左碎朱古力粒，多左款口感。唔單止咁，蛋糕入面仲有一層朱古力醬夾喺中間，令到每一啖除左朱古力蛋榚，仲有食緊朱古力嘅感覺，係雙重享受。🥰 唔好以為咁樣會令個蛋糕太甜，佢本身蛋糕有蛋香但唔太甜，所以配左朱古力落去係啱啱好，絕對係唔會失望之選😋 （9/10）
继续阅读
北角古早味烘焙蛋糕店 之前淨係賣台灣古早味蛋糕 依家多左麻糬波波 咁啱見到朱古力味新鮮出爐 又買黎試試（記住分享比朋友 追蹤/like 感謝你哋支持🙏🏻）.⭐️原味$25/6粒 ⭐️其他味朱古力/抹茶/芝士$35/6粒可以mix埋 呢次試試3隻味各2粒🔥賣相脹卜卜超靚仔 軟熟煙韌度高👍🏻朱古力味唔會太甜 啱啱好👌🏻芝士味 芝士味一般唔太出👍🏻抹茶味幾香 有少少紅豆.整體口感高分 味道唔會太甜個人食麻糬波波最緊要都係軟熟度如果麻糬控路過呢區 可以一試.之前梅窩麻糬王 比人吹捧得好勁如果要吹捧 我寧願你吹捧呢一間.#hkfunfoodrecord窮遊香港#hkfunfoodrecord_北角.#古早堂 (北角) 地址：北角英皇道125-133號月明樓地下B號舖炮台山站最近🙈.⭐️評分：味道：4/5環境：-/5服務：-/5抵食：4/5..#飲食 #美食 #優惠 #抵食 #hk #food #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #銅鑼灣美食 #灣仔美食 #銅鑼灣必食 #週末好去處 #烘焙店 #麵包 #炮台山美食 #麻薯 #北角美食 #北角美食 #北角必食 #天后必食 #天后美食
继续阅读
食過好多間古早蛋糕店，古早堂係最好最好食既一間古早蛋糕店😋😋，蛋糕軟硬平均，唔會太軟亦唔會太實，我最鍾意食佢既芝士古早，獨一無二既芝士，食過其他店古早既芝士都係唔好食，仲要出面又貴又唔好食，但這間真係質感同口感都好好，又香，希望佢可以開多少少分店，會繼續幫襯，價錢合理。之前亦試過佢朱古力味，比想像中好好食，平時個人比較抗拒朱古力，但佢既朱古力味古早蛋糕….好香又唔會好甜，令到你唔會唔想再食既感覺。
继续阅读
每次喺附近落巴士，都會聞到好香的古早味蛋糕香，今次終於忍唔住入去買。蛋糕有不同的口味，每款口味的出爐時間也不同，可以查香門口的手寫牌。適逢原味蛋糕特價$35，所以就試了原味。店舖內自設工場，全日都有蛋糕出爐，整間店都充滿蛋糕香。職員正在把新鮮出爐的蛋糕切件，手勢純熟。新鮮出爐的蛋糕會比較漲身，也真的是特別香。包裝盒非常可愛，是一隻卡通小雞。蛋糕出爐冷卻後會回縮，雖然原味蛋糕看上去平平無奇，但蛋味很濃，質地也很濕潤。把部分放入雪櫃冷凍再吃，又是另一番口味。就算是隔了夜也不會太乾，不錯！
继续阅读