古月聚台灣古早味美食 (已結業)

今日經過元朗行街，想試吓古早味台式野。 同埋💛店 想支持下。👅食評：🌟肉燥乾拌麵 （另加鹽酥雞+滷水豬腳）鹽酥雞： 食落好香脆， 鹽酥味好出，肉質滑身，但偏細舊。滷水豬腳： 豬腳淋身，滷水相對都好入味肉燥乾拌麵 ：肉燥味道好濃但份量偏小， 面質相對有口感。但撈埋一齊食比較清淡。🌟紅燒牛肉麵紅燒牛肉好淋，口感唔錯。但湯底都比較清淡，令到牛肉味唔出。 🌟台式冬瓜茶冬瓜味香甜 好解口～整體黎講🍽～店內環境都舒服，充滿台灣古早味特色。 特別係飲台式冬瓜茶同鹽酥雞，不錯👍🏻。

今晚同家人於外賣平台考慮食邊間，咁啱見到古月聚有優惠，記得大約一個月前食過一次唔差 (但上次無寫食評)，決定再幫襯多一次，同時亦可以寫番個食評分享俾元朗街坊。家人叫咗個三寶牛肉拉麵，今次先睇到原來餐廳係標榜唔用味精及雞粉，而我就叫咗個雞扒飯，再加咗幾樣小食包括椒鹽四季豆，地瓜條，仲有貢丸湯。先講家人的牛肉麵，好味同埋都牛肉份量都算多，而牛肚亦唔韌，個湯亦唔油膩，究竟是否真正無用味精及雞粉就唔知，不過個湯麵確實係幾好食。而我的雞扒飯，雖然無特別驚喜，不過味道及份量都令我滿意。幾款小食都唔錯，尤其係個地瓜條炸得好味，四季豆今次無上次咁好味。貢丸湯有4粒，味道就一般。寫食評先見到原來古月聚都有唔少負評，以一個經常幫襯唔同餐廳外賣的忠實元朗街坊，希望分享呢兩次幫襯古月聚的經驗俾大家以作參考。

本來試食過一次滷肉飯 已經感覺質素參差，諗住小店偶爾一次失手☺️今日經過小店諗住俾多次機會，試試紅燒牛肉麵 。本來價錢已經唔平，一個麵餐嘅價錢有其他更好嘅選擇。估唔到食物質素可以如此差劣🧐 紅燒牛肉麵湯底全部係紅油，得個辣味，好似食緊豬油落肚。完全冇用心烹調過牛肉麵湯底，希望店主可以好好學習一下研究食譜何謂牛肉麵。食食吓面仲食到有百潔布碎，衛生完全好有問題。基本嘅食物水準都未能夠達到，嚟元朗嘅朋友唔需要浪費時間幫襯呢間食店。

早前從寶琳遠道而來大西北，元朗國朋友帶咗我去大水渠附近嘅古月聚食台灣嘢，環境唔算好精緻，但係價錢親民，食物味道都唔錯👍🏻🥣藥膳排骨燉湯 $56店家首推！湯底飲得出有藥膳香，濃郁得恰到好處，而且有啲甜甜哋，排骨都入味👍🏻🍚滷肉飯 $33望落細細碗飯，但其實有好多粟米同埋切得算係幾大粒嘅魯肉，呢啲粒粒口感再加埋魯肉汁撈飯，完全係台灣嘅感覺😌🌭原味大腸包小腸 $38見到呢個一定要點啦，因為真係好掛住台灣嘅夜市！大大碌惹味又香口嘅香腸，配上糯米飯上面嘅香蒜同埋特製醬汁，甜甜哋好開胃😍❤️原味台灣香腸 $30朋友表示食過呢個台灣香腸好好食，又係喎！呢個台灣香腸煎得好香口，仲要切成咁多細片拼埋生蒜片食，神奇地去除咗嗰種油膩感🙀🧡甜不辣 $22呢樣又係去台灣食店先會食到嘅嘢！賣相簡單好看，食落煙煙韌韌、好有口感，加埋個泰式甜辣醬？！又一令人食過返尋味嘅小食🤟🏻

老闆走左之後第一次再食，食物味道同佢仲係到個時係唔同咗，今次叫左個鹽酥雞飯，啲雞改咗味到，食到有少少芥末味鹽酥味唔重，但雞肉係ok嘅，豪大大個味會好味啲，肉燥都大不如前 味道淡咗同好稀，冇之前咁乾身。

因為去元朗劇院看劇朋友介紹這個古月聚吃台灣美食那知自取其辱非常之差看看餐牌沒有吸引的選擇虛心問男侍應他答最多人食的係紅燒牛肉面我便從善如流叫一個68元的紅燒牛肋肉面要了幼面第一次來賣相可怕幼面煮到一舊舊實在太難看請侍應看他客氣的說去再弄結果出來的一碗面條少了很多牛肉也少了一件湯水稀了面條只係少左煮成一舊舊的部分仍然有只係大那一舊剪左朋友叫豬扒飯菜凍冰冰白飯上的肉臊又肉酸又唔新鮮我以加11元配的奶茶只有茶粉和甜味我喝了一半友人的凍柑桔喝了兩口實在......味同嚼蠟由於太太失望出來時不忘多拍幾張相

第一次寫食評就係寫俾呢間。唔止一隻曱甴腳，另外仲有一隻細嘅腳。同行家人食完痾左幾次。。絕對肯定無下次。唔明點解咁多人食。。之後上網見完來好多人都見到有曱甴喺個湯度。。。😠

只是第一次，也是最後一次。如果唔係放工太累唔想周圍去，真係唔會食到啲咁難食嘅食物。勁難食，又貴。冇下次。勁難食，又貴。冇下次。勁難食，又貴。冇下次。重要的事要講三次

經過見到係台灣嘢又係黃店就諗住試下，點知勁難食。叫左一個原味牛肉面同一杯紅茶，以為唔會難食得去邊，點知碗面湯底完全冇味，仲要勁多油。啲菜仲要生生地，一食落口成口油。杯紅茶一飲，唔講以為成樽糖漿倒左落去。點解可以連一杯紅茶都可以整到咁...仲要佢價錢唔平，一碗面要$63杯茶要加$9，咁難食真係唔值呢個價。仲要個老闆係門口到食煙一直攻啲煙味入嚟真係好影響。就算係黃店都唔會有下次。

嗌咗個原味牛肉麵 個湯底係可以冇味 所有面頭嘅餸都係用油浸 啲麵食落去完全冇口感 唔知以為係小朋友食嗰啲糊仔 其實係咪倒咗半罐油落個麵到？杯嘢飲又好似糖水咁 點解可以整得出咁難食嘅嘢 仲要唔係平用紙落單都可以出漏咁多嘢 就算係黃店都冇下次

滿懷希望去試，點知失望到想講粗口我係經常買外賣返屋企食所以唔好講咩外賣一定會唔同我買豪x炸雞返到屋企仲好食個距離仲遠過古月聚古d炸物全部粉同食物分開d粉又厚又硬又戒口魷魚鬚可以完全無味d魷魚好似白烚咁牛肉飯d牛肉又乾又硬真係試過就算完全唔值尼個價錢

前幾日在朋友到會外賣食了一次，覺得好好味，全部掃光唔夠喉，細問原來在古月聚訂的外賣，今次自己過來店食。一入店見到支美國旗，播台灣節目。好特別。叫了紅燒牛肉拌粗麵，雞扒肉燥飯，排骨湯，滷水拼盤。兩杯冬瓜茶。等餐時廚房的肥哥哥送了一些自製炒花生小魚給我，炒得很香。多謝肥哥哥。紅燒牛肉拌粗麵, 牛肉夠多和鮮嫩, 粗麵拌了台灣肉燥，粗麵夠彈牙。雞扒炸得很香很脆，上面的椒鹽好特別，問店員, 原來是從台灣入口的椒鹽粉，難怪特別香。飯也有肉燥，飯很好吃，原本未食飯不太餓, 一大碗飯食完還想再食，不得了。排骨湯很清甜，店員說是自家製, 用好多排骨出水再煲，沒有血水濁味，又沒有加味精，好清甜，可能這就是台灣家鄉風味吧。兩杯冬瓜茶，店員說原來也是台灣入口的冬瓜煮成的。不是濃縮廢水。我見網上有些打手講到好差，真心講句，食物能有這個水準，看來很用心製作又便宜，又不加味精，又一間咁好的台灣小店如果關門，香港最後只剩返D 大陸財團食大陸野。2個人食不了那麼多, 下次再來吃。

Keep 住都有間唔中黎古月聚幫襯，因為好食既小店真係賣少見少啦！上一次黎都覺得啲水準開始下滑，估唔到今次直情去到差既地步！！去得古月聚我都係想食佢既魯肉飯一解我對台灣既思鄉情義結。點知佢碗飯變曬樣！！先講啲肉，唔知點解成個汁唔同曬！陣味變到我以為自己食緊KFC 既蘑菇汁…個汁變左，連啲肉都減左一大半…然後個飯………真係濕到痴埋一舊舊！成餐飯食得好辛苦好唔開心…真係無下次。呢次仲要等左差不多45分鐘先有位，名氣大左就求求其其整啲野出黎嗎？再見啦，古月聚。

叫咗個紅燒牛肉飯，$63，嘢飲再加$10，都真係唔平。睇食評見到好似幾好食同埋話係台灣老闆主理，所以都對佢幾有期望，結果都真係打個突。😟睇落冇乜嘢嘅，但牛肉好乾，如果係放落個面度嘅可能都冇乜問題嘅。但係個飯就真係太離譜，係爛到好似BB仔食嗰啲咁，未食飽都真係食唔落口。唔知係一時失手定係點，但係比70幾蚊好似食緊中學啲學校飯盒咁，都真係有啲嬲。另外叫咗個鹽酥雞，呢個就正常啲，脆口味道正常。良心店爭氣啲啦🤦🏻‍♂️

自開店以黎一直有食開 一直都有質素直至幾個月前去既時候發現 同以前唔同炸野粉多 粉未熟拌麵又冇落醬 便當配菜好似hea你咁粟米 生菜 半粒又乾又粉既蛋到今日我買炸雞扒 連雞都唔熟！作為老客 呢啲質素改變 認真十分明顯相就冇 原因塊未熟既雞扒 我食到三四啖就dum左食左咁耐 呢個負評 我有資格比啦？仲有門口外賣區 經常有人坐係度食煙，連叫個外賣 都要食二手煙，野食又咁既樣有邊個想比錢買難受？即使你經營困難 都唔好咁hea呀食左你塊生雞扒既我 肚屙又邊個負責睇個醫生都200 300啦