台北茶坊 (已結業)

沙田市中心的食肆畢竟比較昂貴，趁假日兩口子想吃個下午茶，既然有時間，當然多走幾步，走到禾輋邨，也順道購入其他家品。這次幫襯餐廳是>>>台北茶坊<<<。 餐廳與隔鄰的美國燒扒屋共用餐牌，要是同行人士不想吃台灣菜，也可享用美式佳餚。 淺藍主調裝修，感覺舒泰。中間擺放台灣地圖，悄悄地燃旅行的欲望。 冰的選擇是台北午餐，主食是花枝丸新竹米(HKD46)，清淡得很，沒有味精，更見健康，而且靭度恰到好處，不會過份軟淋。花枝丸有夠彈牙，回味無窮。配菜是鹵蛋豆腐(半碟)，豆腐十分入味，齒頰留香，必試之選；只是鹵蛋不夠味，令整個菜式分數打了折扣。飲品是珍珠奶茶(加HKD8)，最可惜胚芽缺貨，未能品嚐至愛口味，不過這杯以無冰狀態呈現的少冰飲品，奶香與茶香俱備，還算不懶。 男友揀了美國燒扒屋的假日下午茶，美式黑醋牛肉炒意粉(HKD36)賣相帶點心思，不會有在屋村茶餐廳用膳的感覺耶；冰試了一口，味道也不遜，牛肉以外加入三色椒，更加健康。他的餐飲是芋香珍珠奶茶(加HKD8)，也許是那可愛的粉紫色，讓侍應誤會是女生的飲品，不由分說便將之放到冰的面前，那就自己調動

特色好多時很快會變成番版，番版之後又會變成半湯半水、 細小的商場下好多時就會看到這樣食肆， 要兼顧咖啡嘅同時又想要兼顧特式奶茶、 要做到有台灣牛肉麵嘅同時，又想要顧及港式濕炒牛河、 總之就是想將街外嘅客人搜立於內， 便是老闆最終嘅目的。。。寫食評已踏入第N個年頭， 由從前一早便要想午後去哪開餐、至現在總愛自煮其樂對出外用膳要求已不作多想~今天又再毫無頭緒之下, 腳步便往多時一别之 禾輋邨踱步、 沒有想去一線連鎖餐廳的想法， 在絕對草根平民化的商場內搵食、 港式茶記當然係眼前首選， 不過現今風氣好多時港式茶餐廳風格已轉型、 不論裝修外型以至餐牌上亦以引入多元化， 猶如我今次試這間餐廳一樣~裝修上已經走上年輕一點風格， 既有一般之粉麵飯供應、 亦引入近年好興之台灣食品， 今日一於就嚐試一個台灣牛肉麵~由落單已至到送上枱上時間亦都很快, 雖則銜頭是寫明五香牛肉台式麵、 不過湯底就並沒有一之辣豆瓣醬、 紅蘿蔔、蒜頭等, 換來的味道感覺就如港式的牛腩麵鹵水湯底 ， 個人就覺得沒有多大台式風味、雖則是這樣但配合上非常軟稔之牛腩、感覺上亦都 尚算不俗, 麵條方面感覺是採用了上海幼麵 烹調亦都

禾輋廣場2樓，回憶起以前中學時期時常與同學放學來到去M記食漢堡餐、拗手瓜遊戲，不過這天到了台北茶坊一連吃下午茶，這裏座位不少。今次下午茶的炸魚柳口感比較脆口吸引，沙律味道OK，炸薯角份量就少了。蜂蜜綠茶不太甜，味道OK。下午茶結帳單炸魚柳餐  $33 抵食。早前來食炸雞粒米線 味道與份量也較好。 午餐來食意大利炒飯，味道比較突出而且很香口，份量不算多。服務幾好！自家制豬扒漢堡意粉 - 自家制豬扒味道我就覺得一般就算不點也不覺損失，巧克力珍珠奶茶味道我覺得味道不錯少甜香滑。法式蒜蓉包，味道頗味佳！

之前見呢度開左間台式餐廳，見今日得閒所以就過黎試下。又想食飯又想打邊爐最後見個價錢都唔係差太多亦見餐廳大力推薦呢個火鍋set跟住就出去拎配料喇$52又幾抵喎！有台式火鍋湯底+ 3種配料 + 麵食 + 台式飲料 本身想揀麻辣水煮魚架，不過太好賣，賣曬😭所以揀左台式三杯雞火鍋湯底幾濃郁 真係有啲雞嘅味道竟然會有幾舊大大塊嘅雞係入面索左啲汁之後 少少脆又淋淋地好正不過啲骨比較碎 食落去小心啲我揀左芝士腸、響鈴、生菜。每樣都有少少，啱曬唔大食嘅我麵食我揀左公仔麵但似乎索得太多汁有少少咸，但係都好好食珍珠奶茶仲叫多左個炸雞呢度係半份黎嘅，當小食咁放入口，卜卜脆，不過有少少濟呢間餐廳唔係勁高質素，但係佢嘅質素一定高過$52。喺呢個百物騰貴嘅香港，有時想打個邊爐都要百幾蚊，但係其實次次任食都食得唔多野嘅我，呢度有得打下邊爐，50幾蚊仲要唔洗加一，就滿足到我嘅邊爐癮，都係一個另類嘅享受！

為了交收美戰cafe心頭好，今晚專程入禾輋交收。交收好後，順便約在附近酒店工作的朋友吃飯，難得我來到附近嘛。開完商場指南後，朋友說她想吃台北茶坊，她今天吃西餐，所以今晚吃台灣菜最好不過。滷香雞中翼4隻油亮油亮的，不僅好吃也很夠味，滷水香味令人口水直流，雞翼肉質很嫩滑，一口接一口，一吃很難停下來。我太餓了，台式肉燥大碗珍珠飯絕對是我的首選，台北八寶配菜豐富，東坡肉肥而不膩，肉軟腍入味。炸雞翼香脆可口，一點也不乾巴巴，還保持肉汁。鮮蝦腐皮卷皮脆得很，內裡蝦肉彈性十足，滋味無窮。秘制豬軟骨膠質豐盛，軟骨晶瑩剔透，連其豬肉一起吃也沒有問題。鹽酥雞球外層香酥，粉漿適中，雞肉軟滑美味。雞蛋，肉燥，鹵豆腐是肉燥飯的鐵三角，缺一不可，雖然是簡單的食材，卻是最有風味的。朋友則選什錦小鍋台式麵，亦跟我的肉燥飯同樣豐盛。韭菜餃不是飽滿的那種，但勝在皮薄韭菜餡料實在濃香，配麵吃不錯的說。牛滷得口感不錯軟中帶嚼勁，麵條也很彈牙。我們看見自選台式涮涮鍋物蠻有趣的，加上我們還未飽，於是點了香辣三杯雞鍋，新竹米粉，娃娃菜，麻辣豬耳及麻辣皮蛋。香辣三杯雞鍋湯汁惹味，尤其娃娃菜與新竹米粉吸附其湯汁真的不得了。再來吃冷盤

今次兩個人食都唔洗多過二百蚊，叫咗三個小食兩個主菜，d野食又好好味，簡直物超所值!😍右邊入紅豆冰左邊係曲奇朱古力，好大杯，飲完可以話係大滿足😝我地叫咗個肉燥飯好多料，碗飯好大幾乎食唔晒😋我地仲叫咗個火煱，沙茶牛肉味好香，肥牛嫩滑有口感，配菜都一流。滷水蛋同豆腐都整得好入味，尤其是豆腐非常滑，如果d蛋可以唔洗煮咁熟仲好!鹽蘇雞同花支丸都唔錯，層皮炸得好薄，而且一d都唔油膩!!!😋😋😋餐廳環境方面，坐位好寬落，我地兩個人坐一張卡位枱，叫咗好多野食都夠位擺，成個晚餐都食得好舒適暢快。服務質素方面，職員好有禮貌，服務好好，仲會介紹埋飲品俾我地選擇!總括黎講，呢間餐廳又平又抵又好味，值得一試!

平日行過，見個門面和室內裝修幾有台灣feel,所以星期日專登入去試下。一坐低打開個餐牌，發現除左台灣款式食物外，仲有好多西餐和茶記選擇。最後，我地點左三個餐。1）台式套餐：鹽酥雞夠香脆、但份量太少，10粒都冇。個新竹米粉一樣，味道係幾好既，不過兩下就食完。不過套餐杯涼粉冰就好伏，連我個仔都話唔掂，同埋同張相差好遠。2） 港式茶餐：個炸豬扒，好薄好乾身，差D以為自己食緊炸豬肉乾😑3）西式套餐：焗肉醬意粉，其實冇特別，連我個仔都講工人姐姐都整得好食D。總結，如果剩係食台灣野應該會好D不過應該冇下次

想不到這個廣場有很多特色食店，中式，美式，台式等等見下午茶價錢吸引，就進入這食店試試！下午茶大部份的價錢都是30多元，而且凍飲不用加錢，非常吸引！我點了這個下午茶：雞髀加火腿通加紅豆冰雖然這相是我影的，但是比例上跟現實有點不符！首先說說雞髀，雞髀是這個餐的靈魂，可是現實是很細隻，幾好咬下已吃完，有點失望。至於味道，亦稱不上好吃。然後是火腿通，是超級超級迷你版，吃過港九新界咁多食肆，從未見過用這麼細的碗裝着火腿通，真的大開眼界到最後紅豆冰，紅豆極少，不要抱大期望。

今日星期六返咗全日工，放工好肚餓。相約好友到台北茶坊食晚飯。黎到台式飯店，梗係要嗌返啲台式食物啦。講緊嘅台式食物就梗係有肉燥飯啦。台式肉燥大碗珍珠飯有四寶、六寶同八寶選擇，因為太肚餓嘅關係，諗都冇諗就嗌咗台式八寶飯。八寶有邊幾寶？雞蛋、炸雞翼、鹽酥雞球、東坡肉、牛腩、豬軟骨、肉燥。好似爭咁一款，不過唔緊要啦，唔記得lu~佢啲肉燥令人幾驚喜，未試過食啲肉燥係有八角嘅味。佢啲肉燥又唔會好鹹，好似某幾間出名嘅台式連鎖食店咁。用嚟送飯一流！鹽酥雞球細細粒，可以話係一口雞球，一啖一嚿，咁方便，搞到我不知不覺食晒！佢出邊嗰層皮好薄，入面雞肉保留到肉汁，唔會炸到好乾。食過一啲鹽酥雞球，出邊嗰層厚過入面啲肉，搞到冇啖好食。呢一度嘅鹽酥雞球就唔同啦，出邊個層皮薄，入面雞肉比例就相對多，可以講係啖啖肉呀！東坡肉好入味，就算成舊肥膏都好，都忍唔住口要食埋嚿肥膏落肚。牛腩好腍，用咗香料熬煮，零舍香。豬軟骨醬汁甜甜地，唔會過鹹，食完覺得食咗好多骨膠原，哈哈！跟餐加$10嗌左紅豆涼粉冰。紅豆涼粉冰唔會好甜。紅豆粉粉地好有口感。涼粉切成長方形，涼粉少許嘅草藥味中和左紅豆冰嘅甜味，令我不知不覺飲咗好多。紅豆配涼粉簡直

以往跟朋友去禾輋吃飯，都愛光顧陳x記，甚少會嚐屋邨其他的餐廳。其實，在禾輋商場走一轉，你會發現餐廳的數目真不少。台北茶坊，顧名思意主打台式美食。面門裝潢以柔和的粉藍色和粉綠色作主調，鑽石形的吊燈甚有時尚感。餐牌主力供應經典的台式麵和大碗飯，配料台灣味濃，有鹽酥雞球豬扒、肉燥、鹵蛋鹵豆腐、五香牛肉、手撕雞、醬燒豬頸肉等等。飲品亦以供應台式飲品為主，選擇非常多元化。同場加映鄰居美國燒扒屋的餐牌，可自由點選美國燒扒屋的各種食物。估計是同一老闆經營，兩間餐廳互補不足，為客人提供更多元化的選擇。同朋友食飯無需爭論食邊間，因為入其中一間都可以點齊兩間的食物。台式八寶珍珠大碗飯台式八寶包含鹵蛋、炸雞翼、鹵豆腐、鹽酥雞球、豬軟骨、東坡肉、鮮蝦腐皮卷和肉燥。大碗飯的配菜奇多，多得完全把下層的飯淹沒。炸物如鹽酥雞球、雞翼和鮮蝦腐皮卷新鮮炸好，保持香脆口感，雞球還有嫩滑感，食感很不錯。台灣吃到的鹽酥雞調味都偏咸，這兒的鹽酥雞減去了多餘的鹽份，比較貼近香港人口味。豬軟骨燜得軟腍又入味，東坡肉格肥格瘦，同樣非常入味。鹵豆腐和鹵蛋，穩打穩紮，質素穩健。醬燒豬頸肉台式麵配料除豬頸肉外，還有鹵蛋、鹵豆腐和小棠菜。豬頸

住在沙田多年，新城市廣場經常擠得水洩不通，所以有時也寧願走遠一點覓食...這晚就來到禾輋廣場，見到這間台北茶坊，不用等位就去試試。卡位坐得寬敞舒服，而且也不用限時限刻交枱，不過侍應看來似是在遊魂，始終屋村商場也很難對服務有要求吧... 餐牌選擇繁多，價錢親民，晚市選飯麵類附送熱飲，加$5 就可選台式飲品。  鹵水蛋拼鹵豆腐 $15豆腐質感略嫌較粗糙，未夠軟嫩，雖然滷得入味，但滷水味卻太鹹。 台式肉燥大碗珍珠飯 $58點了最豐富的八寶，包括雞蛋、炸雞翼、鹵豆腐、鹽酥雞球、秘制豬軟骨、東坡肉、鮮蝦腐皮卷和肉燥，極具份量，飯量甚至多得足夠兩個女生share，肉燥吃來軟爛適中，不過味道偏鹹，欠了正宗台式的微微甜味，配料中我比較偏愛東坡肉，帶有油脂的肉質夠鬆軟。 五香牛肉台式麵 $40對於平日吃得清淡的我，湯頭過於油膩而味濃，吃完覺得有點口渴，麵條質地扎實，而麵量同樣是十分澎湃，如果一個女生吃也未必吃得完。 牛肉切成小塊，每片都是啖啖內，筋位不多，肉質煮得軟嫩但是不爛。 上湯浸娃娃菜 $18全晚整體味道偏濃重，所以就點了清淡的娃娃菜，中和一下油膩感。因為我這天感冒了，只好被迫飲熱檸水，而另一餐飲

我地行完街就去食晚飯，見到間間都要等，我地見有間台灣野，就唔洗等位，好開心，著住高跟鞋行咁耐，終於有得坐所以我哋膽粗粗入咗去。個舖位都幾大，裏面有好多張枱，我哋就任意坐，就坐左粉藍色傢卡位。我哋就諗住睇下個餐牌，叫啲乜嘢食好，跟住見到佢哋個餐牌個餐廳名，唔單止寫台北茶坊，仲有寫美國燒扒屋，角得好得意，即係佢哋唔單止有得食台灣野，仲可以食西式野，都幾多款式揀。仲有一點，佢係有得食甜品，呢個都幾驚喜。我哋最後決定食台式食物，因為我哋都係因為唔使等位，同埋諗住食台灣野，所以去食。我哋叫咗兩杯野飲，兩杯都係珍珠奶茶，一杯係朱古力珍珠奶茶，而另外一杯，就係芋香珍珠奶茶。朱古力味個杯珍珠奶茶，可能係唔記得咗加奶，有d苦，同埋珍珠奶茶好似唔係太夾到朱古力嗰個味，所以就一般。而芋香珠奶茶，就幾好味，我勁鍾意芋頭味，所以去邊我都會叫佢。我哋一人叫咗一個台灣肉燥飯，我叫左台北六寶，佢就叫咗台北八寶。真係勁。。勁。。勁。。大碗，我已經好醒目，叫咗六寶就算，一個女仔一定食唔哂，好彩有男朋友幫我食啲。因為男朋友係有左幾個月傢關係，所以我哋叫咗幾款小食，椒鹽魷魚啦，娃娃菜，同埋豬頸肉。我哋兩個都好鍾意食豬頸肉，煎

買過2次外賣 第一次系禾輋店岩岩開舖冇耐 我朝早9點幾左右去買外賣 系門口等左廿分鐘 但入面系得一兩枱客 吾明廚房點解可以整咁耐 相隔幾個月今日又心血來潮想食佢個外賣 嗌完等左15分鐘左右 可以接受 返到屋企打開 真系垃圾舖頭 我嗌左2個餐一個系雞翼米線 一個餃子米粉 因為系早餐所以跟一份火腿炒蛋同多士 食到一半 我男朋友問我個餃子米粉得2隻餃子同個多士架炸 系喎佢2份早餐都冇擺到火腿炒蛋落去😂打電話落去問佢可吾可以送返上泥 我都系住禾輋個頭 5分鐘路程 我10點15分打落去 話要11點先送到 我等 另外 杯涷檸茶好似自動走左甜咁 真系吾會再試 員工態度又5好 好似我系顧客我錯咁😂😂

路過禾輋商場，被這食肆的裝潢吸引，就進內吃個午餐。湖水藍/綠色的座椅，加上週邊的小植物和書籍，刻意營造一股台灣主題咖啡館的風味。外面熙來攘往的人群，和店內只有三兩桌的食客，形成一個强烈的對比。我不甚肚餓，就隨便點了個花枝丸新竹米+鹵蛋豆腐+珍珠奶茶。米粉還可以，花枝丸可能煮久了，很淡亦不夠彈牙。鹵蛋外型雖然不討好，卻很入味。珍珠奶茶珍珠很少，茶味不夠濃，令人失望。此店食物水準平平，好處是坐得很舒服，如果要享受一個安靜悠閒的午餐，這裡確是個不錯的選擇，但如想滿足味覺的話，就得另選地方了。

話說今天天氣勁熱，商場所有食肆都爆滿，連呢間平時人跡罕至嘅台灣野都好多人食，包括我呢個咁唔好彩中哂伏嘅顧客。叫左個餐，係嫩滑三色蛋，嘩真係見到個名都流哂口水啦，係咪先。 點知一等就等左我五個字。最奇怪嘅係，一路有侍應拎野食入黎，但都係西餐黎嘅。睇到呢度你會覺得好奇怪，點解台灣食店有西餐食呢？因為呢間野同隔離一間扒房係同一個老細嘅，所以食客亦可以叫扒房嘅食物。而題外話係，呢間台灣野前身係日本放題，叫橫濱，我冇食過但相信佢應該係劣食得好緊要，因為我未見過放題長期係一個客都冇嘅，相信霍金咁聰明都解釋唔到呢個咁奇怪嘅現象。咁嘅情況，我咪催囉，唔黎我即走，經理本來仲想解釋話蛋係即蒸㗎，但一見到我等左五個字都將未講完嘅說話吞番落肚。隔左一陣，黎喇。望一望，嫩？邊度嫩呀，睇過？硬過鐘乳石喎大佬。我怪錯左個廚房添，我諗佢真係响我落單時已經開始蒸，蒸左半個鍾先得黎咁嘅效果。一食，嘩，唔止係老，仲要勁咸，所謂三色蛋著左一半都係咸蛋，但冇咸蛋部份嘅蛋都係咸到嘔，你睇連佢同鄉蛋黃哥都頂唔浦就知有幾伏啦。仲有個麵，味道冇問題，但食食下覺得差咁啲野咁，原來冇左肉燥，又話肉燥麵？違反商品說明條例喎，海關唔該做野丫。