台北食堂

营业中

休息中

嗌咗二人套餐，鹽酥雞炸太乾，鹵豬耳似預制菜，小火鍋有蕃茄冇蕃茄味，唯一合格嘅得蛋餅。🙂‍↕️一定唔會再光顧。 估唔到呢間舖頭竟然有人排隊都要來食，千祈唔好俾裝修吸引，真係唔好食呀。

第一次黎食，下午茶時間無咩人，本來想食臭臭鍋同臭豆腐，但果個時段未能提供，只好食麵啦，有驚喜渦，我叫咗個紅燒半筋半腩粗麵，估唔到又幾好食渦，佢個魷魚鬚都好好食，鹽酥雞正常，雖然都比較貴，但真係唔錯，

星期日中午到屯門市廣場，四周很多人等位，剛好想吃台灣菜，來到這家台灣餐廳，雖然餐廳不大，幸好當時下午茶時段，排籌都客人不多，等候大約20分鐘便可入座。餐品味道不錯，當中蚵仔滷肉飯最為美味，蚵仔很足料，滷肉飯味道香甜。讚好社交平台可贈送一碗椰汁仙草芋圓，甜品配料都很豐富，讓我完美地結束整頓飯。蚵仔滷肉飯刈包微辣的鹹菜配搭充滿油香的肉，香濃而不油膩鹽酥雞扒配刀削麵雞扒炸得不錯，刀削麵的湯底也很濃蜜汁地瓜條充滿地瓜味的炸品，加多點蜜汁會更佳椰汁仙草紅豆芋圓

晚上跟媽媽及弟弟在屯市搵食，隨便見到邊間就食邊間。呢間唔洗等位，價錢又唔貴就去試下，真係後悔莫及🥹🥹🥹首先服務態度：由於第一次黎依間食，唔知道呢間野嘅規矩係客人隨便入隨便坐定帶位，我地3個踏入鋪後，等職員指示，前後有2個職員有見到我地，但都行過不理。咁我只好出聲，他們先很不願地接待。重點📢📢食物質素：差‼️‼️‼️媽媽及弟弟叫了牛肉麵牛肉很多，但很“鞋”，“癡”牙，很乾，唔好食反而麵ok, 唔會太淋。我點左大腸麵線“八方xx”都好過佢。成碗野好“杰”，感覺好似食左碗蠔油mix麻油嘅野，而且好鹹。煮果個唔知有無食過，真係救命。😡😡😡隨左鹹我已食唔到其他味。點左份小食鹽酥雞。overcook!!但無味，唔知係唔係因為俾碗麵線鹹到我食咩都無味🥲。不過弟弟都表示唔好食。總結：3樣野差不多$280, 真心覺得一蚊都唔值。原因係太難食，加上員工態度。成間野令我覺得都無心做，不知所謂!! 無下次，請都唔食!!!

A)職員服務態度極差1. 當日係假期，問有冇學生9折優惠，男職員敷衍回答「等等」，其後沒有再作任何回應。其後嘗試在問女職員，但都只得到敷衍回應「等等」。想請問當時店舖並不繁忙，有什麼合理解釋可以用這麼極差的態度回應客人? 請貴公司給予合適職員培訓！2）落單時，女職員問我哋可唔可以落單，我哋話「可以」，然後就開始落單，但落單時職員有用極差態度叫「等等」。大佬！你唔落得單就唔好問人落唔落到單吖嘛。態度又差，簡直不知所謂。3）付款時，收據顯示了學生9折，其後查詢用信用卡優惠更多，但男職員回覆「差唔多幾蚊咋喎」。請問差幾多錢都好，請問錢係唔係錢？點解可以用咁嘅態度去答客人？B）食物質素1）鳳梨綠茶：落餐是查詢能否少甜，職員回覆不能。最後杯鳳梨綠茶甜到痴線，飲完都唔知會唔會糖尿病。2）台式鹽酥雞扒：基本上完全冇肉，得一層皮同勁厚粉。此外上完炸雞扒，等成五至十分鐘先上麵。雞扒早已冷掉，簡直係不知所謂。3）控肉（2件）：最離曬大譜就係見控肉，付款58蚊追加兩件控肉，但控肉大细離譜，只有5×3cm。試諗下每件控肉基本上要29蚊，如此大細簡直係不知所謂。當時詢問職員查詢大細，但職員了解後只回覆：「廚房果

雙色香腸：佢搭配蒜片味都唔錯（偏貴魷魚鬚：冇咩特別臭豆腐：還原到台灣臭豆腐蟹柳粟米起司蛋餅：幾特別可以試吓鹽酥雞：份量不大價錢偏貴舖頭嘅地理位置有啲難搵！總睇講唔錯！

一直都好想試下呢間台式野，有小鍋又有滷水野，睇落好吸引，但每次週末夜晚路過都見好多人排隊🙂‍↕️今天平日咁岩放工係附近，路過見唔洗等就同友人入去試下。有二人套餐，$248好抵食，有蛋餅有個小鍋同其他小食，但因為我同友人食量唔大就決定單點一個台北小鍋（臭臭鍋），另外叫左個滷味拼盤，可惜拼盤無雞胗，所以再單點個雞胗。期間店員主動提供水比我地👍🏻又推薦我地做會員，下載左APP見到好多食店都係呢間嚐·高美集團，有唔同優惠卷，建議大家都可以入會👍🏻味道方面：都OK，臭臭鍋真係臭👍🏻小鍋入面都有好多餸，有丸有菜。滷味有啲咸，配住白飯食應該岩岩好。環境方面：舒適音樂，店鋪天花掛上燈籠，有種好似去左十分咁哈哈🤣埋單時店員提醒我地掃埋會員儲分，十分細心👍🏻👍🏻總結：下次路過會再光顧，試下其他小食😋（格離枱個蛋餅同魷魚鬚十分吸引，可惜太飽），價錢都算係性價比高。

筆者和好友都喜歡吃台灣菜！週末約出來吃個quick lunch，為求方便就選擇了屯門市廣場內的這一間「台北食堂」。超愛吃台灣蛋餅！蛋餅內餡包括了杏鮑菇粒、肉鬆、芝士等，口感豐富。這款口味偏古早味，餅皮口感軟嫩。如果蛋餅再淋上醬油膏就更好，味道可以更濃郁。滷肉肥瘦度可以，不會很油膩，鹹甜味道配上白飯一流。另外還有滷雞翼2隻和滷蛋1隻。整體味道正常，不過不失。本身打算散叫，原來可以優惠價跟午巿套餐加配。不過加配的份量都幾多。地瓜條炸至外脆內軟，表面塗上蜜糖，味道鹹甜。本來點了一碗黑糖愛玉珍珠芋圓，後來發現有會員生日優惠，獲贈一碗椰汁仙草紅豆芋圓，可以2款都試到！芋圓Q彈煙韌，個人喜歡椰汁那碗，撈上椰汁味道更香甜一些。

今天是2025年1月11號星期六入邊有勁多吉位，但全部都有未收拾好嘅食物本來想入座，但因為店員話未執好枱，所以要我哋在門口攞飛然後我在15:19攞飛，等了10分鐘，枱面依舊都係有未收拾好嘅食物，然後都係無法入座星期六這種服務態度，

放工啦😀來到屯門市廣場搵食, 繞場一圈😀「台北食堂」 即管試試😊時間尚早，二人行，座位任君選擇，簡單裝潢，舒服😊先睇吓餐牌，麵、飯、小食、二人套餐 .. 等等台式紅燒半筋半肉麵 $78甜甜哋 濃郁湯，紅燒味濃牛肉 、牛筋 炆得 焾，啖啖肉食得滋味個人覺得這粗粗麵條不錯，口感 軟硬適中啊紅蘿蔔🥕清甜，蟲草花增添色彩雪菜惹味台式紅燒牛肉麵 $72同樣好味好吃😋蚵仔煎 伴海山醬 $68小小🦪仔，肥美 肥嘟嘟 鮮味無窮， 不用加醬👌

叫午餐menu 上食物，超過20分鐘後到食物極咸，想要杯水問完店員，佢哋唔會比你，走去執枱先，再追問都係唔會即比，態度仲要好差，建議大家不要貼錢買難受為咗呢間野開個ac寫食評

有啲時候總係會想食台灣嘢但係好食嘅，其實都唔算係好多-因為我覺得台灣嘅食物，雖然係偏簡簡單單但係你要做到佢嗰隻味道都係要啲技巧嘅-咁今次就係第一次食呢間餐廳佢而家做緊一個蚵仔嘅特別套餐？-有三款食物都係包含其中-嗰日同兩個朋友一齊嚟食就叫咗個二人套餐再另外加咗好多唔同嘅小食成件事就好似個畫面咁豐富-覺得如果之後想食台灣嘢都可以再嚟

呢間台灣食堂我極力推薦👍👍牛肉麵既麵質非常彈牙，應該係手造既，牛肉雖然唔係非淋，但因為係牛展部位，都算好入味同埋唔會韌，我唔太食牛肉都試左一舊😆蚵仔麵線係我最鍾意食既，蚵仔大大粒，麵線唔會太淋身，最欣賞個湯汁，剛剛好唔會變左一舊芡汁咁👍最緊要唔會好鹹滷水豆腐，係即製既所以等左一陣，好入味唔會太鹹，豆腐仍然好滑😋滷肉飯唔會太油膩，又唔會太鹹👍台式蛋餅，蛋皮軟熟，味道中規中矩，都算唔錯👍食飽之後令我不禁回味下台灣既味道😆😆

商場內搵台灣菜食，原來選擇比想像中好少。雖然餐廳位置隱蔽，但餐牌嘅食物都幾吸引🤩 價錢都唔算貴。柯仔麵線好大隻飽滿嘅柯仔，加上入口順滑嘅麵線，未至於太糊，口感始終跟台灣有分別。半筋半肉牛肉麵麵條質地係我最愛嘅煙靭質地，牛肉炆得算入味，帶少少口感辣煙肉蛋餅呢個必食因為有大量肉鬆及芝士，簡直絕配入口仲好煙韌，加上脆辣煙肉，鹹鹹甜甜好好食。蘿蔔拉絲餅有啲似蘿蔔絲酥餅，餅皮香口鬆脆，餡料係蘿蔔絲，不過略嫌太少

屯門區黎講呢間係正正常常嘅一間台灣菜 都算多粉麵飯選擇 人均60蚊左右😋😋😋今次叫咗個牛肉麵 比較麻麻 個人感覺湯底較甜😕😕😕佢個肉質唔算好鞋 但唔入味🥺🥺🥺不過性價比係唔錯嘅男朋友食個雞髀飯大大份 夠晒juice嘅😆😆絕對唔會唔夠飽🤣🤣😂😂😂佢有包飯飲嘅 都有很多台式嘢飲可以選擇🤓🤓珍珠奶茶、烏龍茶同水果茶都算坐得舒服 冷氣夠涼lunch time好多學生黎食 都要食得快小小回檯