台味軒湯飯

营业中

休息中

呢間嘢我成日幫襯佢哋。佢哋開咗好多年架啦。最近蒸魚加兩餸升到$72［細條魚］$8x［大條魚］。佢哋啲嘢擺晒出嚟，真係好新鮮，直叫即做。包你食得放心食得飽。記得下次去西九龍中心去幫襯呀！

下雨天的關係 在附近上班 去了隔離西九買外賣湯飯。幫襯了幾次 都沒有伏 ，簡單 便宜 健康 又 美味 湯飯。壞處是大多人買 所以經常要等好耐 因此今次打電話叫定餸。是次叫左 魚腐 豆腐 肥牛 加 娃娃菜 送白飯 $39 加 $1 外賣盒。充滿蛋白質 同 膳食纖維 而且湯底無味精 蔬菜份量超多勁飽肚🤤🤤🤤

西九龍中心Food court有好多選擇， 真係花多眼亂。 不過見呢間成日都有人排隊買， 終於今日試咗， 果然真係超級抵食，同埋啲嘢好新鮮。 最估唔到個餃子完全冇味精嘅感覺， 啲湯 雖然偏淡， 但飲落好鮮甜， 一個字"正". 同埋三十幾蚊有三個餸一個菜， 大大碗飯， 真係做咗成日嘢嘅我，都填得飽個肚， 一定再嚟👍同埋見有個叔叔叫鮮魚湯飯， 問下佢原來佢係常客， 佢話老闆娘日日攞唔同嘅新鮮魚返嚟， 雖然唔同魚有唔同價錢， 但不過都係幾十蚊。 加上佢有幾隻唔同嘅辣椒油， 原來都係老闆娘自己炒， 好味到痴線， 見啲人係咁落， 我每樣試下真係非常惹味, 好厲害

好多時去西九龍中心諗吾到食咩，通常都會去food court食，食品選擇多，不同國家風味，而且朋友吾一定要買同一間都可以坐埋一齊食，雖然有時需要等位。我會選擇食尼間湯飯，三餸一菜加白飯都係$30幾蚊，想要飲品加$4，雖然等候製作需時，但都不會等太耐，冰櫃大量餸可供選擇，有時候有魚有蝦可選擇，大量蔬菜選擇，我選擇白菜仔，飯的份量比較多，通常食半碗已經很飽了，然後就食曬d餸，超級飽肚，非常值得再次幫襯。