台灣美食 (已結業)

一入去嘅時候, 佢既地方OK大,夠舒服。 係一個同friend食飯吹水既好地方。而且呢間係整潔方面都做得幾好,值得一讚。而且食物種類都幾多,味道都唔錯搞到我成日都同Friend去果度食

今日心血來潮想食台灣野，見到呢間台灣美食，唔洗問都知係台灣野。打開餐牌有好多選擇，令人有選擇困難症。諗左一輪之後，唔想煩，台式四寶飯乜都有。飲品又係咁多選擇，最後都係揀苿香奶茶，可以免費加胚芽/珍珠/仙草。台式四寶飯有雞球，腩肉，豬軟骨和肉燥。雞球炸得好脆，但雞肉仲好滑，仲跟埋個酸甜汁。腩肉鹵得好入味，豬軟骨帶酸甜，好惹味。肉燥帶甜味，送飯一流。份量好多，食左好飽，苿香奶茶帶有清香，胚芽既高纖維幫助消化。

🧀芝士吉列豬扒肉燥飯（$57)經同事大力推介呢度嘅肉燥飯好好食，咁tea time 趁無咁多人就過嚟試吓啦。叫咗Menu上面推介嘅芝士吉列豬扒肉操飯，肉燥飯似肉醬飯多啲，因為啲汁好似醬咁杰身，真心講我唔係太鍾意呢個質感(純粹個人喜好)，味道算過得去。而舊芝士豬扒就普普通通，冇乜芝士味亦唔juicy，黎到可以叫其他選擇😂跟餐配一杯二十蚊嘅飲品，叫咗香芋珍珠，係普通用粉溝出嚟嘅味道，整體一般，再食機會唔大。

旺角太子有兩間分店既台灣野，我成日都會去食架，因為貪佢方便嘛，又有珍珠奶茶飲一如以往嗌左牛𦟌米粉，話時話食左咁耐都只係食過哩款，太過專一了吧哩度既米粉係用正宗既新竹米粉，比較幼身同埋吸湯既今日仲叫左杯香芋珍珠奶茶，好鐘意望住部珍珠奶茶機搖下搖下，好治癒呀，即刻諗番去珍珠奶茶襲港既以前，嗰時好興打機玩cooking mama嗰啲game，有得學整珍珠奶茶😍😍😍牛腱一如以往，厚身，結實，肉與肉之間有啲根腱嘅位置，一層一層，一點肥膏都沒有，實屬健康之選，而且米粉配上半粒滷蛋，台灣的味道又出來了一路食住米粉一路睇住電視，不過略嫌電視機太細了，可唔可以轉返部大小小既😝

第一次食呢間台灣美食落單同上菜都幾快手呢!今次叫左芝士吉列豬扒肉操飯本身都係芝士控 所以一見到餐牌有芝士都會忍唔住叫黎食下~雖然落單個陣叫左少飯  不過好似仲係好大碗咁咬開塊豬扒見到芝士係入面加上熱辣辣 好味呀~

今日在同朋友聊關於港航的mega sale，朋友買左平機票快閃台北，羨慕得口水流流，不過好攰呢，三天來回去台北掃蕩夜市，時間短左d,都系為左食姐，香港都有好味的台灣野食啦，咁辛苦做咩哦....哈哈，悲佬講悲話，不過又唔悲得晒。太子呢間台灣美食，一直都有食開，馳名肉燥飯，九成九台灣風味，珍珠香芋奶茶都是我的最愛。店鋪不算大，茶餐廳格局，午市較為繁忙，我地都等左一陣位，馳名肉燥飯系最基本的飯餐，其他仲有豆腐肉燥飯，四寶肉燥飯之類。小食好似花枝丸呢d都不遜色，值得一試。行一轉太子已經填飽肚，晤洗飛台北了

有兩張電影優惠券3月底到期，指定要係當區連鎖戲院睇，所以是日出左黎太子食飯，食完飯殺上新世紀睇戲一條龍。就係咁揀左呢間台灣美食黎個快食。兩丁友各揀左鹽酥雞球肉燥飯同椒鹽魷魚鬚配台灣麵。野食同餐飲都好快上枱，夠效率。個鹽酥雞球肉燥飯好重口味，鹽酥雞炸得夠熱，唔係炸好擺係度攤硬哂果種口感，味亦香濃，個肉燥係精髓所在，有點睛作用，加強左成個飯餐既味道，呢個相宜價錢，有呢個味道，叫做交足功課，認真唔話得架喇。另一個椒鹽魷魚鬚都幾好咬，有嚼勁，新鮮炸物基本上係元勝，熱辣辣無得輸，個台灣麵麵質都幾滑，不過湯就淡而味，適合喜歡清淡人士慢用。加錢9至12蚊可揀選特飲，我就葡萄紅茶，味道ok，酸甜適中，幾醒胃，食左炸野可以消下濟去下油膩，而朋友揀珍珠奶茶，都幾似連鎖快冲飲品店質量。價錢相宜，味道不俗，份量大夠哂飽肚，兩個人食才120多啲左右，60，70元不到就有咁既素質，食到台灣野，實確算係咁，性價值就此而言叫ok高的了。抵食

I have not written a restaurant review in my "foodie" journey log with my student for a while. This time we came across this Tainan restaurant. We both ordered Tainan-style beef noodles and a fried chicken as a side dish. The beef was great and the broth was quite surprisingly appetizing with a hint of authentic taste of Tainan cuisine. The noodles were cooked to a perfect texture and the beef was satisfactory. The carrots were the highlight of the noodle soups. What is also worth mentioning was

平時食開一餸米線，就$45左右，但今次想食肉燥，一加肉燥就$57，不過包一杯平價飲品， 仲可加杯芽或珍珠或仙草，都算抵食。不過menu見，有肉燥全部係飯，但其實有寫可以轉米線類 湯粉嫁，我朋友都差點miss 左。其實我10次有9次都係食呢個香芹墨魚餅，之不過今次加左肉燥。記住個墨魚餅要點“喼汁”，好正嫁，酸酸地，好開胃。不過我平炅時外賣回家嘅米線沈成半個鐘都無今次嘅米線“林”，有點失望。而飲品，多數都係飲珍珠奶茶加胚芽，正呀！雖然佢嘅奶茶一般，不過台灣迷都可以頂下癮嘅!要一提，佢位唔多，有時人多，要坐佢租左一邊嘅“練壁位”囉！

接近九點才落腳到太子，走進台灣美食時人也不多了。阿姐算有耐心的為我落單，飲品餐牌很長，她仍樂意介紹我飲不用加錢的特飲。鹽酥雞球香口好食，皮硊夠味，台灣麵條亦彈牙有咬口，我亦喜歡湯麵清清的，整體也算唔錯，份量亦很足夠，自問食唔曬！埋單大概50蚊左右，算是抵食！有機會會再來幫襯！！！

服務態度超差 明明講左要三杯水但係只比左一杯再同嗰個呀姐講差兩杯嘅時候佢竟然極度不願意仲不停怨言 態度極度惡劣 明明佢錯但係就話返我地轉頭 我地本來已經叫左野食但係真係忍受唔到佢不停係度話我地 所以走左 出左門口佢仲係門口不停話我地 究竟我地係客定佢先係

好耐未食過台灣野.....今次既然經過開見到.....就入去食下我最鍾意嘅肉操飯唔好睇肉操飯咁簡單.....因為一間台灣店要受人歡迎....最緊要就係要做到一個好好食嘅肉操飯先至夠吸引裏面裝修都冇乜特別....牆身佈満食物嘅相片都算幾有色彩我就試吓我最鍾意食嘅肉操飯先我同朋友都叫買同一款嘅餐就係炸墨魚餅肉操飯食落去都幾有香肉嘅味道....肉粒都算大細適中.....只係略嫌獻汁杰了小小之後叫多個小食....炸餃子.... 呢個就一般般啊....好乾唔夠脆最後埋單每人＄68總結就係肉操飯唔錯....但係餃子就麻麻哋....所以下次你食都要精挑細選小食先得

一個平日既星期五中午，張生同寶仔係太子搵lunch食，突然想食肉燥飯既寶仔就揀左呢間台灣美食。想食肉燥飯既寶仔見到個餐牌都真係開心哂，因為有超多選擇！有選擇困難症既人(張生)可能比較痛苦 。除左有肉燥飯揀仲有好多選擇，飯亦可以轉跟米線。跟餐會送一杯＄20 台式飲品 原來除左跟餐會送飲品之外，如果叫左四個餐仲會送一款台南小食！！即係一班人一齊食就最著數！！唔怪得見到唔少上班一族同學生都組團黎食啦！係呢到揀一款既話，應係會揀性價比最高既豬頸肉喇！四個人食都好易分！*****但留意小食優惠只限平日11am-2:20pm  既堂食*****可惜今日得張生同寶仔兩個人食，小食優惠就試唔到啦。言歸正傳，寶仔就揀左鹽酥雞球肉燥飯，而有選擇困難症既張生首次決定得最快，諗都無諗就揀左最愛既魷魚鬚(肉燥飯)。 肉燥份量真係好多，可以同飯撈暈，唔怕某部份飯無肉燥食，味道適中。鹽酥雞同魷魚鬚都炸得香脆入味，魷魚鬚口感爽脆唔韌。最令人驚訝既係用黎點既醋，令炸物既油膩感大減，而且非常開胃！ 台式飲品味道普通，但勝在夠大杯，夏天咁熱真係可以飲得好快。(掛住飲而唔記得影相既張寶仔二人表示抱歉）總結： 食品種類多，肉燥

呢間野都食左幾年，每次係mk諗唔到食咩都會食佢。都算加左幾多價，不過都仲接受到😂😂之前會食佢個肉燥四寶但依家太貴了，所以都好耐冇食，同朋友叫2款唔同餸share😂😂😂⭕️雞球肉燥飯 呢個係all time favorite，佢另外有個汁跟，個個汁撈肉燥同雞球真係正到爆！但今次d雞球有d炸得過火，希望下次正常翻😂⭕️豬軟骨肉燥飯呢度d豬軟骨個醬係酸酸地，份量幾多，但今次食有d硬，希望下次淋d😂😂 ⭕️珍珠綠茶走糖走冰呢度既綠茶苦苦地勁正，珍珠麻麻😂😂😂⭕️咖啡珍珠咖啡幾香，唔會死甜，不錯！

聽老闆話, 佢地係台灣過來開的肉燥飯店！肉燥飯和台式飲品都令人覺得自己置身於台灣既感覺！ 按份量黎講！ 無論個飯 或者被飲品都係大份量！ 足夠飽！ 魷魚肉燥 雙拼就係我fav！ 魷魚炸得好香 唔會太焦！ 而且細細條Q感好足！肉燥係呢間舖既主打！ 好香！ 足味！ 送飯一流！ 真係可以令你食曬成晚飯！ 其實最愛就係被奶茶！ 飲返以前的味道！ 而且大大杯！ 而且唔會過分甜！