台食館 (豉油街)

营业中

休息中

喂！呢間野發生乜野事，睇到呢篇食評嘅人如果唔介意入面問題嘅就即管入去啦服務災難級，真係災難級！未試過落單可以連續落錯4次，個侍應好似完全冇帶腦返工咁！落單嘅時候，同佢講野好似呆下呆下咁，都唔知聽唔聽到落d咩野單...我4條友入去食叫餐叫4個餐1個小食，第一次出單見到個侍應原來只係入咗兩個餐，4杯野飲，喂大佬，我呢度4條友呀，用下個腦啦，正常入機嘅時候都覺得奇怪啦呀嘛，點會4條友只係叫兩個餐呀，唔記得咪返嚟問囉，夠膽死真係照出張單過嚟...之後4個餐好自然就跟4杯野飲架啦，點會分開入單架，分開入個飲品價咪錯囉！咁杯野飲咪變咗正價囉！正常都唔會咁落單啦...然後後就係杯野飲！叫珍珠奶茶就嚟咗杯醇香奶茶，同佢講嚟錯就話咩加珍珠要另加錢，頂你！係叫珍珠奶茶呀！唔係醇香奶茶+珍珠呀！完全係冇帶腦返工的表現嚟！最痴線係個侍應冇帶腦嘅同時，一聽完就想搶張單去加單架喎。最後食完野，諗住問佢有冇紙巾，個侍應一聽完就即刻搶張單去加單，一路走一路話唔知幾錢一包。喂你要加錢我地唔問你拎啦，問都唔問就搶張單想加單。落單又成日落錯轉麵轉粉廚房入面又唔睇清楚。另外環境惡劣！間舖滴水，我明香港地好多舊地方都會有漏水問

上次食完，對麻辣拌麵念念不忘，所以再食-點了1️⃣鹽酥魷魚鬚麻辣拌麵$65 + 2️⃣小香腸蛋餅$38+3️⃣夜市香腸麻辣拌麵$60，一共$103 - 1️⃣鹽酥魷魚鬚麻辣拌麵$65 魷魚鬚依然同上次一樣，炸得好好味，而麻辣拌麵味道亦無失準，都係同之前一樣，略嫌唔夠辣，如果再麻辣的一定會更加好食-2️⃣小香腸蛋餅$38小香腸蛋餅即叫即整，不過上次叫既起司玉米蛋餅比較好食D-3️⃣夜市香腸麻辣拌麵$60香腸冇咩特別，但朋友好鍾意食客-食物份量多，好味又食得飽

4人食，坐中間位，其中嗌左碗大腸麵線，一上台便詢間有冇胡椒粉，丫姐一句”無”，就走開，心諗下？胡椒粉都唔比？算。其他食物還好，叫左滷水拼盆，有點咸。炸魷魚就出色好食，牛肉麵都不錯。但食食下突然開勁大風冷氣，吹到啲食飯凍哂不特只，仲要勁凍，同行有個大隻男士都覺得凍，於是叫店員可否關細點冷氣，個丫姐一句話”唔可以”，真係當堂嬲左？再問等二個丫姐，個答”唔得”。 兩個服務員既態度差到極點。我明白餐鋪細，可能有點焗，但無必要到咁大風，同埋就算唔得 都可以講 例如: 唔好意思，因為點點點，所以要開到咁大風” or “唔好意思，或者我幫你關細少少”。 咁樣會更好。所以就算好食，個兩個丫姐既態度實在欺人太甚，不會再去！！

12:00仲有好多位就入去試下叫咗兩位野食1️⃣鹽酥魷魚鬚麻辣拌麵$65 + 2️⃣起司玉米蛋餅$38，一共$103🍽1️⃣鹽酥魷魚鬚麻辣拌麵$65魷魚鬚炸得好味，麻辣拌麵味道亦都唔錯，略嫌唔夠辣，如果在麻辣的一定會更加好食🍽2️⃣起司玉米蛋餅$38至於起司玉米蛋餅，即叫即整，好香芝士同蛋味🍽隔離阿木台灣麵排長龍，如果想食台灣嘢呢度都係一個好選擇🍽唯一挑剔嘅係，店內衛生嘛嘛，枱枱櫈櫈黐立立之外，餐具亦有污跡

點了兩份食物有台灣的外形賣相,但跟台灣地道相距甚遠服務員的口臉好似想趕你走一樣,因為我阻礙了她的發呆嗎只有個別炸物比較出色還有晚餐時間也只係三幾個客,果然係有原因的想感受"0"服務既可以一試

第一次幫襯已經有不愉快嘅體驗 首先落單嘅阿姐態度惡劣 隻眼長期癡喺天花板到 仲要不斷打斷我講嘢 隔住個口罩都feel到佢個樣勁不屑！嗌咗個外賣綜合滷水飯餐 啲豆腐已經壞壞哋陣味變酸 仲要有啲臭味 其他滷水餸都好普通 完全唔知點解可以值$69 簡直係垃圾👎🏻👎🏻👎🏻垃圾店 唔會再幫襯😡👎🏻

今日突然好想飲珍珠奶茶，但疫情期間又唔想隨街除低口罩去飲，經過見到呢間，選擇都幾多，點知結果完全中伏。仙草奶茶🥤奶茶底都叫做ok嘅，但仙草就……食落口竟然覺得好甘，差d以為自己入左涼茶舖🥴，真係未食過呢款味道嘅仙草。黑糖珍珠髒髒乳🥤叫得做乳，應該係好濃厚嘅鮮奶味，但只感覺係一杯多奶嘅奶水；珍珠仲攞命，佢係細珠，但竟然細珠都可以係煮唔透，食落個芯係仲硬硬地嘅，而且太黏，完全食唔到珍珠嘅煙韌口感。葱油餅叫做正常少少，煎得夠香嘅，但唔夠鬆，葱味亦都唔多覺。一間台式餐廳，連最基本嘅珍珠奶茶都做唔好，其他食物真係好食到值好評?! 我真係唔信，一定唔會有下次光顧。

旺市中唔太突出既店鋪，本身係唔會特登去食，係無意中見到食物種類多，價錢亦唔太貴，就試左佢個鹽酥雞滷肉伴麵，份量睇落正常，但食到一半就已經飽左，麵質唔會太軟，有咬口，雖然深色，但唔係好鹹，好味！鹽酥雞份量多！再一個小食大拼盤，魷魚鬚好食！甜不辣超好食！香腸ok，甘梅地瓜ok，滿意既一餐~

我哋一坐低落單 個姐姐已經係咁反覆確認張單啲嘢食 點知都係可以落錯單我哋係嗌一個面辣一個面唔辣佢都係落咗兩個辣嘅面😑杯嘢飲我哋喺嗌熊仔冰上到嚟又係冇熊仔冰嘅😀問題係仲要有曱甴囉‼️‼️‼️店舖衛生好有問題‼️不能接受有曱甴好啦碗野我淨係食咗一半佢幫我cancel咗個碗野但其實我都冇胃口再食其他嘢🖕🏻杯嘢飲好貴 $29 我已經一啖都唔想再飲😀我哋仲嗌左個肉鬆蛋餅 都唔好食囉😑之後我話叫店長過嚟 原來就係幫我哋落單嗰位阿姐😑😑😑叫佢取消張單去打電話去俾唔知邊個等咗勁耐 又喺度講話咩呢張單係跟餐完全唔知佢講乜野我完全聽唔明佢講咩囉😑真係多謝晒 唔會再食！

返工要四圍出site，今次去到旺角，放lunch見到呢間台式料理就盲鐘鐘入左去。點知CP鬼咁高呀！我地分別喊左：香酥綜合便當 $65: 滷肉飯好食，唔會太咸，碎肉大有咬口，唔會得pat醬。啲炸物都唔算太油，熱辣辣食入口好正。香腸雖然油但好食，係咸甜既台灣夜市風味～仲有少少蔬菜，可以解油膩感。仲要係炒過，少許調味又好食的，唔係白洽。醬軟骨滷肉便當 $53: 醬軟骨滷肉便當既醬汁似係滷肉汁lol，但好食的。不過就厭佢肉質有點柴，唔係軟淋口感。每款便當配菜都一樣。芋泥肉鬆蛋餅 $36: 當其他餐廳都賣緊$4x既蛋餅又唔係特別好食既時候，呢間蛋餅簡直係曙光！佢有台灣最hit既芋泥肉鬆口味，好食之餘又平，完全令我忘記左佢其他食物既不足。芋泥壓成漿冇粒粒口感，覺得咁樣係搭ｄ！肉鬆入面係咸蛋黃，蛋餅皮有加蔥，平衡番芋泥同肉鬆既甜味，咸咸甜甜得黎又唔突兀，好好食！每人都加左8蚊跟餐個凍珍珠奶茶。碟碟都勁大份，超抵食！

台食館💚蕃茄牛肉麵 $62手作芋泥蛋餅 $31小食拼盤(蝦卷 黃金豆腐 甜不辣 廿梅地瓜) $65黑糖珍珠髒髒乳 $20(跟餐價)-蕃茄牛肉麵 個蕃茄湯底好濃郁唔會話太hey真係會有蕃茄喺入邊仲有紅蘿蔔添👻仲有少少蔥同埋芹菜加啲湯嘅香味😋啲面有啲似刀削麵偏闊同埋薄煙銀適中💁🏻‍♀️佢呢個仲可以免費轉幼麵．手作芋泥蛋餅 齋芋泥好似真係有啲寡不過佢本身係推薦芋泥肉鬆可能呢個就會多元化啲不過芋泥配上去 甜甜地感覺都幾好味😋真係節晒出嚟🥰入邊將食到蛋芝士就好似有啲啲🤤．小食拼盤佢上面係會有啲鹽酥雞嘅調味粉但係唔係沈得好平均新鮮熱辣辣👻🦐蝦卷🦐一般般💁🏻‍♀️唔會話太結實入邊好似有豆🍽黃金豆腐🍽皮嘅入邊係有軟滑嘅豆腐但係味道偏淡可能因為有啲冇乜點掂到嗰啲調味粉🐟甜不辣🐟比較扁身雖然都有啲煙韌但我覺得可以再in銀啲🍠廿梅地瓜🍠好大支野🤣勁粗但有啲失望因為佢上面冇嗰啲梅子甜嘅調味粉🥺而且唔係話條條都有掂到嗰啲鹽酥雞調味粉所以就咁得番薯條嘅感覺🥺．黑糖珍珠髒髒乳 好香牛奶味🤤啲黑糖同埋珍珠嘅糖都好香🥰．佢另外仲有個辣醬喺側邊俾你自己點呢個辣醬堅係辣嘅🤣🤭-5/9 eat唔寫得好詳細㗎啦💁🏻‍♀️不過個冷氣有

近來喜愛拌麵中午路過餐廳唔洗等就入去試下叫左鹽酥雞滷肉拌麵麵質適中，合理台灣麵質拌醬足夠拌成個麵，滷肉較少，花生爽口，酸菜微酸，醬汁有少少花生醬味，加上以上配菜不錯再講鹽酥雞，大塊，份量不少，表皮幾脆口，咬開後都見肉多粉少，但肉質唔夠嫩，味道適中唔算鹹，但味較為單一算係普通鹽酥雞隨餐叫左杯醇香奶茶，少冰少甜，茶同奶都唔算香，甜度適中，但口感較水，味道非常一般總結而言，拌麵可試但無需期待，大概係間唔中想食就黎過下口癮奶茶就不了，可以試點其他飲品會更好不過要讚嘅係侍應姐姐好好，人無咁多時會主動問我調唔調位，令我無咁逼，要讚😆

政府疫情關係再次禁晚市六點後堂食，經過見到有台式下午茶一於去試下，$38蚊下午茶包一個主食，3款小食及一杯餐飲。價錢都正常，合理。款式都多選擇，點選左滷肉拌麵、麻辣拌麵主食，小食方面點選了鹽酥雞、小香腸、蝦卷、花枝丸、地瓜。份量方面都正常份量，主食拌麵味道還可以，有花生粒，至於小食之中，小香腸味道最好味，地瓜同鹽酥雞味道還可以，其他則較一般。飲品方面，凍奶茶及台式咖啡都需要加錢，味道偏甜奶味重，珍珠奶茶更需要加$15。

叫左兩個蒲燒鰻魚飯，一個大雞排。條鰻魚好似死左好耐，好乾冇仼何一滴鰻魚汁，問侍應可唔可以比少少鰻魚汁，個侍應話冇唔好意思。Okay 算。個鰻魚飯係滷肉飯底，個滷肉飯味道好淡，一個基本滷肉飯係用豬油做汁，但好明顯呢個冇，啲飯冇滷肉味仲冇油光，唔知佢係唔係為食客健康着想完全唔落豬油，明明我食呢個飯都預左少少油，但我真係食唔到。講下塊雞排，比正常脆多少少，又係冇油，冇乜驚喜，可以行過隔離街食豪大大，完

記得很久之前都有試過一次，上一次印象還不錯，於是這次又到訪，但是這次試了豬軟骨飯，豬軟骨不算軟爛，味道一般，小食拼盤，還算中規中矩，不過鹽酥雞也不夠嫩，番薯條梅子粉略少，香腸，炸魷魚還可以！芋香奶茶的珍珠都黏在了一起