台食館 (豉油街)

营业中

休息中

瘋狂芋泥愛好者又黎啦🫶🏻基本上餐廳有芋泥既都會比呀姐我叫晒😹✨芋泥圓子髒髒乳正價$39 跟餐$29其實跟餐黎講都幾貴下🥹不過芋泥味都真係出 又唔叫太甜✨BB熊珍珠髒髒乳正價$39 跟餐$29BB熊絕對係打卡之選呀😛呢杯味道較甜怕甜記得叫微甜喇👍🏾話明芋泥愛好者 點會少得食物啊💕✨爆餡芋泥肉鬆吐司$38呢個就相比飲品 芋泥味冇咁出既✨芋泥肉鬆蛋餅$36就黎蛋餅都要芋泥🤣🤣🤣其實呢個同吐司分別唔大但加左蛋會特別啲黎得食台灣菜又點少得牛肉麵同鹽酥雞架🫠✨招牌紅燒牛肉麵$59都大碗 另贈送兩條小棠菜牛肉份量都多又唔硬

餐牌食物款式多，賣相都好吸引。 /紅燒牛肉麵/👍🏼👍🏼👍🏼推介！牛肉好嫩，不會難咬，有牛肉味。湯底食得出沒有味精，讚！🍚/滷味綜合便當飯/如果好似我咁貪心，好想乜嘢都試吓可以叫依個飯！一次過食到台灣多款必食嘅小食！雖然味道唔多唔少一定會帶有少少港式，但係喺香港食到呢個味道算不錯了！🍳蛋餅略少，我個人比較偏愛放滿食材，脹卜卜的蛋餅。但這裡的價錢合理，可以算是對得住食物。/起司玉米蛋餅/，如果可以多點芝士就好！/香芋肉鬆蛋餅/，好少有香芋泥肉餡，可以一試！

Hello 大家好👋🏻！誤打誤撞嚟到位於豉油街嘅「台食館」今次真係純粹醫肚又唔使等位，所以入去試吓美食攻略：只能用正正常常普普通通去形容，佢嘅台灣牛肉麵有個“👍🏻”諗住唔差，牛肉好多都夠諗身，不過湯底就真係唔夠濃。其他小食都不過不失，佢個花枝丸唔似我食開咁，炸皮太厚了。服務唔錯，都幾有家庭感。美食指數：5🌝最高味道：🌝🌝🌜🌚🌚環境：🌝🌝🌜🌚🌚服務：🌝🌝🌝🌜🌚賣相：🌝🌝🌝🌚🌚

食物質素低劣，出品完全唔熱，珍珠奶茶如奶水，三寶牛肉麵內牛丸、牛冇味道，滷水綜合便當啲滷肉嚇親人，服務員只顧傾計，接單態度冷淡冇回應，檯下櫃筒全無餐具，簡單講「入錯嚟」，嘥錢、嘥時間！

九點幾，喺旺角想搵間嘢食，但係呢個時候已經好多鋪都閂咗，可以選擇嘅真係得返幾間。因為見到佢喺賣台灣嘢諗住都好穩陣，同埋佢有蛋餅所以吸引咗我入去。點知個蛋餅……超頹，仲難食過自己整，用埋啲低級肉鬆，一啲肉鬆味都無。另外叫咗個鰻魚滷肉飯同埋一杯珍珠奶茶，個鰻魚瘦削到呢，又鞋，又冇肉食，仲要收我80幾蚊，而杯奶茶仲難飲過八方雲集買嘅，奶茶無茶味又無奶味，都唔知用咩溝出黎。奉勸大家都唔好搵錢嚟晒，經過都千祈唔好入。

原本朋友打算吃另一家臺灣菜但人龍實在太長唯有轉戰另一個臺灣餐廳見到出面menu價錢合理又多選擇 我地4個就入咗去坐阿姐好快手安排卡位比我地Menu我好衰嫌棄呢度打唔到卡就懶得影相 無幫朋友果D主食影相留念牛肉面蛋餅滷味全部都唔錯！對得住價錢！朋友話想霸氣D 叫咗 軟殼蟹蟹黃肉碎拌麵佢話麻麻地寧願試其他下次可能試多D小食再要D甜品我覺得呢間抵食D小食如果放係小食店未必平過佢呢度比你坐真係幾好

有日約左朋友去食飯，本身想食阿木台灣麵，點知勁多人排隊，最後選擇左去隔離既台食館我地叫左軟殼蟹蟹黃膏肉碎拌麵（轉飯），起司玉米蛋餅同埋小食大拼盤。軟殼蟹真心不太推薦，雖然佢係原隻軟殼蟹上，但味道好咸同埋軟殼蟹味道一般，唔太似即叫即炸～三樣食物入面我最欣賞既係蛋餅，粟米同芝士既配搭真係無得輸，仲要熱辣辣新鮮整好上枱，令人好懷念台灣既味道不過老實講，下次我都係會排隊食番阿木

同食貨女友經過見到個牌唔錯，又有位所以入左去試，叫左幾樣野都係得個樣，鹽酥雞好重味精，麵又太乾，野飲又太甜，炸魷魚一咬落去成口濕麵粉甩晒出黎，又唔熱，唔知放左幾耐，冇試過飯同湯麵，但平平哋想試你可一試我一次就夠了

之前食過呢間台式餐廳，一路都想再食，終於有時間過黎食多次《紅燒牛肉麵》價錢唔算貴，但份量都唔少！台灣手工扁麵好粗條，口感十分煙韌，好好咬口。掛湯力強, 充分吸收到牛肉湯既鮮味。厚切牛肉，肉味十分濃郁，入口軟腍，紅燒味濃，而且有層次感。湯好好飲，有藥材味，覺得好補身，好飲到成碗湯都飲曬！5/5  必試！《台灣蔥油餅》蔥油餅唔算厚，但煎得好香好脆，台灣蔥既味道出曬黎 今次貪心點多左，食完牛肉麵太飽食唔曬，食左兩塊就打包返屋企俾老公食4/5  值得嘗試！

禮拜日同friend去旺角行街，想食個午餐先，見附近好多餐廳。左揀右揀我哋揀左呢間，friend話佢門口餐牌好吸引我哋叫左鰻魚滷肉便當，自家製手工水餃同起司肉鬆蛋餅（兩個女仔食甘多）鰻魚滷肉便當既鰻魚勁大條，味道同日本餐廳既一樣，但係價錢平好多。呢度滷肉飯分量幾多， 有時啲鋪頭滷肉飯真係細到得兩啖，呢度嘅滷肉飯，我哋每人都分到一碗！勁抵食！爆汁既韭菜豬肉水餃，皮非常薄，配上特製酸甜汁蘸料，好好味我個人比較鐘意傳統蛋餅，例如肉鬆芝士口味，所以叫左一份來試下。果然冇失望，超級好食，必點！飲品我哋叫左兩杯凍檸水，一杯跟餐得$5

之前就想打卡呢間台食館，今日終於有機會係旺角一試，但食左就知冇下次!首先落座就睇到張台上有烏蠅。睇菜單陣時發現地面都有死烏蠅，仲有好多蟲飛到個餐盤度。ok，落單叫作左雞絲拌麵同香芋奶茶。雞絲拌麵分量ok，青瓜有小小無新鮮的酸味，麻醬食到後尾好膩...跟住係滿懷期待既香芋珍珠奶茶。珍珠好硬同埋漆埋一齊，奶茶叫作半糖仍然甜到飲唔落肚。奶茶做到咁難飲都唔容易。食嘢期間仲要小心烏蠅唔好落到碗度…唔知咁樣的環境同食物質素點樣吸引到顧客。希望今晚唔好屙肚。大家唔好中伏。

有日夜晚去旺角行街，想食既餐廳都要排隊🥺結果求其去左呢間唔太起眼既台式餐廳，可能因為原本我地無咩期望，呢間台菜比想像中好同夠哂平價滷味綜合(豆腐、滷蛋、甜不辣、大腸、牛肚) $68份量好足，樣樣都唔錯，牛肚唔會咬唔爛同韌，大腸滷到入哂味😍甜不辣食落煙煙韌韌咁，再落d辣椒油就更加惹味，$68有一大碟滷味抵食👍🏻鹽酥雞排滷肉飯 $63鹽酥雞排睇落好似會好乾咁，但食落又唔會喎😋雞排外皮炸得唔錯，有椒鹽香，但雞排厚d會更好😂滷肉肥瘦好分明，肥瘦比例55，怕肥肉既朋友注意🐷大腸麵線(大) $38夠哂大碗，好多大腸，湯底有濃郁柴魚味😋麵線唔會好散夾唔起，不過個人覺得略為杰左啲，食到後面會覺得有d膩😅

一個在旺角工作的朋友 一直都向我推介他工作附近有一間台灣餐廳很好吃，今天終於有機會一試，果然沒有令人失望！入到店內，很有台灣氣氛，座位不算很多，但播著台灣歌曲，一秒到台灣！朋友推介魷魚須滷肉拌麵，說一定要試下。魷魚須真的好酥脆，又不油，相信朋友的話果然是正確的。滷肉也十分驚喜，入口即化、肥而不膩的，甘醇香口，用來拌麵很好吃。手工麵條十分掛汁，和滷肉汁非常match。唯一不足的地方是麵煮得有D淋，建議煮短D時間會更加好吃。

呢間台食館鋪頭細細，入面啲店員好似都係台灣人黎既，落單既時候都係講國語既，感覺好似一秒去左啲台灣小店咁🥰餐牌價錢唔貴，大部分都係$5x-$6x，仲包嘢飲，幾抵食。1⃣️鹽酥雞滷肉便當（$50） 滷肉唔算特別入味，味道正正常常，滷肉汁甜甜地拌飯食唔錯👍另外配料有啲雲耳、青菜，飯好多，最後都食唔曬🙈鹽酥雞細細粒有好多粒，面頭係灑上左椒鹽粉，食落炸得夠脆夠香。午餐仲有跟嘢飲，有得加錢要珍珠奶茶或者其他其他台式特飲。  2⃣️鹽酥雞麻辣拌麵（$55） 麻辣拌麵好有麻香🤤唔算辣，但係陣麻香食落係幾正。配料有啲青瓜絲、榨菜、花生，整體口感味道都唔錯。鹽酥雞一樣係好多，粒粒炸得薄脆又香口🥰  3⃣️起司肉鬆蛋餅（$38） 蛋餅唔錯～皮係偏煙韌有少少咬口既果種，肉鬆有少少潮濕😬不夠味道係出既，配合埋芝士味，同埋面頭醬油膏，味道唔算好驚喜但係唔錯～而且入面件件都足料，唔會頭尾冇餡😋  

地方唔大。座位有啲狹窄。好傳統嘅港式台灣餐廳。叫咗紅燒牛肉麵同埋小食拼盤紅燒牛肉麵嘅湯底有藥材味。唔會死咸或者死甜。覺得個湯底OK。牛肉方面都幾多下。似係牛肋條。牛肉煮到非常之入味同林。細細力咬就散開晒。鍾意煮到咁林嘅牛肉。面係粗面。都幾有咬口。幾十蚊一碗麵算係咁。小食拼盤嘅話，可以喺八款小食裏面揀4樣。揀咗甜不辣，炸花枝丸，炸地瓜，同埋鹽酥雞。呢四樣嘢都揸得不過不失，不過覺得可以再查耐少少。尤其是係個甜不辣。花枝丸冇咩味。最鍾意都係炸地瓜同埋鹽酥雞。