叻仔記小食

营业中

休息中

太子店叻仔記串燒#宵夜必食推薦個人覺得串燒密糖紅腸勁好味 😋。又厚切。又香脆。外脆肉厚。紅腸內係冇肥膏架🙌🏻。本人覺得超級爆好味🤤另外個腸粉都好正。膠粉都算幼滑（混醬咩都落）。單買一盒腸粉配2串紅腸=$46為食夜貓必去老闆間店開到好夜兩口子做真係好有heart希望頂到繼續做是晚見到好多途人路經都會停留幫親下，都係等一陣就有得食。#支持香港小店本人每次路經太子附近都必定會食返串叻仔記串燒蜜糖紅腸辣度同老闆講 #食過「番尋味」#叻仔記隔咗幾日寫食評為支持小店一邊寫一邊又心思思想食🤭😂🤣

之前有鄰居經過呢度話啲串燒好得。去開附近就兜入嚟睇吓，不過我就唔係叫串燒。因為之前鄰居share嗰啲串燒望到個餐牌有泰式燒肉。咁就心思思想過嚟買燒肉返屋企加送。買咗一份，原來係即場燒豬腩肉，半斤嚟講份量都幾足兩條厚厚的。見過店員銷晒四邊，本來塊豬皮望落去滑嘟嘟，見佢燒吓燒吓就開始爆皮，不過見到燒焦坑紋，有啲擔心。但係後來切之前，店員用把刀刮兩刮就刮甩晒啲黑色嘢，但係塊皮仲係完整無缺。望落去實在太靚仔，忍唔住食咗嚿先。塊皮真係超到脆卜卜個肉唔會鹹。跟住返屋企先至試埋佢個辣汁超過癮。本身店員話俾多一盒喎，我就冇特別要。不過下次外賣嘅時候如果佢係個膠盒上邊可以開個窿就好啲，因為焗住返屋企都怕焗到佢會冧。我就問店員借咗把鉸剪剪咗兩個窿，返到屋企d燒肉仲係卜卜脆。呢間都值得book埋去encore！

燒韮菜原來咁好食真係估唔到呢又抵食正😄可以辣或唔辣都得我就食唔辣燒冬菇，原條茄子都正，入味得來香甜不過我最愛都係韮菜落左單一陣就燒好盒仔裝住用埋八達通俾錢正呀一流

平靚正宵夜推介😋去左呢到買串燒外賣叫左韭菜貢丸墨魚丸沙律丸同牛肉豬肉串好味到影唔切相😹沙律丸有驚喜 好好味 咬開入面有汁好正肉串落左孜然粉啱啱好會再encore 😋

話說我個日係染完頭髮之後 想去幫襯下旺角嗰啲黃色小店 點知已經閂晒 咁我唯有一路行一路搵 之後想食摩芽雞蛋仔 但係又閂咗 係我絕望之際 我見到呢間鋪頭前面有人等緊 我一search 小黃店黎既💛我就去咗買一個腸粉完全冇令我失望😍😍😍·腸粉 $10我本身唔諗住影相架 因為我要趕車返屋企 點知食左一條仔 超滑 超好味 而且佢個麻醬好smooth好幼細😍😍推薦啊🥰·#rbyeat #rby太子 #rby小黃店·📍太子砵蘭街408S號華益大廈地舖

據上次食過去地既腸粉和魚蛋後.今次特意來食佢既BBQ,因老板話呢樣係鎮店美食.誠意推介. 醬油燒雞比$18:自此食過之後,我連續幾晚幫親左第三隻.味道做到外脆內嫩,份量剛剛好. 不過順提要有耐性先有好嘢食.因係即叫即燒. 雞軟骨,勁有水準,唔知點解去比其他鋪頭大粒,好有口感. 燒韮菜和雞比菇:我叫個老世加ｄ辣粉試下,果然提升鮮味......好味道. 牛舌:就見人地食,佢就話調味得唔錨. 

魚蛋:比出面d魚蛋檔更有魚蛋味，應該喺d好貨，加上問過個老板，d咖哩和辣味係自己特別配制，認真制作。腸粉:係直得推介既小食，d質地同深水埗既老字號檔口比較，它的囗感和滑度，一d都唔輸蝕，加上醬料芝麻，一試難忘。Good