吃茶三千 (V Walk)

营业中

休息中

平時係南昌v walk食飯，經過見到呢間新開的奶茶鋪，見到佢勁多人試，一於買兩杯黎飲下。原來呢間鋪頭嘅茶全部都係即叫即冷萃，一定唔係預先沖好嘅隔夜茶。國王珍珠奶茶原來係佢間鋪嘅招牌，紅茶底加厚奶，茶味同奶埋都幾平均，唔算係茶味好重，我覺得適中。我最鍾意佢嘅珍珠，夠晒大粒，係出面珍珠嘅1.5倍，又好咬口，甜味夠，出色。另外叫咗杯時令鳳來密冰茶。係新鮮鳳梨汁，加上水仙桂花，飲落幾清新，鳳梨味重，加上纖肉果子，即係寒天，食落都幾fresh.加上佢嘅環境，可以坐係度嘆返杯茶，望下街景，都幾寫意！

《吃茶三千》因為屋企行過少少就係南昌，所以有時唔個去邊都行去嗰邊既v walk 行下街！見到開咗間新既台中人氣茶飲店，主打現萃茶湯，仲有部特製既萃茶機現萃6款台灣高山茶！個外帶包裝仲好特別同靚！即刻買嚟試下！🍭國王珍珠奶茶($34)其實我最鍾意呢間茶飲店係佢採用低糖配方，分咗完美/輕盈糖度，完美係出面既70%，輕盈就係出面既30%～ 呢杯叫咗輕盈，飲落去真係唔會好甜！飲得好舒服，而且啲茶味都好出同香濃！珍珠係好彈牙唔會一patpat~~ 而且份量都唔少！🍭鳳來蜜冰茶($38)見到有介紹佢個鳳來季係拎咗獎同每日只限首150杯，緊係叫嚟試下！呢杯成份係有鳳梨湯、水仙桂花、百花香蜜同埋纖玉菓子～ 甜度會影響蜂蜜既份量，所以我order 咗正常甜度～ 呢杯相對會比較甜少少，但飲落都好清香！

見到一出地鐵站係vwalk有間新嘅台灣手搖飲品店，就買咗兩杯飲品試吓，見到佢哋推介六款萃取茶，今次試左個水仙桂花密同埋個熔岩黑糖波霸鮮奶！佢哋嘅外賣都好貼心用麻線索著比你拎，唔怕會拎到手好凍😙兩杯入面個熔岩黑糖波霸鮮奶比到驚喜我，真係好好飲，個黑糖鮮奶都好融合，令到黑糖同鮮奶味道都好平均，唔會覺得好甜，佢嘅珍珠都好煙韌，整體來講我覺得係好值得試嘅一杯黑糖珍珠鮮奶！黑糖珍珠鮮奶佢係固定糖和冰。水仙桂花蜜係用台灣嘉義水仙桂花做嘅萃取茶再加蜜糖衝出黎嘅，佢嘅甜度可以揀少甜，水仙桂花嘅味道清淡得來都好濃桂花味道，再加上蜜糖，真係啱晒夏天飲！

冇得走冰，返到屋企自己人手去冰，啲冰有超過20粒，太誇張了。倒完冰杯野得返三分二，飲兩啖就冇了。飲咁多間，呢間最誇張………………..甜度固定 太甜了！唔會有下次。

V walk又開多咗間茶飲店，望個menu覺得整得好靚(笑)&感覺好新鮮，唔係平時一般見開嘅款式。可能真係飲得太多奶茶類，所以嚟到呢度就揀咗兩杯望落好fresh嘅飲品💛包裝好特別，個個買完都會拎住喺招牌位打卡🤣松針芒果茶 (少冰走甜) $30即係松針綠茶+芒果果露💛由於芒果本身都好甜～所以店員建議我走甜🤣飲嘅時候就係芒果嘅清甜，加埋綠茶真係好好飲啊～～～玉露青檸 (少冰 輕盈50%甜度) $30即係玉露青茶+青檸原汁💛本身店員話嘢飲因為落咗青檸原汁會偏酸，建議我飲正常甜度，但我真係好怕甜😂所以都係要咗半甜～飲落真係有d酸，但我ok呢種感覺🤣夏天飲好refreshing💛※ 店員好貼心! 落單前會講定大約要等幾耐～又會好細心咁講解d嘢飲! 重會建議你可以加咩配料&甜度🥰💛

你應該能明白，我們被你的員工不禮貌地對待時的感受。今日食完野諗住同朋友搵個地方坐低傾偈。朋友就介紹我話呢間野唔錯。。。之後叫咗杯國王兩個人share比完錢，等咗大約15分鐘後，到我攞飲品嘅時候。點知佢個包裝上邊有勁大條麻繩，係我拎嘅過程中癡住咗件衫到，都搞到整跌成杯飲品落地下。。。然後佢哋里面有五個員工，包括剛第杯飲品俾我嘅員工都冇反應，繼續做自己嘢，包括經理都係，果下真係好無助。大家忙我理解，但係你都要處理客人嘅問題，而唔係扮睇唔到就算。。。。。。之後有個員工出嚟清潔完之後呢，完全冇人同我哋跟進飲品點處理。究竟製作多一杯定要重新俾錢。我就企左喺櫃檯等咗好耐，面前嘅員工仲喺度做緊自己野好冷漠咁，等等都冇句，令我感覺比你的員工不禮貌的對待。似當睇我唔到咁，等咗大約5分鐘後我同朋友都唔知可以點做，行過去問岩岩整跌啲嗰杯飲品會點計，佢哋話唔係員工整跌，需要你自己再俾錢買番杯，講白了客人問題，自己負責返，我喺M記或星記通常都會換一杯俾客啦。。更重要的我哋坐嗰兩個位置，應該全日都冇人出去清潔過，桌上擺咗好多上手留低嘅飲管垃圾同有蚊。後話啦：我哋離開咗差唔多兩個鐘之後先發現我留咗袋野喺間分店桌面上

第一次試真係唔識揀，但佢又無招牌野飲，真係令人選擇困難 最後店員推介水果茶，不設少冰少甜，店員說沒有+糖水但見舖頭好多都係新手，仲培訓緊，所以都等了成10分鐘先出到杯茶，平時見咁多人等所以無試，今次見無人先試下，如果趕時間唔建議買味道ok,甜度適中，係真係水果甜，值得再飲，但要等無人既時候

呢間吃茶三千嚟咗v walk 之後先認識佢 都係主打台式飲品😍開業初期爆多人排隊， 原因除咗因為係新開有8折外， 仲因為佢嘅包裝都頗特別㗎！佢用人手穿麻繩取代膠袋，有特色得黎都環保！😉味道方面茶味甘香， 而且幾濃郁！但因為人手穿繩需時，所以輪候時間都幾長！少則15mins, 長則30mjns 都可能有！ 😌不愛排隊的我只能等少人嘅時間先買了 😭

經過幾次都見有人龍的新飲品店,難得經過見到唔太多人,推介海報又有我喜愛的芋頭,芋圓同鮮奶,即刻買黎試下。我叫咗熱飲,按店員指示攪勻先飲。芋頭已煲溶咗沉底,所以要攪勻。芋圓少少的,可以用飲管飲到,質素都唔錯,芋頭煙韌唔會黏埋一堆,最好係飲落唔太甜(雖然實則可能仍然多糖),雖然不太驚喜,但可以再encore。不過提議店主將menu放出面,而家要行到收銀處先有張A4 size menu見到,經過想試都唔知有乜嘢飲。

吃茶三千喺南昌嘅VWalk開咗新分店，見到佢開店頭幾日有8折優惠，即刻同同事一齊試試佢😆 不過唔知咩原因，有2杯招牌「雪芙」飲品都暫時無提供，唯有留返之後再試啦🙈 除咗配搭好嘅飲品，客人仲可以自選成杯飲品，由茶底到調味（例如配皇家厚奶、奶蓋慕思、青檸原汁等等），然後再揀埋配料、甜度、冰度～另外我哋仲留意到佢哋嘅飲品都好有「儀式感」同埋小心思，一杯飲品沖好之後，會由收銀嘅店員逐杯貼上封蓋貼紙，貼紙仲要有唔同款式，跟住再套埋佢哋手工製作嘅紙製杯套🤣 所以成個過程都有少少慢🤏🏼🤣 同埋個紙製杯套雖然都幾堅固，可以用多幾次，不過始終都唔太環保🙈 所講我哋都係要咗一個嚟影下相用就算喇🤭•🥢 國王珍珠奶茶 $34➡️$27.2呢杯珍珠奶茶用咗鳳眉紅茶，飲落茶味幾濃，但茶味偏甘；厚奶令到成杯奶茶變到稍為竭身啲，感覺真係比較濃厚～珍珠份量好多，食落Q彈有咬口，但甜味比較單一，飲到最尾無晒奶茶嘅時候就有啲寡😬整體嚟講比一般珍奶好飲嘅，可以一試～不過呢個價錢同份量，就算有8折都唔算好抵飲喇🙈•🥢 寶島經典水果茶 $36➡️$28.8呢杯水果茶好豐富，生果份量都幾多，有鳳梨、橙、蘋果、檸檬、百香果......

剛巧中午吃飯後路過新開張的吃茶三千，於是一試這排長龍的人氣小店。我叫了國王的珍奶，茶濃香濃適中，珍珠口感十足，雖然已叫了50%甜，不過仍然略甜，這是唯一的缺點。另外現新張期間有八折，價錢合理。