合華咖啡小食 (已結業)

真係完全無諗過放假晨早六點半居然會坐係粉嶺食早晨囉！平時可能剛剛上床瞓乍！是關係粉嶺搭車去行山，所以文廸姐建議依度食。今日登高由粉嶺出發，收到風長華邨平台食肆將會被領展霸權全面收回，年尾死期前黎幫襯多次啦！朋友們都仲未到，咁我食先唔客氣喇。太陽蛋豬扒沙嗲牛出前一丁，第一次幫襯當然整個基本先啦。賣相井井有條，擺位得宜，香噴噴熱騰騰，good！太陽蛋豬扒沙嗲牛出前一丁，雖然麵條煮耐一點會入味一點，不過依個麵質對我黎講實在太腍喇，爽彈先啱我架。染成深色既滑溜溜軟棉棉麵條，湯汁味特濃，別有一翻特色，跟我阿媽煮即食麵一模一樣，泛起一絲童年回憶。豬扒味道唔錯，質感鬆多左一點點喇，過腍不過煎得香口，微微肉汁未算乾涸。自家沙嗲牛，略乸不過份，味道香而不濁，食得過，滿意既。大路普通辣椒油，微弱辣味帶少少香口，不過不失。金牌麵餐豬扒火腿牛肉太陽蛋出前一丁，第一眼已被深深吸引，似乎非常豐富，貪心又大食的我實中啦！$36 蚊勁平勁抵食呢，平過紅磡十蚊呀！湯底味道係出前一丁，但麵質完全唔似，粉口過腍又溶溶地，好黏嘴呢！似大江麵多過出前一丁。金牌麵有點失望，跟我想像差太遠。過份乸豬扒腍劈劈滑潺潺，薄切煎到乾硬鞋，

不經意地，光顧合華都超過十年光景，但凡事總有分離的一天，聽聞老板娘不再續牌，明天便是最後的一日，雖然食物水準一般，但心中總是覺得不舒服。午餐沙爹牛肉麵麵底多年來都是未淥透，算了吧! 牛肉醃到肉質鬆散又無味，又都算啦! 加點辣油刺激下味蕾。餐肉火腿雞蛋配方包方包軟熟，其他幾樣食物都有煎過，熱熱地幾好。凍檸檬茶又是糖水一杯，有時候就算是最後一日，也應該盡做到最好，大廚也未免馬馬虎虎了。兩星期後再經過，不單人去樓空，部份裝修開始拆去，心中不無感到唏噓。

公司三文治與一般的公司治不同 有咸牛肉炒蛋嫁😁 饀料不得了 由上至下數起: 咸牛肉炒蛋餐肉蕃茄沙律醬芝士火腿 以三塊香脆多士夾著😆 這看似你我在家也能做到 但$26就可慳番煩複既工序 大滿足😁😁濕河又姐係時菜肉片炒河今次稍為有點失準了 河粉淋身 大部份也黏在一團 比起上次食既粉 缺了彈性 不過餸依舊地多ㄟ(￣▽￣ㄟ)其實黎大排檔係食人情味的

不敢再試上次的米線了, 太軟. 還是要叉意安全點, 當然不期望叉燒會充滿燒烤香甜味, 只要它不韌, 湯底味精不重便可以. 方包夠軟, 太陽蛋一般, 無散開也接受. 最重要是我付的是其他茶餐廳的茶餐價, 而吃的是午餐, 當然份量介乎兩者之間.看來不少是熟客, 侍應一見便知對方要什麼. 透明厚膠布垂下作屏, 隔開外面風塵. 這次點幾到, 職員較忙, 沒有像上次我邊吃, 他們邊抹地了.

行完山匆匆吃點東西趕上班, 最重要便宜夾飽. 記起以前行山後到過這兒某大排檔吃下午茶, 於是再找找. 這個時候部份大排檔未開始營業. 這些排檔全都不會太講裝修, 冷氣也不會太夠, 地上也有點滑. 我去到此店時職員不時在掃地抹地. 大部份客人要了碟頭飯麵, 我卻怕吃不下那麼大碟. 酸辣雲南米線: 米線太軟, 酸辣材料也不像一般雲貴版本, 比較像普通的榨菜加酸味凍檸茶: 水準一般, 不好不差火腿奄列+白方包: 方包夠軟, 奄列有點點不夠滑, 但仍合口味

今朝我一個人，一心想去祥華熟食檔食個地道早餐，第一次去，叫左沙嗲牛肉通，煙肉，炒蛋，油多，熱奶茶。沙dat牛肉通，味ok。煙肉,多油。炒蛋，太多油，最後我要用麵包吸油。油多，加個少少牛油收多我3蚊。本人認為食物的衛生情況比較差，所以一定唔會再去。

只要是趕時間，合華的確是一個上佳選擇。由坐低至起身，不到十五分鍾，午餐有五款選擇，就連例湯都有紅白中三式，夠多完化了吧？今次先來一份咖喱腸仔雞翼飯，咖喱汁不會太辣，但似乎質感太濃稠，吃起來有漿糊的感覺。例湯是青紅蘿白湯，比較淡口，但總好過無。最後為了要夠快，改凍飲，結果三隻字走得。

每次趕返工,又要先食午飯,大多數會來一個快餐.湯是青紅蘿蔔煲豬骨湯,可能火候不足,湯呷一口已經覺得有點淡,不過例湯大多如此,亦不必理會.豬扒火腿飯配咖喱汁,咖喱汁其實處理得不錯,至少不會杰撻撻,香味不算不差,辣味亦不會太嗆,但豬扒是失色得多,咬落比較死實,不過雪貨不用心處理,出品大概都是這個表現,要快要飽肚,的確是一個不錯的選擇.有湯有飲品亦不過廿幾蚊,仲想要求什麼?

要趕返工,又未食飯,論快捷呢度可以話高速.快餐基本上每日都係果幾款,係得A餐會每日改改.豬扒火腿飯(蒜蓉汁) : 先上檯係紅蘿蔔湯,雖然係例湯,但今日幾乾燥下,飲碗湯潤一潤都可以既,至於豬扒火腿由落單到係我面前,前後唔夠五分鐘,快到吖!豬扒跟火腿各一塊,上面淋上稠稠的蒜蓉汁,豬扒當然地是雪貨,因為無乜肉味,而且煎到過火,死實實,至於火腿好大路,蒜汁幾香,但個人唔太喜歡太杰茨汁,都唔知食飯定食汁.凍檸檬茶都係加一蚊,又真係好相宜,坐低食完走,二十分鐘之內完成,趕時間真係一流.

三月廿四‧陰天 又來粉嶺練跑，是日就在這邊吃西式早餐。話說西式，但在落單的時候，卻見有一味銀針粉在餐單上，不嚐此味久矣，就來個銀針粉加餐蛋的組合。 銀針粉很爽身，浸得透，沒有粉味，加上舖面的蝦米、冬菇及蔥花等等，吃起上來也真的幾「家鄉」。可能自少已吃慣，比較起公仔麵，我更喜歡吃銀針粉及瀨粉一類的東西；銀針粉不錯，餐蛋甚至乎牛油方包都很欠缺誠意，皆是凍凍又硬硬的，提不起吃的興趣。 咖啡香濃，水準比同一個地方的其他幾間店子好。 埋單廿蚊，不要以為偏遠的北區吃早餐會便宜，比中環的還要貴。

星期日，早上竟然沒有胃口，只吃了少許東西，所以不夠十二時已肚餓。晚上有飯局，所以不想吃太多，於是去大排檔吃一個便宜午餐，貪其有凍奶茶。點了一個茄汁雞扒火腿飯 + 中湯 +凍奶茶少甜。茄汁雞扒火腿飯：雞扒大、飯多、但茄汁酸了少少(平時吃黑椒汁的)；中湯：不太味精--一般；凍奶茶：一貫大排檔水準，ok！只是廿一元，包括凍飲，抵！

此食店由小時候開始吃，到現在仍屹立不倒，食物仍然不錯。21元一個午餐，有湯、飯和凍飲，對比現在的物價是非常便宜，如你愛大排檔風味的話，可以一試。本人最愛這裡的黑椒雞扒火腿飯，貪其雞扒大和黑椒汁夠味，不過你要有心理準備是每次的汁都是有少少味道的分別，不過仍然夠辣的，另沙嗲牛麵也不錯。便宜的價錢可享受舊有大排檔風味，絕對值得。