合興車仔麵

营业中

休息中

合興車仔麵今日一早約咗朋友行山，行之前梗係要食飽個肚先起行啦。咁我地揾咗冇耐就行咗入合興車仔麵食個午餐。由於係疫情期間，好少人選擇堂，但店外既外排隊買外賣既人係冇停過既。而係疫情呢段時間佢地都推出咗抗疫麵餐，好抵食！合興比食客揀餸既種類正常，而湯底方面就可以選擇清湯，滷水汁，腩汁同埋辣汁。行山之前我地都唔食得太油膩，廢事行行下要揾廁所，所以我地咗滷水油試下。 ps 我地見到有人叫咗大辣，湯底呈深紅色，而且睇落好杰身下，喜歡食辣既朋友可以試下！咁我自己就揀咗韮菜餃，芝士腸同埋豬大腸，而男朋友就叫咗芝士丸，滷水豆腐同埋豬脷。落單後十分鐘到就上枱啦。芝士腸品質正常。韮菜餃都算幾大隻，肉眼睇都見到佢好飽滿，食落韮菜味幾香，但入面有少少木耳絲，可能係為咗增添少少口感，但我覺得韮菜加豬肉已經係perfect match，有木耳返而冇咁好味。而豬大腸，品質好好，大腸入味之餘亦唔會太韌咬唔開，推薦大家食！而男朋友果碗，芝士丸正常。豬脷份量幾多，而且豬脷都幾厚切，厚得黎唔會太韌，幾好食。而滷水豆腐幾有驚喜，豆腐外皮有好香滷水味，豆腐本身亦散發好明顯既豆味。豆腐好新鮮，唔會一夾就散，推薦大家試下！男朋友仲

好耐無食過呢間車仔麵，主要係因為呢間飯市時間真係好鬼多人，不過終於忍唔住口去食。至從疫情開始佢已經做緊$42五餸麵，不過入到去比錢果陣個伙計都係照當左正價既五餸麵，所以一定要記得同佢講係要抗疫果個五餸麵。咁一碗就要咗雞翼、豬耳、豬腸、豬紅、雲吞。雞翼同豬紅都係正正常常無咩特別；豬耳好大舊，不過同時都好多毛；豬腸都唔會話咬唔開；而雲吞應該係用黎打邊爐既果種雲吞，唔好期望會係鮮蝦雲吞。不過真係好多餸，可以食到飽一飽。另外一碗就要咗豬腸、豬紅、冬菇、豬皮、牛柏葉。豬皮同牛柏葉都好爽口；而冬菇就好冧好入味。

👍🏻👍🏻👍🏻👍🏻👍🏻好多人都話好食😋點知無諗過原來一樣餸都咁多，最後飽到呢。湯底一定要有辣，豬腸好味過豬大腸。下次會再食唔叫咁多餸唔叫麵😻😻

朋友多次推薦我去呢間車仔麵檔，但位置唔就腳，所以未有機會食到。今日終於拎到visa入元朗國，當然去試試當地出名既車仔麵店。魚蛋：來貨嘢，冇咩特別，配上魷魚既辣汁當咖哩魚蛋食。牛柏葉：有咬口，唔會煮到太冧，唔錯。咖哩魷魚：我懷疑係咪咖哩，如果準確講似係辣汁多d……即使我忘記嗌辣度，用呢款汁咁撈都有同等效果，甚至比我朋友既小辣更加辣。魷魚爽口，係出面食唔到呢種感覺，所以呢個店鋪招牌菜真係值最高價位。埋單計數，加埋底係$57，晚餐黎講算可接受水平。

必食豬腸 咖喱魷魚！我認為呢間車仔麵 係全香港少數堅持原始做法的👍無論顏色、香味 就係傳統喺街邊推車仔街邊士多 嗰隻風味 !我很希望 這種正宗味道 往後日子都可以得到傳承👍

元朗出名多野食✌🏻✌🏻 今日一個人嚟食lunch啲時間又倉猝 所以最啱食車仔麵元朗呢間合興車仔麵 都好出名✌🏻✌🏻不過次次經過都係好多人排隊 🥲🥲今日等咗10分鐘左右就有位佢一睇餐牌 我就叫咗碗豬紅 豬腸 雞翼尖 粗麵本身想叫佢啲牛腩但係佢哋未整好🥲🥲D朋友話牛腩必食😋😋😋等嘅期間望吓呢度嘅環境小店一間 座位唔算闊 但係呢啲舊式嘅環境我都接受到✌🏻✌🏻✌🏻碗麵嚟到 個湯底比較淡 可能我比較鍾意食濃嘅嘢食 所以我覺得太清淡而雞翼尖都算入味 豬紅豬腸配搭都幾好不過下次我都唔會再去 因為個湯底真係唔適合😅😅😅

朋友帶咗我嚟佢話覺得元朗最好食嘅車仔麵，我咁耐都冇食過，今日就試吓啦。如果唔係住元朗，其實個位都唔容易搵。豬紅豬腸係我嘅車仔麵必點之選，朋友就推介我一定要試吓佢個咖喱魷魚！服務態度非常好👍好似圖中所見，份量係非常多，對女仔真係好難食得晒，但由於太好食，我哋都食晒。我叫咗小辣，比想像中辣好多😖而咖喱魷魚對我都係非常之辣，但係係非常惹味👍豬腸唔算太肥，係我鍾意嘅類型。豬紅都非常爽口。唯一一個唔好處，就係無奶茶飲😭對於新界西來講，我覺得佢個車仔麵真係可以稱霸。

1個人既浪漫😂 元朗呢間車仔麵唔係最平 但CP值最高🤩 雖然最少要叫三餸一麵 餸都唔算平 最貴有17蚊、12蚊、10蚊 菜類就9蚊 麵就11蚊 加埋都大約40蚊左右一餐 但勝在大大份 樣樣都好捉料👍🏻👍🏻 今次叫左豬腸、蘿蔔、豬耳、豬紅、米粉 仲有佢個辣汁 叫左少辣 都幾辣下😂 米粉好索湯汁 好好味 而佢d餸 豬腸豬耳都好有滷水味👍🏻👍🏻 豬紅又唔會一夾就散👍🏻👍🏻 不過蘿蔔爭少少 唔夠嫩口有點老🤔 但都可以接受 整體質素都唔錯 大家去開元朗都可以試下🤤👍🏻

車仔麵又叫拿渣麵，但係拿渣麵唔一定要拿渣。如果有食過合興本店，你可能都會聽過老細個句：「啲牛腩/牛筋/豬腸/雞翼未得呀⋯⋯」說話未必好聽但係會睇到製作用心：雞翼煮得岩岩好漲卜卜唔係出面個種乾柴雞翼、豬腸好似𠺘過（豬）油咁彈牙又香口⋯⋯大約兩年前合興開分店，舖大啲又就腳啲所以就轉場，個個星期六都食食到而家。唔敢講同本店水準一樣但從來無令我失望。年少無知可能會鍾情深水埗文記個種爆炸式重口味，步入中年就覺得和階平衡是真理。來合興如果點牛丸水餃一類其實唔會有咩驚喜—可能仲會覺得貴，應該點嘅係「功夫菜」，即係滷水野。豬腸牛筋金錢肚豬紅係我嘅「定番」：豬腸、金錢肚彈牙香口無異味；牛筋絕對夠淋又入味；豬紅有「香辣」二字形容，同樣彈牙惹味。湯底夠熱，食麵湯唔熱不如唔好食。味道濃但唔會似好多車仔麵咁膩，配埋啲餸食就相得益彰唔會互搶，一啖又一啖真係停唔到。有人話必殺技係個辣汁，可惜我愛辣但食唔到辣只能夠微辣。辣汁係好刺激，食開辣實鍾意。上兩星期老細話自製左啲辣椒油，完全滿足左我呢啲辣度低嘅辣椒友。香而不太辣，想再減低辣度都可以。特別再提各位：重點在功夫野，即係要用心製作個啲。湯底都可以揀加滷水汁、香辣汁、

非常之想食車仔麵，行過元朗合興車仔麵，二話不說入去坐低，基本上招呼非常好，因為疫情關係，鋪面小人。立刻點一碗車仔麵，習慣食嘅蘿蔔豬皮 .. 等等。麵質鞋颯颯，豬皮一般，牛丸一般，蘿蔔正常甜。結論：一定冇下次🤦‍♀️🤷🏻‍♀️

經常幫襯車仔麵，合興係元朗區嘅最愛，呢間係新店，比舊店闊落不少，坐得舒服，冷氣又夠，店外唔係街市，感覺乾淨好多。佢哋嘅出品一向材料多夠大碗又夠辣，俘虜咗唔少街坊同食客。平常點開五個餸的，今次下午茶輕手少少點咗四個餸，油麵，必食嘅彈牙咖喱魷魚，入味豬腸（唔係豬大腸），帶甜味嘅辣豬紅，爽口豬皮，大中少辣揀咗唔辣......因為官方設定魷魚係分上，碗麵唔要辣，佢嘅咖喱醬份量相當於大辣，唔駛再加，太辣又要身水身汗咁行出門口。

元朗好多人介紹這間車仔麪，吃完了我覺得沒有真的好好吃的感覺，如果真的要講的就應該是辣醬和人情味吧😂😂我點了两個麪，每人要點三個餸或以上，如果唔叫麪底就要四個餸以上l.魚皮餃+韭菜餃+魚蛋+豬皮+ 幼麵其實好明顯上述嘅材料都係入貨返嚟，魚蛋雖然係入咗返嚟，不過就值得一讚，因為佢真係以前個種有陳皮味，dd彈牙個種， 而家市面已經買少見少， 但係個豬皮就唔係我鍾意食嘅q彈型而係爽口嘅， 至於個面都係普通，無乜特別2. 豬腸+鹵水豆腐+雞翼+米粉個米粉唔係爽口嗰種， 但又唔係鞋口普普通通甘， 全部嘢都炆得入味嘅，入口即溶，無臭味或者唔新鮮其實總括兩碗車仔麵而言，真係冇乜特別，不過呢間車仔麵舖嘅特色係個汁， 可能太高期望嘅關係我又覺得冇乜特別，只係一味辣，無點食到辣香，所以我覺得可以一試，試完未必一定會愛上😂😂😂

由於唔熟地頭，好難先搵到一間車仔麵，見到即入，點了三餸麵，全部都係菜加粗麵，要中辣清湯。湯清甜，但要讚的是辣汁，好怕D辣醬係齋油，竟然呢到嘅辣係有D韓醬式，辣味亦足，十分驚喜。

買外賣兩碗車仔麵，回家後發現一碗俾漏雞中翼，山長水遠叫我去拎過？又下次先拎？上次已計錯數，計多$5,結論係店員質素有問題，冇check,難道我下次外賣要揭開碗蓋做覆核？！

元朗區嘅車仔麵店，我地幾鐘意合興。合興車仔麵喺元朗有兩店，今次只係第一次黎新店，原來闊落咁多，而且感覺口味差異唔算大(我覺得呢邊冇咁辣)店內裝潢普通，約30個座位，枱面上放有餐具及點餐紙。餐牌供應一般車仔麵配料，例如魷魚、大腸、豬肚、牛坑腩、雞翼、丸餃、蔬菜等，定價每款9/10/15。可選配幼麵、粗麵、油麵、河粉、米粉、瀨粉。湯底分清湯、腩汁、鹵汁、香辣汁，辣度分微、小、中、大。每碗最少點三款配料，而淨餸則四款起。有啲配料去到下午茶時間多數沽清，例如餃、冬菇咁。香辣豬紅、雞翼、魚片頭幼麵、微辣香辣汁 $40豬紅係每次都會點嘅，有5至6粒，十分香滑，不易散開。魚片頭正常水準；雞翼兩隻，煮得夠腍，當然不及文記嘅招牌。幼麵煮得比一般麵店硬身，口感較爽。麵嘅份量都唔少，基本上男士都夠飽，而我三餸一麵啱啱好微辣香辣汁剛好過癮，唔會食到冒汗。金錢肚、豬耳、豬皮米粉、微辣鹵汁 $44配料份量幾大方，鋪滿成碗麵，金錢肚大件，煮得腍身。豬耳清脆、豬皮入味。之前都有食過咖喱魷魚，同麵分開上，醬汁甜辣，魷魚軟腍，都唔錯嘅。如果要再食，我諗我會黎分店喇，始終冇咁逼。