吉之家 (已結業)

雖然唔係正宗日本定食,但物有所值每次都選擇咖哩豬排/雞扒,貪其快捷方便,而且每次都食哂一大碟,咖哩味香濃,豬排雞扒大大件!午餐必選以$20可以飽腹,而且味道不錯,可以算是合格

間野只係得個平字，環境一般，食物也不見得多款式，只係得一些普通食物，之前有同學講間野，所以就試下，食完之後回家就立即肚痛，廿蚊一餐換來肚痾真是不值。

以前經常幫襯,已經四、五年無o黎!今日突然好想食,所以再來吃! 我要了一個"日式牛肉食",牛肉好多!汁好味!大大碗!妹妹要了一個"磨姑雞排飯",雞排炸得好脆!好多磨姑&白汁!水準保持!下午茶好似係2:00pm~5:30pm供應:拉麵有10款選擇,飯有5款選擇,每樣都只係$20,好好味!好抵食!

呢間店，我讀書時代已經時時來吃lunch，以前通常會叫燒牛肉拉麵，Ｄ牛肉呀麵呀大大份，都幾抵咖。味道唔講得好正中，但對於未吃過正式日本野的中學生來講已經好好味啦，係貴了一點囉，要30-40元，想平Ｄ都有，不過只局限了某些選擇。今次又重臨呢一度，又係下午茶時段，叫左個辛辣煙鴨胸拉麵，一睇呢個就知呢Ｄ拉麵唔會係日本搵到啦，哈哈～～不過無所謂啦，反正未正過想試下，HKD20真係好抵！份量一Ｄ都不會因為價錢平而少左。係間有良心的店。係呢一帶附近要食到好食的日本野真係好難，港式日本快餐，都算係咁啦！唔係邊會做左咁多年都仲係到。（其他食店都好似車輪轉咁換了很多手LU...）

一間港式“日本”拉麵店﹐以快餐形式經營﹗聽講已經有十幾年歷史喇﹗下午茶(2 點開始) 特選拉麵(有差不多10 款你揀) 才$20 碗﹐分量頗足﹐好抵食﹗不過今次我等唔切(差5 分鐘咋﹐但係太肚餓喇)﹐所以要o左個咖哩豬扒飯(都係$20)﹐都ok o架﹐如果豬扒冇咁乾就更加好﹐不過以呢個價錢﹐no complain 啦﹗