影片
营业时间
星期一至日
11:30 - 23:00
以上资料只供参考，请与餐厅确认详情
相关文章
今日黎左依到食飯一開始就飲左個細細碗既味增湯，味道都唔錯。有幾幾片薄薄既綠色海帶，仲有少少豆腐，攪攪個底D味增浮哂上面,賣相唔錯,咸咸地既湯汁之中仲食到非常濃既豆腐味，不過個陣對獨特既豆腐香真係好討人喜歡~之後我就叫左個甜蝦帶子為主既SET，先講講個沙律先，佢用酸酸甜甜既泡菜汁,不過又無韓式個種咁辣同刺激，酸酸地咁的確既開胃既,而且又幾爽口；另外仲有芥末,不過可以自己加,奶白色薑片係幾靚既,不過可惜我唔食既,紫菜絲就無咩味，只係裝飾喇,依個重點係大大粒既新鮮帶子，完完整整放係你面前等你食，肉質都夠哂厚實，夠哂彈牙，食落有絲絲既肉質，真係非常滿足；另外個甜蝦都係好正,吸哂D醬汁帶出個鮮甜味，加埋芥末醬同飯粒好正，滑滑地口感唔錯，芥末耐唔耐刺激下,幾正。
继续阅读
大約在年半前見這店一到晚餐時段例必有一條長龍, 有本地人亦有自由人, 往往看見人龍已經不想跟隊了, 因為知道排得到佢都收工啦, 時日一天一天的過漸漸由長龍變短龍,再由短龍變無龍, 這也是香港食肆的一般頻律, 最初的時候日日爆場, 但能維持到一年時間已經算不錯的了, 而我們則在年多後才幫襯第一次,主要賣套餐, 大致分為:淨食炸物的套餐同有壽司加炸物的套餐, 兩款相差價錢不遠, 所以我們選了跟壽司的套餐, 只是兩個套餐的豬扒有所不同, 一隻是加拿大來的而另一隻則是日本來的, 兩隻在口感上的分別是日本的因為油脂分佈比較均勻咬下去時鬆軟一點, 而加國的則硬一點因為脂肪不多的關係, 而尺碼偏細則已經是現今每一間食肆的通病, 就當是店方為客人健康着想吧! 想法無疑是有點阿Q, 而配豬扒食的汁只有一種再沒有分什麼”濃口” 或者”淡口”的了, 椰菜沙律的椰菜絲未算新鮮切出來那種, 因為見待應加椰菜沙律時只是在客人身後的一個架上攞一碟椰菜絲沙律落嚟加俾客人, 即係話一早切好放在一邊, 注意還是放於廳面的一角, 這樣做無疑是手到拿來但就會由它風乾, 同時給客人看到這種運作始終感覺不太良好, 壽司唔算太突出, 只是一般廻轉壽司質素, 未致難食!服務方面: 有個男待應吐字含糊不清, 基本上是客人估佢講乜? 而到差不多打咩時, 經理用雞毛掃之類的物體去打掃天花板的出風口, 但當其時還有客人在座, 簡直可以說是”趕客奇葩”, 難怪看食友們的不滿意食評可以這麼多, 亦明白為何客人数目銳減的原因了, 而好多時有壽司吧的店好多時會有一個幣病, 就係生意唔多時, 員工有乜可以做? 清潔工具? 非也! 梗係攞部手機出來忘情的”襟””襟”再”襟”無視所有座吧枱嘅客人,何等專業態度可見一班, 請到咁嘅經理/員工老板們有福了, 看來租約期滿老板都會考慮是否繼續供養呢班員工了,衛生方面當日所見未見”小強出沒”, 一般吧!來這樣的店一次夠了, 外面選擇多的是,
继续阅读
在海港城找餐廳, 偶爾行過吉列派, 門面裝修不錯, 餐牌上的食物也很吸引. 等食物時間尚算快, 但食物到來後, 發現與照片相差甚遠, 無論賣相擺設及大小, 都不吸引, 味道一般水準, 吉列豬扒算是招牌食品, 尚算鬆脆, 但不夠乾爽, 鵝肝肉餅飯肉餅鬆散, 鵝肝味道ok, 不算難食, 壽司賣相及味道均在水準之下, 比街外10元8塊的壽司更差, 以此地點及價錢來說, 實在不值。而服務認真麻麻, 餐廳經理完全不理客人, 漠視客人的存在, 一路與bar枱內的員工傾計, 當中夾雜很多粗口, 還要是很難聽那種, 聲音又大, 很難想像一間在海港城的食肆, 水準會那麼低, 不可能再幫襯!!!!
继续阅读
尋日夜晚行過見到好多人食緊，睇個menu都幾吸引，就決定試試。我叫咗個鮑魚加薄燒安格斯牛肉定食$148，d鮑魚完全冇味，d薄切牛包住嗰d好難食，仲有個汁都唔好味。最好食係個沙律，加咗$28多咗3片三文魚。唯一好係個位都算坐得舒服。如果一早睇食評一定唔會去。
继续阅读
2個人係HARBOUR CITY行街行到勁肚餓本來想食FOOD COURT點知裝修中 就入左黎呢度食攞位時問句"可唔可以坐卡位?"中坑WAITER勁無禮貌"DUCK"我一句 "可以, 等下咪有囉"但個刻勁肚餓 冇卡位坐都照入左去入到去見到台底有隻曱甴勁快逃走中 我大叫左聲, WAITER 即刻過黎踩死左佢, 再話"我已經消滅左佢"-_-!!!!!!! 已經心諗中伏了 算肚餓都唔理得咁多叫左個$298 刺身配牛肉鍋2人餐刺身D蝦唔多新鮮 帶子冇帶子味 得檸檬味(佢用D檸檬隔住每一舊帶子)牛肉鍋D牛肉散開晒... 好似碎咁個湯甜到不得了好似落左糖咁, 唔係鮮甜個隻甜冇下次!!!!!!!
继续阅读