影片
相关文章
去到扫街天堂 葵广原本系等食晚饭但都忍唔住去拮一嘢🤣平时会落最底层买鱼蛋食今日有太多时间 就特登揾间黄店买💛呢间距离葵广3分钟路程听闻炸物OK 但因为心系鱼蛋….😋因为我净系同佢讲要鱼蛋佢一开始俾咗唔辣鱼蛋我 问我要咩豉油定辣油嘅时候我就问佢系唔系有辣汁 (好彩有上网做功课🤓)佢就话：唔紧要 你要辣汁我帮你倒返落去点一点啲汁就OK我心谂好似有啲伏咁😅😅😅佢补充：我哋啲辣汁好够味 倒落去点一点已经入晒味 我哋唔会长期摆鱼蛋喺辣汁入边煮 因为我哋用陈皮鱼蛋 如果咁做会令鱼蛋煮到胀晒 失去咗本身嘅质感 会无咁好食见到佢对煮法咁有坚持 当下我即刻安心晒😌辣汁鱼蛋 $12/8粒8粒陈皮鱼蛋 果然够晒入味虽然唔系十分辣 但都辣得几爽佢嘅辣汁系有少少麻辣汁嘅感觉个人好钟意💛而鱼蛋口感的确保持得好好 好弹牙以后去葵广都会去附近呢间到拮一嘢又黄又好味 服务态度又好😍😍😍Btw我买完返葵广坐低食 揾资料嘅时候先知原来葵广有分店🤪啱啱脑细仲话两间分店啲嘢食有少少唔同下次去葵广𠮶间试吓先😋😋😋❎ 加一服务费
继续阅读
之前食过佢地嘅吉乐鸡餐，已经觉得佢地嘅炸物非常出色热辣辣，外皮脆得嚟啲肉又够软，可惜当时唔记得影相今次再嚟食佢地嘅炸鸡粒同炸薯饼，同样系保持到水准！炸鸡粒微微地辣，外脆内嫩，拎返屋企（5-10分钟路程）食仲系热辣辣脆卜卜食到尾就算冻返少少都仲系脆！炸薯饼都一样好味，又脆又冇油益味，食完真系好满足想食炸嘢又唔想帮衬某啲连锁店嘅朋友，可以过嚟过下口瘾间铺其实离葵涌广场唔远，过咗天桥行几分钟就到，好推荐大家喺葵广扫完街过嚟试下！
继续阅读
最钟意佢哋啲卤水鸡脾（同埋要订嘅全鸡），豆腐同埋牛脷！够晒香同入味！佢哋嘅虾多士都好正，一份有3款，每款一块，有芝士，香草，黑椒。炸得好香，口感好好！鸡汤乌冬都好味，有阵时热气可以食清啲。有菜同肉丸。乌冬口感唔错。几抵食 👍特别推介佢哋自己做嘅糯米糍，有花生同红豆味。仲有好正嘅芋圆红豆沙，西米露，etc.记得睇吓佢哋个IG，因为每日嘅甜品都唔同。好有人情味嘅小店。运动同抗疫期间都有帮手！快啲嚟惩罚佢哋！
继续阅读
一日一黄店-葵芳良心小食小店 路过葵芳 见到有间唔起眼既小食店 竟然仲有表态 即刻支持试试支持下 葵广可能成日去 但其实葵广外都有小食店 值得大家支持.见到餐牌生菜鱼肉 写住每日用2小时去煮个汤吸引到我 就试你啦⭐️生菜鱼肉$22店员帮我加左 胡椒粉麻油一打开个碗 都几足料 几香麻油味😋试试汤底先 汤底真系比其他店特别👍🏻带明显甜味 加埋调味 做到香 味俱全👍🏻鱼肉偏大旧 好滑 感觉新鲜 唔需要过多调味👍🏻所以鱼肉 系汤底下 鱼味都好突出 唔腥🤔feel到有鱼骨 但打到好碎 好碎 食左都唔觉.好奇问问店员个汤点整店员以为我想投诉佢 劲惊😂经一番了解后 店员答左我 话：鸡汤见店员咁怕羞 我就冇追问啦访问呢啲嘢 唔系太啱我 （因为我都怕羞）.#吉壹野 (葵芳)地址：葵芳盛芳街17号地舖.⭐️评分：味道：4/5环境：-/5服务：-/5抵食：4/5
继续阅读
想食小食都唔一定净系去葵涌广场嘅可以去吓出面啲小店呢间小食店就系其中之一吉壹野个名简单易明以街头小食为主，款式唔少价钱唔算太贵由几个年轻人开设骤眼睇都系年纪尚轻帮衬咗碗鱼肉碗仔翅虽然$20算唔平自己叫鱼肉翅更加系$22严格嚟讲其实价钱算中上舖头唔大，但容纳咗几个年轻人大概系因为租金贵，食物都贵埋啩以食物嚟讲碗仔翅质素唔高质感比较稠料系算足鱼肉明显水准唔高无应有嘅弹牙感同鱼味可能其他小食如鱼蛋烧卖会比较好啲今次体验到大家真系食精神不过当支持吓年轻人啦
继续阅读