吉壽日本料理 (已結業)

今次係第二次嚟，對上嗰次耐到都唔記得時間，只記得餐廳各方面都幾好。今次感覺依然唔錯，上菜速度平均令客人可放心每次少量落單，唔使堆到成枱都係。食物多選擇，味道幾好，職員有禮收碟快。我哋食最早段，好抵。自助區食物：豬軟骨好淋好入味，其他都一般。刺身好新鮮。壽司及手卷，好多款，全部都細細件，食多兩件都無問題。炸物及天婦羅，炸物無問題，有一兩款都係第一次試。平婦羅就麻麻，粉漿唔脆。炒牛柳粒，炸雞軟骨，金沙蝦，花膠扒，除咗雞軟骨炸比較乾，其他都唔錯。羊架鞋而且啲韌，比目魚好滑，凍咗都好味。焗蠔，唔係點食到蠔肉。自助區甜品。飲品，除咗啤酒外另有梅酒供應。Haagen dazs雪糕每位一杯。

疫情發生後首次吃放題, 最近氣氛好一點就開始出來跟朋友小聚餐雖然不像以前人山人海排隊, 明顯大家對日本菜熱愛都從未減退, 場內環境衛生乾淨還是每個時段都有人加入, 場內食物新鮮有自助區, 點餐以手機QR CODE掃瞄前菜冷盤甜品自助BAR, 款式算唔錯, 很餓很餓的來到刻可以開餐, 有日泰韓式前菜, 有凍海鮮, 有小量熟食, 雪糕主菜:刺身 - 款式多, 特別推介三文魚, 帶子, 章紅魚熱食 - 放題來說這裡的熱食是非常出色, 特別推介炸雞翼, 羊架, 一口牛甜品 - 每位有一杯Haagen Dazs, 另外小量炸物甜點都不會過甜,我沒有特別鍾意甜品的,都十分推介整體而言以230+10%, 有以上食物跟環境, 係性價比極高特別意想不到熱食都很用心做, 新鮮做, 絕對不是預先做好的#我是吃貨組長 #Nicky的味道 #吃貨的態度 #美食 #吉壽日本料理 #壽司 #日本料理#日式 #放題 #foodieleader #foodie #foodiehk #blogger #旺角 #mongkong #香港 #hongkong

同朋友想食日式放題又上年講到今年都未食 最近上網睇到有人食過話唔錯 價錢又平 選擇又多 有晒日式放題基本有既野 之前同其他朋友食過以前覺得好好食既 反而質素係差左好多 所以見呢間既價錢平平地 又想食咁耐 就約朋友去試下啦 我地係星期五夜晚食 都驚會太多人 所以就打去book位先係旺角站一出Mtr既E1出口搭lift上去就係 好近好方便 唔會話難搵 入去個陣 店員問我地想食到7點定7點半 食到7點就$175加一 食到7點半就$185加一 行入去個陣見到外面有自助吧 有少量熱食 有炸雞 小丸子 葡撻 仲有啲前菜 有青口 蜆 蝦 螺肉 另外有好多唔同款式既飲品 有好多選擇 仲有個甜品櫃同埋雪糕櫃 有好多細細件既甜品 一條條既雪條 一杯杯既雪糕 我地淨係拎左少少熱食既炸雞同小丸子 炸雞就麻麻地 成舊粉咁 可以唔洗試 小丸子就唔錯 正常味 餐廳係用QR Code落單 我地一次過叫晒想食既野 一次過黎晒可以慢慢食 落左單之後 上菜既速度係好快 好快已經黎齊晒 刺身款式有好多 平時食開放題基本有既都有齊晒 我地叫左三文魚 帶子 海螺片 北寄貝 虎蝦同甜蝦 全部刺身都好新鮮 好鮮甜 三文魚仲要幾厚身下

價錢係平食物質素唔得 係一個火鍋中食到個小強已經即時埋單走人可想而知後廚既衛生有幾好只可以講貪平你可以食，有得選擇 同樣既價錢我去食壽司店單叫會更好永不再食 真心食物中有昆蟲係度 開心食餐飯 太掃興野食其實黎得勁慢 第一轉d 野食好快到第二 同第 三轉 隔至少15-30 分鐘先黎一樣野第2轉order 既火鍋 係我落完第三單後隔勁耐先黎自問order 唔多 每次都係 2人份左右午市時間人流少 但唔明點降可以咁慢重點火鍋最後有昆蟲 真係完全反晒胃食平價放題唔期望質素好款式係大路 同兆萬中心差唔多有圖有真相

剛剛試了呢間吉壽🍣🍘🍤🍡🍢🥤呢間放題都算係歷史悠久。。。只不過一直冇機會去品嚐😛。。自從疫情都習慣咗早食晚飯。。今次呢個早鳥時間。。用這個價錢食到這樣質素嘅刺身放題絕對超值我們訂了17:30時段。。。可以用餐到19:30。。。19:00電腦就會截單。。。不過各式食物上枱很快。。。雖然都有一兩樣漏單。。。但基本上客人order的數量比得很足。。。特別是刺身。。不吝嗇👍👍👍👍除了手機order食物。。。場內還有自助區。。。有熱食和3樣凍海鮮，沙律，前菜任食。。。甜品區除了每人限食一杯的 haagen dazs 🍨。。。仲有一個雪糕🍦雪條櫃任食。。另一邊甜品櫃還有數款甜品杯和百福豆腐花。。。飲品很好除汽水茶類飲品更有兩三款啤酒🍻。。。最後我們在19:00前。。。叫了燒菠蘿🍍，榴槤炸彈💣同一品鮑魚海鮮粥。。。。好好彩😻菠蘿好甜😋😋早鳥時段。。。每人175再加一

晚市五點半食到七點半，或八點至十點，價錢係175加一等於192個半落樓，食物質素非常高，魚生同壽司係十分新鮮，燒物，羊架亦做得好好味。所以兩個禮拜內第二次再嚟。又平又抵食嘅餐唔會經常有，所以要珍惜。而家啲非常時期去多幾次，今次我十位坐咗打橫嘅位比較舒服。上次我15人分咗三個前後嘅卡位，就完全同後面嘅朋友冇得交流。

十一點半完成工作了👏👏就梗係去搵嘢食啦🤣🤣就諗起做旺角的吉壽有好優惠的午餐定食😊😊 時間係十二點開始真係啱啱好👏👏👍午市定食有好多個選擇 仲可以免費享用自助區我哋都係揀咗最平嘅A1定食角切寶石魚生丼定食 估唔到份量都好足好大碗呀🥰🥰三文魚粒和三文魚子都好多😋😋仲有雞蛋粒和青瓜粒自助區都有沙律，熱食，炸物，湯 對於我嚟講都好足夠真係可以食到好飽好滿足了 定食包一個飲品和一個甜品 這餐只係80蚊二人超抵食😁😁👍👍

點餐须要改善，每次提早一個鐘找數後，有半個鐘點食物，但食物總是漏單，而且有次仲係叫粥，竞然比個待應話粥好大碗，意思叫我唔好等，還叫我10分鐘要走，當時剛好粥到，那粥當時好熱，要在5分鐘快食即走，而且待應好冇禮貌叫夠鐘，要立即走，跟住執枱！所以真係要改善遞比客時間先好叫人走囉！

胡社生行有2間放題：一間係御滿屋（1樓），一間係吉壽（5樓）。上禮拜試咗1樓，今日嚟試5樓，我哋嚟睇下有咩唔同啦～～环境：御满屋的座位不够吉寿舒服食物：本人幾乎點了相同的食物…總體來講吉壽的刺身比御滿屋好，其它食物都是御滿屋更好…尤其是雪糕（御滿屋是一杯hagendazs/movenpick），另外吉壽有凍海鮮（青口、蝦、蜆），由於本人冇食凍海鮮，故不置評。服務：兩間的服務都幾好，吉壽的侍應哥哥見我一個人仲會告訴我出咗d乜嘢…

老實講都唔知幾多年冇食過日式放題，一直都覺得自己食嘢又唔係多而以前食幾日式放題質素都好參差，但星期日黎到旺角行到好肚餓又見到咁多放題，不如搵一間試吓啦，就上嚟search下有邊間嘅口碑比較穩陣，就決定咗要試一試呢一間吉壽。7:30上到嚟，職員話最快都要8:15先安排到入座。安排坐係入口第一張枱，都幾迫，一入到黎仲俾d 裝修嚇親，心諗伏到出面點算....有電話落單，野食普遍黎得快，但有兩三樣係等得耐少少。先試魚生，有三文魚，甜蝦，玉子，魷魚，帶子，虎蝦等等。一件嘅份量係好細，但係我想講個帶子係好新鮮好甜，講你都唔信所以食咗10幾件，但我諗加埋等於平時嘅三至四粒左右， 迷你手卷幾得意都唔錯。至於熟食超級推介佢嘅雞翼好好食牛柳粒都唔錯。其實整體都性價比好高講真比$180入嚟，其實真係冇諗住有啲乜嘢好質素嘅食物，但比我想像中好好多！飲品種類都好多選擇，亦都有雪條雪糕飲食，可惜真係食唔到。食物： 7/10環境： 2/10服務： 7/10性價比： 7/10

旺角人多，都怕怕地又要人又迫，不過晏少少黎，唸住避左少少lunch break應該少人D。好在真係唔太多人。呢到有定食同放題，我想試佢定食，因為好多定食款式都幾啱胃口咁呀....定食包埋小食同沙律吧。加錢再海鮮，有任飲同甜品，但海鮮得2款，而且亦唔太好，無join了。定食都包一個飲品同埋雪米糍一粒或豆腐花都好夠啦！熱食有2款，炸物就一至2款，另一款成日無 晒。飲品bar仲有另一邊無影嘅。沙律吧，埋坦款色唔多，但主要食寶食，當送前菜，已經超抵了。都有幾款選擇嫁。呢個有假魚翅，你仲假翅平嫁，仲要幾好飲，足料。主菜黎了，呢個三文魚魚生丼真心超值，魚生夠新鮮，份量又多，只甜蝦都五隻，三文魚勁肥美，仲又我愛甜蛋，好味，無講好講。 鰻魚飯又係me favour之一，份量都係唔少，仲要比定沙律菜，夠味，可多少少鰻魚汁。但已90分。總結一句，呢個嘅定食，唔包湯沙律熱食都已經好味，仲要包咁多嘢一款飲品，簡真無話可說，短時間內，已經黎過2次了（一星期一次咁款）。

說到吉壽，我吃過十次以上，我還帶親朋戚友來吃，在這個價錢作為前提的基礎下，全部人都是好評，可見吉壽是絕對不會令你失望。吉壽是電子下單，用手機掃描二維碼，方便快捷又環保。又有冷清酒🍶冷梅酒（沒有熱清酒，只有冷清酒）如果是想喝酒，我會選擇去同一棟的另外一家放題，他們有熱清酒、冷清酒、梅酒和柚子酒，當然最新餐單有沒有變化，我就不保證了。自從我吃過旺角另外一棟大廈的放題，我才知道吉壽的水準並非必然，原來也有放題是真的很難吃的。

和朋友慶祝生日，本來是諗住食晚市放題，唯疫情下...只能改作午市放題，其實今次已經係第7至第8次束吉壽用膳，今次第一次用OpenRice 既預約功能，也十分方便的，去到全幢大廈，只有該餐廳做生意，亦聽聞同區放題好多也暫時也關閉，所以人頭湧湧，係我意想不到的，餐廳環境其實幾大，坐得亦舒服，衞生亦算中上，食物方面，今次自助bar冇左章魚小丸子，有少少失望，其他基本自助冷盤齊全，甜品及飲品選擇亦都ok,在若干時間前，該公司已改用QR code電話點餐，都算為環保出一分力，至於上餐速度，以該餐廳入座人數，算快，去到食物方面，今次其實令我幾意外....竟然係一個三文魚魚腩壽司，好大件，唔係平時出邊嗰啲放題切得咁細，另外燒比目魚加西西醬真係好最後講一講餐牌選擇，其實我覺得就可以再多啲，因為餐牌上我岩食既野，都係佔三分一，希望日後可以加多一些吸引既菜式，整體來說我當然會比好評

//食物 🌕🌕🌕🌗🌑佢嘅食物選擇大致同其他放題一樣，都係魚生啊炸物之類😂相信好多人食放題都係為咗可以任食魚生，而呢間嘅魚生質素係參差嘅😣三文魚幾厚幾新鮮，甜蝦都好大隻😛但吞拿魚同帶子都腥到不得了，舊吞拿魚望落直頭似其他魚扮吞拿魚😂其他野食嘅表現就中規中矩，無中伏嘅🤣個人覺得芝士鰻魚壽司個湯係最正既，甜品就唔多掂😂//價錢 🌕🌕🌕🌕🌑平日放題嚟講呢間係比較平嘅，款式同食物質素又無話比其他放題差，所以算幾抵食👍🏻-//位置 🌕🌕🌕🌕🌑位於旺角，交通夠哂方便，非常易揾🙆🏻‍♀️-//環境 🌕🌕🌕🌑🌑佢有個自助區，會提供甜品同前菜，但全部都無用蓋蓋住，仲要疫情嚴重，感覺唔多衛生😩我地個坐位都算舒服嘅，兩個人坐四人枱，見到有啲一個食嘅係坐走廊兩人位，會好多人喺佢隔離行嚟行去😕-//總分 🌕🌕🌕🌗🌑如果你地純粹係想平平地食個放題嘅話，呢間係唔錯嘅👍🏻但始終疫情嚴重，建議大家去啲衛生好啲嘅，疫情過後先嚟食呢間😂

食咗平日5點半$175加1時段，呢個價錢冇得輸。之前睇食評都知款式唔多，但質素真係唔錯👍🏼👍🏼，魚生係新鮮嘅，帶子細細件但鮮甜，甜蝦最好味，其他寿司都好精緻一啖一件唔會係大舊飯。熟食都好味，燒物一定要叫，燒得好好。另外有個自取bar, 飲品有凍梅洒清酒同其他大路飲品，冷盤有翡翠螺蝦同青口，一啲日式頭盤同少量炸物湯品，overall全部都好食。服務要讚，上菜超快收碟超恩勤👍🏼👍🏼。已經諗定book下次。當晚唯一唔ok係碟通菜太老😞