吉豚屋吉列豬扒專門店 (已結業)

怪你過份美味之平民價的yummy日式吉列套餐＠吉豚屋早幾日同老公行到餓餓地.見到ca-tu ya,見佢個樣幾靚仔,就入左去啦! 好surprise呢!打開個 MENU,樣樣野都好吸引,而且仲好抵食夾大件! 最後我揀咗個 "吉列炸蝦豬扖定食", $69,包括一碗味噌豚肉湯,兩只蝦和兩件豬扖、椰菜!勁豐富!! 炸蝦好大只,見到都開心!而且好爽口,好有蝦味!而豬扖的肉好JUICY又鬆化!一啖咬落便愛上了!而且他們另上一碟沙拉醬,你又可以自己再加燒汁...一野就ko左碗白飯啦!白飯係日本米,可以加錢加大,但其實正常size都好飽啦!拌碟的椰菜口感唔夠脆口,不過加埋沙拉醬食,可以減輕油膩感 加$6有巨峰提子特飲,味道唔錯!老公楝咗 "南蠻炸雞飯" ,離晒譜,$39,好多雞,炸得好好味!我甚至覺得比豬更好味,勁香又有彈性!(我平時係唔鍾意食雞扖的,所以佢真係好好味呀!)學生仲有8折,好抵呀多謝收看

自從朋友早一兩年介紹食吉豚屋, 我就鍾意左呢間野今晚黎左呢度叫左吉列豬扒定食同巨峰乳酸特飲飯既份量岩岩好, 個湯幾夠料, 不過有少少鹹淋左豬扒汁上塊吉列豬扒, 舊豬扒外脆內軟巨峰乳酸特飲OK雖然豬扒比唔上丼吉, 勝博殿, 銀座梅林果堆但係睇返個價錢, 其實算係唔錯架啦

每次想食炸豬飯，都會諗起依間，因為真係抵食又好味個炸豬飯分左先醒起相機未食哈哈，通常我哋都係咁樣share d野食，咁就樣樣都可以試d。炸豬同炸雞都煮得好好食，個炸粉唔厚，食落啖啖肉，而且好脆。兩個汁各有特色，配飯一流

七月十九日 (星期六)九龍灣區，說真的，好吃的店沒多少間要選的，吉豚屋必有五大這個中午沒飯開，就來此地解決滑蛋豬扒飯一向是此店招牌只賣$40左右，質素相當不俗，性價比超高豬扒鬆化得很，外層沾滿蛋汁，非常香口惹味滑蛋雞扒飯雞扒肉質嫰滑，又不乾身這個價錢來說，實在是超值！雖然性價比高，但似乎得不到街坊的欣賞每次晚市經過，客人也不多，標題是原因嗎?

太鬆化了吧!@吉豚屋吉列豬扒專門店 Ca-Tu-Ya九龍灣牛頭角道77號淘大商場三期地下G286-288號舖店內環境, 是有點日風$69中午吃窩物有點過份, 但不想太熱氣吃太多油炸食物,打邊爐用的gas爐湯頭好甜,加入了不少白糖調味出來,食材有豆腐、 獅子狗魚卷、金菇,豬肉片紅白的肥瘦是平均的橫向分佈,所以又滑更嫩, 吃入口很豐腴的。配上烏冬麵吃飽, 烏冬麵是已預先煮好,生雞蛋待湯煮起後倒下, 滾一會蛋黃還是半生熟就盛起,戳破用蛋液來沾肉片更是妙絕相得益彰的的食法!$50招牌類別是各式各樣的吉列有推廣原先要$60的吉列豬扒飯只需 $50見十個有8個都點上了它,炸豬扒橫切厚身, 外層香脆而不油,只是豬扒不夠鬆軟, 要花力勁咬開硬身。每台上都有麻醬及豬扒汁, 淋上椰菜絲上,大量的椰菜絲沙律, 可以中和炸豬扒的熱氣麻醬汁呀 酸甜而富有麻香, 真的越食越開心!白飯及豬肉麵豉湯倒是味道沒有麵豉,材料豐富又來, 有白蘿蔔及紅蘿蔔片外, 當然少不了豬肉片,撈起一看, 嘩, 日本店子果然有良心!

鋪頭裝修感覺都幾舒服 點知都係伏店 滑蛋豬排飯 感覺d豬好乾 所謂吉列 唔係新鮮炸出來熱辣辣既 好似擺左已經又一段時間 而且滑蛋 其實d蛋同豬一樣 都係一樣好乾 口感好差好鞋 甘就六七十蚊 仲要無湯無野飲 覺得係科大食個28蚊既滑蛋豬都好過佢10倍

呢間係九龍灣新開既餐廳，除左吉列豬扒仲有其他吉列野食，專門店黎講選擇都算多，價錢合理。晚餐時間入去唔洗等位，點左個吉列豬扒烏冬同咖哩飯。唔洗五分鐘已經上到菜，仲係熱辣辣。吉列豬扒好厚好脆口，但係食落唔會好多粉，幾好味。烏冬個湯底清清地，D烏冬幾彈牙。不過咖哩就濃左D，食得出唔係用粉開既。整體質素幾好

星期6, 晚上8:30pm, 人流不算多, 就食呢間吉列豬, 入去拎飛仔等叫號.服務麻麻地, 可能大家都忙左成日, 水也沒有再加, 飲完就冇, 見隔離位既客人叫加水, 等好耐先加.幸好我地有餐飲, 不用再加水都可以.不過上菜速度夠快, 好似快餐店甘, 一點就唔使5分鐘就送到.- 吉列大蝦, 豬排 冷烏冬 ($69) :大蝦分量足, 2隻大大隻, 雖冇蝦味, 但彈牙而且炸得好香脆.豬排分量太小, 不是大小的問題, 是厚薄的問題, 超級薄, 上下兩層炸皮仲厚過塊豬排, 我食緊脆麵粉多d.豬排又梅又黑, 太奇怪啦.好彩個冷烏冬好好味, 清涼又酸酸甜甜, 好爽口彈牙既烏冬. 日式得黎有泡菜, 幾搞笑, 不過都好好味.只係個熟蛋有蛋殼, 有冇搞錯, 完熟既蛋已經好易去蛋殼.半熟就話難去, 熟哂都搞成甘, 小朋友都做得好過佢.- 巨峰乳酸特飲 (跟餐+$6) :巨峰味都有, 乳酸特飲酸酸地, 好清爽, 味道也不錯. 食完炸野飲就岩岩好.總括, 價錢還可以, 但不算抵食, 分量是飯/麵多, 但主角少, 而且質素麻麻地. 服務就半好不壞.

跟友人來此店，已是第4,5次來了，食物味道依舊，沒有因出名了而水準下降。每次都叫吉列豬扒定食，今次試埋炸蝦，吉列皮炸得鬆脆，肉不鞋，點埋芝麻醬汁食更好，炸蝦都很正，蝦大隻，皮很脆，味道好。下次要試埋雞扒吧。

呢間應該係之前新開既吉列豬扒專門店,個位置就正戲院附近,非常方便首先講講個吉列咖喱豬扒飯先,佢個吉列咖喱豬扒飯分左梅、松、竹3個唔同, 梅晦既豬扒重80g, 松既豬扒重120g, 竹就有2塊豬扒共重160g.,咁樣都唔錯,就到唔同既人,其實80g既豬扒份量都夠我食,講個咖喱汁先,味道比較濃少少, 不過岩我, 不過要彈少少就係完全無其他配料,令到個口感有D悶,白飯就當然係用珍珠米, 濕度控制得唔錯, 粒粒都幾有咬口,豬扒就炸得不太乾身,夠水份,唔錯之後就有一個吉列豬柳定食,果然係專門店,餐廳除咗豬扒之外,就無其他野, 吉列豬柳個外型同吉列豬扒無咩分別,都係夠水份,不過佢就唔會硬,不過佢有少少油膩好自己幾鍾意, 燒汁同芝麻醬都係任落,,隨你個人喜好,不過最抵讚就係真係佢個芝麻醬..可以任落,平時都未必有,不過依到就有咁做到,同埋味道都唔錯。 

是日休假，訓到自然醒已經是差不多下午茶時分了約左朋友去九龍灣~逛街街, 時間尚早，就休休閒閒地出發去九龍灣嘆返個下午茶先。吉豚屋吉列豬扒專門店 Ca-Tu-Ya堂食的人不多，單點了吉列雞扒咖哩烏冬，未包飲品，埋單$35 , 加一服務費。食物上枱後，份量好細 ，大食積的我一定唔夠飽肚呢。不過約左朋友六點食放題，頂住肚仔先啦 。烏冬幾爽口，不會太稔，但不夠彈牙。咖喱湯底不濃不淡，有咖喱味 ，不會太辣,配烏冬食都幾好，合格。相反吉列雞扒就有點兒失望喇，肉好少，炸到個脆皮得啖空氣，完全冇口感可言 ，味道都ok ，希望依方面可改善一下。

坊間好食既日式吉列專門店平均每人消費都在百幾元以上，自從吉豚屋開左後，就有個較平民既選擇。一個吉列豬扒炸蝦定食也不過$65加一，非常扺食！豬扒肉質頗鬆軟，脆漿亦做得不錯，外皮不會和豬扒分開，加上椰菜絲能減低油膩感，有菜有肉有湯有飯，非常滿足既一餐！

一上枱就見到炸到黑晒嘅吉列食物 咬落去係好脆 因為好厚炸粉啲飯好濕 成pat野咁枱面撈沙律嘅芝麻醬好似溝左水咁 好稀同埋味好淡環境ok 乾淨 入到去都有日本餐廳嘅感覺 但食物就真係唔得啦

開年飯揀左黎呢度食，叫得豚屋梗係要食豬扒啦，大中細size任揀，大食嘅朋友可以貴少少要多塊豬架。要左吉列豬加炸蝦配烏冬，炸物鬆脆有咬口，雖然係炸但唔油喎，幾好味，不過豬扒略乾身左啲。不要白飯改配烏冬，烏冬煙韌彈牙，好食。餐飲，不過不失。

lunchtime去食 一入到去即刻有位第一次去食 所以都好期待!!睇menu 好多都好吸引啊最後都係選擇左吉列豬扒餐吉列豬扒餐有沙律菜飯係用珍珠米 仲有湯食沙律菜 一定要用豚肉汁+芝麻醬 撈真係好好味 真係會想食多幾啖飯很軟熟 好好味湯的材料很足夠 不過認為有少少咸吉列豬扒粔得好靚 食落好脆D肉唔會好同埋唔會有肥肉的出現又係值得推介的餐廳之一.