吉豚屋吉列豬扒專門店 (已結業)

本身已經聽過人介紹呢間平民米芝蓮~果然無令我失望!星期日晚晚餐時間大約7點零已經有一堆人喺鋪前排隊。我地唔想等，所以吧位算。坐低就即刻姐姐過來斟水，俾餐牌，服務唔錯，好快手。點的是：吉烈蝦豬排定食 入口鬆化，蝦比豬排味道較好。豬排肉味較少，不過100蚊唔洗算係咁。香港店限定~避風塘風味炸雞定食可以一試，有香港風濃的避風塘風味。雞件炸得香脆，因為係避風塘所以味道好濃同比較辣，感覺較熱氣，如果可以添食椰菜更好。

朋友介紹呢度既下午茶好抵食，而且唔係間間分店有下午茶，難得嚟淘大，一定要探訪吓。呢度吉列豬扒係主打，當然要食吓! 吉列豬扒定食，下午茶價$50，仲配多蔬菜既面士湯同一碗日本飯。size係normal size, 絕對唔係mini 版，厚切6片既豬扒，估唔到既鬆脆炸粉漿調得好好，豬扒肉質又霖滑，真係高過出面定食既質素，仲要下午茶特價另外叫左一個滑蛋雞腿肉飯，$25咋! 滑蛋仲配左d日式醬油，好味，不過飯就少左d, 但雞肉無欺場，都唔少。加錢要左杯熱柑桔蜜，都唔錯。

星期六下午在影藝看完電影，本來準備回家晚上燒烤，但眼見時間尚早，才五六時而已，細看影藝旁邊吉豚屋，原來吉豚屋並非只有豬肉料理賣，還有雞肉可以試食，下午茶價錢才二十多多元，乳酪特飲另加五元。心想下午茶都算抵食，一於當提早食晚飯，然後回家再食燒雞翼。不是講笑，吉豚屋並非獨沽一味而有豚肉食。下午茶除了豚肉丼、豚肉烏冬與豚肉料理外，原來還可以點雞肉料理食，有雞髀肉、雞扒，烏冬白飯任君選擇，款式選擇算是多元化。不過這些以豚肉為主打美食的食店，下午茶就算有雞肉甚至牛肉雞或烏冬提供，亦不等晚餐時段同樣能「一視同仁」，我去過一些日式燒肉連鎖店餐廳，就發現晚市燒肉套餐集中提供牛肉或豬肉，不一定有雞肉食。以我所見所聞，吉豚屋提供的丼料理，主要是滑蛋飯或咖喱汁飯，跟其他日式料理店大致相同。通常較精緻的料理，都要等到晚市套餐才有機會試到（當然你都要有心理準備，不是每一間店的晚市套餐價錢都是便宜可人）。日本很多豚肉料理店有一款著名料理，我以前在日本旅行時也曾經很想試，吉烈豬扒三文治是也（如果雞肉也有三文治就好了）！將吉烈豬扒三文治細心切成三段，很有條有理地放在飯盒內，單看賣相再不好豬肉的人也會垂涎三尺。可惜我現

吉豚屋企下午茶都幾抵食,依個吉列豬扒定食,加一碗雜菜豚肉湯同埋大大碗白飯都只係50蚊都有找。野菜豚肉湯裏面亦好好多料,炸得香脆又juicy嘅吉列豬扒亦係我嘅至愛。

黎到吉豚屋梗係要食豬肉喇！滑蛋豬扒飯（梅）係我既最愛！豬扒新鮮炸起，上檯時香氣撲鼻。入口豬扒外層鬆脆，內裡豬扒鬆軟，豬扒沾上既蛋漿仲有小小生，未至於熟透，非常好味另外加$10就可以叫特飲，價錢尚算合理唷！不過味道就一般了，這杯香芒粒綠茶比較甜！但芒果飲份量還是足夠的

收工，想係滑蛋豬扒飯經過德福廣場，大部份都要$70以上，總覺得一人晚餐太貴了。其後上openrice 睇到呢間吉豚屋，之前係太子曾經食過下午茶，價錢平宜又好味。我點的是：滑蛋雞扒飯：雞扒炸得鬆脆而且配上日本米，略厭滑蛋不足，汁就剛剛好了。味噌豚肉湯：有紅，白蘿蔔塊及少量豚肉，味湯濃郁但不夠熱。

<吉列雞扒拼炸蝦定食>-$69.好少去九龍灣既👶🏼今次同🐷仲有朋友黎到吉豚屋食生日飯，一早已經聽講佢又抵又好食架la，係真唔係先？🤔👶🏼既定食轉左烏冬，湯底清甜有魚乾昆布香味，烏冬好彈牙！海帶連埋👶🏼自己落既七味粉真係超水準喎！😱至於主打吉列雞扒好新鮮炸，皮肉緊緊貼埋一齊，係略嫌雞皮無去走有d肥膩🙄。炸蝦炸粉就厚左d，但同樣新鮮香脆架💥點炸物既甜酸醬好濃味，中和到炸物既油膩☺️，落d醋汁落椰菜絲又好fresh。美中不足係加椰菜絲要加$9，因為炸物餐廳通常都任加架嘛🤔。不過overall黎講性價比係高既，無限時入座又唔收切餅費，服務一流架！😌

近年有唔少日本吉列豬扒店進駐香港，最便宜實惠嘅吉列豬扒專門店就莫過於吉豚屋啦。雖然話比較平，但其實佢一個吉列豬扒定食都要＄60起跳。如果想平平哋食個炸物定食，就可以學我咁叫翻個吉列雞扒定食。吉列雞扒定食＄49吉列雞扒定食包左一碗湯、一碗飯、一塊吉列雞扒同椰菜絲。吉列雞扒雖然睇落好大件，但其實炸漿仲厚過塊雞扒，有啲位仲要得雞皮無雞肉。雖然雞扒比想像中差，反而個豚肉湯又幾好喎。個湯細細碗，但算足料。有薯仔片、紅蘿蔔片、白蘿蔔片、臀肉片。飲落清清地，好過飲用粉開嘅麵豉湯。其實加左一之後，就已經唔係$50內啦😪不過呢個價錢有定食，都算少見架啦。吉豚屋吉列雞扒定食 $49味道:★★★吸引度:★★性價比:★★★(五分滿分)

今天原本同個仔開開心心黎食咖哩，就點左個鐡板吉咖哩豬扒定食比佢，我自己要左個鐵板生姜燒汁豬扒定食。鐵板豬扒來到，侍應有提小心鐵板熱，但個燒汁超少，由於小朋友太餓，唔夠一分鐘已清，豬扒無味，全靠燒汁，奈何汁實在太少，跟住扒白飯。到個咖哩豬扒黎到，挾起所有豬扒，望落去只有蛋汁（如圖）同侍應講，佢話係咁少汁，但實際上只有一湯匙，非常失望。問本menu張相好多汁，佢話唔係架，汁要加$9。個吉列豬扒鐡板上夠熱還好，所以脆口，但我地專登來係食咖哩，並不是淨食吉列豬扒的，唯有加$9。不過咖哩來到，好似溝水，無味道的。以後不會再幫襯。

週日的夜晚,,行經淘大商場,,會發現好多日式餐廳,,要選擇都稍困難=v=間間都咁正!!這次選擇的這店鋪相對較遠的店,,7點左右的時間,,不太多人等位,,很快地入座,,看了一下餐牌,,炸物看似非常吸引!!!決定一定試炸蝦+.+貪心點要試埋主打豬扒0.0//點了吉列炸蝦豬扒定食大約等了15min左右,,就送到桌面@.@已經聞到野菜湯與炸物香味,,(小)野菜湯有數塊的蘿蔔及肉片,,味道與別店不同,,這裏的比較美味,,味道適中,,吃到最尾都不會太咸!!值得試試ww炸物當然要盡快吃,,先來一口炸蝦,,絕對不是空有其表@.@真係足料大蝦!!炸面不會太厚,,不負期待xd然後再試炸豬扒><一定要用埋醬油!!!甜甜的配合香脆的豬扒,,完美到爆!!豬扒厚實,,食落軟硬適中,,肉質都甜,,真係食到唔想停口=w=((即是食到後,,仍是脆身熱呼呼><米飯亦是整頓餐的靈魂,,粒粒的珍珠米,,軟熟好吃,,很難得我會食哂+.+我還點了杯提子乳酸飲品(+$8),,這個味道偏甜,,略為遜色=3=乳酸的味道不夠,,有待改善吧這間炸物店值得回頭再試!!!最後結帳還給了優惠券$8

一家人三大兩少1830來到，攞票等位，十分鐘左右入座， 坐張六人枱，桌椅唔迫，菜式以吉列為主，無小食，只係揀配嘅醬汁！落單後食物要耐心等待！ 滑蛋吉列豬扒飯（梅$49）滑蛋加豬扒無咁乾，豬扒厚切有肉汁，珍珠米飽滿彈牙，撈埋肉汁用豉油好味！ 吉列三重奏配烏冬（$75）一盤三款吉列食物，吉列蝦好乾身，肉唔夠厚，豚肉餅餅身薄脆，豬柳香脆有肉汁！以咁大盤吉列食物，比嘅椰菜絲太少！太熱氣！ 吉列豬柳泡菜湯烏冬鍋（$69）烏冬軟滑，湯底香微辣，加上泡菜幾爽口！唔錯！豬柳香脆有肉汁！椰菜絲太少！ 椰菜絲（$9）椰菜絲切得幼細，蔬菜多汁，加埋芝麻醬酸酸地解膩！食物即叫即做，吉列一定熱氣！呢度以前椰菜及飯任添！而家要額外單點，以吉列咁熱氣嘅食物，佢跟餐比嘅椰菜根本唔夠，變相要客人用多啲錢！唔係唔可以解膩！店員唔太積極，有少許呆！好多時叫到先做！我問佢問題，其中一個女店員要呆兩秒先開口答我（我只係問佢想添椰菜） 另一個問佢攞碗仔，佢又係呆兩秒先應人，啲碗底全部係水，要自己再抹一次！

今晚比老公拋低了，佢去左踢波，我就係九龍灣行下街等佢啦，自己一個行下行下都唔知食咩好，最後比我見到食日本野仲要唔使等位架!打開餐牌一睇，又唔貴喎!因為好肚餓，所以叫左個「滑蛋吉烈豬扒飯」(竹)，問過店員，佢話呢個係一般既SIZE，而佢D飯有分”梅”，”竹”，”松”，分別主要在於豬扒既件數同重量，我就揀左個中等SIZE。黎到賣相都好靚，唔係特別大碗，有D紫菜仔係飯面，豬扒就有成6件!每件豬扒都好厚切。先試左啖飯，珍珠米真係特別好味，但係D半熟既滑蛋絕對係滋味之選!飯量都算多，我諗大概有一碗半飯。豬扒外脆，但入面既肉質好細嫩，外脆內軟，炸粉唔厚，食完都唔會成口粉，豬扒肉明顯有醃過少少，都花心思，甜甜地，YUMMY!我仲叫左杯「抹茶好立克」，$10好抵!杯野抹茶味唔重，唔會好似一般COFFEE SHOP咁有陣香既抹茶味，反而好立克味重，好香又夠晒甜，好立克唔使落糖相反落左抹茶，估唔到咁PREFECT MATCH!

好多時食lunch都會去哩度食 因為真係好好食 今次食左吉列三重奏 有吉列煆 吉列豬扒 吉列豚肉餅 樣樣野都炸到好靚好脆卜卜 而且入口鬆化唔會炸得好燶 賣相完全係吸引人去食唒成碗 而且份量真係好大好足夠 飯粒非常軟熟 食得出係日本米 醬汁好好味 酸酸地都幾開胃架 配上炸物真係一流啊 另外 配菜都幾新鮮 吃起來仲有(shock)(shock)聲 加埋豬扒汁/芝麻醬就係好夾 炸豬扒的肉新鮮又夠滑 都幾厚肉 炸蝦都炸得好脆 連蝦殼都可以食埋 嘿嘿 不過稍嫌炸蝦唔夠大條同埋厚肉少少就好喇 另外 炸豚肉餅 肉質係好淋 好似食緊漢堡扒咁 我覺得好好食 吉列三重奏無得輸 正啊!!!!!!!!

滑蛋吉列炸蝦飯炸蝦很大隻，啖啖肉，沒有多餘雪藏味。而且炸粉是似用麵包屑，不會影響原隻大蝦的狀態。內裡的大蝦都熱的，證明炸物是即叫即炸的。不過配上這道菜的醬汁略咸，影響滑蛋的味道。當慢慢進食的時間，醬汁都開始浸到炸蝦內裡，令炸蝦的味道都偏咸。如果醬汁可以分開沾就最好了。他他醬吉列雞扒定食吉列雞扒很大塊，雞扒外脆內軟，炸粉適中，不會過多。雞扒沒有雪藏味，而且他他醬能夠引出雞扒的香味。這個整體的味道不會咸，反而幾開胃。

第一次來呢間幫襯食下午茶，我們點了兩個迷你下午茶餐，等了一陣，香噴噴吉列滑蛋雞扒和吉列咖哩豬扒飯送上桌上，熱辣辣的飯煙勒得來又有口感，雞扒肉質嫩滑，味道適中，滑蛋好有蛋香味，鷄扒是炸的，好鬆化，吉列豬扒的炸粉夠脆又夠熱，有的遜色的就是咖啡汁顔色黑咗啲，味道濃郁得來唔會太鹹，日式咖哩的甜味，喜歡特別啲味道有芝麻醬免費提供，感覺酸酸尾尾。整體來說，本人覺得都好滿意，不愧吉列豬扒專門店遍怖香港。