吉豚屋吉列豬扒專門店

营业中

休息中

本人是很愛吃炸物的，尤其是吉列這一種類的，更是愛得無法自拔。第一次發現這間店的時候簡直太高興了，香港竟然還可以找到一間吃平價吉列豬扒的地方！超激動的。由於工作比較累的關係，一般都是下班直接回家了，很少在附近流連，所以今天僅僅是第二次惠顧。第一次去是點的滑蛋雞扒飯（$25），覺得蛋不夠多還有點淡，所以就沒有很想再去的衝動。今天剛好突然很想吃炸豬/雞扒，就終於又晃過來了。剛好兩次都是下午茶時段到，都是以很優惠的價格吃了一頓不錯的丼飯。今天點的是吉列雞扒咖喱丼（$29），令我非常滿意。點餐後等了大概十分鐘，不過沒關係，這代表雞扒是現炸的。上桌後發現果然對得起短暫的等候，真的超級酥脆可口，咖喱汁的味道也剛剛好，很適合送飯。如果覺得光是咖喱味不夠過癮，還可以自己按照口味添加豬扒汁或芝麻醬（雖然那個主要是給拌椰菜沙律用的）。無論怎麼樣都是很美味的一餐！下次還會回來試試別的！想看看他們家的炸蝦究竟是不是也那麼好吃😍😍

叫左吉列豬扒定食, 最中意個湯 好夠味, 有洋蔥, 蘿白, 紅蘿白同豬肉, 講起而家都想飲番, 豬扒就, 好多麵包糠係塊豬扒度, 豬扒就普通豬扒味道, 食個時自己落d 豬扒汁, 撈埋d椰菜絲食, d飯都ok,服務幾好係咁幫我斟水 不過個時係少人既埋單送左張8蚊現金券幾滿足

呢間吉列屋 真心的推介 係第2次再食喇豬扒唔會過份乾身 吉列蝦另加8蚊多一隻 都算好味特別推介吉豚扒 juicy好味最重要價錢唔算太貴 而且cp值高 比得上百幾二百蚊set的餐廳

五大一小行到呢間列吉豬扒店見幾吸引等了幾張枱 終於到我地我叫左份 吉列蝦豬柳定食 (80g)外觀係炸得幾靚仔 即時對呢個定食好大期望豬柳要加埋少量醬汁(加得多會好咸)第一啖感覺還好 豬柳肉質鬆軟 沒有渣但愈食愈覺口渴 連食啖飯都似會啃親再睇番件豬柳 沒肉汁之餘 還比其他薄身入口嘅 大多都是炸粉 不乾才出奇很乾身的豬柳炸蝦味道不錯肉質亦算爽口 朋友A 點左份滑蛋豬扒飯(120g)好明顯豬扒比我的吉列豬柳厚得多 有肉汁飯有加醬油再配滑蛋 完全唔覺口寡三爬兩撥 就食晒 **另外朋友B帶小朋友黎 所以要求要熟蛋 但黎到的確係比正常嘅熟啲 但並唔係全熟 而且佢話食到底覺得啲汁太多 咸左啲朋友C就點左份咖哩豬扒定食日本咖哩 唔係點辣嘅 岩晒唔係好食得辣嘅人食豬扒亦較厚有肉汁 (朋友c話唔覺乾)最後佢連碗飯都倒落去個汁度撈黎食齊體黎講 睇黎就只有吉列定食比較失色..

通常去日本餐廳食飯，都少不免會見到吉烈豬扒飯依一個選擇，但食左甘多次，見到有專門做吉烈豬扒的店，不免好奇心起，要試下究竟有幾特別。入去見到餐牌大多都是炸物，就選了個正路的滑蛋吉烈豬扒飯。吉烈豬扒的色澤較平常在外吃到的為暗，但看來卻更為誘人。挾起一咬，哇，好脆，外表炸漿厚薄得宜，脆得來很香，而入裡的豬扒則十分嫩軟，大塊而熱辣辣的豬肉充斥滿成個口腔。佐以表面的沙律醬，就可以中和番小小熱氣。滑蛋正常，飯粒圓潤煙韌，好食既，雖然都係預期之內既水準，但不負所望。

早前放大假，於是四出搵好野食。見呢間評價唔差，一於試試佢先。午市定食唔貴（60蚊左右），學生有折扣優惠，所以眼見有唔少學生幫襯。呢間餐廳好有日本小店嘅感覺，小弟叫左吉列蝦及豚肉定食，份量都幾多，而且炸粉唔過厚，不過味道未至於驚為天人。以性價比計，呢間餐廳係唔錯嘅。

平時食吉列豬扒嘅地方有好多, 但呢間來自日本嘅過江龍, 水準確實更勝一籌。一個set, 吉列大蝦及吉列豬扒份量十足, 絕對唔係普通貨式。經過吉列炸之後, 外皮香脆, 但仍然食到大蝦彈牙嘅質感, 同埋豬扒豐富嘅肉汁, 絕對比我預期中嘅水準高!!

呢間連鎖店愈開愈多間 招牌菜既吉列豬扒的確係炸得好鬆脆 炸粉唔厚 而且唔油膩 入面既豬扒依然保持到嫩滑 泡菜湯底好濃味 唔太辣 仲有蛋花係入面 同彈牙既日本烏冬好夾 但係我初初以為佢係鍋 係會滾住咁食 點知唔係 所以有少少失望呢到都有壽喜燒 仲將d豚肉片堆到成個山咁 好有睇頭鍋入面唔只有豚肉 仲有雞肉 大蔥 芽菜 唔算好多種類 但啱唒肉食獸肉既質素就一般啦 肉片切得有d過厚 雞亦唔夠嫩滑 壽喜燒湯底都幾濃味 有配埋日本既生蛋汁俾我地沾黎食 日本烏冬亦都夠彈牙 所以我都覺得唔錯既 唔一定次次都要吉野家先可以食平既日式邊爐既整體我覺得有d貴 食物既質素唔差既 但坐既環境好一般 仲要加一 

OT到十點 落街搵野食見到得依間未收即刻衝入去 比起其他主打吉列既食店 依度價錢算幾抵 吉列豬扒泡菜鳥冬($69)泡菜湯底好香 微微酸辣好醒胃 鳥冬煮得岩岩好 好彈牙 估唔到泡菜同鳥冬會咁夾😍 淨係食碗鳥冬都好滿足 (鐵鍋令成個鳥冬食到尾都熱辣辣 加分!)吉列豬扒表層炸得香脆 而且唔厚粉 食落唔油 最鍾意既係佢枱面擺左一支燒汁 一支麻醬 貪心既我兩款都試 兩樣同豬扒都好夾😋

7月18日, 喺炮台山開咗一間炸物店, 望下個店面都好似幾日式, 但係再睇下個餐牌原來價錢都幾街坊, 平時食開呢類炸物都係要百幾二百蚊不等, 呢間不價食店真係要一試~::: 吉列炸蝦豬柳定食 ::: $69出到嚟嘅賣相當然唔及高級餐廳,不過以平民化嘅日本定食嚟講都已經有晒基本野~ 先飲個豬肉麵豉湯, 味道雖則偏咸, 似味精湯, 但用料起碼豐富, 豬肉同洋蔥都好多, 唔錯~ 吉列炸蝦豬柳加上椰菜絲, 炸物睇起上嚟好似過咗火, 椰菜絲感覺上唔算新鮮... 確實蝦同豬柳都比較乾, 蝦太熟以致肉質太實. 豬柳較為好味, 乾咗少少不過都有咬口~ 椰菜絲都有沙律醋來點食, 水份太多抽得唔夠乾身~ 不過整體以呢個價錢係可以接受~::: 滑蛋豬扒飯 ::: $49滑蛋豬扒飯d蛋一睇就知唔夠滑, 蛋汁亦唔夠多! 豬扒就炸得比較乾, 肉質亦比較瘦. 如果以滑蛋豬扒嘅標準去睇呢個飯應該唔合格~ 但豬扒本身味道都ok, d飯都用珍珠米去煮. 整體拉勻叫做勉強合格啦~以質來說, 唔算係高尚貨, 但係以同等價錢來說, 炸物係可以一食~ 想食炸物嘅時侯又可以比較大間連鎖店同呢D小型平價店, 多D選擇就可以滿足我地奄

一起早 都已經中午，放假平時食開既都厭厭地，唔知食咩好。 於是男人就提意。不如去上試 呢間野， 其實之前返夜校成日經過已經想試，但次次都趕住上堂....呢到既飯。會分 3個份量 而我揀既（竹）就係中量，但都比想像中多， 我覺得呢個設定幾好，因為好多時 男既想多飯 女既又想少飯 任君選擇！講返個咖喱汁 得一種 就係唔辣，對我呢個嚐辣既人 冇得揀 有少少失落！ 豬扒就幾脆， 外加兩隻蝦 每隻8蚊 不過不失！ 男人就叫左個三拼（豬扒，豬柳，蝦）定食轉湯烏冬 豬柳就太淋身。我地兩個試左 同時都覺得豬扒好食d 至於另外個兩樣 同我個邊既味道一樣，就唔再多講喇。 湯鳥冬 好味！用既唔係cheap 烏冬，而係我最愛既讚岐烏冬，好滑 湯亦濃，難得男人出奇地最滿足係呢個！飲品呢...就.... 我建議大家都係叫返正正常常coffe or tea算喇... 我本人堅唔識欣賞d特飲 ....

聽朋友講呢間既豬排好有水準就去試下叫左個梅既和風汁炸豬扒飯 好快到果然真系超好食 平時係food court食果d豬扒都lum曬 呢個好脆好有口感 真系好正！！飯同扒既比例剛剛好 唔會太多或太少 絕對值得一試下次一定要試個滑蛋豬😤

進註炮台山做野已經兩年, 無數次經過吉豚屋都冇入過去試, 原因: 以為好貴....基於呢排有個同事陪我癲(其實俾我迫), 日日陪我去試新野, 天后+炮台山都試得7788, 今次就試下吉豚屋! 咦!!! 原來係唔貴架.... 入面環境似快餐店, 不過幾光猛舒服! 好!! 我叫既係鐵板吉列豬扒定食:個湯唔似平時既麵豉湯, 似豬肉菜湯, 唔差鐵板吉列豬扒, 我比較鍾意D香濃既醬汁, 呢個汁好濃好岩我, D洋蔥入晒味, 連埋D蛋一齊撈飯好正!! 個豬扒炸得唔錯, 初初都有D驚會俾D汁浸到淋晒, 又唔會喎! 炸得好熱好香, 豬扒尚算唔錯! 不過個汁一定要連豬扒/ 飯食, 如果唔係偏咸同事揀既係滑蛋雞扒飯, 雞扒OK, 不過我覺得滑蛋太少, 整體乾身左少少以價格質素比較, 覺得算幾唔錯既選擇

下午肚子餓，但吾知食咩好。記得早排經過一間日式炸豬排店，外面睇黎真係幾日本Style所以決定試試。雖然完全無日式既服務態度，但入到去好似去左日本既連鎖店。吾似吉野家一般，依間餐廳裝飾簡單，好乾淨！雖然Lunch Time時間，但吾算多人（可能因為落雨關係）。打開餐牌，全部都係好吸引既炸物，吾想食炸野既人，就可能吾好選擇依間餐廳。之後，叫左個炸雞扒SET同滑蛋豬排。好快就上到菜。兩個都炸得熱Lak Lak，外脆內軟，仲好JUICY！個人中意個炸雞排多D，因為佢配埋個TARTAR 醬，可以撈埋D生菜，當SALAD食！好味道～個炸豬排都好味，肉好鬆軟！佢好像有幾個SIZE選擇，我叫左個最細個，細細個好適合女仔個胃，啱啱好。但就無生菜。。

Hungry cam主人平時唔鐘意食飯 但奈何吉列醬汁配飯先好食今日同朋友黎到Ca-Tu-Ya食lunch係半開放式廚房 你會透過透明玻璃見到廚師為你精心製作你的order打開menu 嘩有好似好多選擇 有吉列有滑蛋有咖哩錯覺黎架姐 只不過係豬雞蝦等等的分別 仲唔俾我識穿你見到有得嗌烏冬 又唔洗加錢 所以嗌左個古列炸蝦炸雞烏冬 一次過滿足兩個願望呀嘛一黎到 嘩份量好大!有兩大隻炸蝦同埋四大件雞排 雞排係認真厚!點的醬汁都幾開胃另外如果想試其他醬汁 枱面上都有豬排燒汁同芝麻醬任君選擇如果唔怕爆瘡 都會係個食吉列的好著腳點