吉豚屋吉列豬扒專門店

营业中

休息中

行完山在寶琳的商場搵嘢食，晚餐想食得平平哋，就看到這間日式平價餐廳，似乎是吉列豬扒最有名。價錢非常可以接受， 60至$80左右可以有一個當飯或者套餐定食。滑蛋鰻魚定食：只要$69 ，真算抵食！鰻魚的汁有少少鹹和味薑蔥炸蝦吉列鮪魚丼：$59，肉的份量不少還配有檸檬作調味東浦和魚介醬油拉麵：這個有點可惜，湯底實在太鹹了，和在日本吃到的醬油拉麵相差甚遠但加$22可以配這個迷你咖喱豬扒飯，分量其實都不算迷你，所以很抵食！

🌎吉豚屋吉列豬扒專門店 (將軍澳)今日食左個親民價既下午茶 價錢係$40-45之間 有飲品 而且部分餐有附送湯 仲有用$5可追加吉列蝦 餐廳原來開左好多分店 寶琳呢間吉列雞幾好食 ⏱平日下午茶時間：1400-1800⏰假日下午茶時間：1445-1715▫️吉列雞扒冷烏冬$45雞扒比我想像中大塊 而且肉質幾嫩滑 吉列皮炸好香脆 雞肉都幾厚實 唔會好多炸粉 另外 冷烏冬食落去彈牙 煙煙韌韌 湯底味道適中 加左七味粉更佳▫️吉列猪扒定食$45吉列豬無咁好食 肉質唔夠腍滑 食落去硬左d 而吉列皮炸得鬆脆 都係雞扒好食d 另外定食送左椰菜豚肉湯 唔錯架 💵人均消費：45✨環境及衛生：7/10🙋🏻‍♀️推介指數：7.2/10📍將軍澳貿業路8號新都城中心2期2樓2006-7號舖

吉豚屋吉列豬扒專門店 (將軍澳)📍將軍澳貿業路8號新都城中心2期2樓2006-7號舖小編不會再回頭的一間餐廳，吾系因為服務，只系個食飯質素不討好！今日小編系同一大班朋友一齊吃，大家一致都叫左吉列豬扒定食同+$5要一隻天婦羅蝦。👉🏻 吉列豬扒定食吉列豬扒套餐都會附送一碗湯。另外你哋都可以喺枱上面拎個吉列豬扒醬汁倒係豬扒上面。不過個吉列豬扒醬汁真係不討好，會有一陣咖喱嘅味道！但我唔認為同個吉列豬扒match 到。但唔點嘅話就好似有啲dry，你哋自行決定同選擇啦。👉🏻 天婦羅蝦 成餐最美味既食物就系天婦羅蝦啦，發揮到正常水準，同外面其他餐廳食亦無咩分別美味指數：⭐️⭐️️️️️️️️️️️️️️️️環境指數：⭐️⭐️⭐服務態度：⭐️⭐️⭐翻兜指數：⭐️（滿分為 5⭐）

💋吉列三重奏定食，我地比佢個名吸引左，以 $75的價錢食到三款炸物，感覺好抵咁，首先講炸蝦先，你睇佢可能好厚咁，但其實層皮都係厚薄適中，唔會太厚，隻蝦都幾大隻，食落D蝦肉唔會霉左，爽口彈牙，唔錯，豬柳方面，肉質唔會死實，都食得出有肉味，幾好，而最後黃金豚肉餅就有點失色，我第一啖咬落去唔知食緊咩咁，可能落得太多芋頭蓉之類，食唔出裡面有肉的成份，建議肉類的成份增加多D，或者直頭改名唔好叫肉餅好過，不過值得一讚係佢D炸物應該係不停咁流水式咁炸出黎，所以上菜時都 Keep到溫度，同埋佢跟的椰菜絲都幾慷慨，拿，我有食菜的說，個湯都幾足料，好多肉片，味道濃郁，正💋炸豬扒泡菜烏冬，豬扒唔講啦，畢竟同三重奏一樣，烏冬份量都幾多，我朋友都爭D食唔晒，但烏冬應該係用上日式烏冬，質感都唔錯，幾有咬口，湯底方面我懷疑佢用左味精湯底，食落好即食麵 Feel，泡菜就稍為少左D，如果多返D會唔會可以落少D味精呢 ?? 如果因為咁而加價我又覺得幾好

大家都愛日本🇯🇵，有時無得飛都會諗起日本美食😋。除了No.1刺身🍣之外，都會數到吉列炸物。香港就有間出名平民炸物店，今日就去試試😋！🐷泡菜豬腩片拼吉列雞扒定食 HKD$59==============================份量非常大😆！泡菜豬腩片好濃泡菜味，有大量洋蔥清甜😋，腩肉片夠薄不油膩；吉列雞扒有4大塊😆！表面吉列炸粉超脆😙！不過肉就有少少不夠厚😜！仲有大量菜絲，配合埋自己加嘅麻醬🍵，減低曬啲油膩🥃！唔記得講！個飯係用日本米🍚！超級好食！🐷：吉豚屋-吉列豬扒專門店🐽：調景嶺彩明商場2樓247-248號#SofoodSogoodsochill #吉豚屋 #吉列豬扒專門店 #調景嶺美食 #食野好重要 #香港美食#享受美食的過程 #食物正能量 #好食 #美食 #美食攝影 #Hongkongfood #hkfoodie #hongkong #foodblogger #hkfoodblogger #hk #foodtherapy #hkfood #foodiesinternationalchat

今日喺吉豚屋食咗吉列炸蝦雞扒，然後加$3轉左讚岐烏冬。上餐嘅時間都唔算好耐，炸蝦比想像中大隻，點埋他他醬真係好夾。而吉列雞扒都算大塊嘅，切開有四大嚿，入邊雞肉幾嫩。讚岐烏冬好彈牙，個湯底係日本嘅豉油烏冬湯，仲有啲海帶嗰啲，好好食。

Happy Easter ~ As we need to buy something at Zara , just come to TKO for lunch ~ We come here as it was so many people to Line up for the other restaurant 😆😆I have order a 滑蛋豬扒飯set, it just cost $65🤩🤩 with soup and drink !!! Seems valuable !! After the food arrive , I think the soup was too big 😂 you can refer for the photo, the food was great , the egg still smooth with mix with the fried pork. But I think that the soup can be smaller, also the drink was too sweet for me 😨I’m not recommend for

行街成日見到油麻地分店好多人排隊，呢日午餐時間經過寶琳，特登去試吓，寶琳分店唔使排隊，座位亦多，坐得都舒服，枱上醬料齊全🤓❣️吉列炸蝦雞扒定食配飯及野菜豚肉湯$65有兩隻大嘅吉列炸蝦🍤同埋一大塊炸雞扒，炸蝦粉漿略嫌過厚，蝦肉比較少，而炸雞扒都保持到有肉汁，套餐本身配有沙律醬，枱上亦都有點炸物嘅豬扒醬，味道ok，炸物底下有一大堆椰菜絲，可以加上芝麻醬撈嚟食解膩;野菜豚肉湯冇咩特別😶❣️吉列炸蝦雞扒定食轉配讚岐烏冬$65+$3另一個套餐轉左讚岐烏冬，烏冬彈牙，湯底係鰹魚味，份量都算多👍🏻 +$9 椰果荔枝茶 +$9巨峰乳酸特飲兩款嘢飲比較推介椰果荔枝茶，荔枝味突出，而且有椰果，反而巨峰乳酸特飲味道有啲假🤪🏦是次消費總額 $166.1（人均消費$83） 🍴須加一服務費好味度：7.5（10分滿分）如果一個人食一份餐感覺都會非常膩，所以細食嘅朋友都係叫唔同餐同人分嚟食比較好😂，餐廳有個滑蛋鰻魚定食好似都唔錯，下次有機會試吓🤡

今日去新都城行街買完電器此時肚子感到非常空虛經過見到吉豚屋吾算太多人最緊要吾洗等位即可入座😌。入座期間望見枱枱都罷放住賣相相當吸引香噴噴既吉列豬扒此時令我食慾大開我點了一個吉列豬扒＋雞扒定食$79（＋$10可將白飯轉和風牛肉飯）。食物價錢相當超值，上餐速度都算快熱辣辣既定食終於上枱啦～滿心歡喜並帶著一絲絲期待開始動餐～OH🤨吉列豬~一咬落去...外皮比較厚～但都算鬆脆不過豬扒肉質變成乾柴如皮完全冇肉汁😫。至於塊雞扒更令人失望，薄到看不到雞肉好似淨係食緊脆脆吉列炸雞皮🤪最後＋$10轉既和風牛肉是最為正常別以為貴精不貴多只售賣招牌吉列都足夠令我絕不回顧👋。味道：3/10價錢：7/10環境：5/10。

吉豚屋係好耐以前係油麻地分店食過，當時覺得性格比高，吉列豬扒又juicy，事隔幾年，分店越開越多，但味道就每況越下。咖喱吉列豬扒飯 ($75)呢個價錢但係快餐質素，咖喱汁係濃既，但成碟野一啲配菜都冇，茶餐廳平得黎可能都啲薯仔配菜。仲吉列豬仲要係相當普通，炸粉偏厚，肉都唔嫩唔juicy既，呢個飯相當一般。泡菜鍋烏冬配吉列豬扒 ($75)個泡菜鍋烏冬都幾惹味，泡菜味幾濃，不過吉列豬扒相當硬，炸粉又厚，都係麻麻地。至於店內衛生我覺得麻麻，首先坐低見到有啲烏蠅，同埋員工擺低既水都有小小混濁，只可以講以呢個價錢，我下次一定會選擇其他餐廳。

呢間都會間唔中幫襯 因為吉列太熱氣， 唔可以成日食 同埋少食多滋味， 咁樣比較keep到想食既慾望 通常食得下午茶都係放假既時候 當唔想煮 又想食個抵食 但又想滿足下味蕾咁吉豚屋係幾好既選擇 下午茶食個吉列雞扒 定食 先＄40 ， 跟著又有追加優惠 ＄5 吉列蝦， 咁又嗌左4條俾自己 🤣🤣 咁原來有味噌湯 仲要有埋野飲 講到呢度好明顯我又係眼闊肚窄， 成日高估食量， 好彩 慢慢食唔趕時間， 下午茶本身就要歎架喇 🤩🤩 不過呢個下午茶 一食完，晚餐就直接skip ,變左食輕食類， 同埋會想隔1，2 個月後先再想食

幫襯過好幾次，幾乎每次黎都係食吉列豬扒，份量好大，而且價錢都唔貴！一望餐牌見到滑蛋鰻魚烏冬幾吸引，對鰻魚冇抵抗力嘅我就忍唔住叫咗黎試吓。➡️ 鐵板滑蛋鰻魚烏冬 ($72) ⭐️⭐️💫同餐牌嗰幅圖完全係兩回事，雖則食落口鰻魚味道尚可，但因為睇過餐牌個圖，本身期望都幾高，相比我面前呢碟，真係都幾失望。➡️ 吉列炸蝦豬扒烏冬 ($78)⭐️⭐️⭐️💫豬扒份量都幾多，而且幾大件，吉列外皮炸得好香脆。炸蝦就比較遜色，炸粉太厚，冇乜肉食。烏冬方面都幾煙韌，份量都適中。吉豚屋吉列豬扒專門店地址📍: 將軍澳貿業路8號新都城中心2期2樓2006-7號舖.............................. 味道😋: ⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

#小秘書 已經有好一段日子無幫襯 Ca-Tu-Ya 吉豚屋 吉列豬扒專門店，呢日正諗緊食咩好，#吉豚家 就出現喺我哋面前，仲要係咁啱到 #下午茶時間，試問又點忍得住口唔入去食我至愛嘅 #吉列豬扒定食🍱 呢？傳統嘅 #日本炸物 絕對唔係想像中咁油膩😏 反而咬落去會有一種特有嘅香味🤤 #吉豚家 嘅 #吉列豬扒亦唔例外，唔知係咪我嘅錯覺，喺外皮 #炸漿 上，我聞到淡淡嘅 #杏仁味道，好香口🤤 套餐入邊仲包括一個足料嘅 #豚肉蘿蔔湯、伴碟嘅 #生菜絲 加上 #麻醬 一齊食，口味好清新🤤整件咁完美嘅事，大家係咪無諗到會喺一個$45嘅套餐身上發生🤣 哈 為食嘅我仲比$5加咗隻 #吉列炸蝦🍤 （佢話係 #放血價 呀）... 唔怕肥嘅你，一定要嚟試吓呀🤪

今日好想食吉列豬扒，所以就揀左吉豚屋黎食個午餐。門外見到外賣自取有85折，確係抵下午2點幾，店內有好多位可以選擇餐牌內除咗有招牌吉列豬扒外，仲有雞扒，吉列炸蝦，同埋鰻魚。今日3人黎到，就叫三樣唔同嘅款式，可試晒幾樣1. 吉列炸蝦雞扒烏冬($68)，烏冬湯底清甜，烏冬彈牙，炸蝦同雞扒外面炸得香脆，內裡熱辣辣，美味。仲有椰菜絲，加埋醬汁一齊食，yummy 2. 吉列雞扒烏冬($55)3. 滑蛋吉列豬扒鰻魚丼($89)，滑蛋鋪滿飯面，豬扒保持一貫水準，鰻魚份糧算多，配上滑蛋同樣美味，鰻魚丼仲要期間限定，真係手快有，手慢無。

今日去新都城行下 見無咩人等位就試下 好快睇完餐牌就點菜 每叫一個菜 職員只會問仲有冇？仲有冇？仲有冇？ 好無禮貌 唔休做咁 大把餐廳好食佢 鐵板滑蛋鰻魚定食 $69朋友唔想食飯 加三蚊轉左讚岐烏冬 可能因為鐵板關係已經唔係滑蛋係熟蛋 鰻魚就細細份 將價就貨都正常吉列三重奏定食 $75三重奏嘅內容好豐富 有吉列豬柳 黃金豚肉餅 同埋吉列海老蝦 好可惜 當中個肉餅好散 味道仲有d怪 唔知係咪變壞左 食左一啖就放棄 吉列豬柳同 吉列海老蝦 做得好鬆脆 但豬柳好乾 毫無肉汁 又無肉味 可能最好食係椰菜絲撈埋沙律醬 巨峰玉露 $16(跟餐價) 本身有張飲品list簡好哂點菜先話呢張飲品list唔再用 唔用放係到做咩 轉左飲巨峰玉露 巨峰味假到爆 飲紙包裝都好過佢吉列個脆皮係做得幾好 但個涵 即係啲肉就真係好普通 見到成日大排長龍先諗住試下 完全感受唔到點解咁多人排隊 唔覺得有幾好味