吉豚屋吉列豬扒專門店

营业中

休息中

這區商場食肆甚少， 住宅人口又太多。 中午繁忙時間搵食相當艱難～『吉豚屋』午市套餐非常超值， 滑蛋豬扒飯， 豬扒香脆肉質鬆軟又夠juicy， 加上滑蛋洋蔥更添香味。 套餐包括大碗豬肉湯， 勁多料。 飲曬一定夠飽喇。 飲品選了荔枝蘆薈茶（茶）， 配豬扒飯唔錯！埋單畀錢嘅時候竟然贈送一支漂白水， 絕對係非常時期嘅驚喜。還試了下午茶， 炸豬扒定食$45， 也包括飲品和湯（小碗），非常抵食， 可惜時間都要三點後， 可以早半個鐘就perfect喇這杯熱柑桔檸檬， 非常甜， 太濃味～

之前夜晚去左食，等左大約10分鐘就有得入。我就叫左一個滑蛋豬扒飯，要竹size，即係中size。呢個size已經好夠飽，而且豬扒亦都有好多舊，但係可惜嘅地方係因爲炸豬扒同d滑蛋放埋一齊，所以就食唔到脆嘅炸豬扒。整體而言都唔錯。

早兩日和家人一起去吉豚屋食晚餐，通常我來這間餐廳食，多數都是叫咖喱吉列豬扒，或者滑蛋雞扒的，這兩款外邊都有一層油炸脆漿的，非常香口，但不健康，今天發現了一個鐵板泡菜豬扒定食，豬扒是煎的，不軟不硬，非常好味，食後不會有罪惡咁，健康嘅朋友，不妨一試！

我嗌咗一個吉列炸蝦豬柳定食原價69元，然後佢嚟錯咗個吉列炸蝦豬扒定食，價錢唔同咗跟住就變相加咗我價。我覺得好似被欺騙嘅感覺。完全貨不對板。食嗰樣嘢唔係正式嗰樣嘢仲要加咗錢。下次一定唔會再幫襯咯，亂噉收費。

啱啱喺星期六lunch時間去，唔洗等位就有得入。我叫左個滑蛋豬扒飯（竹）。分量唔少，絕對夠食，豬扒汁送飯相當唔錯，滑蛋好好食，夠曬滑，不足之處係d豬扒比滑蛋汁整到軟左，浪費左個炸皮。

點解放假先至嚟落雨🌂？我諗大家喺呢個週末一樣有同感🤦🏻‍♀️ 無得出去玩，唯有出去 #商場 行吓，#振興經濟🤪 只可惜 #小秘書 財力不足，都係坐抵食個飯最實際😝 原身我哋想去@元氣壽司」食去壽司嘅🍣 。不過咁啱 #MCL店 裝修緊，我哋唯有改去隔離間 #餐廳「吉豚屋」食🐷🐽 我哋坐抵嘅時候已經差唔多3:30😅 可以用 #下午茶餐 嘅價錢食 #午餐，正合 #小秘書 嘅 #經濟原則🤪 呢次我要嘅係 #吉到豬扒定食 再另加兩隻 #吉列炸蝦🍤(promotion $5@) 餐牌價係$55🥳 不過材料同份量似乎跟 #正餐 無咩分別。#吉豚屋 對 #客人 同 #食物 都幾有誠意嘅，每份 #定食 🍱 都係 #即叫即做，可能因為佢哋嘅主打都係 #炸物，所以一定要保持新鮮🥢 #定食 入面除咗有 #吉列豬 🐷 同 #炸蝦🍤 之外，仲有碗 #豚肉湯 都係落足料㗎😁 而且佢哋嘅 #炸物 都做得好鬆化、而且一啲 #油膩 嘅感覺都冇👍🏻 反而我覺得件 #吉列豬 就乾身咗啲，但係味道都好好呀👍🏻 以 #街坊價 嘅價錢食呢餐，我覺得質素唔差喎🥳

今日晏就同男朋友食左呢間吉豚屋 一入去個環境其實都ok 兩個人都嗌左個飯食咁既 我本身就坐係梳發位個邊 都差唔多食完咁制架啦我 本身唔覺眼 望望下就有d唔對路 發現就有隻曱甴係我坐緊個梳發到爬😱真係超級恐怖 因為我係驚曱甴個d人黎 我男朋友就本身加左個白飯仲食緊 咁我就即刻坐返出去外面坐左係佢隔離同佢講有隻曱甴係我個邊 佢都即刻停晒手唔敢食落去😥隻曱甴仲要越爬越高 咁我就梗係有同員工反映啦 我係同一個戴眼鏡既男同事講話個邊有隻曱甴 佢自己都見到隻野 之後佢叫我等等 咁我諗佢應該係去揾經理反映啦 咁我見佢去到收銀個邊同個女人(唔知係咪經理)講左d野之後行返反黎 我諗住佢會同我地講返聲唔好意思或者問我需唔需要調枱個d啦 ok佢係無既 佢仲要係我後面同其他同事有講有笑 最過份係成間餐廳無人打算處理件事😃事後我係無再出聲😃我真係頂唔順我就去埋單 去到埋單個到係個個男同事收錢 我問左佢一句 你地係咪無人諗住處理呢件事 佢竟然同我講等你地走左我地就會處理？😥哇 餐廳有曱甴你地好似見怪不怪咁 好噁心啊 成間餐廳無人覺得有問題 有無諗過係你地清潔做得唔夠好先會有曱甴既出現 我俾錢黎食飯架🤮仲有啊個到

一個人喺新都城食LUNCH，都算有唔少選擇。黎到吉豚屋門口，見到下午餐款式選擇唔少又吸引，於是就決定入左黎試下。入到店裡面，環境夠乾淨兼且座位空間夠闊，唔會坐得好逼好辛苦。睇到下午茶MENU，主要有烏冬類、咖哩類、定食類，我最後揀左「吉列雞扒定食($40)」，個SET連埋白飯、野菜豚肉湯同埋飲品。野菜豚肉湯味道夠濃，裡面有豚肉、白蘿蔔片、蔥花，絕對落足料。而塊吉列雞扒炸得鬆脆又夠熱，而且唔油膩，再配埋椰菜絲，值得一讚。飲品就揀左巨峰乳酸特飲，飲落唔會太甜，幾好飲佢最好既地方係有豬扒汁同埋芝麻醬喺枱到任你自己調味，咁就保證一定啱你心水。呢個價錢有咁高質素既食物同舒適環境，值得推薦！

吉豚屋都食過幾次嘅，一路比我嘅印象都唔差至少唔會中伏，估唔到今次食食吓張枱爬咗隻曱甴出嚟......本身我同男朋友嘅野食已經嚟咗，食咗大約10分鐘左右，我男朋友就見到有隻曱甴係我餐盤邊度爬...隻曱甴就唔係喺食物度爬出嚟嘅，我估係喺啲枱底啊地下爬上嚟，咁我男朋友就好Man咁用紙巾捉咗隻曱由🥺🥺咁之後當然係叫經理啦，經理知咗係有講聲唔好意思嘅，但之後竟然話「正常㗎係咁㗎，可能天氣潮濕又或者有時清潔得唔乾淨...」不過佢都有話洗唔洗換過個新嘅餐之類挽回民心嘅說話嘅，不過我哋知隻曱甴唔係由食物走出嚟就算，不過之後食咗1,2啖都無咩胃口，我哋其實係好客氣咁同個經理講無發脾氣，不過可能佢見我哋太客氣有禮貌，我地亦無request 啲咩，佢到最後嘅處理手法就係dom咗隻曱由同照收我哋錢哈哈，我諗我無咩事以後都唔會嚟。題外話，雞排炸粉有啲多，食落有啲濟同熱氣，湯嘅味道就比之前淡咗，豬肉得一塊好多蘿蔔，而豬排就正常嘅。

之前每一次來都是吃吉列，今次便一試鍋物。豚肉壽喜燒，賣相十分吸引。湯底不會太甜，份量又適中。不得不提及烏冬，好彈牙又有口感。蔬菜，烏冬都可以吸收湯底的味道，下次再來一定變咗會有選擇困難症。

將軍澳新都城中心食肆林立，呢間食肆專賣吉列豬扒，店舖外觀幾有風格，木製傢俱，感覺整潔。咖哩吉列豬扒飯好有水準，豬扒香脆肉厚，肉汁豐富，又可按個人食量選擇份量，咖哩汁美味香口，飯粒軟滑有口感，侍應有禮貌，抵讚!

晚市想食下炸野，所以黎到呢間吉豚屋，8點幾鐘，要等4，5枱，等左大約半個鐘。講下環境先，舖門面好暗，少啲眼力都未必睇到，裝修就正常日本feel喇，位置就同快餐店一2樣，拿到盡，岩岩好放得落個盤。食物方面，今次叫晒佢d炸野：炸豬：正正常常，加醬食juicy好多炸雞：正常，食落分唔到炸雞定炸豬炸蝦：麻麻地，味道中下炸肉餅：最好食呢個，味道中上，口感充實，又大又厚服務就一般般，待應叫極唔應，上餐又慢，門口拎飛都要三催四請，先有人應。

壽喜燒呢個湯底真係好甜好夾豚肉嘅味道先飲下個湯，真係好濃好好味。豚肉份量亦好多只得豚肉簡，無其他。再配上生雞蛋或者泡菜同好多蔬菜金菇既配菜，仲有烏冬跟埋69蚊真係好平好平民

Deep-fried shrimps & egg bowls and deep-fried pork cutlet & egg bowls. 🍱🥢😍Really love their shrimps bowl, 🤤 crispy shrimps with perfect flavors, scrumptious and savory! 😋Had to come here to order this shrimps & eggs bowls when every time we walk by. The shrimps were just too good to have only 1 bowl! 😍😍

放飯時間想食餐好既冇問題！同同事排唔到另一間，咁岩吉豚屋又唔使排隊，就決定食佢了🤨👉🏿✨豚肉壽喜燒鍋烏冬 Hkd 69 💸📌最近完全係愛上食壽喜燒🥰等又唔會等好耐，以一個鐘放飯時間黎講係絕對足夠！入面有豚肉，雞蛋，大蔥，金菇，豆卜，豆腐等！加埋烏冬一人分量會食到好飽呢！成個湯底都偏甜，食個陣係覺得好好味！由其係個豆卜索晒啲湯汁，真係好正架😀豚肉都算多，最好味係啲大蔥，入口香甜，真心正呀！不過食完之後會勁口乾😭可能味精太多了，久唔久先食一次都ok既～