吉豚屋吉列豬扒專門店

营业中

休息中

第一次踏足石門，唔知呢頭有乜好食，只見眼前有間日式炸豬扒，照片同價錢都ok，叫得《吉豚屋》，應該都唔會差得去邊啦。🥢豬扒牛肉壽喜燒鍋定食 $85 ⭐️⭐️⭐️貪心嘅我兩樣都想食，唔想炸豬扒咁熱氣有少少汁浸腍，豬扒厚切夠腍似豬柳部位，咬落唔會覺得鞋口；牛肉太熟太瘦令我好失望，雖然份量多但唔好食囉！🥢吉列豬扒定食 $75 （另溫泉蛋加$10，巨峰乳酸加$11）⭐️⭐️⭐️⭐️豬扒夠脆但唔夠熱，係剛好可以入口嘅溫度，同樣厚切夠腍有少少筋位，但豬味就唔濃郁，真係一分錢一分貨，幸好有醬汁搭夠，椰菜絲唔係任食，不過碗蘿蔔麵豉湯夠大碗好飽肚。二人共消費：$181

一直好鍾意食日式吉列豬扒，但香港無乜餐廳做到夠鬆脆，今次嚟到吉豚屋，估唔到佢嘅吉列炸物做得幾出色！.我哋叫了2個吉列豬扒 + 炸蝦定食。食物都幾快上檯，炸物熱辣辣仲炸得好鬆脆，真係即叫即炸。.定食配有甘味醬油蘿蔔漬，酸酸地又爽口，幾開胃的前菜。.炸豬扒好大件，外表好鬆脆，炸粉唔厚，豬扒都幾厚肉，做到有肉汁唔乾唔鞋；配埋酸酸甜甜的豬扒醬，好 match 好好食！.炸蝦有2大件，一樣係薄炸粉、好鬆化，蝦肉好厚好爽口，配埋沙律醬好好味😋.另外亦大讚呢個定食有好多菜！有半碟咁多！沾沙律醬食解油膩一流。.佢個野菜豚肉湯亦好好飲，唔會得個「死咸」嘅味精味道，飲得出有蔬果嘅鮮甜味。個湯有豚肉、洋蔥、紅蘿蔔、薯仔同蒟蒻一齊煮，難怪咁鮮甜！👍🏻.飲品方面，我哋叫了柑桔檸檬特飲及巨峰乳酸特飲。2杯都唔會太甜，幾好飲。

Lunch hour 係石門都算多嘢揀，中西日韓cafe都有齊晒，話是話食得飯堂多，今日想同同事食吉豚丼飯，12:40去到已經滿座要排下隊，見前面得排緊嘅人唔多，一於排埋一份！都好快入座，同同事一人嗌咗個豬扒套餐，嘩！都唔平喎，不過出餐都幾精緻，日本人風格。味道保到一向水準，食得出係啱炸出嚟冇幾耐，好入味又够熱，我個人就唔太受啲豬扒略帶酸味，不過同事就覺得幾特別冇咁膩。唔計價錢，整體嚟講係中上水準，穩陣之選

今日返工比較忙，又唔想出去食飯不如就叫個外賣食啦！點知嚟到都幾驚喜⭐️ᰔ牛肉壽喜燒唐揚炸雞炸豬扒丼可能因為呢間係做炸物嘅專門店，炸雞好香脆，多肉汁，外賣質素牛肉都唔會韌，個豬扒都仲係脆卜卜🥰好厚身，有肉汁，呢個價錢呢個質素真係冇得輸，份量都好多。最後都食淨左一舊雞🤣ᰔ另外仲加配咗杯嘢飲荔枝椰果茶👍🏻外賣幾好（用外賣app叫），唔使同人迫，因為呢間通常Lunch hour都要排好耐隊。👍🏻（用外賣app叫）

甚少去石門食嘢，整完頭髮都夜了又肚餓，就係附近搵食，無意中發現這間抵食吉列豬扒店，無論定食，散叫都有很多選擇，有炸蝦，炸豬扒，炸魷魚，炸雞扒，連鰻魚都有，價錢大眾化。吉列炸蝦豬扒泡菜湯烏冬鍋 $82估唔到份量都唔少，有兩隻炸蝦同炸豬扒，我覺得炸蝦味道不錯，幾彈牙，豬扒唔太油膩乾身 ，可能厚切，但食落就唔算好鬆化，反而喜歡椰菜絲，配埋芝麻醬食更好吃，泡菜鳥冬湯有泡菜同豆腐，味道ok。叫咗凍柑桔檸檬🍋特飲，埋單$102，以這個價錢個人認為抵食喎又大大份，食物質數又唔錯😌。

請你哋公司好好正視一下你哋員工既說話點解可以叫客人坐飽佢呢？我相信你個員工仲要唔係低職位，可以去收銀機收錢！我歡迎你搵我，同我正視一下，交代一下咩叫坐飽佢？如何解釋？

滑蛋三重奏丼$69🍤🐔🐷丼飯有炸蝦 炸雞 同炸豬扒雖然面頭嘅滑蛋份量唔多 有好香嘅洋蔥味 食落幾香幾夠味🤪飯本身冇汁 所以我自己加咗啲和風豬扒汁嚟食🤣豬扒唔乾身 不過我覺得比較厚 食落唔算好淋個人比較鍾意炸蝦同炸雞多啲😽總結: 價錢唔算貴 性價比高 整體都幾好味

今日lunch諗住試下呢間外賣啦，之前試過堂食唔差，就諗住試下叫個外賣試下，今次叫咗吉列雞扒拼牛肉壽喜燒便當，配埋芒果乳酸特飲，正呀，雖然外賣無堂食咁吸引，但整體來說都唔錯的，仲有唐揚炸雞呢款小食，不過外賣可選款式唔多，都係豬牛雞揀，下次可以試下滑蛋豬。

昨日一行五人食Lunch 叫左五set 餐當中既炸蝦及炸豬扒全部都係勁厚粉 完全唔知自己食緊乜塊豬扒勁薄 係麵粉嘅三份之一厚度 （身上無間呎量度mm ）之前第一次去食質素唔錯 事隔半年再去 真心唔會再幫襯湯偏喊員工態度都唔太好 加單時會黑面衞生都差左 地下好多垃圾

在京瑞廣場一期的吉豚屋吉列豬扒專門店，我們開始了一場豐富的美食之旅。首先是吉列豬扒便當（$75）。這款豬扒炸得酥脆，每一口都是一種享受。粒粒飽滿的珍珠米，口感相當好。醃製過的蘿蔔伴菜提供了一種清新的口感，解膩之餘，更增添了幾分滋味。湯品豐富，使整個便當更加完整。醬汁方面，我選擇了芝麻醬。芝麻醬的清新香味，與炸豬扒的豐富口感形成了完美的對比，為本已美味的豬扒更添一分魅力。店內的環境寬敞，但在繁忙的時間可能需要拼桌。但是，這並不影響這裡的美食體驗。在這裡，你可以品嚐到最正宗的吉列豬扒，感受到獨特的日式風味。在吉豚屋吉列豬扒專門店，每一份豬扒、每一碗湯，都是對你的味覺的挑戰。在這裡，你不只是在吃飯，更是在享受生活。

今日咁岩係石門做完野，經過京瑞廣場，見到 間舖頭又有少少肚餓，就入左去食個下午茶。入到去d位都好多，可能時間關係，自己揀個位座。其實想食鰻魚飯，但既然入得嚟梗係要食下吉列豬扒飯， 就叫咗個吉列豬扒定食加杯烏梅汁。整體上都ok個吉列豬扒都係外脆內軟。 除咗個吉列豬扒有埋椰菜絲添， 吉列豬扒一定要點個豬扒汁！ 而椰菜絲都要加返芝麻醬先好食！咁既價錢就唔會要求太多，野食，湯同野飲都對得起呢個價。 如果冇加一會更好。服務員都好 ，有問會答。有下次～

吉列豬扒大家應該都好少係屋企整黎食, 所以出街食炸豬排係最好選擇, 呢間係我嘅吉烈豬扒飯堂! 吉列炸蝦豬柳定食🍤🍱豬柳肉質好鬆軟唔會好鞋, 而且豬扒一啲郁唔薄, 外皮炸得脆但又唔係硬脆果種, 炸皮薄身, 食完唔會覺得好油膩, 加上側邊有啲椰菜絲係度, 配埋芝麻醬食更清爽🫶🏻隨餐仲有湯雞扒牛肉壽喜燒🥘跟餐配湯同飯, 份量好多, 雞扒炸得好香, 無雪味, 煮返落個壽喜燒汁度入晒味😋個壽喜燒仲有隻半熟蛋, 用黎撈飯一流🍚個白飯係用珍珠米, 好彈牙! 仲有個湯一啲都唔hea, 有肉片+菜+蒟蒻🫕

想食碗大滿足既吉列豬扒飯，嚟吉豚屋就一定冇錯，豬扒夠厚，肉嫩鬆軟，微微肉汁，加埋帶甜既丼汁！！！好正呀點解個標題係「竹」既滑蛋豬扒飯最抵食呢！？我影出嚟果碗係「松」最大碗既$89，有兩塊80g豬扒（要好大食先食得晒）！！！滑蛋豬扒飯：豬扒分三個份量梅：一塊80g - $52竹：一塊半120g - $65松：兩塊80g - $89列明份量同價錢，就會睇到竹果份只係貴梅$13就有多40g係最抵食喇！吉列蝦$10/隻，係排隊等位既時候睇到炸蝦專員即整！梗係要幫襯下啦，炸得幾鬆脆，好食又抵食如果唔揀定食呢，可以加個set B：大碗雜菜豚肉麵豉湯連$17飲品（多左照補差價），可能落好多紅白蘿蔔片同豚肉片，所以碗湯又濃又甜，好飲又超值！望到好多OL點吉豬定食都食唔哂，因為份量都唔少；題外話，京瑞廣場食肆算好多，但午市時間極之多人，如果避到午市1230-1330會比較舒服同唔洗等位

超級大份!!!珍珠米配咖哩飯, 絕配.如果咖哩有辣度選擇的話, 就更好.但吉列蝦的炸粉太多  飲品半價, 記得一定一定要少甜!!!__________________

依間係連鎖店，專賣吉列豬扒，同埋其他吉列野。- 吉列炸蝦豬扒豬扒同飯分開上，加埋椰菜絲，比一齊上要貴少少。不過個炸皮就一定唔會淋咗。吉列豬扒真係整得幾有水準，炸到鬆脆，肉質唔會話好鞋。炸蝦都正常，炸到鬆脆，冇乜特別。伴碟既椰菜絲，可以淋上麻醬，中和返炸豬扒嘅油膩感。- 野菜豚肉湯材料夠多，飲落夠鮮甜，值得要黎跟餐。以日式吉列餐廳黎比較，佢水準唔錯，而且連鎖店既價格合理，想食炸野可以試下。