吉野家 (又一城)

营业中

休息中

芝士黑松露豚肉飯$42吉野家最近推出呢個芝士黑松露豚肉飯真係啱晒一班芝士控同黑松露控～如果係一個普通的豚肉飯真係悶到唔會想食，但加了芝士和豚肉就加分不少，雖然感覺上很heavy但黑松露味聞落的確幾香而芝士味都很濃。價錢方面$42咁細碗就唔係話好抵，除非你係芝士控/黑松露控，如果唔係既話我諗諗一次都夠了～

早兩日上了又一城food fest食個tea, food fest有好幾間選擇, 都是一些連鎖店, 最吸引到我的是pepper lunch和吉野家...下午茶時間就當然不會選擇鐵板飯咁誇張哦, 因此就向吉野家方向走去...我order了一客昆布牛肉烏冬, 這間分店的牛肉烏冬是我吃過的吉野家之中最豐富的哦...裡面十分足料, 牛肉超多! 昆布和洋蔥也有好多片..烏冬的份量也好像特別大碗. 吉野家的烏冬一向很好吃, 口感煙韌彈牙又滑, 連埋昆布湯底一起吃味道不錯. 不過, 略嫌湯底太濃郁, 濃郁到有一點鹹, 稍為淡口少少會更易入口.

以前中學，適逢考試季節一定會同朋友去下吉野家食下午茶，貪佢又平又好味。中學畢業，每每加價，越黎越少食吉野家。今日發現，原來依家一個下午茶牛肉丼盛惠25蚊，汽水仲要另加兩蚊。叫左碗牛肉烏冬，不過不失，幾多昆布同其他材料，食得飽肚既下午茶黎講，都算係咁。

早幾日去又一城Festival Walk行街, 行到肚仔餓就上左food court諗住平平地食個下午茶, 耐冇過黎...原來全部變晒連鎖店, 大家樂譚仔pepper lunch等等...最後揀了吉野家, 簡簡單單食雞粒昆布烏冬吧~ 唔洗排隊, 比完錢後三分鐘唔洗就有得拎, 呢碗烏冬賣相一般般, 塊白色日式魚蛋仲要爛嘅, 感覺有點拿西... 不過食落味道都可以啦...雞肉有6粒, 雞皮微微煎炸過, 所以雖然在湯入面都仲有少少香脆, 肉質OK都幾好食,  烏冬份量也不少, 食完再飲埋杯茶都少少飽肚. 但可能因為雞粒既關係, 湯底都幾油膩下..下次都係食牛肉會好些.

食吉野家既牛肉飯有三樣野一定要加，缺一不可。牛肉汁：呢個係精粹，令到成個飯都係牛肉味！就算肥都係落，食得牛肉飯仲計較呢d？之後就係七味粉同乾辣椒，落左個飯味道無咁單一。如果唔食得辣都可以加七味粉！牛肉飯套餐($40)除左跟汽水/茶/湯，仲可以免費轉熱奶茶，又幾好飲喎！牛肉同珍珠米分量都足，味道ok!PS:估你唔到，敗筆係food court餐具套裝入面既紙巾，好大浸化學品味道

今日經過九龍塘又一城同啲朋友去食下午茶 於是我就揀咗我吉野家因為好耐未食過啦 就揀左野菜雞肉飯 不過賣上就差咗啲 食物嘅質數普通 雞汁就偏濃但係雞肉就比較老左D希望佢地可以改善啦

放學黎到附近食個Lunch，Food Court永遠都咁多人，見到吉野家人龍去得較快就去左食韓式烤肉雞丼，呢個飯好似算新新地，之前都無見過，食落醬汁夠哂多，雞嫩滑同都幾多舊喎豚肉飯，朋友試左呢個，終於食d牛肉飯以外既野，豚肉薄切，夠入味，食落有種豚肉生薑燒既感覺，算係幾有驚喜。

少有地在吉野家吃早餐，內含炒滑蛋、餐肉、珍寶腸及蟹棒。這份早餐最大的問題是不夠熱，其實預先煮熟食材可以理解，但適當的保溫處理絕對有必要。滑蛋口感不夠嫩滑，餐肉及珍寶腸食味普通。蟹棒是唯一夠熱及好味之選。熱奶茶茶香味道都 OK。

這次要在九龍塘看早場，反傳統來早餐也食雞飯。細煎雞飯，$25.5，包一杯普通日本茶，味道其實一點也不日本，只是普通茶餐廳提供的茶，但味道淡淡的。只有三舊雞肉，不太嫩，口感還好。但我還是懷念以前的味道，這個價錢，選擇隔壁的大家樂應該會更歡樂。另外，早上又一城的冷氣真的不冷，邊吃邊冒汗.......

這天晚上在又一城工作,接近10時才結束,早已饑腸轆轆,所以上了food court吃飯幸得吉野家尚未打烊,簡簡單單地叫了一個和風牛肉飯和日本茶個人認為,到吉野家吃飯是必定要選牛肉飯的,價錢便宜,分量足牛肉鋪在米飯的上面,再淋些牛肉汁上去,牛肉和米飯都帶著牛肉汁的味道,滋味無窮其實做人簡單一點,事事容易滿足,會活得舒服快活一點,但可惜現實世界迫著你去學會在人前偽裝,恐怕就只有在今夜裡獨自一人吃飯時才能稍稍卸下面具

一個人獨自喺又一城逛，想食飯food court就啱晒單人晚餐。Food court同場都有唔少選擇，但突然有啲想念吉野家嘅牛肉同比較肚餓，於是就選擇煎雞牛肉雙併飯。味道一於既往，係青春嘅味道，由中學已經開始食吉野家啦嘛！煎雞略嫌鞋口，雞皮亦冇以往咁脆口，但醬汁依然好味。牛肉份量少，但味道同洋蔥嘅配合都一樣好味！不過整體份量真係少左好多。

因為岩岩係九龍塘收工，全日都只係食左一片麵包，撞正食飯時間，好多餐廳都好多人排隊，我已經餓到就快冇命，所以拿拿臨衝上Food Court睇下有咩食。Keep緊Fit既曉晴太天真了，成個Food Court根本冇一樣食得既，又油又炸又乜乜乜咁，唔想食咁肥都只有吉野家呢個選擇 (唔係嫌棄，只係返學再返工一整天想食得好少少)，唯有就照舊啦！呢間吉野家真係令到我好Surpised喎，因為食物質素真係好過我係沙田或者上水個間，起碼一睇就知有心做啦！曉晴叫左個野菜煎雞飯，再加一個野菜。櫃台姐姐好好，除左幫我走左雞汁之外，細心到連菜汁都幫我走晒(吉野家原意係for全素食者既)，所以成個飯好清爽，走晒我最憎既汁。更Surpised既係個飯超級熱，呢下係真心感動的，飯喎！一定要夠熱！而且係珍珠米，好味！雞件有六塊，唔油兼乾身，去皮後，雞件仲係熱架！野菜就新鮮又甜啦，冇菜汁就更加健康！外點一客泡菜，一般啦，太濕唔夠酸唔夠辣唔鹹，過下口癮既姐~杯綠茶就超夠味同夠晒熱，食野成個餐成個身暖晒，好感動啊！想減肥既姊妹都可以跟我咁食架！

今日有兩位朋友同日生日，幸好全能的FB幫忙提醒送上祝福。平日的下午兩點，想不到九龍塘又一城這邊人流多到比星期日更過份，由港鐵那層慢慢的爬上最頂的food court，所花的時間比平時多一倍。到達後面對另一個問題，就是堂食無位。由於吉野家的人龍最短，便毫不掙扎的選擇了它。抬頭望見店方出了芝士蕃茄系列，便決定一試。與平日的醬油牛肉丼相比，芝士蕃茄的鹹味大減，酸酸甜甜的比較開胃，有點像中式的蕃茄牛肉煮蛋。芝士份量非常多，強烈的起絲效果令人想起吃pizza的感覺，整體味道不錯，不過蕃茄份量有點太少。外賣盒設計將飯醬兩者分開，概念雖好，但要拿起內裡盛餸的透明膠層比較麻煩，結果還是弄得滿手髒哦。

太太的新上課地點是九龍塘，這也代表我周不時要踏足《又一城》這一個飲食荒島。一個人在又一城，基本上不用費心思去找食肆，因為只有 food court 合乎一人飲食的主意。不過，上到來 food court, 那些所謂的食肆，可以說是完全不吸引，看來看去，只有《吉野家》比較合心意。來《吉野家》食飯，基本上是別無他選的，因為只有牛肉飯才可以叫做好食。汁煮的牛肉，味道十分之濃郁，蓋上飯成丼之後，牛肉的汁混入了飯之中，很是香口。更識食的，當然要要求來多一份牛肉汁，這牛肉汁，是《吉野家》煮牛肉的汁，所有牛肉的精華同味道，都可以有這汁找到。要此汁做什麼呢? 不用說，是用來撈飯食的。我已經要了大碗版的牛肉飯，不過心知以一碗飯做晚餐，份量是不足的。於是我加點了一客燒三文魚。這一個三文魚，好的是夠香，不好的是有骨，食用時需要精挑過後才能夠食得安心，再者份量不大，是一個非常認真的小食。味道不錯，可是份量就感覺越來越少，以前一碗大牛肉飯已經夠飽，現在一吃，很明顯細份了，另外，店方推出了 Junbo Size，明顯地不以加價的名義，把以前的大牛肉飯升半碼做 Jumbo，細半碼做大飯.....變相加價....

太太跟囝囝沒在家吃飯的日子，往往都是買外賣就算，吉野家成了不二之選。想不到看完戲，囝囝依然有興趣，但過了六點，就沒有了下午茶，只好單點牛肉飯套餐，說真的牛肉又真的鬆軟，洋蔥又煮得夠腍，吃起來甜甜的，再澆點牛肉汁，風味更佳。只可惜金菇牛肉卷死實實，乾巴巴的，毫不吸引。