吉野家 (屯門時代廣場南翼)

营业中

休息中

好耐無食過吉野家，連個app都del埋。不過見alipay有優惠卷，午市晚市滿$50-$5，就入去食。見到餐牌同以前唔同左，就諗住試吓。叫左個吉列豬扒定食$61-$5，配味噌湯。如圖片所見，豬扒細，仲要炸到又燶又乾，肉的質感仲要靭。真係超伏。唔會再去！

裝修後見到餐牌都有轉換新款式有新推出嘅抹茶多士早晨套餐廣告牌上好似好吸引咁～便試試但價錢也連裝修後一樣加哂價了呢個套餐抹茶多士+炒蛋+菠菜薯餅+鰹魚湯烏冬連飲品（$41）味道麻麻～超中伏！

反工一唸吾到食咩，就會唸起吉野家,必定會食溫泉蛋牛肉飯,牛肉份量又多，加埋溫泉蛋撈埋一齊食，蛋黃汁黐滿粒粒飯，再問店員攞多包薑片一齊食，加埋d七味粉，簡直係正正正🤭

吉野家位於屯門屯隆街2號屯門時代廣場南翼3樓25號舖. 若乘輕鐵可在市中心站下車, 入屯門時代廣場在轉角位向左邊望即見. 店肉美食當然是牛肉飯啦. 牛肉飯有不同大小可供選擇: 野菜牛肉飯, 和風牛肉飯 (大盛), 和風牛肉溫泉玉子飯 (大盛) 及一番巨丼等. 個人方便要食就食最豐盛的一番巨丼, 牛肉量多得可把飯完全遮蓋住. 記住要問店員拿辣薑配著吃. 如老是吃牛肉覺得悶可間中試試煎雞飯,東坡肉飯或豚肉飯等. 飲品方面推介抹茶紅豆冰. 值得一提的是, 如下載吉野家App, 可享有折扣優惠.

今日同朋友專程嚟到吉野家。千挑細選揀咗兩個火鍋，個湯底好有驚喜，另外啲配菜都好新鮮，最鍾意就係一早落晒啲蔬菜，打到中後段啲蔬菜材料吸收晒啲湯底汁，食落去真係淡淡精華，另外肉類方面都有豬牛雞選擇，我同朋友分別都叫咗每款一樣，另外再加錢的，因為我同佢都係超級勁鍾意食肉，到目前為止我都係最鍾意去吉野家打邊爐，因為環境啊食物質素啦相對來講都比較好！呢度嘅姐姐服務態度亦都好唔錯！見到我哋抱住小朋友都會馬上協助我哋！真係超級抵讚！

漏比麵豉湯 正價價錢茶餐既享受差 突登去幫襯換來難食的滋味 叫了雙拼 煎雞size ,我以為我食緊一粒雞粒，令人失望！最失望係漏比麵豉湯 幾次都咁，次次餐牌寫到有好多野食 到桌是單調，仲要返屋企先發現，原來沒有豉湯是必然,但比緊正價套餐。失望 失落 日本既吉野家，如果外邊天是下雨，入內會暖暖地，但香港我只feel到冷 ，同d木咀員工唔問唔出聲走黎收你既野……..個場一眼睇晒，但可以一段時間無人走來招呼，一度係新款無人餐廳，但有個收銀棟左響樹，總之，除非世界得返一間餐廳，或者佢減價到好平好平，都廢事再幫襯！

吉野家呢間野大家都唔會覺得陌生佢出開名係食牛肉飯既今次為大家介紹既呢間係位於屯門市中心屯門市廣場分店的位置方便,而且間隔都唔錯我最中意去唔同既地方high tea話說本來諗住普通叫反個細牛肉飯填飽個肚就算但去到見到個餐牌有我未食過既新配搭: 迷你牛肉飯配...依稀記得好似有配牛角包, 司華力腸等等價錢唔貴三十頭就已經有交易結果我叫左個迷你牛肉飯配司華力腸+麵豉湯好可愛就係超迷你,如果男人嗰D真係兩啖就食完之後就諗會唔會唔飽呢認真我唔細食的飯就冇咩特別,都係平時嗰D質素重點係條司華力腸唔太咸而且又有脆皮既感覺幾好食唔好理食完飯同腸加埋碗麵豉湯我竟然夠飽就咁平平地就醫飽左個肚啦(完)CheeseRose*歡迎互追蹤*

原來打算同朋友食另一間打邊爐，但冇Book位，而且當日是假期很多人無奈之下選擇食吉野家，又幾驚喜，好味又飽肚叫咗兩個火鍋，加錢要番茄麻辣濃湯，這個湯底推介我們都有加錢要咗龍蝦，但吾好食

好多年冇食過吉野家，呢間分店喺度開咗好耐，我都冇食過，我諗大概五年都冇食過吉野家今日特登過嚟食呢間吉野家，超多人，而且啲人坐到亂晒籠，而家疫情期間有塊板間住，有啲明明係二人座位，但係唔知點解會有一個人坐住喺二人座位，但係另一個手袋又擺喺另一個二人座位，好多呢種人喺呢間店出現餐牌方面都係亂晒籠，而家原來出咗好多新嘅套餐，好多唔同新嘅配搭，但係根本冇清清楚楚列出來，睇晒成間店嘅餐牌，只係講有打邊爐火鍋，有鰻魚飯，同埋有特盛兩送飯三送飯，完全唔知道單送飯係幾錢，亦都唔知但送飯嘅套餐喺邊可以睇到整體員工都係好有禮貌，可惜成間店嘅格局同埋餐牌嘅管理都係亂晒籠，估計係管理層嘅問題⋯⋯食物方面唔使多講，都係一如以往咁嘅味道，反正咁多年來佢哋嘅烹調方法都係一樣。不過值得一題係個豚肉芝士漢堡，冇諗過係咁大舊，真係超大，幾十蚊可以叫咁大個飯，有珠有雞有牛，真係好抵，不過個漢堡扒嘅口感同味道都好似貢丸😂唔係難食，都OK嘅，都幾好食嘅，好似巨型芝士貢丸咁汽水走冰都夠凍，不過唔知係咪太多年冇飲，而家大左食嘢嘴刁左，覺得呢度啲汽水特別難飲🤣早知加$3轉特飲！

想不到星期六可以吃甚麼，看到吉野家做外賣優惠，比平常的套餐更豐富，好抵食。金菇玉子煎雞丼加野菜$60這個餐有三個菜，分別是金菇牛肉、煎雞和白灼野菜，另外有一個溫泉蛋，真是好豐富！牛肉和雞肉煎得夠香，不過雞肉有點柴，過熟，而豆灼得未夠熟，其他都好吃！

話說好耐都未食過牛肉飯啊，^_^，跟住心血來潮好想食一次，於是就去咗吉野家食返碗牛肉飯先^_^帶咗份大大碗嘅牛肉飯^_^。份量非常之充足牛肉都好多^_^。加埋啲牛肉汁同埋酸薑簡直一流！

等，真的佔生活有好大一部份時間😔唯有善用時間去食個靚靚早餐🥣市廣場這個吉野家地方很方便，早餐選擇都算多，算是唯一一家早餐有飯吃的地方吧🤣🤣但我卻點了出前一丁餐，都很豐富呀！一個人係基本上吃不完🤨味道各方面還可以，價錢$33來說，算是可以接受吧！

今日早起，出市中心食知早餐醒神下先。記得之瓶前係新墟間食過唔錯又多選擇，今日唔去咁遠，屯門市中心li間啦，雖然環境無咁好，迫d早無咩人，買左兩份雞扒，加一碗烏冬。姐姐又唔叫號碼，你問佢佢咁惡過你，唯有自己昅住，當我見到我份餐我真無呆左，塊雞扒得半件，姐係一塊扒我地兩份早餐分？！唔係呀⋯⋯算，返埋位食，多士凍左又硬既，碗烏冬都係暖唔熱，仲要無刀叉，用筷子擦牛油？一早咁高難度？！局住問姐姐拎刀咖啡話即磨不過一般，但成餐叫最好係佢我唔會再幫襯，又唔係平，又難食，去茶記好過，一早受氣仲要唔好食

平時都有食開市中心呢間吉野家，人多都無咩所謂，但收銀既態度必須再培訓！吉野家會員由上年有開始儲分，平時媽都有幫手儲分呢日就媽幫手買外賣兼儲分收銀：呢個帳號係未你？媽：我個女收銀：叫番你個女黎儲啦媽：一家人幫個女儲分有咩問題？收銀：你個女唔黎儲就唔好儲！我媽緊係儲唔到啦，仲要比收銀禁串法，緊係心有不甘！ 其實儲唔儲分好小事，問題在於收銀職員既態度好有問題！請吉野家正視員工態度

從澳門返回尖沙咀再回到屯門，還沒吃晚餐有點餓，時間已經不早，又不想吃太飽，突然想起很久沒吃吉野家的火鍋，平日經過太多人要等位，就往別處去， 這個時間應該不用等了吧。 這想法實在太天真了，晚上九時多仍然滿坐，轉一圈還是沒有位子，往別處去吧，最後兜兜轉轉還是回到這裡，終於有人離去，有得吃嚕。點了相撲雞鍋，加一份娃娃菜和一杯仙草奶茶，合共$84.50相撲雞鍋內材料豐富：有金菇、粟米、南瓜、冬菇、蟹柳、腸仔、芝士丸、豆腐、娃娃菜，另外有一份雞腿肉、一份烏冬。雞腿肉份量頗多，兩個人食剛剛好。食材質素不錯，加上湯底清甜，真的不錯吃。仙草奶茶味道也不錯，消暑解渴有茶香，甚佳。