吉野家 (已結業)

近排戒緊口，唔可以食牛肉，但又想食飯，所以就叫左豚肉飯啦🤤🤤🤤試過之後都係覺得牛肉飯好食d，因為我唔係太中意食豚肉飯個燒汁。如果唔係戒口，我一定會食番牛肉飯，因為我係牛肉飯既長期粉絲😍😍😍

黎置富都會搵個下午茶食下，個度都有幾多唔同餐廳揀，咁我最後選擇左食吉野家，因為真係好抵食。一個溫泉玉子蛋飯都只需要$28，都好夠飽。又有蛋又有牛肉，個飯都算大份，所以大家去吉野家一定要食呢個餐。

有次紅磡做野來到置富廣場foodcourt食野，絕對不二選擇就係吉野家，可以說係我最喜歡的快餐沒有之一，同埋一定係11號餐，加玉子或關東煮看心情🍢我吃咖哩煎雞飯動物吃法是先用煎雞點咖哩配白飯吃，吃完後再用蔬菜點咖哩吃，因為其實d蔬菜係未煮熟的，無味道就咁食落去有d難頂，最後將白飯吃完後再吃原本被咖哩蓋住的那些飯，就這樣解決和分配整碗飯有的時候我也會叫東坡肉同煎雞雙拼，不過東坡肉太油膩了，需要與飯攪拌到一起才能吃得下，如果吉野家能多飯就perfect！

同朋友去食午飯兼等埋其他朋友黎，太肚餓就食咗飯先，落單既員工幾快手， 好有效率講一次就okay兼且會覆一次單。我等左概2~3分鐘左右就可以拎埋位食。其實，味道唔大分別不過湯唔咸，又唔會膩口，調味得岩岩好，飲完唔會感到口渴。

諗住搭車去尖沙咀漆咸道食嘢，點之巴士改咗路，沿住梳士巴利道、紅磡繞道去咗紅磡火車站，咁唯有直上置富都會8樓揾嘢食，8樓Food Court有7-8間食肆，可同時容納300人進食，好耐無食過吉野家，就食佢啦，點了新推出的流心芝士野菜牛肉飯，橙汁汽水(可配日本茶/汽水/麵豉湯，$42.5)，見店員將飯裝入碗中，之後放上一塊車打芝士片，才放上熱辣辣的牛肉及汁，再開雪櫃取馬蘇里拉芝士碎放在牛肉上，再加入巴馬臣芝士粉，最後加上野菜(有青豆、紅蘿蔔、及椰菜花)。不嬲都喜歡食吉野家的牛肉飯，頂層之芝士因為未能受熱而溶化，所以將芝士及牛肉撈勻才食，反而牛肉同飯中間之車打芝士，已溶入飯中，牛肉是嫩滑的，不會過熟，飯粒也算粒粒分明，其實是有芝士味的，但不知為何芝士味道不太出，整體上是合格的，下次還點回普通的牛肉飯算了！