同興巴蜀烤魚

营业中

休息中

這店又是電台節目介紹, 頂早電話預留手撕雞, 果然係無介紹錯, 我們那天較早18:15 到場, 並未全滿,不過到19:00左右就全場爆滿了, 八成客都叫烤魚, 但我們因為各人都不吃得辣只能叫小菜,同時勉強叫了個酸菜魚, 手撕雞一隻$188 - 同電台節目主持介紹的一樣, 最濃蒜香味在雞皮, 所以如果唔食雞皮的話不如免叫這味手撕雞吧, 雞肉同樣緊熟, 色是中啡色似豉油雞但味則是鹵水汁嘅味, 酸菜魚群108 (例) 酸菜唔知點解完全唔酸, 但酸菜唔酸的話就失色不少, 魚肉係超級的滑溜, 有魚骨但容易應付, 可惜魚的魚肉沒什麼魚鮮味, 涼瓜炒田雞$73 田雞都是炒得剛剛熟, 豉椒味雖然重但配合涼瓜又十分之夾, 碟頭份量夠, 美極安格斯牛仔粒 $70 老實講在這裡叫安格斯是沒有期望什麼了, 只希望醃肉粉唔太重手已經算合格了, 酸辣土豆絲$48 呢個貌甚溫馴但一食落第二啖開始就感覺到溫柔是她的外表, 猛烈才是她的個性, 辣味是隨每一口嚥下直上腦門, 流汗是必然的了, 最後我們(我)都沒有能力消毀如此大剎傷力的武器, 蝦醬芥蘭煲 $60 芥蘭OK, 惜煲底太多菜汁白飯 $10青島 $23/支

游完水就行過黎熟食中心開餐今日朋友仔推介食同興，見到川菜我雙眼即刻發光💕💖💕💖3個人食4個餸係常識吧雞煲黎喇，麻辣味濃，食落好有四川風味炒土豆絲有d油，但有d酸辣，剛好中和返...土魷肉餅好厚身，有咬口，食落亦唔會有太多肥膏，好有屋企feel加埋個金銀蛋什菜，完美嘅一餐

近近地大家都住喺西環就去堅尼地城街市睇下有咩好食，見到好多食客都食水煮魚，幸好我地兩個都可以食得辣，就食個水煮魚啦！兩個人食沒有點很多餸，只點了水煮魚及薯粉，水煮魚裡面好多魚種選擇有淡水魚及鹹水魚，我叫左個咸水魚但係記得喺咩魚種，條魚好大條，肉質鮮甜，湯底仲有配菜有大豆芽菜同金菇,其實我一向都唔食魚,食完今次令我對食魚有改觀｡

氣溫下降又係勞蘇食最愛打邊爐既時間黎西環熟食中心既同興，依間熟食中心出名通氣系統做得好，係其他餐廳食完隨時仲臭，可以盡情食雞煲、烤魚等你以為街市一定有位，平日晚上8點黎都係坐最後一枱大牌檔樓面，服務都幾好態度好好既，但可能因為又細檔又多人，等野食都等得幾耐下同興招牌就係雞煲同烤魚，大部分枱都係食緊依兩樣，兩樣都可以食完加湯加料打邊爐當然你亦可以選擇小菜或者正常打邊爐，普遍料一啲都唔平，不過就以量補夠，少人黎要留意先食個香辣雞煲，就算你之後會打邊爐佢都唔會裝個爐俾你住，避免煮老啲雞，改為用錫紙做個底盤，為個煲保溫加湯時先上gas爐，非常周到香辣雞煲唔係重慶味，無個啲香料、花椒咁，但辣椒好足，雞嫩滑雞好入味，洋蔥等配料都好惹味唔食得太辣既要小心沙爹金菇肥牛煲係食雞中途到，味道算中上，沙爹味較甜易入口，金菇粉絲都入味好正既相對係正常既小菜就無話一鳴驚人咁啦加湯打邊爐！淨係追加左韮菜餃同烏冬，加既係湯，再淥野食時唔會得個辣字韮菜餃算不錯，多韮菜而皮薄，新鮮包既餃打邊爐食就係正烏冬就因為湯底太辣，淥出黎太重口味，撈左啲旁邊既沙爹汁反而唔錯成餐除左地下之外唔太覺自己食緊街市，唔污糟亦唔臭，最重要係

朋友介紹後大讚個一魚兩味，早前一於黎試下🍴一魚兩味包括一個剁椒魚頭同一個水煮/酸菜魚，店舖會根據人數而按斤數計，一行7人total整左個3斤幾既魚，一共$306剁椒魚頭係湘菜既經典菜式，雖然滿佈紅澄澄既剁椒，但食落其實唔係好辣，反而好有魚鮮味😋肉質嫩滑，濃淡適中，辣味惹口另一味係酸菜魚，酸味不重(可能酸菜不多)，反而鮮味香濃，好似飲緊魚湯米線既湯底😋魚肉細滑且彈牙，底下仲會有好多薯粉，吸湯力高👍呢到招牌菜當然試下，魚肉食落好嫩滑同鮮味，份量仲好大條，而呢個仲會帶麻香鮮辣更惹味👍😋仲有好多蔥同莞茜會好香仲叫d配料打邊爐，紅薯粉同響鈴吸哂湯既精華，好惹味😋雞肉係先炸後煮所以醬汁唔係好入味，而且會愈食愈咸😪食落肉質較“鞋”同好乾身，所以食落真係麻麻地餐牌👇👇總括黎講:呢間同佢招牌一樣烤魚同一魚兩味都較出色👍而且性價比高😋但係雞煲或其他菜式就較一般🍳🍴味道: 7.5/10👩👨服務: 6.5/10🏠💺環境: 6/10💰💸抵食: 7.5/10總消費: $944 (7人)

友人推介 4人同行環境干淨熱鬧 有冷氣大排檔性價比高 味道又好 價錢又抵又近地鐵站 一定會再去食一魚兩食 $88斤 魚約5斤剁椒蒸魚頭 魚頭很大個泡椒同辣椒味道中和 很鮮味水煮魚可選擇辣度 選擇小辣 另加2份薯粉在底對比平日水煮魚窩面油偏小 味道很好魚肉肉質鮮嫩 骨頭都唔係好多薯粉吸收湯底精華 很 食完一碗又一碗香辣田雞煲選擇左微辣 對比小辣既水煮魚 更辣田雞肉很嫰滑 配菜很足 野味 很不錯蒜香骨比平日食的不太一樣用了生熟蒜 增加左蒜香既層次加上骨邊既肉更加香口蒜末炒芥蘭 正常炸春卷春卷內主要有粉絲同菜 迷你size 普普通通

一行3人到士美非市政大樓開餐， 本來想食酸菜魚，但因酸菜魚只有例牌，驚唔夠食，所以叫了烤魽魚$178，侍應姐姐話無乜骨的，果然很正，魚滑，無細骨，魚鮫位置比較有彈性，食不錯。另外叫了南乳炸排骨，很入味，又唔會太咸，送酒一流。