名串王

营业中

休息中

以前都唔寫食評，但太嬲。話說有啲趕時間，索性去買小食，點知。。。等咗半小時都未得。所以去咗處理緊要事先，離開前才剛開始燒我點咗嘅食物。特登揸車返到鋪頭拿外賣，店員反而講：「點解咁耐？」這就是所謂服務態度。店舖整串燒慢要等並沒有事先講明。如果等得耐係好食都唔介意，但啲食物又咸又苦，調味料重且燒焦，十分失望😞！！牛舌邊燒到好燶。雞軟骨超淋，唔脆又苦，有機會係烚完是旦燒幾下，出面求其一間放題店絕對都燒得比佢好食。

屋企附近食到冇野好食，去左聯和墟叫外賣。酸辣粉- 酸辣.紅薯粉.微辣.韮菜.微辣。粉量很大，花生很脆；湯底叫微辣，但完完全全唔辣，只有酸，好在湯底一d都唔油。哩個價錢哩個份量好抵食。食得辣既朋友記得叫高幾級辣🤣串燒- 牛利.粟米.雞脾菇.牛柳粒.多春魚.叫既全部都係bb辣，但就比酸辣粉既微辣，辣好好好多！牛利燒得岩岩好，唔會過火；粟米意外地幾甜，儀加好多粟米都冇咩味；多春魚唔會腥，亦係正常size;牛柳粒個人覺得肥左d，但朋友覺得肥瘦夾雜先好味。串燒最主要係燒既時間同調味，哩2東樣佢都做得好好👍叫外賣既話，燒好左仲會打電話通知你。酸辣粉既價錢同份量係成正正正比；串燒價錢同質量又係正正比。值得再去幾次！

呢間串燒店印象開好夜，岩晒d食宵夜的人士。雖然唔係款款都做得非常好食，但以呢個價錢，有呢個質素算係咁，絕對可以頂到串燒㦩的，我覺得佢地d蔬菜燒得不錯，但記得叫少辣或超少，蔬菜吸辣得好勁，比起其他辣好幾倍，燒波蘿都好juicy,大件（是四份之一個波蘿上）茄子超好食，好多調味料，夠晒味，次次叫兩碟的，相比之下燒肉，如燒雞翼, 燒雞軟，墨魚咀等等就比較失色，但都算係水準之內的！另外佢地也有粉面賣，有酸辣粉，如果唔夠飽可以填肚

一個人响聯和墟唔知食乜嘢好，諗起可以去食d平時帶住小朋友唔太適合食嘅嘢，就走左去食串燒，份量食多食少都得，最後揀咗今日推介既燒鮑魚、燒韭菜、雞中翼，魷魚鬚及燒菠蘿！味道可自選辣或不辣，再選辣既程度，辣味亦可自選，我除咗燒菠蘿選了唔辣外，其他全選麻辣小辣😍第一口食了韭菜，超香辣，無諗過燒完仲咁有水份！加上食物燒時加入大量香料，好惹味，好有食重慶燒既感覺！鮑魚用咗澳洲鮑，細細隻但都好有咬口！另外必食燒菠蘿，燒完真係好甜多汁好好味！

20170209--是夜氣温寒冷，温度大約只有十度以下，無損我走到街道上玩Pokémon Go的心情，又心思思想吃宵夜，在冷清的街道上走來走去，不想去到過的店，最終選擇試點新意思--名串王。由於門面很小，不太顯眼，位置就在匯豐銀行側的路上。店子不大，我們早已想到點酸辣粉:酸辣粉小辣($18)+鹵肉($7)--家人點的酸辣，我嚐了一點湯，個人覺得酸辣比麻辣好吃，酸酸的，有醋的味道，開胃，鹵肉入味，正。下次我要叫麻辣湯底。麻辣紅薯粉中辣($18)+豬耳仔($6)，本來是叫大辣的，店員提醒此店味道偏辣，建議中辣，幸好接受了店員的意見，因為真的辣到，不知從何開始吃，還是用匙小匙小匙慢慢吃，不會嗆到喉嚨，辣得過癮。豬耳仔和薯粉份量很多，沒有因為是宵夜而縮減份量，做正餐也夠飽肚。已經很飽，被店內相片吸引，加點了:雞翼串(2隻)$12--雖然是加單，但不到10分鐘也可上桌，雞翼小小的，但燒得剛好，不會乾身，雞肉嫩滑，雞翼灑上辣粉，中辣對我來說太辣，但還是覺得很美味。骨付肉($10)--比預期好吃，肉質新鮮，抵食。因為太辣，急急點了可樂$8，沒有我喜歡的無糖可樂。說到辣，用餐時有段小插曲，鄰座有三位青

食左酸辣麵 $18+$7 白蘿白蘿白唔知點解有酸味後尾夾走哂啲蘿白酸辣麵 都幾辣 唔好以為係三哥個隻唔辣既味 其實係辣多過酸😂仲叫左幾串燒烤 燒烤冇影相唔講詳細佢啲燒烤似自己燒個隻味 唔重香料 唔會好似東北個邊落勁多味粉 so far 自己唔想燒又想食下燒烤野都可以黎 不過價格偏貴 咁。。。人地燒埋比你喎 算係咁啦～環境好迫 唔坐個身會hi到後面背隻留意返舖張冇酒牌 唔賣啤酒 但可以去對面便行店買酒過黎飲 唔會另外收費

聯和墟真的有很多不太起眼的小食店..不過我就是喜歡這小社區的感覺..除了吃味道..還會吃到人情味^^'名串王'以我所知..開業不久..沒特別宣傳..純粹自己行過見到..'為阿b寫夠100篇'..當然要去試試.. 有吃串燒店經驗的都知道..一般叫了都要等..因即燒嘛..我現有身孕一肚餓就很難等..所以除了點多款串燒外..即時還點了'貴州傳統秘製湯鹵粉'..加了鹵薯仔(試試獨家餸)和豬腸..我知道不應吃辣..不過少少啦(我都只是能吃bb辣的一群吧)^^完全不辣不好吃的..粉底是晶瑩的紅薯粉..配上獨特酸辣帶鹵水味湯底..​難得辣+鹵水又出奇地夾~豬腸一向是我叫車仔麵的鐵腳..雖然明知肥又唔健康..但就是愛吃嘛..平時自己真的不會煮..太麻煩了..這裡的味道..不過不失啦..它們的秘制鹵水餸反而有驚喜..鹵薯仔和鹵肉..入味非常..特別是鹵薯仔..味道令人一試難忘..眼見以為這碗粉很細..但原來碗很深..和老公兩份吃都吃不完^^說說串燒部份..不得不讚這裡每位員工的用心和禮貌..或者就是鋪仔細細才可以與客人有交流吧..我們邊吃廚房姨姨邊問我們這隻辣OK嗎?若覺得不夠..下一款我幫你加辣..