名代宇奈備長炭燒鰻魚飯專門店 (黃埔天地黃埔號) (已結業)

依家出左set低左啲$78有牛肉鰻魚丼，仲有餐跟罐pesi 麵豉湯同漬物坦白講，個漬物咸嘅好怪不過個手肉鯉魚丼係好食，汁同料都夠多夠香仲有飯可以加大係免費嘅仲有唔洗加一都幾好

呢間出名食鰻魚飯，而menu既選擇都只有鰻魚類既set, 佢係過江龍仲要咁專去鑽研鰻魚, 所以令我好期待咁去食！我叫左個溫泉蛋鰻魚飯，佢蔥既分量算多，但鰻魚既分量真係好少，而且佢切到細細舊，嚴重影響左食鰻魚既口感，唔可以大大啖咁去食佢飽滿肉質既質感，浪費左條鰻魚！😫飯就濕左啲，叫左多飯，份量就岩岩好。蛋就正常，合格水平。鰻魚飯最重點既魚做得差真係令人失望😢咁樣一碗收78蚊仲要加一真係唔抵食！希望佢可以改善下鰻魚既切法！

聽聞這間餐廳多時但有開張至今都從未幫襯過，或多或少都是因為他的負評較多，有骨唔夠炭烤味一一都令自己卻步原因｡｡｡今日膽粗粗戴上頭盔原因是要到附近購物，倒不如試試、到達時中午剛開門時間目測大約五-六枱客人設計一貫日式風格顏色上就以黑/紅為主~鰻魚款式其實有很多選擇 ,例如有鳗鱼丼HK$68./ 照燒雞鳗魚丼HK$78./ 溫玉鰻魚丼HK$78./ 和風牛肉鰻魚丼HK$78/ .雙層鰻魚丼HK$108.等以上均以套餐形式上會配(赤味噌湯及漬物~)當日自己就揀選雙層鳗魚丼HK$108. 鰻魚份量平均，「炭烤味道僅存輕微」一個忽略其實完全感受不到、當日所吃並無碎骨魚質較為(削身)這個就絕對是貨源問題，米飯並沒有預期般日式米的香氣、雖則軟熟~赤味噌湯及漬物亦只是家常般，當日午市亦附送汽水一罐~飯口感中平之作，鰻魚本身價錢也不便宜、以(一條紅衫魚價錢)坐定定可以享受到其實都可以算是唔錯的享受、但不要抱著期望過高的心態,平常心吃午飯飽飽肚離場時也。

以前去名古屋曾食著名的燒鰻魚，實在令人懷念。那裡的鰻魚是燒得外脆內軟，香氣撲鼻的！今次竟然無意間給我發現黃埔AEON STYLE（船入面）有一間鰻魚專門店！ 熱愛鰻魚的我怎能不試！是日點了：鰻魚飯：原條切開一半份量的鰻魚，外形肥美，口感ok，但竟然份量少，亦貴過鰻魚四食。鰻魚沒有如日本般燒到外脆內軟，有點可惜。鰻魚四食：好似日本食的四食。但鰻魚是碎鰻魚來的。日本是原條鰻魚。汁和魚都好味道，四食亦特別。其中的湯味道清香。做得唔錯。鰻魚冷豆腐： 夏天好適合食，清得來鰻魚比例都算足夠。總括而言，環境好，方便，地方寬敞骨子。鰻魚款式選擇多，喜愛鰻魚又不會經常去日本，值得來光顧。如果鰻魚可以燒得外脆內軟再香些，肯定大排長龍。

鰻魚丼一塊鰻魚，厚度約半吋左右，燒到有些焦香，魚肉軟綿，鰻魚汁唔太甜，帶少少鹹香，不錯。簡簡單單吃到真味道。貪心想試多些其他，鰻魚飯三食，餐單寫：原味、配料、茶漬，鰻魚是切粒放飯面，再灑上紫菜絲、芫茜。原味：其實是在碗飯中自己先挑選取一粒鳗魚吃，鰻魚不多，亦比原塊來得遜色，沒什麼味道。配料：可再混和紫菜或芫茜一起吃，沒有特別之處。茶漬：亦可將鳗魚飯放另一碗中，倒入茶湯來吃。因有一條橙皮浸在茶湯中，故帶有淡淡橙香，但茶湯本身相當鹹，而領亦有醬汁，兩者混和便是鹹+鹹，唯有放棄茶漬。本想試多些款式，反而變成浪費金錢。鰻魚燒玉子，據說是出名的，雞卷做得軟滑juice，鰻魚肉OK，可一試。

前排餐廳係紅磡新開既時候，屋企信箱收到好多佢既宣傳單張😂不過講左一輪都仲未去食，呢日終於食左可以從自己想試既餐廳清單入面剔得走佢🧾▪️ 雙層鰻魚丼💲108相信呢間既賣點都係離唔開炭燒，入口係微微既炭燒香，不過就唔算好香濃突出🤔但係鰻魚都比預期中厚肉，口感係偏向結實彈牙，同埋唔知係咪分店唔同或者水準唔定，我又唔多覺其他人講既鰻魚身太乾或者多骨，起碼自己食既時候入口唔覺有細骨🤤反而係醬汁比較少，如果多返些少更好😌🔎 整體評分（7/10）

在香港食鰻魚飯不是細骨多就是價錢貴🤷‍♀️所以在日本食過鰻魚飯後根本不會在香港再食早排經過黃埔地鐵站🚈看到廣告有新開的鰻魚飯店🥘而且是日本的連鎖店在香港開分店聽到是日本開的分店已有一定的吸引力於是趁午飯時候去試試🕐鋪外有塊玻璃可以看到店員在燒鰻魚而且是用炭爐燒我點了雙層鰻魚丼 $108店員遞上鰻魚飯時已聞到香氣🤤兩件厚身的鰻魚鋪滿醬汁撈飯食一流👍雖然見到鰻魚的細骨但食的時候不會吉口 而且肉質滑又厚👍再說價錢也不算貴同普通餐廳相比差不多再加上標榜著日本連鎖鰻魚飯店的名銜CP值高一定會再食😋

本身冇諗住食 喺隔離道頓堀大板燒間嘢太多人 頂唔住肚餓 就入咗呢間鰻魚鋪 冇人等 座位唔滿 坐唔多過十個人成間淨食鰻魚 我地兩個人食 叫咗兩個飯 一個小食 鰻魚飯 三食 ($88)個女店員一上菜 就用機關槍嘅語速同我老媽介紹應該點三食個飯 以我同我我老母嘅聆聽能力 我一個字都聽唔入耳🤡個女店員嘅語氣亦都附帶一種不耐煩嘅感覺 我同老母靠我地眼見嘅食材 推斷出應如何進食 首先 就咁食原味嘅飯 乜都唔加 然後將部份飯放落另一個碗 撈wasabi食 食哂撈好個部份飯 就加茶壺入面嘅湯落剩低未郁過嘅飯首先講原味 正常表現 鰻魚份量極少 目測一隻豉油碟平鋪咁嘅份量 鰻魚質感味道一般 冇特別 加咗wasabi個個就 似食緊鰻魚壽司 冇驚喜 加咗湯個個 湯浸飯冇特別 個湯算幾好飲 另一個飯喺溫玉鰻魚丼 ($78)鰻魚份量同上 極少 個蛋正常冇特別 蔥多度可以遮蓋哂啲鰻魚 汁可以再多啲 飯我個人覺偏硬小食叫咗個鰻平燒 ($58)一上台 視覺嘅衝擊 嚴重圖文不符 size我一隻手掌一定遮得到 蔥多到好似唔洗錢咁 打開個蛋睇睇內膽得一條仔鰻魚塊 🤷🏻‍♀️比我中指長啲啲咁 闊度約1.5至2cm 啲芽菜好似啲蔥

依間係日本都食過，而家吾駛飛去日本都食到，午餐叫左兩個飯。雙層鰻魚丼$108 ， 鰻魚燒得香都幾軟滑少骨，鰻魚汁就少左D，如果吾夠飯可以叫多飯😊鰻魚飯三食$88有三種食法，一撈均食，二加入青芥食，三加入清湯食，鰻魚肉就小D，味道正路，加入青芥最好食😝，總結來講同日本的差不遠，如果心引起會來食下，起碼吾駛飛過去先🤣🤣有一點題外話。。。雖然新開但。。。有蚊針。。。我地兩個都比蚊針左幾野，要注意下啦😊