名川麵棧 (已結業)

今天要「遠遊」，早上先在元朗吃個早餐打打底。選擇了在大橋街市附近的名川麵棧，一來位置就腳，二來麵店門外貼滿了雜誌的報導，看似不錯。這裡二十四元一個麵餐，包一碗兩餸米線、兩塊牛油方包和一杯熱飲，價錢也算實惠。我要了沙爹牛肉和豬扒米線，女友要的是雲吞和豆卜米線，湯底同樣是蕃茄湯。米線的份量當然不多，質地也太腍了；沙爹牛肉沒有沙爹味道；豬扒是另上的，但炸得太乾，有點柴皮；雲吞有兩粒，餡料主要是豬肉，但也不飽滿，味道也不及超市買到的雪藏包裝雲吞；豆卜有兩個，是最穩陣的配料。兩片白方包，中間已搽了少許牛油，我把豬扒夾在中間吃，成為自製的豬扒包。最好的是蕃茄湯底，有淡淡的鮮茄味，喝了幾口湯也不口渴。另一樣要讚的是這裡的熱檸茶，檸檬新鮮，茶味也濃郁，不會苦澀。名川麵棧的早餐，質素確實平平，這個價值，不計味道，只求快捷飽肚，也是不錯的選擇。

今日終於有時間去名川試下點半鐘去到因為1個人唔洗等位叫左碗酸辣湯底上海麵配豬軟骨&五香牛肉(湯底配菜有腐皮 芽菜 肉碎 木耳絲 九菜 酸菜)$27 連飲品,我加左$2飲凍檸茶 價錢唔貴等左幾分鐘就有得食但係見到碗麵已經有D失望1. 好多肉碎浮係湯上面,望真D原來係肥豬肉2. 五香牛肉碎濕濕, D肉重要係柴皮質地3. 最唔得係個湯底 水 + 味精 + 辣味4. 湯底配菜好少腐皮得一塊仔 , 食到將近尾聲先發現比漏左木耳絲5. 凍檸茶茶味唔夠好彩D豬軟骨幾好味都有3件&上海麵軟硬適中如果要快+食得飽+價錢唔貴 名川係一個選擇

我都係睇雜誌先知呢度有間米線店, 見佢既介紹/廣告又幾吸引, 所以走來一試星期二晚, 來到都已經八點鐘, 點解無乜客的, 原來佢地八點半就收舖的了 (點解收甘早呀 ?)環境OK, 四四正正, 加上連埋我地得三台客, 招呼亦好, 見我老婆係度眼望望唔知食乜, 就主動介紹佢食豬骨湯米線我二話不說, 就叫佢地的招牌名川肉燦飯. 配料非常豐富的有兩隻即炸的雞翼, 三件豬軟骨, 幾舊冬菇, 還有肉碎和菜心, 撈埋一齊食, 非常滋味餐飲就有改善的空間, 凍奶茶只有奶味無茶味, 不過見佢地已經係度執野收工, 算啦..老婆叫的米線亦非常大碗和足料, 米線唔會過淋 或 過硬 可以俾個"讚" 佢小食方面, 多春魚, 即叫即炸, 熱辣辣, 不過HKD19得個五條, 有點貴油菜 , HKD10, 但原來飯/米線都已經有幾條菜, 下次可以慳返

最近在家樓下收到一份頗吸引的傳單，食店叫名川麵棧；之後某次行經，見到店內店外都有不少人，與老公即時認定這店一定衰極有譜! 終是，之後連續兩個週日返完教會，就來了這裡午餐。講環境，名川只是一間普通米線店，地方不算很大，店內的掛起的紅燈籠算是較有特色的佈置。由於店小人又多，首次光顧時與老公也要先搭檯，等鄰桌埋單後再轉吉檯。然而在平凡的環境下，各飲食雜誌的報導卻貼滿一店，預告了這小店並不平凡。傳單中最吸引的項目，就是押上店名的名川肉燥飯($30)，也成了首次幫襯的目標。落單後約5分鐘就上檯，大大碗飯包含三款食材，分別豬軟骨、冬菇、雞翼，再加上大量的肉燥，並再搭條靚菜芯，陣容十分豐富。第一時間品嚐肉燥撈飯，發覺店內用的是較瘦的豬肉粒，感覺不似坊間的肥膩，味道卻保持濃郁，撈飯滋味挺不錯。豬軟骨份量也不少，且是炆到相當的軟稔入味，也值欣賞；雞翼有兩大隻，亦煎得脆口吸引，而最後的冬菇與菜芯，就起了綠葉襯托作用。整體質素令人滿意，加上定價相宜，難怪客似雲來! 而叫得做麵棧，此店的麵線類也有過人之處。首次老公要了香辣蕃茄湯米線($28)，價錢包兩款自選配料，他跟隨店方推介揀了五香牛腩及小雲吞。推介的牛腩

最近,常在家留下,接過明川的傳單今日終於叫了它的外賣菜飯這裡的菜飯很適合我,味道不太鹹以前食過的,只是得個鹹字菜的分量適中.豬扒豬扒的分量比我想像中的多,味道也不錯唯獨是豬扒有少少乾不過,整體來說也不錯,

星期日, 和老婆去了一間之前未幫趁過叫"名川"的麵店吃午餐, 這兒一個麵餐24元包兩款餸連飲品一杯, 我點了雞扒,午餐肉上海麵配蕃茄湯底, 而老婆則要了豬軟骨, 龍蝦丸米線配清湯底.雞扒唔好食, 炸得太久, 炸到連皮都乾晒水, 一點兒肉汁都無, 味道又怪怪哋, 不是一般食到的炸雞扒味道. 午餐肉無特別. 上海麵太硬, 淥得未夠熟就上碗, 最好味的是湯底, 幾有蕃茄味. 老婆的米線一樣唔得, 龍蝦丸唔夠入味, 豬軟骨最差, 食落似煲湯的豬肉湯渣多些, 米線非常碎, 清湯底真是清湯得交關, 無味. 總之除了我的蕃茄湯底之外, 大部份都是水準以下.這兒除了平之外, 食物質素絕對只是一般過一般, 但這樣的價錢都不能有太高的期望了. 如果只看價錢的話, 或者對食物沒有甚麼要求, 還是可是一來的, 起碼都食得飽.

一個人返工前搵野食,但又唔係太肚餓,唔想食飯就搵麵線食下係名川麵棧出面見到好多上左雜誌既相,入面又幾多人wo,應該冇死入到去就睇下有咩送食,有十幾廿樣款,唔錯仲要廿蚊送熱飲tim!!!佢有得俾你choose要咩湯,有tomato,豬骨,麻辣要左tomato佢d湯真係有半夠tomato係求,d湯都算ok好味其他都唔算有咩特別廿蚊一個下午茶,真係唔錯呀,會encore

佢有幾款湯底揀, 豬骨濃湯/蕃茄湯/酸辣湯...等!我揀左豬骨濃湯, 配上海麵, 再加2款餸, 貢丸和豬潤, 熱飲, 24蚊~一泥到碗麵唔熱!!!!! 食湯粉麵一唔熱就已經唔好食啦!!!!!!豬骨湯底, 白色, 個樣呃得下, 夠濃嘛, 不過! 味精湯! 完全唔要得啦! 食落係"出前一丁豬骨濃湯"的味精呀! 貢丸唔好食! 唔爽! 佢餐牌寫"爽脆豬潤"的豬潤, 都ok既, 切到細細舊, 又薄片, 呢個接受到~呢間野係做街坊生意架啦,d人粗粗地食一餐就算數,服務員都係d四十幾歲女人,多謝唔該都唔會講果d~(可能我要求高或者食之前我對佢期望大左d囉,食完就失哂望,所以... 係唔會再去食!)

睇到咁多都話好食, 即管去試下, 叫左個下午茶, 酸辣湯底, 點知黎到, 一d辣都無, 又唔酸, 米線又硬, 好似係求其煮下就算. 元朗區咁多野食, 這一間真係唔得..

呢日放假，訓到黃朝白晏，走去元朗食d野，諗住帶老公同BB去食左1次o既名川。o個時5點半，諗住食下午茶，入到名川之後諗住落Order，點知睇到佢個Menu寫下午茶至5:30，o個時5:34，所以例牌問一問佢仲有冇下午茶，點知個店員指一指個鐘，好似劉華廣告個侍應仔o既態度「過左就冇ga啦！」，我見佢咁串，唔賣罷就，話之佢放低左幾杯水，即刻同老公&個女走人，仲要大大聲過「冇呀，咁去乳豬大王食lu」。其實大部份食肆都唔會計得咁清楚，唔通有生意唔做咩，而且好少至到5:30咁早。o個時名川仲要得門口1台客，但都咁串趕客，好無里頭lor，老公就講到明以後唔去，我都要考慮下，況且元朗大把選擇。我覺得最唔好就係坐o係收銀位o個位店員，見到我地走仲係度眼超超，咀妙妙，先檢討下先啦！

昨天和朋友到了元朗, 就在車站附近發現一間裝修不錯的麵店, 就和朋友一起進去吃吧, 店內環境尚算不錯, 地方也很乾淨, 看完menu, 叫了一個名川菜飯和一個小鍋米線,還叫了兩個小吃,一個是蜜餞雞翼,一個是香炸雞扒.五分鐘左右就來了小鍋米線, 味道很香, 很惹味, 令我回想到旺角那間很著名米線的味道, 再試試是不是真的這麼好吃, 吃完後, 我發覺比起旺角那間米線的味道有過之而無不及, 可惜他店開在元朗, 對我這個九龍人來說有點失望.之後再來的就是香炸雞扒, 炸得很脆, 味道也不錯. 大家值得一試.再來的就是蜜餞雞翼, 吃下還不錯, 不過下次也會試別的小吃.最後來了的是名川菜飯, 味道也很好吃呢, 而且還要值得一提的就是, 菜飯內的菜非常之多呢, 感覺就是很抵吃.總括來說食物味道中上, 如果去開元朗, 不妨到這間食店試一試.下次我再入元朗, 這間是我必然之選.

有一日收到名川的外賣紙, 見到有D 特色米線, 所以去試試 我叫咗個豬軟骨米線, 但D 豬軟骨一D 都唔軟囉, 根本係排骨...... 下次可唔可以炆耐D不過個蕃茄湯底真係幾得, 送米線一流! 老公叫咗麻辣米線, D 麻辣真係好惹味配料方面, 除咗特別D 嘅豬膶, 其他都係好普通嘅車仔麵料 (丸呀、菇呀) 令我第二次再去食的, 唔係D 麵, 係個名川雞翼 ($15/4隻)好脆, 連D 皮都好好味, 加咗椒鹽, 真係食多幾隻都得

本人看了16-11-2009第532期新假期雜誌的餐廳熱選介紹後得知　貴店賣的米線很有特色！所以昨午特地從上水驅車而來試試貴店出品！是日點了豬軟骨併肥牛米線配鮮笳湯底＄20跟凍奶茶凍飲加＄2（下午茶！）豬軟骨入味但較硬身,肥牛好食鮮笳湯底味道鮮甜又有小量鮮笳！凍奶茶幼滑！下次再試菜飯同鶏亦！

星期六同老婆行元朗,肚餓諗住食少少野,去到呢間名川麵棧,我叫左名川茶飯加奶茶..老婆就叫左名川雞翼..茶飯$27蚊大大豌..份量亦多..味道真的不錯..奶茶亦非常香滑..唯一不好就是冰太多..開頭諗住食少少野..點知抱住個肚走..

今日行過小巴站見到名川麵棧, 應該開張無幾耐, 一於下午茶試下新野, 叫左旦治奶茶同名川雞翼, 奶茶水準中上, 茶夠濃唔澀, 蛋治份蛋真係超厚, 最正係個雞翼, 夠香口夠熱, 應該係即叫即整. 但食完飽晒, 無再叫其他野, 下次再試其他款雞翼先得, 見其他人食個米線都好正咁, 拎左個外賣紙返黎, 大家有機會可以去試下, 讚