名果店

营业中

休息中

29元的五青汁，份量一般啦，果汁店內是即叫即榨，飲嘅時候都飲到D渣嘅，都幾真才實料。但泡泡就多左D啦。懶得自己在家榨，可選擇去這間店買返杯。隨了一些經典果汁，都有其他組合。

年初四諗住去名果店買杯野飲，諗住叫白玉苦果汁但店員姨姨話冇，所以叫左兩杯芒果奶/$37.5*2=$75 加一杯蘋果梨汁/$30，總共：$105，但惡夢由此開始，個店員姨姨一開始打杯蘋果梨汁都好快手，但將啲急凍芒果拎出黎切完，先發覺啲奶唔夠，就急急腳叫個阿叔出去買，臨出去買之前，仲再三確認係要買北海道3.6牛乳，點知等左成15分鐘後，佢手上面拎住既，居然係安佳保鮮奶，我當時真係覺得有冇搞錯，叫你買包奶，你都可以慳皮到求其買一包反黎就算，但最衰既係佢裝修完之後換埋個菜單，上面冇寫指定用咩奶。Anyway,冇下次。

聖誕假期要到朋友屋企聚會，於是打算買個生果上去，一直知道Popcorn開咗呢一間水果店，於是就係呢一度買咗一個糖瓏瓜，試吓味道如何。平時經過見到呢一間水果店客人絡繹不絕，而且水果種類繁多，唔少水果上面更寫住日本或韓國直送，好似好吸引。佢嘅店舖右邊售賣鮮榨果汁，不過價錢偏貴，所以無買黎試啦我抱住好大期望喺間店舖度兜咗個圈，最後揀咗一個糖瓏瓜，上面寫着糖度18以上，我以為會好甜啦。點知去到朋友屋企，大家切開嚟食之後，發現完全名不符實，瓜肉質地好霖，正常霖既話，都應該會甜，但呢一個瓜完全唔係，佢嘅味道偏淡，所以真係有啲失望。唔知係自己唔識揀，定係真係個瓜嘅問題，不過我自己如果下次買水果嘅話，都係會去返街市算啦😅

員工態度差，雖然當時只得我一個客都表現不耐煩，問一句都叫我自己睇～當日買咗兩杯…佢兩杯叠起冇用貼紙封口，返去叫佢貼翻時又俾我發現兩杯都好多泡🙄同佢反映翻佢答我話全香港都係咁😯但其中一款我今朝係第二間分店先買嚟飲過，平時買都唔會有3成以上嘅泡🤢我又唔係買泡～佢既然咁講我當然要退款！但佢話打咗冇得退… 擾攘咗一輪先至話加多啲俾我榨汁條友發哂晦氣咁，蓋都唔開就咁喺飲筒口想倒啲不知名液體落去🤢好在另一同事接手😅但今次杯野好似落咗糖咁……死甜死甜，飲到一半頂唔順倒咗……………

要我完完整整食一個 #生果 落肚，真係有啲難道😅 ... 首先我唔識 #批皮 😅 搞得嚟可能啲果肉都冇晒... 所以我會寧願食多啲菜，都唔想搞咁多嘢🤪 有時路過 #果汁店，我都會幫襯買杯 #鮮榨果汁，但係水準就有啲參差。完完全全一啲都冇添加嘅唔係咁多舖家可以做得到😅「名果店」 算係難得一間用真材實料嘅 #果汁店，雖然二三十蚊杯 #果汁 係有啲貴，不過飲落自己個肚，就對自己好啲啦😉 呢日我揀咗 #無花果蘋果汁，我望住 #店員 將 #蘋果、#無花果 續一放入 #榨汁機，唔會有假啦掛😌 飲落口啖啖 #果肉，無花果嘅甜味襯托蘋果嘅果香... perfect❤️

今天路經樓下商場，想嘗試這間專賣新鮮蔬果汁的店舖。這裏有很多不同款式的新鮮鮮果汁選擇，個人偏好羽衣甘藍系列的果汁，皆因羽衣甘藍除了抗便秘，還有防癌的作用。最後點了羽衣甘藍甘筍汁，出來的味道很怪異，很大陣草青味。還好我能夠接受，飲完整杯果汁整個人都健康了。

#小秘書 真係好鬼懶，要 #剝皮食 嘅 #生果🍎🍏 都可免則免😏 所以好多時我會選擇出去飲 #果汁 嚟補充所需😉 不過街上好多「聲稱」賣 #鮮榨果汁 嘅店舖，到頭來都係加糖水入果汁入面🤭真係唔好飲過😶呢日 #小秘書 入將軍澳探朋友，想買啲 #生果 做手信，路過 名果店 Ming Fruit Shop 見佢幾好生意，啲 #車厘子 賣相都唔錯，順手叫咗杯 #提子益力多 比自己🍇 雖然味道真係甜咗啲，不過眼見 #店員 係即時喺 #冷藏櫃 拎啲 #提子 放入 #攪拌機、再加 #益力多，真係 #真材實料 #好新鮮 㗎👍🏻

行街行到口渴想飲番杯果汁，見到呢間鋪頭外面擺滿曬生果，而且款款都好靚咁，好似好吸引，就決定喺度買杯果汁飲。鋪內環境尚算乾淨，而且每款三個都擺設整齊，仲要大排長龍，想買杯果汁都等左一陣，後尾先發現原來門口可以有個直接買果汁嘅櫃位，我覺得可以講清楚啲，最咪買咗杯蜂樂牛乳，佢係由番石榴、蜂蜜、北海道3.6牛乳榨汁而成嘅一杯野飲，音樂嘗試到番石榴嘅味道，但因為有蜂蜜，所以又唔太酸，反而有種甜甜清新的感覺。而且北海道牛乳香濃，親落杯嘢飲度都好正，生果清新又可以解渴，雖然杯嘢飲係比好評，但係其實價錢都幾貴，我呢杯嘢飲都要成$32，貴過普通一杯台式飲品，不過見佢係生果鮮榨而成，而且音樂質素又唔錯，我覺得淺嘗一杯都未嘗不可，下次有機會會再買來飲。🤤

而家到處都係台式飲料大行其道， 今次我就嚟一個反高潮， 幫襯下新鮮鮮榨果汁。呢間位於寶琳地鐵站商場上蓋嘅鋪頭， 開咗大概一年， 佢主打嘅都係外地嚟嘅新鮮水果， 而佢亦會將其中一啲新鮮嘅蔬果製成果汁賣出供客人享用。主打新鮮健康嘅佢哋， 都有唔少捧場客， 無時無刻都會見到有幾個人喺鋪面排隊。咁啱我路過見到佢賣緊一隻叫羽衣甘藍嘅植物， 呢隻羽衣甘藍有好多功能， 又能夠排毒，又可以防癌， 仲含有豐富嘅維他命同埋唔同嘅礦物質， 以話係啱曬我呢啲追求健康嘅人士。 但由於羽衣甘藍本身係冇乜味嘅， 所以你可以選擇配搭唔同嘅蔬果， 咁今次我就選擇咗配搭雜果。 出到嚟嘅味道同鮮榨果汁無異， 仲多咗一陣菜嘅清香。雖然個杯睇落去唔係好大， 但飲樂其實份量都幾充足， 大約三十蚊一杯， 以佢咁健康 ，我都覺得係回本喇。

十年八年前，#小秘書 同一班好朋友，去黃大仙搵相士做 #紫微斗數 批流年，相士話 #小秘書 一生「飲食用錢多」，呢句話認真無錯😅 啱啱先飲完「花膠」糖水無幾耐，行兩行，#小秘書 喉嚨又開始詐型🥴 咳呀咳... 乾到想死！口痕痕又行咗去 #名果店 #mfs 要咗杯 #紅火龍果、雪梨汁🍐 顏色好靚呀，成杯紫紅色咁，而且仲充滿果肉，好清甜❤️ 應該無落到糖水嘅👀 而且新鮮嘅果汁的確特別解渴，不過唔使一分鐘就飲哂... 又使咗廿蚊lu😅

同小朋友 去左冒險玩到山窮水盡又要放晒電 又想食d野 飲d野行上一層 終於見到救星有好多 現打果汁 任君選擇而且係時令生果而我就揀左【草莓芒果水果茶】在等ge同時見到店有好多水果有拼盤 有水果杯亦有進口名貴生果如日本香印提子 美國車厘子泰國榴槤終於到手了嘩！！好大杯呀有足足19oz, 足夠share 2 個人飲入面有芒果 士多啤利 蘋果 菠蘿 果粒都有1/4杯量而呢杯野 都有水果茶味顏色都好吸引 粉粉橙橙咁加上味道唔會好甜 仲有水果鮮甜

《即叫即窄 • 果汁店》💰$20 西柚汁日日都飲果汁嘅我，長期會幫襯呢間🍹因為全部果汁即叫即窄，其實有好多不同款式嘅果汁配搭，我就飲開西柚汁...一杯大概有兩個半至三個西柚左右，都幾新鮮😌. #西柚汁 #果汁#即叫即整 #新鮮 ...……………………👧🏻肥妹小編.........................👇🏻地址👇🏻名果店- 太古康山道1-2號康怡廣場南座4樓- 九龍灣牛頭角道77號淘大商場二期地下GK1-2號舖- 將軍澳貿業路8號新都城中心1期2樓201號舖- 將軍澳坑口培成路15號連理街135B舖……………………

天氣酷熱，下午食乜都無乜胃口，所以好多人選擇食清啲，甚或吃吓沙律或者生果就算，今次係新都城商場有間叫名果店，好多生果種類選擇和沙律菜，大大杯生果好新鲜，有蜜瓜，火龍果，波蘿同西瓜，售價都係18蚊，抵啦

雖然很喜歡吃水果，但我平常很少買街上的果汁喝。因為街上的果汁店，水果看上去都不新鮮，價錢又不便宜。倒不如把錢拿去買珍珠奶茶，回家食水果算了。最近行經將軍澳區的商場，發現多了一間連鎖的果汁店。八卦的我，當然要走去看看啦！可能是新開的原因，所有水果都看起來非常新鮮，亦有一些日本進口水果。其實他們賣果汁也賣水果啦！果汁的配搭五花八門。把餐牌都掃了一遍，我最後選了日本桃x草莓x3.6牛乳 $38。一份錢一份貨。價錢是比普通的果汁店貴，但用的都是好料。即叫即制，你可以看到店員的制作過程。我看見店員倒的是北海道3.6牛乳了！出來的成品是我喜歡的粉紅色！味道是我喝過那麼多果汁而來，最美味的。桃與草莓的新鮮香甜配上香滑牛奶，還帶一些果粒，增添口感。美味又健康！