名苑

营业中

休息中

今日下午放假, 去左茶樓飲下午茶,名苑呢個集團印象中好似未試過, 雖然間酒樓開業左一段時間, 但今次都係第一次幫襯, 裝修都幾新, 坐得舒適。高身既茶壺, 有別一般酒樓茶壺。餐具乾乾淨淨, 食得安心。今次主攻下午茶特價紙, 點心都有好多選擇, 亦有一D出面比較少見既點心, 價格合理。川味滑餃子 - $17, 呢個好味道, 餃子皮彈牙, 好滑, 以為川味會辣, 點知唔辣, 個汁好味。鮮味蝦餃皇 - $15, 有兩大粒, 好多蝦兼JUICY, 不過皮唔夠彈牙。蟹籽燒賣皇 - $15, 都係兩大粒, 入面D肉絞碎, 似免治肉, 個人比較鐘意粒粒肉, 會有口感D。帶子翡翠滑腸粉 - $21, 唔駛成日食蝦腸, 叉燒腸, 牛肉腸, 呢個帶子加翡翠瓜好清新, 腸粉好滑。 好味!淮山四寶雞扎 - $21, 好足料, 用鮮淮山比較特別, 最鐘意食雞扎入面果舊魚肚, 好味道。蟲草花鮮竹卷 - $17, 鮮竹卷有三條, 用上湯浸住上, 不過個上湯好似好重味精。巧手潮州蒸粉果 - $15, 皮夠彈牙, 包得飽滿。共叫了7樣點心, 茶位 $8位, 埋單 $151。

是日佛誕早上老爸約咗我和阿女飲早茶，當我知道去邊間食果陣就諗起2016年做冬晚餐的中伏事件，食菜有沙，話去果度晚餐的二妹臨時因病放飛機，我和四妹好在搵到自己背後的男人夾錢，否則真係發晒火。事隔一年多來飲茶，一見到d茶壺就覺得影響食慾(￣∇￣)其實望價錢牌就覺得對間茶樓要有一定的期望，只可惜價錢與質素唔成正比老爸食風爪排骨飯，我淨見到個碗真係覺得有d肉酸~~~我跟昕昕食烤両腸，好在昕昕只係食腸粉，我食果d油炸鬼硬到死，我食晒之後隔兩個鐘都覺得口裡面的肉有d痛(>﹏<)馬拉糕算係正常，由於我地食唔晒，所以搵咗環保餐盒打包😅😅😅原本我唔想叫燒賣，但阿女堅持話要，搞到叫咗後佢只食一件和掉一粒，我都只係食一件，感覺中規中矩，剩返一粒又放環保盒。最後用咗百二蚊埋單，好耐冇試過飲早茶人均價貴而唔覺得係好享受，真心講去稻香真係好過佢，我聽到場內其他食客講要坐入面，因為坐近門口好熱，我離開的時候才感覺到T_T

早咗落屯門，上新城市廣場，試咗呢間酒樓，地方都好乾淨，個盅頭排骨飯好有香味，飯粒唔會蒸到林晒，d飯蒸得硬d真係好重要嫁，銀針粉出奇地有彈性，口感好好，馬拉糕都好味，夠軟熟，蝦餃略嫌有一股麻油味太重 😌

今天返完早堂，相約友人一起往旅行社處理事情之前，前來這家多次過門而不入的名苑飲茶去。等候的人數其實不多，可能再加上到達時間為十時多，早市的客人陸續離開，知客一次過放了數檯人進去。坐位的編排擠迫的不得了，就如有網友所言，跟人聊天不易，倒經常將別人的說話聽去。侍應和傳菜的態度已是屯門區幾家酒樓比較好的一家，不過同樣有著人手不足的問題。另外，其中一隻碟好像有污漬，用來洗杯碟的碗也相應太少了。今天叫了以下食物，連茶錢加一接近五百元，尚算是合理。所見即所得。鹽焗秋葵：算是香脆，不過鹽味真的唔多覺。藜麥三色軟糕：味道不太甜，冰凍可口，很特別的甜點。叉燒腸和羅漢齋腸：正常，不過不失。海綿豆沙包：馬拉糕+豆沙包的變奏，朋友表示味道不錯，饀料豐富不過甜。叉燒包：被我家寶貝悉數吃光。蝦餃和未有拍照的全蝦燒賣：饀料豐盛，味道不過不失。椒鹽豆付：炸得略燶，另有一點極鹹的炸粉碎一起上桌，感覺有點粗疏。蟹粉灌湯包：蟹粉有就有了，但肉饀太多，灌湯欠奉，沒有拍照的小籠包，也是肉饀包的太多，變成像蒸餃多於吃小籠包，不過包皮的確做的很薄。鵪鶉蛋燒賣和未有拍照的排骨：正常，不過不失。整體算是OK的，但當然還有改善空間。會否

昨晚終於齊人吃中秋飯，之前聽其中一個朋友說名苑點心不錯，加上亳無頭緒那裡吃中菜，前天其中一位朋去看幾款套餐，最後覺得1,688元的花膠翅鮑魚海斑全包宴比較化算，早一天預訂免加一及茶錢，我們就吃這。名苑的熱水茶壺蠻多污漬，熱水倒出來黃黃的，所以我們都立刻要求換掉，職員都很快換給我們，服務態度也可以。不過名苑還有一樣要改善是盛裝洗碗碟用完的水那個碗太細小，不夠我們用，宜給客人大一點的碗盛水。首先上桌黃金脆皮雞(半隻)，脆皮雞整體都滿意，雞皮理實炸得黃金香脆，而且又不會肥膩，雞皮下的雞肉雪白嫩滑，唯美中不足是脆皮雞只是暖暖的，不夠熱騰騰，不是的話應該會很可口。隨後姬松茸碧綠炒蝦球也上桌，荷蘭豆飽滿嫩綠，入口爽脆，伴以姬松茸吃更為滋味。蝦球頗大尾的，肉質非常彈牙。然後是養生花膠藜麥皇燒翅，大家看見湯中一點點的都問這是甚麼，其實是藜麥，我也第一次見藜麥煮中湯，挺有咬口的。至於翅群比較稀疏幼少，普通貨色，但勝在湯底以雞熬煮，清甜滋潤。外表如「格格脆」千島金衣脆奶卷真的脆不可擋，奈何內裡鮮奶全無味道，包括甜味，同時我所期待的滑溜感欠奉，可能因為不熱的關係。蠔皇翡翠6頭鮑魚伴椎茸這道重奪大家讚賞，冬菇

本人食下午茶。開咗茶叫4道菜，等30分鐘先第一樣，人哋遲過我坐的都可以比我們快有得食。45分鐘後，還有一樣春卷未到。追單，好正常。不過隔離都有叫，竟然人哋有得食囉！我哋仲未有，要追第二次先有？！不過好在有wi-fi可以上網，唔使浪費自己數據。

今日去左馳名的名苑酒家飲茶，名苑 相比稻香集團的酒樓質量高點，坐得舒服點。點心精緻又多選擇叉燒腸粉，不過不失，相對有d酒樓腸粉都整到爛唒燒鵝瀨粉，燒鵝有肉汁，不錯哦好多好多韭菜，幾好食，又脆口懷舊小食，蠻好吃哦菜肉包，太小餡料，麻麻地京川餃子，辣辣的，不錯哦，不過d皮有d整得太耐，爛左燒賣d蝦幾彈牙，相對有d酒樓的燒賣，有啲無蝦，又爛既，佢e度整得中規中矩。總括而言，屯門區飲茶嚟講，質素不錯哦，等位又唔使等得太耐，可以慢慢坐

今次係信義妹影得最差既一次.....................唉...........無辦法啦當日本身都多野做，去到都趕頭趕命成村人等梗你開飯................搞到勁唔好意思所以就影自己碗就算啦點知............遇著小朋友肚餓左推右推結果連食物都做了沙龍所以都係post 一張就算啦~~~頭盤冰鎮鮑魚鮑魚有手掌心大唔知係因為信義妹係咪食得急真係食唔出有咩味................要點wasabi 豉油先有番啲wasabi 豉油味............上碟就精美實力就有待改善 有朋友話呢個有機會係拎咗去煲湯跟住再上枱.................所以先乜味都無........但我地嗰個係海星湯..............咁係咪即係第二枱有鮑魚湯呀..........海星湯不過不失，藥材味重蠔油冬菇鴨掌冬菇大過信義妹手掌鹹度適中其他菜不過不失啦壽包超中伏..............但因有人生日..........總不能當面批評.......皮係薄但仲韌到要用力咬先咬到呢內裡都唔知係蓮蓉定麻蓉餡......淨係得個甜字............又係乜味

今日難得放假，唸住同屋企人出來屯門飲茶，之後行街買傢俬。點知一大早比呢家服務其差，所謂有名無實既集團式酒樓，破壞曬心情！行到商場，見到酒樓門口個阿姐個面口，感覺好唔想做甘，仲要我地自己慢慢搵位，比個全酒樓最入既位置我地。都開始有d 擔心。坐低，比左茶水，連卡都無開一張，甘之後開始寫點心啦，我地根據門口黑面家姐姐比既優惠點心紙寫order既。寫完之後，由於我地優質位置關係，我遞手比點心order紙都遞左超過十分鐘，完全唔會有人理，之後好感恩有個啊姐理我地啦，佢一句，呢張唔落得。優惠已經到時間！！咩事，明明未到時間，你員工比我地既，加上我都等左你十分鐘先過來，她居然老實不客氣答話：我地要時間落單架，而家唔夠時間落，而且我剛剛翻工，唔關我事！大姐，我真係火都黎，雖然我係生客，都唔洗甘啊，甘我地咪要求經理過來囉。之後又等，等到優惠真係過左時，都無人理，甘問第二個樓面，呢個一樣甘經典，由於吵左一次，呢個死死地氣卸比搵經理搞，但個啊姐，又唔覆我地，繼續行黎行去。咪搵佢囉，她又黎經典：經理落左單搞掂啦，我唔係淨服侍你一台架！哇，真係增廣見聞！講真，雖然去得酒樓都唔會有咩五星級服務，但都要有基本禮貌掛

食物ok👍🏻，但四方八面都係風，坐邊都係風口位，尤其中間位置，食物同茶一陣就吹凍晒，一餐飯吹到頭都痛，冇晒心機食。🙄🙄🙄🙄🙄🙄🙄🙄🙄🙄🙄

Ming's garden is of my favourite Chinese restaurant. I received a suckling coupon earlier and it's expiring soon, so 2 of is ordered half of a suckling pig, 2 pieces of abalone in gravy and baby cucumber with black bean.The baby cucumber is so cute and it's my first time in my life to have so much cucumber in a meallook at the size of the cucumber.The suckling pig is also nice, the skin is so crispy but it's too much for 2 of us, but we able to finish the whole dish anywayThe abalone is so cheap

3頭鮑魚，真係超值啊！點咗2隻。仲有，我地兩個人可以用$88食半隻乳豬。加多條海王衣$198埋單$504。3頭鮑魚去年可以任叫任食，今年1人限點1隻，有啲唔爽！$68/隻真係好味超值！

這間酒樓星期六，日好多人，今日平日，應該不太多人，所以12點幾來了。都好多人，但不用等位，記得有些特價點心，不過應該11點前先有，本來已經揀左四款點心，望望下發現午市有套餐，都幾抵食，三樣嘢158元，有湯，有飯，有菜。金銀菜煲唐排，一小壺上的，一大碟湯料，好多肉絲，有肉排，菜乾，好甘甜，足料又夠濃味，仲好多碗，六碗也有，夠晒熱，好正芥蘭，份量都足夠，大大條，好青綠，爽脆夠甜，好味。鮮蝦楊州炒飯，好大碟，好多蝦，叉燒，葱粒，蛋絲，飯粒粒分明，乾身，唔咸。這個套餐三個人食也足夠！

今天一早起來好想飲茶，由於星期日要回元朗睇下老豆老媽！但又不喜歡去元朗飲，於是去左個中間點！屯門市中心，🈶️聞名苑是海天的分支，於是再翻食！之前果幾次都幾上乘，🈶️海天的風彩！可是今天出左事！除左個燒賣，同旦散保持水準外！其他都很一般！

最近氣温很高, 影響了睡眠質素, 今天是星期日, 應該睡晚一㸃， 但起牀時間與平日上班時間一樣(7.00pm)。這麼早真是無所事事, 所以決定去飲早茶。我們9.15am已到達酒樓, 可能時間尚早, 所以有很多位置選擇, 我們選擇坐入房裡因為房裡面的氣温比較涼爽。侍應便來問我們喝什麼茶, 我們㸃鐵觀音茶, 餐具以白色為主,茶壺形狀很獨特, 有㸃像阿拉丁神燈那個壺一樣, 上面還有龍的花紋, 很別緻。茶味香但有㸃苦澀, 可能是放太多的原故。看一下㸃心紙, 有基本㸃心紙, 列出大$25.8,中$21.8,小$16.8,特㸃$29.8及茗茶的收費, 而星期六日及公眾假期的早市(8.00-10.59am)每款㸃心比午市平$3, 但茗茶每位$10。食物包括蒸㸃, 煎炸㸃, 腸粉, 甜品, 蒸飯, 粥品, 小食, 燒味粉麵飯, 蔬菜, 還有些特別推介是圖文並茂。另外早市優惠組合$26.8/1份(有香煎蘿蔔糕1份和菜干咸豬骨粥1碗); 更有早晨美㸃, 價錢由$11.8-$22.8不等, 還有特選㸃心併盤〈6件〉$30.8。我們最後點了下列㸃心:雖然還有一段時間才到農曆新年, 但突然很想吃香煎蘿蔔糕, 煎