名苑

营业中

休息中

話說一行三人想飲個茶，路經屯門就見到呢間名苑酒家，撞啱下午三點有下午茶。埋去拎位時，阿姐話「三點半cut單喎，叫我哋劃住點心紙先。一陣有位比我哋」咁我哋梗係嗱嗱聲睇吓點心紙先啦。轉個頭有位就直入坐低啦。睇睇張下午茶點心紙，都唔係好多選擇，咁就嗱嗱聲三點半前，點好晒嘢食交比阿姐啦。點咗3個孖寶點心，一隻乳鴿，一碟XO醬乾炒肉絲南瓜麵。選擇太少啦，選返自己想食就算啦。好快就嚟第一份孖寶點心先，煎蘿蔔糕，煎鯪魚餅。蘿蔔糕普通嘢，勝在飽肚；鯪魚餅反而有驚喜，鯪魚煎香，咬落有馬蹄，幾爽口！第二輪孖寶點，兩份一齊嚟，熱辣辣。有牛肉腸、潮州粉果、菜苗餃、愛之蜜語（奶黃蒸餃）。粉果普通，牛肉腸有塊翠肉瓜係裏面，幾特別，味道可以。而個愛之蜜語（奶黃蒸餃）成嚿糯米皮包住少少奶黃，味道格格不入。最有驚喜係菜苗餃，裏面有蝦肉，菜苗夠滑又皮薄，食落去夠晒飽滿。食完輪點心，部長阿姐突然埋嚟話廚房落咗場走晒人，無乳鴿，無炒麵！我哋都未反應過來，阿姐仲走埋添。食得一半，真係一肚氣！三點三落單時又唔講廚房落場，趕唔切落單，到頭來無嘢食。話口未完仲比埋張單嚟收錢，完全無理過食客！真係激死，下次唔會再幫襯，食到好嬲 😤

早起鳥兒有得食，係有得食多啲食平啲。遇上公司放假一天，可以同爸媽飲早茶，雖然要分兩枱，但好彩都安排到隔離枱。平日果然平好多，有多款特價點心，叫咗8款點心（蘿蔔糕、牛肉腸粉唔記得映相），只係$176，平、靚、正。

今日父親節叫了外賣送餐，大約一小時送到，時間還算不錯。因為之前曾經堂食過出名的厚切黑豚叉燒皇味道出色，故外賣晚餐再次點這道菜，可惜叉燒又硬又乾，是瘦叉燒，而家份量只得6塊，但價錢要百多元，十分不值，性價比十分之低，極度失望，街市廿蚊燒味飯比它更好吃，不會再點這道菜了。但公道說句，蛋白炒飯，咕嚕肉，梅菜蒸芥蘭，燒雞和花膠豆腐還不錯，而且份量滿意，唯獨是黑豚叉燒皇質素與價錢不成正比, 絕不推薦這道餸菜。

為了慶祝媽咪生日，她認為屋企附近的酒樓質素下降！所以，選了位於屯門市廣場的酒樓 <名苑>！由於，當時正值是社會事件，生意大受影響！全晚只有大約十枱食客！ 顯得冷清！斟茶後，才發現茶杯有裂縫！餐牌鮮百合秋葵安格斯牛柳粒 $138安格斯牛柳粒鮮嫩多汁！配合清爽甜美的新鮮百合及帶黏液的秋葵，把整體都清新起來！松茸海參豆腐煲 $138包括：松茸、海參、豆腐...等，份量豐足！豆腐入口嫩滑略帶水份又豆味濃郁！ 最緊要由頭到尾都可保溫！鮑魚汁遼參蝦球煲 $128店方選用遼參， 還炆得夠淋之餘又入味！ 令人容易入口，還有軟滑的冬菇及伴碟清爽的西蘭花，配搭得宜！厚切豚肉叉燒皇 $108選用日本黑豚肉，肥瘦相間，肉質鬆化到好似入口即溶！ 厚切叉燒口感更強！怪不知媽咪推介啦！乳鴿一隻 (免切) $62媽咪喜歡原隻乳鴿食，可保持原汁原味！亦食得過癮滿足！ 火候恰到好處，皮脆肉嫩又多汁！白飯 $15茗茶 $15甜品：蕃薯糖水打破一貫酒樓送紅豆沙，蕃薯糖水既高纖又健康！

去了兩次，都是午飯。第一次是平日正價時間，由於肺炎時期，人客只有全店的1/3. 但職員都在聊天，怠慢客人。但因食物好吃，所以也給予第二次機會。第二次是昨天，上一次的二星期後，這次是下午茶時間，客户多一點，有全店4/5，但服務員態度更差，沒有感恩在疫情嚴重，很多人失業的時期自己還有工作，不但怠慢客人，還會駡客人。蝦餃也被發現底部有黑點，雖然服務員有更換新的回來，但因為其服務態度，決定不再光顧。期望該店管理層會改善問題，如果還會營業的話。

明天便是大年初一了，在今天的除夕夜，當然要一家人聚首一堂，齊齊整整，團團圓圓地吃年夜飯，一起慶祝明天正式踏入農曆新年No.1【厚切蜜汁叉燒】 其實我並不喜歡厚切的叉燒，因為它只有六件而已，但我們卻是11位人，所以根本不能平均分配，最後我們只好叫了兩份叉燒...幸好叉燒的肉質都算柔軟嫩滑，鮮美多汁，只是口感有點油膩的感覺，所以我還是比較喜歡吃薄切的叉燒No.2【上湯龍蝦伊麵】 龍蝦的肉質十分脆嫩可口，爽口彈牙，而且滿口更充滿著濃濃的鮮蝦味，甜甜的，香香的，清甜可口，其味無窮，珍饈美味No.3【西芹炒帆立貝】 帆立貝明顯是雪櫃的貨色，不單止缺乏爽嫩彈牙的口感，更加和清湯寡水一樣淡而無味，讓人吃糠咽菜，味同嚼蠟No.4【脆皮炸子雞】 炸雞明顯煮得太熟了，雖然外皮都算香脆可口，可是內裡的肉質非常粗糙之餘，更嚴重缺乏肉汁，口感乾巴巴的，讓人難以下嚥，囓蘗吞針！No.5【壽包】 雖然壽包內的蓮蓉餡料甜而不膩，但是壽包的口感卻一點也不輕盈和鬆軟，而且鹹蛋黃的味道更非常差，整體質素其實和超級市場的壽包完全沒有任何分別價錢方面，我們一圍11人總共吃了$2600左右，對於年夜飯來說，價錢並不算太昂貴，只是

今日一家大細去飲茶 食物平均等都好耐先到 明白的因為要現埸即叫即做 質素亦不錯 用料很足 味道好 不太味精 👍我地本身一坐底take左點心紙 有漏單 追左無人理 加茶 d 人 逃避你眼神接觸 不想理你🙄 最過份來了 本身一坐底即叫乳鴿 明知要等 點知食完見都差不多成 個幾鐘都未黎再問 一個操譚仔口音既 齊陰金色一達達highlight 白面大媽 態度極惡劣地問非所答 仲話你遘通唔到 😡😡😡😡擺明係你唔明la.. 詳細都費事講 走之際 仲同埋一兩個同鄉 望住個客細聲講大聲笑 試問係什麼服務 ？ Li 度係香港 唔係大陸 你咁既態度 譚仔都容納唔到你 影響你酒樓型像 為己為人返鄉下啦 大媽🙏🙏

其實黎名苑都唔只一次喇，尋日係因為幫爸爸慶祝生日，所以一家人黎食飯😃呢度嘅中菜都好好味，如果鍾意食叉燒嘅話可以試下，又香又唔肥😋其他食物唔算太油，都好好味，而且服務到位，美中不足只係坐嘅位置比較熱，整體都滿意😋

今日一家人去了屯門廣場，名苑吃4人餐，最幸福因為買左團購，8菜+冬瓜盅只是 $498地方環境高級，沒有因為我們團購而招呼不週，我們4人給我們6人枱上菜速度很快，食物都熱辣辣可以放心。冬瓜盅很吸引，每人可以吃2碗有蓮子，搖柱，蟹肉，雲腿，草菇……很好喝不咸手工寶塔肉是這裡招牌菜，外形真的很特別，味道就是梅菜扣肉，酒味有點濃，配白飯一流。釀雞翼有點驚喜，辣辣地家人很喜歡。燒乳鴿很脆很熱清蒸海石邦魚，養魚一條沒什麼特別。日式元貝蒸豆腐，清清地不錯。黎麥炒飯反而非常出色 ，有蛋白，菜粒，粟米，非常之香我吃了3碗椰汁桂花糕，很精緻很滋潤，美味!

前幾天去了名苑晚飯,一如以往唔多人,其實酒樓食物OK,但D侍應姐姐不停SELL人食套餐,見我地一打開MENU,黑衫部長姐姐即刻走來SELL龍蝦套餐,我地答左不要,不用繼續SELL,我地自己會睇,部長姐姐答"我地推介下,唔要唔緊要,你地埋單唔係我埋,你地決定!!"當佢走左,又有另一紅衫侍應又來SELL套餐,總之務求迫我地要嗌咁其實呢,你地D MENU已經擺晒響桌子上,我地會睇,想食一定會叫,就算公司下令侍應要SELL,一個講完咪算,唔駛一個講完到另一個,呢D行為好滋擾好啦終於食完飯,意味唔駛再有人黎SELL套餐啦,點知今次輪到SELL糉,真係夠命!!!攪到大家都唔想繼續坐,食埋糖水即刻走人終於明白點解間野長期冇乜客,真係唔關食物事,實在太HARD SELL啦,成日好似迫人食套餐迫人買糉咁,好快又叫人買月餅架啦,邊個敢再去呀??希望管理層可以改善一下此問題,其實好野真的不用HARD SELL,好食的話顧客是一定會食的,否則大家只會覺得酒樓是因為冇人叫賣唔晒所以先要不停SELL,更加唔敢食啦!

昨天约咗幾個好友飲茶，有一個屯門友帶我們去屯門巿中心名苑，環境都幾好，食物有幾款都可以介紹给大家試試，布拉腸粉，腸粉熱辣辣，上面放有瑶柱添還有幾款點心牛肚好入味，鲮魚球很爽滑，甜品擂沙湯丸都o K㗎。

今次是和幾位好姐妹茶聚，選這間原因交通方便，環境比較靜，枱與枱之間都有一定距離，唔覺迫夾！唔想諗就落單叫左個特價套餐，貪佢有老火湯飲（真材實料湯夠濃）有雞、有魚是斬件煲仔上，粉面類選左义燒炒粗麵，上湯菜心⋯味道唔差。黑金流沙包上枱時熱辣辣，搣開個包包奶皇流晒出來👍🏻。如要推介的話就是個湯同個包及環境都坐得舒服，其他平平無奇，價錢是偏中上貴。

Dirty cutlery, pushy waitresses asking you to choose a set menu, food that we didn’t order kept coming to our table and we had to complain more than 3 times and lastly food wasn’t great either. The prawn was mushy in the Har Gow, Shao Long Bao was dry and flavourless, Siu Mai was mushy and tasted weird. The only good thing I could think of is the fried rice and attentive service. Never going back.

屋企人之前來過 我就第一次來在商埸行了很久才找到座位在風口下 大風到頂不住又不可調低風口 好彩幾個也有風䄛有帽唯有全程帶著帽吃😑都真係第一次咁食物方面 前菜秋葵乾不錯 有益又健康其他小菜賣相幾好 味道也不錯但沒特別驚喜不過以這價錢又沒糖水送 覺得有點貴而最後有點不滿意 因為近新年侍應都忙著sell新年的糕券我地買了紅棗糕 芋頭糕和羅蔔糕又要另比現金買了都算 那侍應一走開竟然另一侍應立即過來又要求幫她買 真的從未試過在其他酒樓有這情况 下次就算再來也要看日子!

為咗慶祝父親節, 所以去幫襯呢間未試過嘅中餐廳。 早一日左咗落訂，book左$1888套餐六人用連加一茶水，點知食到一肚氣訂咗七點鐘，我哋七點十五分去到坐低。。。等等等。。。等到八點一都仲未有嘢食先後催左三次，八點十五分終於起咗第一道菜 - 「乳豬拼盤」！唔係好明白點解燒味都要等一個鐘？！可能頭先劏緊隻豬？過咗無耐就上咗個湯，咦咪住先... 啲黑蒜同螺頭都唔見咗？原來上錯左 如是者又等多半個鐘先來返啱個湯.. 一飮之下, 媽媽同細佬都話個雞湯嘅味同金寶湯煮ABC粉嘅雞湯味道係一樣，只係加左啲色！唉...其他菜式味道都普普通通，鮑魚係罐頭嘅，條魚味道可以，不過上魚唔會幫手臨油同埋片開少少肉確定係咪熟透。最好笑係個五穀登！唔知係咩黎？原來係兩隻糭。兩隻糭上碟嘅時候係原裝上！即係連埋糉葉同埋條草繩要叫侍應佢先識幫手拆糭，真係Oh my God!!!!!#+@&€%*@!!&全單1888絕對唔值！無下次