名都酒樓

营业中

休息中

今天下午有事要到一到山頂區走一躺, 所以便到金鐘的名都酒樓吃個燒味飯便算, 點心也沒時間食回想兩年前吃過名都外賣部的燒味加點心飯盒, 一試難忘, 但從末到過店內吃.傳統中國茶樓餐具, 沒半點花巧, 不過枱布些濕了的茶積上圖可見友人的叉燒飯, 肉質不算腍, 汁不多有種乾乾的感覺我燒肉的拼燒鴨, 燒肉皮不夠脆, 肉味鹹度剛好, 肉質軟硬度還可, 脂肪分佈也算有層次, 不過肥肉太好燒鴨肉硬, 較鹹, 難雖咬開, 位置不靚, 骨多肉小今次過後名都燒味的質量以比以前有所下跌了

Felt like dim sum ,went there after movie. called the restaurant up and they said afternoon tea have discount.sat down. ordered 5 items. Shrimp dumpling, fried turnip cake, squid, white rice roll .lotus leaf rice.They don't have Turnip cake , shrimp dumpling , white rice roll only curry squid and lotus leaf left. Curry Squid - tasty ! sweet Lotus leaf - tasty , just right Stayed there for 20 mins then left

與友人黎到飲茶.兩個人食5樣野.1.燒賣. "鞋口". 蝦唔夠鮮味.外熱底部涼涼地. 已係車仔拎出黎. 但都有咁既現象. qc唔夠好. 好老實. 名都唔係位置好.附近冇乜選擇既話佢咁既食品素質真係好難做得住. 2.叉燒腸粉. 個皮又厚又鞋! 西環好彩以至新星既好食好多.3. 牛肉球. 做得太實!!!4.奶皇包. 冇流沙唔在講. 奶皇一舊舊又乾!!!5.杞子桂花糕. 讚. 夠凍夠多杞子同桂花. 依個係依餐茶既相對亮點!!!!當然唔會值得為佢面黎.叫5樣野4樣唔得. 兩個人食左240蚊. 唔係地點就腳既話盡量都唔好黎飲茶!!!!佢有個餐係小型粉麵加3個點心兩位起每人68蚊. 如果係150蚊既話.相對係抵少少少少.但都不值一黎.燒味飯外賣除外.因為燒味飯外賣夠平之餘亦做到幾好既酒樓應有水平.

推車仔的酒樓, 十分有風味, 可惜食物質素差, 蝦餃皮厚, 不彈口, 粉狀, 蝦肉無味, 义燒包, 皮實實, 不軟, 义燒無味, 粉卷, 只微暖暖, 厚厚的皮, 不熱, 其他的都不太好味, 價錢與品質不太配合, 不會再來了.

從來無係呢度飲過茶，反而成日買外賣。在這之前，只識得在大家樂及大快活買lunchbox，金鐘給我的印象是吃的沒有選擇，打工仔唔會餐餐lunch百幾二百甚至幾百蚊個頭呀，又無中上環的地道餐廳，成日一個人食lunch感覺格外淒慘。無計啦，入鄉隨俗，唯有得閒explore吓邊度都有好味的外賣。試過其他如某商場茶寮，胃口不對，真有點食不下咽(純屬個人意見，如有得罪，請勿見怪)。名都是個就手又化算的選擇，攞外賣隊快，收銀更快，而且選擇都算多，食物質素也有保證。個人認為以下兩款最物有所值：1.燒味飯盒：在集團式快餐連鎖店試過太多不愉快經驗，叉油雞飯堂食還好地地，搖身一變外賣飯盒「烘燶叉燒」及「雞下欄」雙拼飯，電話投訴完好返兩日，第三日又固態復萌。無計，燒味師傅都係搵食唶，唔通次次叫佢俾你睇吓先裝盒咩，一陣小妹又變埋Youtube港女主角就無謂啦。所以名都的燒味飯盒值得嘉許，同樣價錢(雙拼飯$30)，賣相同食物質素一樣好，而且每次都能保持水準。而家想食外賣燒味都去名都買，開心哂!2. 蒸飯：北菇蒸雞飯，會有些少油膩但北菇和雞肉的鮮味都滲進飯裡去，所以味道還是很不錯的。如果怕唔夠餸，可以加多個點心如鳳

好耐冇去過有推車仔 的地方飲茶. 突然覺得食得好 "忙"蘿白糕 - 食落一般. 唔太記得點解. 因太肚餓煎腸粉 - 唔靚仔. 煎完出來都好 sticky 唔香口蝦燒賣 - 蝦好重 pepper 味牛肉球 - ok牛柏葉 - 好少地方有. 加上唔錯叉燒包 - 友人一個人食了四個. 其他人冇得食. 真係咁好食?油菜 - 最正. 菜心好甜沙翁 - 好味蝦餃 - 又係好重 pepper 味. 蝦好 "鞋"

二月中旬．晴是社團搞的聚餐，開餐前，在每圍也擺個牌，咁你知我地都唔慌靜得去邊。這裡的餐點不錯，但可能因為是日點的餐牌便宜，食物也是麻麻地。不過最抵讚的，就是那個紅燒魚翅。雖然這裡的試食會都帶自己友去大吃魚翅，但已講過九萬幾次，吃翅都其實不大合時宜的了。但是日的紅燒翅，找勻也沒有翅針在內的，「味」道十足卻又夠晒環保，抵讚。另外幾好吃的就是炸海鮮卷併炸鮮奶，這些由早晨點心賣到夜晚的菜色，質素真的有點保證。菜膽北菇芡汁極厚，「味」道比翅更利害！位位百一，便宜就是真的。

本人第一次寫食評, 係因為唔想再有人好似我咁, 俾佢外牆 自命世界 NO.1 蝦餃欺騙咗 說話唔多講, 食物簡評如下,世界 NO.1 蝦餃: 皮厚, 裹面嘅蝦太差鮑汁魚肚牛肉: 見個名有D特別所以ORDER, 但食物上枱唔見鮑汁, 牛肉太實, 想點????灌湯餃: 湯不夠, 入面唔知放D??珍珠雞: 料太多AND太濕早茶: 2 位, 4 個點心, 共$178!!! 本人只喜歡食好嘢, 貴唔緊要, 但做食肆要有良心. 食完頭4 樣嘢, 不敢再叫其他嘢, 因為太差. 唯有等食 LUNCH!!! P.S. 厠所有專人負責, 但點解仍然咁污穢??? 大佬, 金鐘!!

食物味道環境服務各方面已於其他食評有詳細提及，故在此略過不提。這次提出個人對其食物的調味添加物的少許評語和分享。個人光顧此茶樓都已7年之久。覺得其食物質素價錢方面一向不錯。近幾年更提供外賣飯盒，實為金鐘上班一族提供又一選擇。但上年中開始發覺其飯盒有點問題:就是每次食完感覺都不好... 渾身很不自在的感覺... 開始時不太在意，但數次如此後開始發覺是味精作怪... 平時食公仔麵茶餐廳, 都會有味精的，但卻都不太強烈... 但在這裡用膳或外賣飯盒, 過了一會就會口渴, 個人不舒服...真的整天都不自在... 而且 每次食完感覺一樣...個人懷疑是燒味及點心味精用量很高，而燒味當中則以薑蔥嫌疑最大，閣下自可留意。這裡所提絕對是個人數次反覆試驗後如實感覺，目的只希望如茶樓有關人仕如有見到能作出調整，畢竟味精多吃無益。P.S. 以上純粹個人真實感覺，如各位意見不同亦可提出參考。如有相同感覺更應提出加以討論。

其實我去過食好多次,因本人係金鐘返工,基本上飲荼冇乜選擇....試過好多點心,冇乜驚喜,味道質料一般水平,但價錢太貴,太不值......最令人失望係蝦餃皇,蝦肉唔新鮮及散、皮太厚好粉。另外個蟹肉伊麵好唔掂,極少餸又冇味。如果唔係有得book位,絕對唔會再去 ！

同事腳受了傷, 咁就由我負責買個飯盒返公司一齊享用. 有時不想出外, 中午留在位中, 上上網, 仲好過係外面又排隊, 又要迫.反正要買野, 咁就來到統一中心, 以前看見有金鐘的上班一族, 成群結隊地拿著名都的膠袋, 內有飯盒一個, 而且又有飲品在內, 再問問D老金鐘, 原來名都設有外賣部. 難得一到, 又要買飯盒, 就要嚐嚐.同事腳傷, 只要了叉燒飯, (因為燒鴨"毒"). 而我沒有事, 當然是雙併啦. 首先食鴨, 一咬, 已經是滿口鴨香, 另外加上半肥瘦的靚叉燒. 原來名都的燒味, 真係有返咁上下. 叉燒, 這裡的叉燒令我明白到乜野係蜜汁叉燒, 邊位烤得香脆而不燶, 實在是水準之作.飯盒30大元, 可能其他人會覺得貴了點, 但換來的質素同味道, 呢30元, 值.

當忙個時,又冇乜特別野食時,就會去名都叫燒味外賣,堂食太貴又難等位...$30一個雙料飯,o的燒味真係好好味~叉燒同雞真係好正!!!可惜冇野飲....

今朝同地親戚係名都飲早茶，因為落單叫一碟咸水角時，唔記得叫酒樓剪開先上，結果等阿姐上菜時，我地好客氣咁問：“阿姐，可唔可以幫手剪剪碟咸水角呀？”阿姐即刻話：“唔得閑，沒剪刀係手喎！”我當時環顧一下成個場，得十只手指都數得晒既台數既人係度飲茶，而個阿姐託盤亦得一碟咸水角，真係唔明佢有幾忙？ 阿姐咁既待客態度真係唔得囉！講真，名都地野真係好普通，唔會再有下一次囉！

星期六到名都飲茶，地方挺大，茶客唔算多。不像其他酒樓，此店仍沿用點心車，比起即蒸點心，食物温度都係差DD。食物方面，整體味道麻麻，偏鹹。點心賣相也很一般，例如燒賣，塊燒賣皮唔係蛋黃色，看似放了很久，夾起來也很容易爛。其出名點心蝦餃，都只屬普通貨色，距離天下第一，還有很遙遠的距離。食了十數款點心，埋單索價近七百元，以這食物質素來說，唔抵囉！

有說在金鐘的"名都",其蝦餃被稱之為天下第一,連大廈外的廣告,也自傲其蝦餃是皇道.在早茶後與午餐前的"卡啦"時間來,茶廳只得三份一食客,但眾侍應同經理仍不敢苔慢.差不多兩個服務員對一檯客,真是兵多過賊.此等酒家依然沿用點心車,保持早年的一點風味,始終覺得即叫即蒸的點心,新鮮程度或許比手推車的"整定"貨色好,但風味就有點點不及,為了風味而犧牲更好的味道,又算不算是犯賤?早茶客剩下四,五檯,幾部點心車繼續在轉.為眾茶客服務.既然說蝦餃是很出名,先來一籠.看見厚厚的澄皮,緊貼著餡料,心想不是皇道,也不會差得去那裏.拍照過後即放入口,澄皮有點點齦,但這般厚度的澄皮,這種反應是正常,有說連蝦餃上的摺位也要規定要幾多摺,小弟向來沒有研究,不去理會摺位多少會否影響食味,最緊要是味蕾將訊息輸送去到大腦之後,大腦給我什麼反應,才是最重要.再吃餡料,蝦肉大大隻,食落爽口.鮮味就略遜.單憑這個缺點,就不能成為天下第一餃的.常說為吃薄脆而叫皮蛋瘦,今次一向不例外,而且要多一點薄脆,越多越好.吃到正副不分.連點心車的"車長",見我吃到津津有味,還過來問我要不要多添一點薄脆.說回個皮蛋瘦,粥底不偏不倚,比起生滾的