吐司男 (彩明商場) (已結業)

本身懷著一個唔想成日食_記既心，再去試呢間餐廳。 但係好可惜_記始終無法取代首先， 點完餐等外賣係一件好正常既事。 但係畀後黎既人搶走咗份外賣已經開始燥。我諗都係等多十幾分鐘就有得拎走。我想講我唔介意等多幾分鐘， 同好唔好食都其次，但係基本要求d嘢要熟囉。食食下個包 咬唔到既 原來塊雞係生既。 咁成塊雞扔咗佢咪算。 到個雞塊一咬落去個口感軟既，之後拆開一望 又係生既！希望唔會痾死我！！！怒而飲品就算係正常 冇劣評可言 想買就可以買

社交媒體網站寫係台灣過江龍，相片又好似好好食所以試安格斯厚牛吐司塊漢堡扒同幾蚊塊急凍漢堡扒一樣薄又細塊，肉味無乜，吐司料都少，咁就賣56蚊。芝士蛋餅味道正常，落咗大量甜沙律醬，偏油，比想象中細份好多，又38蚊。QQ球係芋心，好過豪大大果種炸芋球，18蚊野飲全部都無味好似飲水咁，叫咗椰乳紅茶無椰奶味，芋頭鮮奶無芋頭味道，底部芋頭粒粒切得大粒吸唔到，用叉吉囄食淨係食到浸糖水既甜味，完全無芋頭香。社交媒體網站同評論吹奏到咁都唔知比幾多錢落廣告度，唔建議大家試

我今日同cara BB食好西，去彩明商場行街同買嘢，見到呢間新開嘅就順便試食埋☺️ 呢度燈光好舒服，俾人一種家嘅感覺🥰 而且設計得好可愛，門口仲有一塊大型多士做打卡位📸 我哋都肚餓，所以我哋就叫咗好多嘢食！🥛牛奶糖奶酥多士 $22 一塊厚多士上面搽滿左厚厚又濃郁既奶酥，外面酥脆，裡面柔軟💖 而且牛奶糖味好香甜，每一口都散發出濃郁牛奶香味🍼🥩滑蛋牛五花 很牛很牛 $48牛五花肉煮得好軟嫩，而且加上一片滑蛋，簡直係絕配🤤 吐司的厚度非常驚人，口感超級有嚼勁🧏🏻‍♀️SET B +$29 （包嘢飲同小食）小食就叫左瓜瓜圓地瓜脆薯 ，個名好特別，叫嘅時候好似講緊急口令咁 🤣但其實佢係一種地瓜脆薯，咬落去，就可以感受到脆脆嘅口感，而且食完無油膩感，唔錯！🍵芋頭奶綠 （跟餐加$4）呢杯飲料有著濃濃芋頭香氣，飲落超級順口😋 甜度剛好，不會太甜都不會太淡，最正嘅係每一啖都食到芋頭泥，很綿密，令到成杯嘢嘅層次豐富咗🤩🍳台式酥炸蛋餅 $30蛋餅新鮮即製 ，叫左兩款口味，分別係秘製里肌肉同辣味咔拉雞扒🌮里肌肉同雞扒兩款口味同蛋皮餅皮好夾，餅皮酥脆，襯熱食岩岩好，加埋芝士仲正🧀 🧋 小芋圓厚椰乳 $34小芋圓偏軟

屋企附近開咗間台灣人氣吐司店🤩🤩小店主打多款足料爆餡吐司🍞，仲有台式蛋餅、小食、飲品等供應～～店內裝潢以簡約清新為主，有少量堂食位置！今次就嚟食返個下午茶先❤️❤️🥪安格斯厚牛吐司 $56✨望落好豐富，包括有安格斯牛肉、車打芝士、秘製莎莎醬、蕃茄同酸黃瓜等～～安格斯牛肉好厚身🐮，啖啖juicy！配酸黃瓜🥒味道好夾🤤🤤麵包烘得香脆鬆軟，重牛油香～一啖咬落去好滿足！！🥪招牌肉滑蛋多士 $38✨另外仲試咗佢地的另一款招牌吐司～～包括有豬里肌肉、車打芝士同滑蛋等，整體都唔錯😋😋豬里肌肉質軟腍，滑蛋口感嫩滑～配上秘製醬汁一齊食好開胃！必試～～🍳秘製火腿蛋餅 $28✨佢地的酥炸蛋餅都好受歡迎！！酥脆的蛋餅🥚包住鹹香火腿🥓，十分滋味❤️❤️🍗炸雞塊 (+$14)✨一共有6塊，外表炸到金黃色好吸引！！咬落外脆內軟，好香口～如果有蘸醬會更好🤣🤣🍟瓜瓜園地瓜脆薯(+$14)✨地瓜條偏粗身，味道香甜～～份量啱啱好，食落又唔會太油膩！正👍🏻👍🏻🍠瓜瓜園雙色QQ球 $18✨QQ球脹卜卜，分別有黃色同紫色～～裡面包住香甜地瓜餡，口感Q彈有嚼勁！唔錯呢😋😋飲品方面，我地揀咗芋頭鮮奶(+$19)同仙草凍奶茶(+$19)～～芋

小編今日來到調景嶺一間台灣過江龍餐廳「吐司男」，主打的台式爆餡厚吐司🍞，還有台式酥炸蛋餅🥚、台式小食和手搖飲品🧋來這裡吃個療癒的台式輕食，餐廳設計簡約清新，店舖牆上還有有「No Toast No Life」字眼，打卡一流😎「安格斯厚牛厚吐司」🐮 吐司煎至表面金黃色，外層帶酥脆感，裡面蓬鬆又有軟綿的口感，濃郁奶香的滋味🍞 兩片厚厚的吐司夾著材料包括4安士安格斯牛肉漢堡扒🐮、蕃茄🍅、生菜🥬、酸瓜🥒、車打芝士🧀，餡料豐富而且新鮮，一大啖吃下去超滿足，推介之選😊「很牛很牛厚吐司」則搭配滑蛋及醬燒牛五花，配著生菜和沙律醬的酸甜，升級套餐HK$29，包「瓜瓜園地瓜脆薯」🍠和HK25或以下飲品☺️ 點了店員推介的「芋頭鮮奶」鮮奶加入粒粒芋頭，濃厚香滑🥛「芝士奶蓋紅茶」奶蓋味道像淡奶忌廉，半糖茶味甜度剛剛好☺️「龐貝芝士酥烤台式蛋餅」🥚🧀 加入車打芝士和Mozarella芝士，感受雙種「芝」味，酥皮油香，搭配著沙律醬的酸甜味道，讓人尋回台式夜市蛋餅的滋味🧡「瓜瓜園雙色QQ球」🍠 紫色波波外型吸引，外層酥香，內裡咬起來是比較有嚼勁的口感，蕃薯味香濃香甜，看到隔壁枱的小朋友吃得特別滋味😊🍽 ：安格斯厚牛厚吐司

來自台灣的【Toast man】首間香港店選擇在不太熱鬧的調景嶺站內的領展商場內，真是有些意外。小编估計可能調景嶺有幾間學校及專上學院，所以選址在此。門面裝潢年青有活力，令小區增添不少色彩。【Toast Man】不只是外賣店，店內有幾個坐位供客人用餐，環境尚叫舒適有些cafe 感覺。除了多款吐司菜式外，仲有台式炒麵、台式Omelette 、台式小吃及台式手搖飲品。這個優惠有些奇怪……早一日訂餐送小食，不過不是早一日在Apps 訂餐，需要客人到店訂餐，真不方便。小編第一次光顧，當然要個人氣No.1 的【安格斯厚牛 $56】。沒有什麼優惠，只有 +$15多杯飲品 或 +$29多杯飲品及炸鷄塊。即是套餐要 $71~$85 ……一點也不便宜，目標顧客群真的是學生嗎？等了十多分鐘，外賣完成！包裝非常穩陣安全，吐司用紙包裝放入紙盒，上面還蓋上套，最後有個膠袋。吐司表面輕輕烘熱，麵包沒有想像中厚身，不包麵包鬆軟而且味道微甜。【安格斯厚牛 $56】餡料有正常份量的4oz. 牛肉、秘製沙沙醬、夬士、酸黃瓜及番茄。牛肉不是想像中的厚身，都叫juicy有肉汁。味道普普通通沒有大驚喜，只是把平時食的漢堡包換上

見有報道介紹將軍澳區內有台灣土司，又有堂食雖然睇食評都有啲猶疑 不過近近地就試下啦◇招牌肉滑蛋塊肉太薄同鞋口🙅🏻‍♀️◇很牛很牛牛肉份量足料 調味配搭都美味😋包整體蛋體厚滑 醬汁適量配搭正常 包軟熟有烘底👍🏻加$29轉套餐同單點烤肉炒麵◇炸雞塊好食過麥樂雞 但無醬汁點◇烤肉炒麵烤肉就系招牌肉 都系一樣鞋同薄❌️炒麵份量足料 都幾好食♡Coffee Latte凍 少冰半糖味道正常 無特別..見以往食評話要等50分鐘今日假期早上 無哂學生哥 就吾洗等啦整體食物、環境質素都無食評甘差覺得將軍澳區內里間台式土司性價比算系OK👍🏻不過依然想店家注意下員工training 店面收銀位置進食吹水無打招呼magicword等等希望可以愈做愈好

尋晚同個frd去咗將軍澳新開嘅吐司男喺openrice見到呢間系台灣過江龍一於試下佢好唔好食啦😛我哋星期一6點幾去到入面都好多吉位可能大家都未收工冇人同我哋掙😂每人叫咗一份激厚吐司等咗大概10分鐘店員就送咗過嚟🙌🏿-☻︎ 咔拉雞扒芝士激厚吐司 $46吐司微暖微微烘過 不過唔系脆口嘅但食得出牛油香🙌🏿麵包香甜而且鬆軟 食落有啲似排包 系幾好食嘅😚中間夾咗大量生菜 mix咗少少千島醬雞扒炸得夠脆 辣辣地幾惹味😛略嫌佢油咗少少用咗片裝芝士 仲系處於未溶嘅狀態如果做到半溶會好食啲😗面頭都吱咗啲沙律醬小妹就覺得佢啲sauce唔太討好😅個人口味問題整體味道唔錯嘅 唔系特別出色但呢個價錢絕對合理😝一試亦無妨味道: 7/10性價比: 8/10-朋友就嗌咗招牌肉滑蛋激厚吐司 $38佢讚咗幾次話好食😂所以都好睇個人口味 咁啱佢鐘意食台灣野😜-整理嚟講味道唔差 價錢親民而家你去快餐店買個包都唔止呢個價🥲小妹覺得可以一試😆但不得不提系佢哋啲枱好污糟明顯系冇抹枱 感覺好油搞到周身唔舒服 最後小妹忍唔到攞張濕紙巾抹乾淨😅整體評分：味道: 7/10環境: 7/10服務: 7/10衛生: 2/10抵食: 9/10回頭率

知道彩明商場開左間台灣過江龍輕食今日黎試下brunch選擇都幾多價錢唔算貴主打外賣但都有堂食位置招牌肉滑蛋激厚吐司加餐揀左瓜瓜圓地瓜脆薯同芋頭鮮奶個吐司唔會烘到好脆口幾香牛油味👍但個肉感覺有點薄下次會試淨炒蛋我好鐘意食地瓜條呢度嘅地瓜條都幾糯幾粉但美中不足嘅係無甘梅粉😗如果有就正喇～男朋友食左辣味咔啦雞扒炒麵但其實咔啦雞扒係無辣味嘅個台式辣醬就下單時先同佢講佢會額外加俾你但又係唔辣嘅似甜醬咁🤔炒麵原味其實都唔錯幾香蒜味麵就比油麵彈牙多少少不過份量唔會好多大食男仔未必夠飽我見隔離都係一件吐司一份炒麵不過咁樣都唔平㗎芋頭牛奶正常味道微甜效果都似天仁係芋頭鮮奶套餐加錢的話算平過天仁少少未有試到酥炸蛋餅下次再有機會試試佢！

台灣品牌引進香港,阿女要求一於揸車入去買外賣,順手送埋去學校比佢同d同學仔做午餐先講服務都幾好,d 姐姐仔好有禮貌又主動提議我轉餐,睇之前食評以為要等好耐, 但又唔係喎,只需5分鐘左右攞到餐仲快過快餐店包裝好精美,相信都用左唔小心思去設計order左個很牛很牛及炸地瓜薯條, 個很牛很牛真係有有驚喜,醬汁同個包好夾D牛又好入味,蛋非常滑溜,個包又做得好香,唔錯唔錯 , 炸地瓜都做得幾好,甜甜地, 整體來講係值得encore既

買左幾次啦，個人推介＃3 👍👍👍很牛很牛 同嘛經典火腿蛋，＃2餐肉較（＃3）鞋。☹️☹️☹️有Set包嘢飲，我推介冬瓜鮮奶，牛奶糖奶酥應該好味，因為俾小朋友食晒了我一啖都冇食。留意，全部現場即叫即做，預返D時間去拎。唔知有冇得online order. 暫時每次仲係有一蚊優惠。明白packing 成本貴，不過價錢學生未必負擔得起。真係要諗下優惠。店員可以再留心D舖面情況，而唔係掛住做其他嘢。希望可以有更多台灣特色小食（非油炸）

同住喺調景嶺嘅朋友食晚飯，見呢度做外賣多，反而堂食嘅客人比較少，所以我哋就喺度食晚餐，叫到全檯都係澱粉質啦🤣呢度嘅店員都幾Helpful，食物飲品都唔錯👍🏻所有吐司、蛋餅同炒麵都可以跟套餐。Set A係加$15有杯$25或以下嘅飲品；Set B就加$29有地瓜脆薯及$25或以下嘅飲品。我哋就兩款Set都有叫🤟🏻🐷招牌肉滑蛋吐司 $38本身我想食雞，但當日無貨，所以食咗豬。呢幾塊豬肉都比我想像中軟稔、易咬同多汁，加埋厚身嘅滑蛋同醬汁，仲有鬆軟中帶點香甜嘅吐司，好滿足啦😊💜芋頭鮮奶 跟餐 +$19叫咗微糖少冰，甜度剛好，味道都好濃郁，一大杯裏面仲有超級多粉粉地嘅芋頭粒👍🏻🐗安格斯厚牛吐司 $56朋友食過雞肉個款，今次佢食呢款安格斯厚牛覺得更出色！安格斯牛肉漢堡，加埋茄醬、酸瓜、芝士，值得一試😋🍠瓜瓜園地瓜脆薯 跟餐比起薯條，感覺呢個香脆嘅番薯條更加健康同好味，食落去有好天然嘅番薯香甜味，真係好食到令人停唔到口😋🥤西米露厚椰乳紅茶 跟餐+$24個名好似好複雜咁，其實就係西米露椰奶茶。朋友叫咗微糖，覺得呢一杯比平時啲珍奶好飲。我都試咗啖，覺得西米露配奶茶呢個配搭好特別同幾有趣😆🧀龐貝芝士拉絲蛋

招牌肉滑蛋吐司 $38 (外賣+$1)******************************拆開包裝之後急不及待開餐食完先醒起唔記得影本體😂***呢間嘅厚吐司有少少似韓國Egg Drop(當然Egg Drop好食好多😂😗)麵包超厚又甜甜地有啲似生命麵包蜜糖味👍🏻好軟熟但係可惜冇嗰種烘脆嘅口感中間夾住厚厚嘅滑蛋，芝士同肉沙律醬(?)好好味係吐司嘅靈魂🤤整體黎講掛住Egg Drop嘅時候可以一試😗

安格斯厚牛吐司望上去幾靚仔，餡料十分之豐富有蕃茄醬、蕃茄粒、青瓜絲、生菜絲同埋牛肉漢堡扒。餡料唔會令到個包濕搭搭，不過可惜嘅係吐司本身都唔係好脆口。安格斯厚牛排，一啲都唔厚，不過好重牛肉味，唔算太多汁🥲烤肉炒麵一打開個盒唔係幾有胃口，但係$22呢個價錢又真係好抵。味道方面，所有材料都好鹹，烤豬肉係暖嘅唔係好熱，上邊嗰pat肉醬冇乜調味淨係好鹹，個面底同我想像中有啲唔同，諗住係似意粉咁嘅質地，事實係似油麵，係淋啤啤嘅，無咩咬口，入口即斷😅炸雞塊係全餐最好食嘅食物，好似中學小食部嘅炸雞塊，肉質比較結實。芋頭奶綠小芋圓芋圓口感偏淋，芋頭碎上，唔係一粒粒冇乜口感，奶味重過綠味，奶精味重。總結-可以一試，見呢間餐廳吐司嘅定價比其他較低，所以想試吓，下次不了

如果冇記錯，應該係香港首間分店？呢個名一睇已熟口熟面，先前台北旅行曾經bookmark 過要去，但你知道架啦，旅行嘅野，計劃趕不上變化，最後我係冇食到。 估唔到竟然係度可以開左間鋪（通常第一間一定揀旺區尖沙咀或者旺角），真係好開心，都算方便我，點知開舖頭一星期。真係lunch time九萬七千人, 而家會好咗啲，不過我都係避開食飯繁忙時間去了。估唔到我叫左個Basic 都唔錯，開頭仲好驚台灣吐司，會係整到個麵包好硬，重點係一定係個醬汁， 一食就好有台灣既感覺（甜），女仔一定鍾意。唔知佢係咪為左保持品質，冇得打電話或者whats app預先落訂. 另今次叫了香芋鮮奶，香芋真係好足料， 其實我已經叫左小冰，但係都真係好似傳聞中咁好多冰，下次我會試下熱飲。其實舖頭有位坐，不過唔太見有人坐，多數外賣。