君悦海鮮酒家 (已結業)

有史以來利安商場咁多的酒樓，呢次係我第一次覺得咁嬲。雖然我明白節日係特別忙，但是佢既服務質素真是令人難以接受，我以前同匡屋企人一齊食飯都未曾遇過呢種情況。第一，我地一開頭想落單嗰陣叫到第四定唔知第五個人先幫我地落單，之前嗰啲應咗一聲「好」之後就唔見咗人影，但係我眼見並唔係所有侍應生都唔得閒，我仲見到有啲人得閒到可以同啲客傾偈。第二，我地落單既時候，侍應生冇講套餐裏面既其中一道菜已經賣曬，但佢照樣落單，直到上菜既時候我地先知道嗰道菜已經冇曬，而轉咗另一道菜，好彩我地冇唔鍾意嗰道菜，唔係就白等。之後都有疑似係老闆娘既人黎道歉，都冇咁嬲。第三，我地當時叫咗兩個套餐，有一個套餐已經黎齊，我地已經食完添，但男另一個套餐好耐都冇上菜，我地追單追咗3次，佢地每次都敷衍了事，亦都冇講咩時候可以上菜，直到有一個阿姨幫我地追單既時候，先同我地講可能係整唔見咗張單，所以先漏咗單，但係我極度懷疑係賣到冇曬貨先係真正既原因，攪到我地浪費咗成半個鐘係到等空氣。呢餐真係食到成肚火，以後都唔會去呢間到食，人地做節日生意，佢又做節日生意，做到咁衰都係第一次見。

街坊評論早茶，朝早九點幾十點全部茶客都係上咗年紀嘅人士，唔使等位，因為酒樓面積都大，服務嘅人手尚算足夠。例牌早屎就有孖寶早餐，價錢$26左右，可以選兩款食物，不過今次我就唔叫孖寶，試咗其他點心，質素一般，普普通通，冇乜特別也不過不失。茶葉品質一般，香片入口好苦，不過街坊酒樓，似乎大家都係志在有個地方坐下，飲下茶，吹下水，大家對食嘅品質，食物質素都唔太大要求。區內得呢間酒樓，所以早餐想飲茶嘅，呢度就係唯一嘅選擇，如果唔係就只有食其他港式茶餐廳嘅早餐了。

黎呢度與親友飲茶好幾次，之前一直不過不失，係茶面會有粉狀物，不過點心的確較抵食。但係今次叫左個“黃金糯米雞"真係令人難以接受，竟然係兩塊煎蛋夾住糯米，仲要望落餡料好少

今日約咗朋友去利安打波，出完一身汗又係時候補充體力。美國桶蠔$128大大隻蠔夠肥美，用薑蔥爆過好惹味，有8隻清蒸細石班一條$78蒸得啱啱好，魚質夠滑，$78食到條海魚，抵！豉汁帶子蒸豆腐$70呢個餸用來餸飯正，豆腐夠滑，帶子都鮮甜。沙茶芥蘭炒牛肉$78芥蘭炒得幾爽，牛肉同沙茶醬都夾黑椒豬手煲$78原隻豬手上菜，黑椒味道剛好，唔會太辣估唔到普通食晚飯都有壽包同紅豆沙送👍🏻食到咁飽又要約時間再去做運動喇😂

今晚成家人去屋邨酒樓食飯，呢間屋邨酒樓，都有好多款式，價錢亦平易近人。阿媽鍾意食蛇羹($68)，但其他人都咳，所以叫左一碗蛇羹俾阿媽，另外加一大盅燉豬肺。點知上左一大盆蛇羹，上菜既阿姐確認呢個係$68既一碗 蛇羹，佢張上菜紙確係咁寫，我地吾擔心要俾多D錢，但真係食吾晒，再問樓面阿姐，最終確認了上錯左，收返換過一碗，份量都吾少，味道亦 okay，不過就搵吾到蛇既蹤影。白菜燉豬肺湯，好好味，真材實料，有螺頭，雞腳，豬肉，豬肺，白菜， 紅棗落去煲。豬肺洗得好乾淨，冇異味。晚飯三寶，只係$270，有上湯龍蝦伊面，清蒸沙巴龍躉，臘味炒芥蘭。龍蝦都新鮮架，味道亦 okay，係件數少D， 咁既價錢就梗係吾會俾好多。清蒸沙巴 龍躉好嫩滑，臘味炒芥蘭既臘腸好瘦好好味，讚！👍咕嚕肉賣相唔得，好似茶市食淨再煮熱咁。椒鹽鮮魷新鮮熱辣，好好味。冬菇花膠炆鴨掌， 花膠好厚肉，鴨掌好夠冧。最後仲有糖水同壽包送。第一次普通食晚飯有壽包送。😆

君悦海鲜酒家，幾吸引的價錢。美極乾煎海蝦，味道不错。價錢實惠啊!薑葱焗美國桶蠔，香味四溢，大大隻蠔，口感十足，真有水準。冬菇鵝掌花膠煲，這個味道十足，鵝掌我至愛啊!一條一斤的沙巴虎斑味味都可以來個白飯撈汁，心滿意足的一餐。

今日提早做冬，嚟到呢一間街坊酒樓，星期六嘅晚上，睇一睇餐牌，竟然有個超值餐， $788，全包6位茶芥加一，送6罐汽水啤酒。燒鵝王半隻，份量足，但鵝皮部分脆部分唔夠脆。招牌小炒王，足料，有蝦乾，象拔蚌，腰果，魷魚，花姿片等等炒韭菜炒埋一堆雲耳勝瓜炒咸肉，味道較清花翅膠海中寶，足料，湯渣裏面有雞腳瘦肉螺頭同埋花翅膠，飲完唔口乾，應該無味精上湯蝦球伊麵，蝦球夠爽夠彈牙，伊麵夠晒入味。清蒸沙巴虎斑，足足兩斤重，同去飲嘅size一樣大，但呢個只係六人餐，以咁大條魚來講，蒸得算滑，咁大條魚唔係間間蒸得好呢度食晚飯算係咁，送生果之餘，仲送埋糖水，仲驚喜地送多一籠壽包我地一行8人，無加餸嘅情況下，飽到個個捧住個肚走

熱辣辣叉燒包：叉燒鬆軟，內裡燒汁伴上味道絕配！😋😋😋櫻花蝦酥餅：酥皮鬆化，餡料十足 ，大件低食，新鮮熱辣辣，我最佳選擇！👍👍👍👍😍原來馬鞍山利安村都有好嘢食，馬鞍山之友真有食福！🤗🤗🤗

是日在君悅海鮮酒家飲茶, 服務態度極差。首先， 落單時落錯3次單。 其次，追究時回應態度極差。所以奉勸各位食家小心睇單，睇清楚上菜時與單符不符合。 費時有爭坳!!!!! 是次食飯經歷十分不愉快。

周六日唔知大家會做啲咩呢？為食嘅一家梗係要去飲茶～～不過因爲太晏起身🤣變咗食brunch 😛😛半個lunch嚟講又點會唔嗌個炒飯食呢！仲有嗌咗啲點心～椒鹽鮮魷～～炸得有啲硬，但唔算多炸粉～ 炸嘢嚟講都ok ge燒賣比上一手大粒咗～豬肉比例多～啖啖肉架海蜇燻蹄就表現唔多好😐😐 食落唔爽口，啲海蜇仲好短🤣作為最近屋村嘅酒樓～經常都坐滿人咁濟～揀餐再加兩個點心嘅來講都幾抵～加上係屋企附近，都幾方便～

機緣巧合下食咗呢間飲茶屋村酒樓嘅價錢黎講 正正常常有人推車 要多咗個叉燒餐包 要打咗個叉燒餐包～ 雖然少啲餡料，但都大大個 幾鬆軟幾好味鮮蝦豆苗餃好大粒不過出奇地多油蝦餃都OK啦 都係多由左少少其他嘢食都係正正常常 不過就海港好味好多！

今天在馬鞍山利安邨內的一間酒樓吃午飯，酒樓是一般街坊酒樓，沒有華麗的裝潢，平平實實的。午市有一個精選套餐，$148 包括主食一款，小食一款，點心兩款和白灼時蔬一碟。香茜魚片窩米 - 這窩米粉很大窩，魚片切得很薄很滑，還有很多莞茜，湯底夠味，米粉份量很多。蜜味燒排骨-燒排骨份量都算多，蜜汁味道很惹味。蔥花炸兩腸-腸粉夠滑，油炸鬼鬆軟不太硬。蟹籽燒賣皇-燒賣有蝦肉和肉碎，還有蟹籽，味道不錯。白灼時蔬-這是唐生菜，很爽脆，落些豉油帶點鮮味。