君戶鍋貼大王

营业中

休息中

今天路過此店，原本想一試它的鍋貼和麵，一進該店已沒有店員理會，對顧客舉手亦視而不見。如出去點單他亦叫我們先行坐下…..最後受不了他們的無禮而放棄進食。大家路過這家千萬不要進入，如特意來吃可以不用前來。希望該老闆可以管理他的員工….我曾經試過態度惡劣的餐廳，但如此不堪真的是第一次，如果10分我只能給0分！

君戶鍋貼大王，冇記錯的話都開左好多年，仲有幾間分店，中學個陣都成日去食，因為價錢夠平，今日經過就去食一次。兩個人叫左一份紅燒牛肉，豬扒粗炒，肉燥擔擔菜飯，蔥油餅，鍋貼，豆漿。紅燒牛肉味道就係蕃茄湯炆牛肉😂份量都好多，不過同紅燒呢個字就差好遠😂豬扒粗炒，炸豬扒係即炸既，黎到脆卜卜又大塊，粗炒味道好甜，係偏甜😂鍋貼同蔥油餅黎到暖暖地，但係入面係凍既😂肉燥擔擔菜飯，7成肥膏3成肉碎😂全餐飯都係以價錢取勝，一分錢一分貨啦，個人意見就唔洗突登去食。

搵地方食宵夜， 拍低架車經過見到君戶鍋貼大王，位於新蒲崗仁愛街44-46號地下， 就入去試下。 店內光線充足， 但叫店員比杯水，她們說沒有， 唔知係咪九點幾太夜，所以冇水供應😅。 兩個人點了韭菜水餃麵$29、 生煎鮮肉鍋貼$17、 生煎牛肉包$10、 熱豆腐花$13、 凍支裝豆漿$14。 🔸韭菜水餃麵 ～ 韭菜水餃大大粒， 配埋麵份量都幾多。 🔸生煎鮮肉鍋貼 ～ 微溫，味道普通。 🔸生煎牛肉包 ～ 都幾大個， 肉質厚實， 味道一般。 🔸熱豆腐花 ～ 豆腐花唔夠滑。 🔸凍支裝豆漿 ～ 豆漿味道偏淡。整體味道普通， 但價錢貼地。🏷️溫馨提示～ 整個用餐體驗均屬個人分享意見， 只作參考😊。

/ 同男朋友一齊放假，一訓醒就想食上海野，想食鍋貼、飲酸辣湯⋯ ⋯所以就決定去君戶鍋貼大王食個早餐👀環境就比較一般，屬於好地道既平民小食店咁，不過我地無考慮太多，因為主要想醫下肚，哈哈😆📍酸辣湯 ($25)💬同男朋友都覺得幾好飲，好開胃食得唔太辣既我都飲得到🤪，而且都好足料！📍生煎鮮肉鍋貼 $17 (5隻)💬配辣椒醬食係真係無得輸，好好食😋，不過就偏油左小小，入面d汁「必」哂出黎⋯📍粢飯 ($18)💬雖然個粢飯都好足料，不過我地就覺得麻麻地，唔係話好出色🙈📍淨韮菜水餃🥟 ($25)💬男朋友覺得個水餃都係正常發揮，不過就好多菜喺個底到🤣📍上海粗炒 ($37)💬都ok，但味道鹹左小小⋯整體上都還好，價錢上黎講都算平同抵食，CP值都高，其實我地都encore過一兩次，主要想食下鍋貼同埋飲下酸辣湯既話，呢間係幾唔錯！