君滬鍋貼大王

营业中

休息中

其實呢間餐廳好似成日周圍都有類似 但個人比較鍾意新蒲崗呢一間一黎佢又唔係真係話好舊，坐得輕鬆，而且我通常會去食佢個下午茶😂 飽肚又平，而且種類又多因為喺附近補習，所以有時六點就去叫過酸辣湯加鍋貼/白饅頭當晚餐佢啲白饅頭唔係嗰啲乾爭爭，好厚個種，而係好鬆軟，冬天食暖粒粒個種。種有時浸下個酸辣湯/ 直接加D辣招醬已經係人間極品 另外有時都會叫過豆腐花嚟食，唔會加糖健康之選 冬食熱食都好有豆香味，佢種有咸既豆腐花架

放工過開東頭村就嚟到新蒲崗食晚飯，見到間鍋貼大王1心諗住食好嘢🤤🤤點知入到去張檯唔乾淨，叫咗鍋貼，酸辣湯同埋豬扒菜飯。首先嚟到嘅係鍋貼，唔熱之餘唔夠金黃色，係咁異煎吓，仲要係返煎嘅，食到入面啲肉好臭豬味。酸辣湯～都幾足料，份量都夠，略嫌唔夠辣，不過都算係咁。埋單70蚊都算唔貴

次次踢完波都會消耗好多體力，血糖下降。今日都唔例外，同三五之己踢完波之後黎左新蒲崗食飯。不過無論環境定水準下降左好多。我地夜晚10點幾唔算多人食。冷氣既風嘴位直吹住食客個頭，真係好冰涼💨💨💨而枱面同餐牌都係痴笠笠，唔太清潔。今次我叫左個酥炸豬排菜飯。但食物質數大不如前。飯非常乾，同埋有d硬，而菜又帶有d苦澀味，如果淨食白飯個味道應該會好好多。豬排唔係新鮮炸，而且非常油，炸粉好厚，凍左既豬排非常乾🧟‍♂️

自從早年係上水君滬有極不快經歷，超過十年無再幫襯嚕。由於果次不快經歷，所以十幾年后嘅今日再幫襯君滬點炸豬扒麵時，我堅持塊豬扒唔洗斬開，費事君滬又偷工減料。點解改咗名？由"君滬"叫"君戶"?凡係公司改名，我都會向負面方向諗..... 點咗碗菜肉雲吞豬扒麵同鍋貼，麵要幼身，多蔥！最緊要多蔥！果然又係無多蔥！炸豬扒係唯一欣賞嘅地方，叫佢原件上，佢照做，豬扒分開上做法一讚，令豬扒入口時外脆內軟，外層亦的確好香脆，可惜豬扒無點醃過味道較淡。麵嘅湯底亦同樣太淡，令個幼麵完全無咩味，可能係銷售手法想你加錢轉其他湯底掛，唉....菜肉雲吞皮亦較厚，好似食水浸鍋貼。鍋貼係最失敗地方，底部嘅皮唔脆！望上去外相好似唔熟，完全唔吸引！唔掂！想俾ok都俾唔落手，睇黎有排都唔會再幫襯...... @_@

行開新蒲崗，冇理由唔搵野食嘅。唔想食茶餐廳嘅下午茶餐咁普通，就不如搵少少新意，試下小食喇!下午茶時間，唔算多人，所以坐得好舒服。見到大部分食客都會叫「招牌鍋貼」!既然係咁，就當然要叫一碟試下喇! 叫得「鍋貼大王」應該唔差掛! 見到有食客叫麵食，都好似幾正，但叫多一碗麵太多了，除非冇食午餐，就ok!爸爸話好耐冇食過葱油餅，於是就叫來試! 7蚊一件葱油餅，唔太值得食囉! 好薄身，又唔夠葱味，基本上係唔好食! 凍豆漿（$8）味道可以14蚊有5隻，比起單售係抵啲。如一個人食晒，就未必食到其他小食了。鍋貼煎得唔夠焦香，但餡就不錯，另外，叫多了一個生煎牛肉餅，一心諗住熱的，點知都係現成夾出來。外皮唔厚，但已經淋了!切開沒有肉汁流出。食落又唔juicy，扣左分。內餡好似有些芋頭蓉，有五香粉的味道......但都係唔好食!

鎮江骨菜飯$34，味道相當好，骨已經淋到一咬即開。每次幫襯都食鎮江骨飯或麵。豆腐花亦是不能錯過，又熱又滑$9這店款式選擇多，可以食鍋貼小食，腸粉，米線，麵...

唔太餓就叫左D小食, 食物係秒上, 落完單即有! 雖然一早整好, 但都唔會凍。煎餃: 幾大隻, 唔算脆但又唔會林, 岩我, 因為我唔想食咁熱氣。入面都幾多肉餡, 加埋醋好味。生煎豬肉包: 本來驚煎餃係豬肉, 呢個又係豬肉, 會一樣味, 但原來生煎包的肉, 係唔同味架, 比餃子的惹味,。佢呢種生煎包真是成個麵包咁GE皮, 所以幾大個幾飽肚, 不過油`左D酸辣湯: 22蚊已經成碗, 足料。

抵食之選，每星期也光顧一次。菜肉雲吞豬扒麵 $32菜肉雲吞有3粒，每粒雲吞也十分足料。豬扒炸得酥脆可口，搭配少量椰菜及雪菜，十分豐盛。可惜麵條份量較少，不太夠飽。

今晚9時多來到新蒲崗，原本打算在Mikiki隨意找一間餐廳吃晚飯。誰知整個商場全部九點半截單，所以就出去大街搵餐廳。行到仁愛街，見到有間鍋貼店，就二話不說進去。飯店都算大和整潔的，食物種類多，小食，粉麵飯，甜品都有。最重要是價錢超級經濟，但食物也是保持水準的。首先點了個煎鍋貼，都算肉汁鮮美酥炸魚腐是必食小食之一，超級好味！ 沒想過19蚊就已經有這樣的質素！擔擔麵也是足夠二人的分量，卻只是$22一大碗。返到蝦餅就有一點遜息，不過入面都係有蝦肉，唔係粉嚟👍最後我仲點咗個豆腐花，亦都是9蚊大大碗！總括來說，現在係香港呢種良心餐廳已經少之有少了，呢一餐平民餐肚子滿足之餘，都慳咗唔小錢呢😂😂

嚟到鍋貼大王，招牌鍋貼、無糖豆漿當然係必食之選！招牌鍋貼雖然皮比較厚身，但勝在煎得夠香脆，豬肉餡又鮮味又多肉汁，配埋豆瓣醬更加美味～鮮豆漿有熱有凍，今日選擇了無糖熱豆漿，無糖更顯豆味香濃～雲吞水餃都好大隻，每碗麵都有5隻，最重要每碗都只係$25 咋！蠔油生菜，份量略少，但生菜新鮮翠綠惠顧麵或飯，加$7有豆漿1杯，或者加$13有豆漿1杯及鍋貼2隻，非常抵食👍🏼 總括而言，平民小吃抵食美味，值得一試！！

前幾日去咗呢一間食午飯，裏面好多人，好逼。叫咗一個炸豬扒麵＄27同埋加＄13可以有兩隻餃子同埋一杯豆漿。餃子非常之多汁，豬扒麵外面層炸粉好香口好脆，加埋嗰個面非常之夾，食完之後都唔會覺得好膩，加埋杯凍豆漿就一流。價錢不算太貴，會經常來。

同朋友係新蒲崗附近做完運動 肚餓諗住搵啲嘢食下於是入左黎點左個招牌鍋貼 皮比較厚身 但豬肉都好新鮮同嫩配上祕制野味而不辣既辣椒醬增添味道另外試左個炸醬麵炸醬同麵撈完後嘅比例啱啱好麵身不會太林不過炸醬再濃味一點會更佳最後試埋鹹豆漿見未食過 好似好特別咁鹹豆漿係熱上既不過豆漿味不重油炸鬼既油令成碗野都好肥有啲蔥花釣下味 喊喊地都幾特別既

到鍋貼大王無叫鍋貼，因為閒時會過黎食鍋貼下午茶。今日叫啲平時少食嘅野。前菜:蒽油餅。吃落根本就係蒽油包，好似無剪過一樣，食麵包咁食。主菜:鹵肉麵。一上菜見到咁多肉以為無死，點知啲肉勁多肥膏，有少少伏。無野好講嘅凍豆漿。

上海菜有好多間，講到又平又好味，就要黎尼間啦！而且佢地不用茶位和加一，我每次去到必食有酸辣湯、鍋貼和豆漿。其他如韮菜水餃麵和豆腐花也值得一試。酸辣湯：有荀絲丶木耳絲、豬肚絲、蛋絲等，酸辣適中。鍋貼：煎得非常香脆，d豬肉饀好有鮮味又多汁。配豆辦醬更好味！豆漿：有凍有熱，甜度適中。也有冇糖的，任君選擇。

3人黎一定要搭台，叫左碗紅燒牛肉麵，一碟紅油抄手同埋上海粗炒，另外一人一杯豆漿total $108 only, 好抵！紅燒牛肉麵湯有小小辣，但牛肉大大舊又夠林，好好食！紅油抄手個汁返而有小小鹹又唔辣，碗牛肉麵仲辣過佢，但就好足料。上海粗炒好油無乜味，可以唔試。