君滬鍋貼大王

营业中

休息中

2次去 落單都好慢 越叫越走 做左另一枱客 然後又走去改單 行左去10分鐘後 過來問 點左未 再走多5分鐘 叫先至慢慢過來 然後話做緊再行開 （仲未落到張單） ， 坐多陣終於落單前後做左2份都打尖比左另一枱客先 第一次去 食緊野 用 漂白水拖地 比錢忍吾住問 原來仲有成個鐘先收檔 尼間1個人不友好 good 反正交通吾方便 88

而家疫情未過，好多時都買外賣回家吃。昨晚家人在這店鋪買了20隻鍋貼同一個蔥油餅，佢竟然比咗5個發泡膠盒！而家周圍都話減塑，為地球出一分力，不用膠盒膠餐具，但呢間店舖竟然仲用緊最唔環保的發泡膠盒！所有餐具當然都係膠 😔 結果愈食愈內疚，已經叫家人盡量堂食或選不用膠的店舖。食物以這價錢來說係不過不失，唯一係鍋貼塊皮真的太厚，同有少少臭豬肉味，但加左醋味道都ok。希望這店舖日後轉紙盒（其實好多鍋貼餃子舖都用紙盒），比D企業良心！

疫情下禁堂食，就買左外賣返屋企試下👍鍋貼（$17/5個）返到屋企都仲熱熱地，個皮好脆咬落去有噴汁幾好味。😋👍生煎包就$10/個比較貴，但味道方面都唔錯不過冇鍋貼咁多汁。😋👎個炸排骨+擔擔麵（$42）就唔好食😅個排骨太多骨同好薄身，好厚粉得好少肉而且肉質比較乾。擔擔麵冇花生味湯底比較淡味，可能因為外賣關係麵質好淋唔好食☹️👍👍👍👍豆漿（$12/杯）最有驚喜係豆漿，好好味，比起一般支裝豆漿好味，好有豆香味唯一缺點係唔夠凍😋

行過入去解決一餐，叫了個上海麵，粗麵要$+$2。上台時熱，但個湯底無乜味道，要加少少豆瓣醬先得。餃子味道正常，但一食就散開哂。排骨方面是超級多油，而且個粉好厚，食了2件已經無食，真心覺得他們浪費了食材。上面麵無什麼味，食了2/3已經無食。呢個除咗平之外，無咩特別。

今日難得和朋友吃午餐，她說這間的鍋貼不錯就過來吃，來到午餐時間都不少人，幸好仲有二人位可以坐下，最後我就叫了一個担担麵，麵質可以選擇要了中麵，再加二隻鍋貼七元，一共三十元都十分抵食，首先鍋貼先來，熱度帶點微溫，入面都有湯而味道幾濃肉味，皮不過不太脆但都可接受。中麵的口感都幾好，不會太粗，担担的肉味不錯但太肥，不辣但幾香口，份量都夠女仔食夠飽，下次可能會叫排骨，因都見到不少人食而且價錢三十多元又大份。

今日中午食lunch經過呢間鍋貼大王，我見網上都係介紹食佢既鍋貼，但我驚唔夠飽，而我又想食飯，所以揀咗呢個炸雞翼菜飯外賣拎走，因為鐘意食辣既關係，我仲落左辣椒油！😋😋😋佢既炸雞翼係分開上，非常細心，咁就唔怕俾d熱菜飯焗林啦！雞翼食落口夠香口，又夠脆，好味！而佢既菜飯都好食，菜既份量都好多，而且唔太油，好開胃。👍🏽👍🏽值得加分既係員工既服務態度好好，因為我要辣椒油既關係，阿姐無話我煩，仲好好將包好既外賣盒打番開，再幫我落辣椒油，然後再幫我包番好，仲會講笑咁講，你四川人來嫁，咁食得辣既！唯一係外賣等得比較耐，所以阿姐佢都會叫我拎左佢地店鋪電話，早十幾分鐘打來叫左先，下次黎到就差唔多有，唔洗等！

話說潮流興 drop off party。 阿女同學仔生日攪 drop off party。 山長水遠黎到放低佢係"四小龍"會所玩，跟著大人就附近搵食 hea 下啦！黎到鍋貼大王，當然要食鍋貼。 適逢下午茶時間，可以鍋貼拉蔥油餅加豆漿，友人就加$2要豆腐花。鍋貼新鮮熱辣剛剛煎好，充滿肉汁，差D 燙傷。😅蔥油餅既麵團搓得好鬆，半煎炸得好脆，雖然凍左，質感都好好。可惜無咩蔥味，浪費晒咁好既手工。🙄豆漿，豆腐花好有豆味，正!間店舖睇落好多年，我估廚師應該是有經驗既老師父。

呢間君滬係一位朋友介紹我黎，離地鐵站都幾遠，可能就係因為甘，每次午市時候去都有位價錢一 D 都吾貴，圍埋都只係3、40蚊一碗甘既價錢食到餐正正常常有飯/麵有肉既 Lunch 算係抵食面門幾大，入面都算闊落，座位屬於圓凳，冇椅背果種今次食豬扒雲吞麵，以往都食過幾次，試過幾款吾同野食煎野炸野比我感覺係油，太油啦，連菜飯都油，粗炒就吾洗講所以之後叫既多數係湯麵，特別餓就搭多件豬扒味道黎講就正正常常啦，好食就吾係話特別好食到要大力推薦甘，但就係呢個價錢黎講呢個質素算係食得過。所以冇咩特別想食，又吾係特別要減肥，又甘岩經過，我諗我都會繼續幫襯

哩間有好多分店，平時都有食開，今次唔太肚餓，反正冇事做入去食小小野，淨係買左3隻鍋貼，煎得岩岩好，金黃色，點豆辦醬好好食，同埋紅油抄手，醬汁係偏酸酸地既味道，不是變壞。

鍋貼一般,煎得不夠時間,底不脆口唔香,黎到已經唔熱只是微暖,散叫一隻$3.5,五隻平D$14酸辣湯超多料,夠熱夠酸又夠辣,$22一碗超正本來想試埋葱油餅和豆沙窩餅,可惜太飽食唔落!整體價錢算平,員工一般,平民飯堂

今早打算食個早餐，入到店內，居然1個職員都唔見，只見3個職員在廚房傾計。惟有等。。等。。等。。直至10分鐘後，才有1職員從廚房出來，成功落了單，叫了2隻鍋貼，1份腸粉，1杯暖豆漿。食物好快就到，但係鍋貼唔熱，真係一d都唔熱，重有d凍，唔知會唔會肚痾好在腸粉夠熱嘅，但味道一般，冇乜腸粉味，粥店嘅腸粉好味好多，但仍可接受。豆漿明明叫暖豆漿，但職員就求求其其溝咗少少熱豆漿及多多凍豆漿，所以，仲係凍。而且，豆漿完全冇黃豆味，只有甜，以為飲緊糖水雖然價錢唔貴，只需廿幾蚊，但職員已經令我氣噴，受晒氣。你話d野好味就為咗美食忍吓你呀，但係，食物質素又唔掂，仲要受班職員氣，好似同佢乞咁，唔駛錢都唔會再幫襯。

宵夜- 擔擔麵第一次食擔擔麵既時候已經好深刻，因為佢有好濃嘅花生醬，超香！但今日食番，已經唔係果回事😟不但只無丁點花生醬味，仲要得陣醋酸味，唉。#味道要走留不住#尋味終要靠自己#自己煮好過 #失落的 #擔擔麵

米飯班主最近偷懶成日唔煮飯要開始習慣食自己近期貪方便都係買窩貼反去送公仔麵窩貼大王既窩貼勝在勁多汁一定要等佢剛煎好新一底至買夠熱先至好食 皮脆肉汁多到一咬爆出來又香肉味 平靚正炸曼頭亦好食 金金黃黃 外面好脆內裡軟熟一定要點練奶食 夾到不得了

呢日時間唔係好多，要快靚正，呢間店就FIT哂我要求!黎得鍋貼大王緊係要食下鍋貼，果然無令我失望，煎到香脆又有咬口，但肉汁豐富，豆瓣醬，又鹹又甜勁惹味紅油抄手，有一大堆肉鬆放在抄手上面，味道帶點麻辣令人胃口大開

無時間係屋企食早餐既話都會黎君滬買生煎鍋貼!!連鎖店黎問呢間上海野好有水準，不論生煎包定係生煎鍋貼都好多肉汁。呢度既鍋貼皮較厚同韌，煎落唔易散，新鮮煎好出黎入邊好多肉汁，脆卜卜既皮，入邊既肉餡較多，又熱又多汁，真係一唔小心好易辣親，唔講以為食緊多汁既上海小籠包咁。但我鍾意凍少少食，可以成隻放入口，雖然凍左，但啲汁仲係度!一啖一隻，足料肉餡加上juicy肉汁，真係食得好過引!