君滬鍋貼大王

营业中

休息中

今日中午食lunch经过呢间锅贴大王，我见网上都系介绍食佢既锅贴，但我惊唔够饱，而我又想食饭，所以拣咗呢个炸鸡翼菜饭外卖拎走，因为钟意食辣既关系，我仲落左辣椒油！😋😋😋佢既炸鸡翼系分开上，非常细心，咁就唔怕俾d热菜饭焗林啦！鸡翼食落口够香口，又够脆，好味！而佢既菜饭都好食，菜既份量都好多，而且唔太油，好开胃。👍🏽👍🏽值得加分既系员工既服务态度好好，因为我要辣椒油既关系，阿姐无话我烦，仲好好将包好既外卖盒打番开，再帮我落辣椒油，然后再帮我包番好，仲会讲笑咁讲，你四川人来嫁，咁食得辣既！唯一系外卖等得比较耐，所以阿姐佢都会叫我拎左佢地店铺电话，早十几分钟打来叫左先，下次黎到就差唔多有，唔洗等！