君蘭餅店 (已結業)

2016年11月25日大概11：00am，我係香港站分店買2個雞批2包麥精維他奶，當時店員都冇咩笑容都冇咩禮貌，我出到門口時發覺自己叫錯咗，我係想買咖啡雞批，但就叫咗雞批，我返轉頭同店員一開口我已經講：唔好意思吖，我岩岩叫錯咗，我想要咖啡雞批。店員即刻黑面，真係好黑。其實唔至一次幫襯，但次次都係態度超唔好，唔知係咪淨係得香港站依間先係咁冇禮貌。

君蘭新推出了 精裝芝士蛋糕Size和價錢都很適合當收工後的小甜品精裝芝士蛋糕 ($16)很香濃的芝士蛋糕 卻不會膩 是個95分的芝士蛋糕自己吃一個也不是問題阿Hahaha這個焗的芝士蛋糕 軟綿綿 按下去還會彈回來的=D芝士味十分重 還有淡淡牛奶味 蛋糕質地很鬆軟

由南丫島向屯門回程經過，想定啲嘢食準備肚餓時可以醫下肚，見店內迷你牛角包做緊試食架$10有3個，就買左一袋；埋單時見到豆沙燒餅得返一盒，又買埋佢迷你牛角飽:十蚊有3個諗落好似幾抵食，但因為方便人客，一早將3個一袋包好，令麵包睇上黎有啲“舊”嘅感覺，麵包做到鬆軟多孔，味道不過不失紅豆燒餅:原來得面嗰面係有燒過，底嗰面依然係白雪雪一片，紅豆餡好足，但豆味唔特出，個皮煙印唔會硬，燒同冇燒過嘅皮食唔出有咩分別

日日返工都經過，呢間君蘭出名斑蘭蛋糕，但我本人比較中意食蛋撻同酥，果日經過買左個白汁雞酥，$8.5，脆就係幾脆，不過咸到完全食唔出雞味，或者白汁味道，或是其他配料，非常失望，下次唔會再食呢件酥，太太太咸！

豐富的早餐，除了有yummy的沙鍋雞包外，還要一款較為健營的曲奇，是另一友人送贈的。燕麥提子曲奇一包有12塊曲奇，混入麥皮、粟米片和提子乾在內，質感較為粗糙。咬下，口感硬脆可口，玉桂味濃，提子和粟米片也克盡其責，為曲奇添甜添脆。嚼勁十足的曲奇，小妹蠻喜歡的，老人家或兒童則不太適合了。一杯茶，數件曲奇，早餐又得，下午茶更得﹗

行過以為有新品牌餅店開張，因為個店名唔識（只有英文）所以當行入去見到係「君蘭餅店」都幾驚奇！呢間餅店都幾耐歷史，感覺比較老式餅店，呢排入主了港鐵站！呢間面積幾大！環境光鮮，裝修幾新潮！今日想賣西餅做飯後甜品，呢度唔係好多款式，賣相好平實唔花巧，難得價錢好相宜！肥髀揀咗「鮮果乳酪撻」（$8）無敵價！自己揀件「特濃朱古力慕絲切餅」（$16）店員好快手將兩件餅分別袋入兩個膠袋！（膠袋無卡紙托底，好易走位！唔係咁易拎）可以用八達通比錢！方便！鮮果乳酪撻：賣相色彩繽紛，雜果新鮮，平時食西餅唔鍾意有奇異果，因為好多時都好酸，今次又唔會！撻底夠脆，中間乳酪醬唔會好酸，帶甜味！好味道！特濃朱古力慕絲切餅：賣相平實，有個膠盒密封，再加膠片圍邊唔會乾，蛋糕鬆軟，慕絲好滑，朱古力味濃（又未係特濃）中間蛋糕唔厚，鬆軟，增加口感！兩件餅都好味道都只係24蚊！