影片
招牌菜
讲真唔会再过嚟食，服务差食物差 叫咗个黑椒鸡扒饭 只鸡干到喊，啲饭又硬，同朋友嚟食饭啲员工净系挂住倾偈 放低啲嘢饮就算都唔知边杯打边杯叫佢又唔听净系挂住用普通话倾偈 叫第二个员工都系咁 最后纯靠估，建议避雷 唔好帮衬或者可能呢间垃圾赚够开咗喺度好多年 以前个老板都唔见咗然之后就越做越差呢个地方啲街坊局住喺度食先做得住 其实如果要写够200字先可以比差评绝对唔会写咁多字 唔想帮佢宣传 但希望各位食客可以考虑吓如果俾钱买难受其实真系好唔抵
继续阅读
食物就不过不失 叫摆到入口 甘多年呢间叫帮衬得落手 唔知系米呀老细已经赚够 今日去买外卖话要个下午茶既西式扒餐 我都未讲完 呀老细本身挂住同伙记吹紧水 一句就弹埋泥话「唔知你讲乜 不如你睇左先」。我重新确认咗佢系同我讲之后 我就答佢「其实我睇咗㗎啦 不过呢一刻冇餐牌喺手 我唔识得背你个餐牌」然后我去攞咗个餐牌 重申左一次「要个西式扒餐下午茶B」 其实系你唔熟个餐牌定系我要背熟个餐牌？成个下午茶餐牌的一个西式扒餐咁得闲嘅不如你记吓自己餐厅嘅餐牌 或者你摆定一个餐牌叫外卖嘅时候用拉好吗。你都只系一间普通嘅茶餐厅 做街坊生意唔该你对街坊唔好好似喝狗甘
继续阅读
今日影完鸭鸭返左公公屋企，一齐庆祝父亲节。其实己经好耐无叫君豪食轩，因为啲𩠌越黎越贵，我地叫左5个𩠌加2个白饭，埋单要$444。肉松粉丝蒸水蛋$75：入面足料的，但可能耐左啲蛋变左老蛋。梅菜扣肉煲$75：size正常，啲肉吾算好肥好味道。盐烧乌头$85：比预期好味道，都吾算细条。辣子鸡$88：完全吾辣，仲要得几件鸡，分量少到一个点，吾抵食，仲要贵过条鱼。西芹腰果虾仁$85：味道还可以。总结：价钱越黎越贵，但外卖盒就越黎越细，分量越黎越少，吾会再有下次了。
继续阅读
份量越嚟越少，早餐一块鸡扒差唔多1开3，米线得3啖 味道又差，越整越淡茶又冇味成日送错野，见抬就摆，是但放低就算，冻柠茶叫咗1杯少甜1 杯走甜，唔讲系乜野，人哋点样分
继续阅读
星期天，去左行九龙水塘一带，系梨木树落山。好肚饿，去左商场揾餐厅食个ｔｅａ。结果揾左呢间君豪食轩既茶记。岩岩好２点半可以叫下午茶，同内子一人一份，我叫左星州炒米，内子叫马来西亚咖哩牛腩面。星州炒米，就麻麻地啦，首先唔算好热，即系炒完摆左一阵。其次，Ｄ米粉痴埋一旧旧，即系代表炒得唔够散，功力唔够或ｈｅａ炒。第三，唔系条条米炒都变黄色，即系明显求其炒两下。至于咖哩牛腩，就牛腩数量多，唔算太肥，咖哩都唔算好辣，但呢种辣系真正马拉既咖哩辣，呢个系有惊喜。仲有几件薯仔，都几得意。下午茶，大约４０蚊，星米就４２蚊，冻饮加２蚊。价钱都抵。食物质素都合格。可以值得黎叹ｔｅａ
继续阅读