君豪食軒

营业中

休息中

星期天，去左行九龙水塘一带，系梨木树落山。好肚饿，去左商场揾餐厅食个ｔｅａ。结果揾左呢间君豪食轩既茶记。岩岩好２点半可以叫下午茶，同内子一人一份，我叫左星州炒米，内子叫马来西亚咖哩牛腩面。星州炒米，就麻麻地啦，首先唔算好热，即系炒完摆左一阵。其次，Ｄ米粉痴埋一旧旧，即系代表炒得唔够散，功力唔够或ｈｅａ炒。第三，唔系条条米炒都变黄色，即系明显求其炒两下。至于咖哩牛腩，就牛腩数量多，唔算太肥，咖哩都唔算好辣，但呢种辣系真正马拉既咖哩辣，呢个系有惊喜。仲有几件薯仔，都几得意。下午茶，大约４０蚊，星米就４２蚊，冻饮加２蚊。价钱都抵。食物质素都合格。可以值得黎叹ｔｅａ