吾系茶記 (已結業)

今日去西環個邊做野，做完野個肚有少少餓，見到有間茶餐廳個名叫”唔系茶記”，咁搞笑，試下究竟有咩特別先坐低叫左野食，呀姐粗聲粗氣咁話無紅豆冰，咁唯有轉熱檸水然後就系無儘的等待......三點半落單，等到成四點先有嘢食，餓都肚都扁<花生醬西多士$31>花生醬西多士幾好食，雖然份量唔係話好大份，但係有兩層花生醬，濃郁得來都幾和味㗎<瑞士雞髀配薯格$38>但係個瑞士雞髀就唔多掂啦雞髀唔係好大隻但係最重要係雞肉真係好鞋薯格就好似圖咁樣得幾舊，食唔飽

三十五蚊。溫度，質地，顏色都好好。芝士唔會漏晒出來，仲晌麵包之間融化得啱啱好！牛油份量適中。糖漿自己斟。紙巾同埋牙籤要自己去收銀處度拎或叫人拎。杯熱檸茶我慣左唔落糖飲，就咁飲也不錯。一年前我來過，我記得啲熱飲杯係高身﹑全白色嘅膠杯，好容易有洗唔甩嘅灰色污跡。而我今日見到個杯係瓦杯，真係有進步，感覺乾淨啲同容易清洗，值得一讚。疫情其間有黑色隔板，隔唔隔到病毒？隔到一啲啲掛，不過隔唔到人聲。其實晏晝三﹑四點都唔算太吵嘅。店內有老有嫩，有笑有談，也許這就是茶記獨有的風味。溫馨提示︰三號檯係比較大風嘅冷氣位，不過我入去前好熱，坐果個位就舒服了。

年初三喺西環行個大運，但又凍又落雨，飢寒交迫之際，雙眼發光✨，皆因見到對面有間新開嘅餐廳，叫做「吾系茶記」，之前行過都唔覺眼。見到新春期間都只係收加一，合理啦，就入去試下。不過一入到去冇人招呼，要自己搵位，但張張枱都坐咗人，有啲氣餒。終於坐低咗喇，店員搵咗陣先畀到餐牌我哋。其實店舖嘅侍應(似家庭式經營)唔算少，但可能啱啱接到好多單或者新開未熟手啦，所以有改善嘅空間。不過佢哋都好好禮貌嘅😊。茶記嘅價格非常相宜！早餐、下午茶餐同常餐普遍都係$3X有交易。不過下午茶要兩點半先有得嗌，午餐又好似太Heavy咁，所以我同朋友都叫咗常餐($38)，有三款揀，A.沙爹牛肉麵、B.蕃茄牛肉通粉同埋C.瑞士雞翼撈公仔麵。以上三款常餐均配煎雙蛋同牛油厚多士，兩隻煎蛋煎到有燶邊唔錯🍳，不過蛋本身好細隻。同埋我鍾意食炒蛋多啲，但呢到無得揀。牛油厚多士🍞有半塊，正正常常，麵包都算鬆軟，但牛油少到一個點。蕃茄牛肉通粉，呢個有驚喜喎！🍅蕃茄湯底幾好，唔係茄膏開出嚟，茄味恰到好處唔太酸，而且夠熱暖笠笠。我最鍾意係有好多蔬菜🥬🥕喺個湯到，成個感覺有啲似羅宋湯；牛肉亦都唔錯，有好多片。至於通粉就係有坑紋比較淋嗰種，我自己

價錢同附近其他餐廳差唔多，廚房同廳面睇落比較乾淨同闊落，食物同飲品都比較大份仲有湯飲，而且質素好好。😊(加凍飲只係3蚊，仲好大杯)呢度食野未試過d野食油到想嘔或者d肉咬極都咬唔爛既情況，而且份量都好大方。其他地方就算收百幾蚊一餐都未必好得食過呢間。唔知係新開定咩原因，暫時食親都見無乜人🤔

呢間茶餐廳都算唔錯啦，食物同埋價錢都算幾好，食物種類都幾多下，呢度噶沙爹牛肉公仔面好好味啊，面都幾有勁道，湯底好濃郁啦，總之就系好正啦，煎蛋都好有水準啊，蛋黃煮成流心甘真系好唔錯，值得一試啦！

放假路經呢間「吾系茶記」，見到早餐款式都幾多選擇，加上新裝修，環境乾淨企理，就入黎試下🤩點左個茄湯配蕃茄牛肉通粉配煎蛋加牛油厚多士，真係同餐牌形容既一模一樣，係新鮮既蕃茄湯配牛肉通粉，比平時食開既鮮茄濃湯淡味，湯底飲落係好清既新鮮蕃茄味🍅 煎蛋方面，如果呢個價錢$40的話，煎雙蛋都不會太過份，可惜係普通煎蛋，有點到喉唔到肺😅成份早餐既加分位會係杯熱奶茶，係做到茶味濃郁，飲落口感香滑😋食完埋單出黎，已經到午市時間，午餐黎講，選擇係頗多既一間餐廳，有成14個選擇咁多👍🏻😍

早餐係－日裏面嘅第－餐, 食到好食嘅早餐, 成日都會精神爽利, 食到中伏嘅就會周身唔自在。今日帶大家食間都算幾新嘅餐廳 - 吾系茶記。呢間餐廳早餐種類都算幾多, 茶餐廳應該有嘅都有, 價錢都算合理。<沙嗲牛肉麪餐$34> (好味: 3.5/5) (抵食: 4/5)沙爹牛肉麵餐包含沙爹牛肉公仔麵、煎蛋、多士同埋咖啡, 雖然盛惠34蚊, 但分量都幾大, 都算幾抵食。沙嗲牛肉麪嘅麪底係偏向粗身, 雖然唔算得係幾彈牙, 但係都相當唔錯。沙爹牛肉嘅醬汁都幾多, 溝埋落啲湯度依然濃郁, 正呀！煎蛋嘅蛋黃係流心嫁~同大家分享一下大食妹最鍾意嘅食法: 1. 將沙嗲牛肉麫食左－半2. 然後將煎蛋放落個麵裏面3. 再篤爛煎蛋嘅蛋黃, 等蛋黃汁流落啲湯同麪度呢個時候公仔麪就會吸曬蛋黃嘅精華, 而蛋白亦會索曬啲沙嗲湯, －級棒呀多士有啲淋, 好似焗完之後擺咗好耐嗰啲多士, not good not good咖啡口感都幾順滑, 但係味道方面有少少酸酸哋, 應該係水溫太高, 影響咗佢嘅味道, 要扣少少分。<豬扒餐$35> (好味: 3.5/5) (抵食: 4/5)豬扒餐包含豬扒、兩

新開嘅茶餐廳，佢入面嘅裝修格局整齊，又夠光猛，比人一種整潔嘅感覺大約2:30pm去食下午茶分別叫咗1）豬扒飽 同瑞士汁雞腿配沙律 1）豬扒包 佢嘅面包係好新鮮，同乾身嘅有一塊蕃茄加上沙律醬配個豬扒，食落有一種清新而不油嘅感覺豬扒軟滑程度恰度好處，唔會煎得太老，好"鞋"口成個包一齊咬，佢會好juicy 有肉汁出嚟 2）瑞士汁雞腿配沙律 瑞士汁雞腿好入味，一咬落去有好香濃嘅瑞士汁味，唔會太咸或太甜 個沙律係生果沙律，普通茶餐廳嘅味道，幾好食