周記點心

营业中

休息中

位於西環既周記點心茶餐廳自從比新假期介紹完之後就客似雲來，星期日已經一早去，但係都係仲要等位…仲要等成幾廿張枱…費時等啦所以我地買左外賣係門口食。上網見佢個奶皇流沙西多士好出名，岩晒啦就叫左呢個!睇樣就好似無乜特別，西多士樣咁。點知一界開之後D奶皇流晒出黎，仲聞到好香既奶皇味!!!!! 雖然係炸左既麵包，但佢仲保留住一陣麵包香味!熱騰騰既西多士，裡面流出金黃的奶皇，實在太好味喇！好多人可能怕奶皇甜，但係我就覺得呢個西多士絕對無呢個問題，一D都唔甜，又唔係好油膩，女仔食完應該都可以食多一份!下次有機會再試埋其他味先!

優閒的星期六,約了aeris出來食下午茶,一於去周記食,想試好耐呀,去到時都幾多人等位,不過都好快有位了。是小店子來的。牆上掛有中西區的舊照片。即睇有咩食。好得意的茶壺。樽裝原味奶茶,$17,都幾貴,勝在茶香奶夠滑,都不俗呀。鴛鴦燒賣,$24,都幾大粒,味道正常水準。鵪鶉蛋燒賣,$18,本身鐘意食,多數去飲茶都賣晒,有懷舊的感覺,味道正常水準。XO醬炒腸粉,$28,冇期待呢個,但竟然幾好味,味道香口又入味,不俗呀。兔子餃,$22。星期六日限定,一於試下,好可愛的兔子賣相,水晶皮煙韌,入面是奶黃餡來的,味道普通。奶黃流沙西多士,$22,招牌貨,中間是脹卜卜的。一切開,澎湃的奶黃流沙湧出來,香甜的奶黃流沙餡,配西多士,都幾特別,雖然唔算太好食同幾甜,但有創意,值得試下呀。本身想食個蝦多士,不過太飽了,下次有機再來食先試呀。

久聞其爆漿西多大名 今日剛巧到附近便一試其奶皇西多幸好今天平日下午茶時間人流不算多，坐得寬鬆，若坐滿人應該很迫先來熱奶茶，入口順滑，茶味與奶味也比較普通奶皇西多一來，一用刀開，如洪水般沖出來的大量奶皇，絕對沒有偷工減料，一試之下味道也很濃郁，麵包炸過後未至於外脆內軟，重點還是放在奶皇那裡28元的價錢很不錯，在西環來說實在值得食一次

聽聞周記成日都要排隊，所以一早九點就來食，都已經坐滿，體來真係好好生意！四個人點左一份流心西多士，蝦多士，春風得意腸，馬拉糕，XO醬蘿蔔糕同蝦餃。流心西多士真係好正，可以見到中間鼓左起身，一切落去D奶皇漿仲會噴出來，味道好濃！蝦多士配葛沙律醬好味，就係有少少熱氣。春風得意腸就係腸粉包炸春捲，都幾特別。但其他點心就麻麻啦，蝦餃味道有少少奇怪，Xo醬蘿蔔糕唔係好入味，馬拉糕仲可以。最後埋單都係百幾蚊，好抵食！

周記點心-HKU同學/同事之間無人不識. 有兩次想黎幫襯都end up食唔到, 今個禮拜日的起心肝, 山長水遠搭車過黎食 .2個人, 等左5分鐘位, 入到去坐一邊卡位, 環境都算幾乾淨 叫左招牌奶黃流沙西多, 鵪鶉蛋燒賣, 魚翅餃, XO醬炒腸粉, 四寶滑雞扎.最先上鵪鶉蛋燒賣, 白雪雪的, 我仲想落啲soy sauce落去. 原來唔使落, 因為食落好鮮味, 肉味好香 完全唔使再落調味!魚翅餃一樣都好香 主角流沙西多最後上.  一切開, 哇, 奶黃爆晒出黎  視覺享受一流. 食落, 奶黃味道被蛋黃個味蓋過左, 亦略嫌西多個包硬左啲, 夾埋奶黃一齊, 真係食多幾啖就會漏.整體用餐感覺良好, 點心份量充足, 2個人食5個點心夠晒飽. 侍應反應快之餘態度亦友善. 埋單唔使加一, 好抵 !!

今日同男友係上環做野，中間有幾個鐘空檔時間，見西營盤站開左都未搭過，就諗到不如去周記食流沙西多啦 流沙西多有三款口味，分別係奶黃，綠茶紅豆，芋頭，我地揀左睇落最好味既奶黃流沙！呢個西多真係好邪惡好肥一切落去奶黃係多到踴出黎，要用麵包係咁"沾"黎食，奶黃味好香好香，似乎落本地用了很多咸蛋黃製作，雖然好好食，但兩個人食一件會好漏好"濟",少吃多滋味喔！蝦多士，面頭佈滿芝麻，令蝦多士非常香口！入面釀了厚厚蝦膠，彈牙爽口！而春風得意腸入面既春卷餡係原隻蝦肉，好大方 春卷皮香脆可口，腸粉皮包住皮脆餡靚既春卷真係好好味！章魚肉餅飯加蛋，呢個就比較普通無乜特別..另外仲叫左樽奶茶，都幾香滑！

星期日下午三點鐘 ，來到週記點心 ，門口已有長龍 ，但不是太差 ，人流轉得好快 ，等了十五分鐘 ，便能入座 。看了一下餐牌 ，決定我和太太每人都叫一個的邪惡的 1000卡路里的 奶黃流沙西多士，好立克紅豆冰 ，兩籠蝦餃 ，跟住叫左 奶黃流沙包和凍朱古力比仔仔 。蝦餃真係一流 ，非常認真 ，鮮蝦夠彈牙 爽口 ，非常足料 ，好 ！老婆非常喜歡 好立克紅豆冰，正！重頭戲 ，奶黃流沙西多士，雖然我比較喜歡傳統的西多士 ，但想同大家分享的是 店主非常有心 ，當我切開我的西多士時，佢見到我的西多士沒有奶黃流出來 ，我還不知道西多士出了事 ，他已經 講”唔好意思你的西多士出了事 ”，二話不說 ，幫我重新整過一份，簡直係五星級餐廳的服務 ，值得一讚 ！仔仔同女女 亦非常喜歡 那些奶黃流沙包 ！非常滿意的一餐下午茶 ，一定要再來是其他的 必食點心 ！

係朋友嘅口中，一早得知呢度嘅西多士好出名。今日終於有時間一試佢地嘅流心西多士，係唔係真係咁好食！係門口等左一陣位，就即刻落order! 雖然係要啲時間，不過絕對係值得等待: 金黃色嘅西多，絕對係即叫即做; 而用把刀輕輕一切，奶黃醬有如泉湧，即刻衝晒出黎！！味道同大家平時食開嘅奶黃味無咩分呀，不過勝在份量豐富，每一口嘅西多都沾有濃濃嘅奶黃醬，真係大滿足！

之前因為看了生果日報的介紹前來, 說因為人多所以延長了開業時間至晚上, 結果累我摸門釘◦ 人家6點就關門了… 因此令我更想試這裡名菜,  奶皇流心西多($22)◦ 今次剛巧有時間同機會, 係午市時間到來◦ 因為肚飽, 不然我會試更多食物, 因為這裡的蝦多士也是必點項目◦這裡有一點值得一讃, 每枱都會有自己的茶壼, 但並不用收茶芥, 也沒有加一服務費◦ 就算我一人前來, 也態度良好◦回到正題, 點菜後等了約10分鐘, 就上菜◦ 這個奶皇流心西多跟想像差不多, 完全跟流沙奶皇包裡面的奶皇一樣, 味道, 濃度也是, 只是份量多好多◦ 西多會比平時的淋, 薄和實◦ 所以我覺得如果是粒粒西多配流沙奶皇會更好◦ 這道菜比較是考功夫, 以啅頭取勝吧◦

同同事黎到咁遠食周記, 因為佢大力推薦!荷葉飯好香口好軟, 裡面好香既臘味, 幾好食燒賣既蝦夠大隻又新鮮, 豬肉比例岩岩好, 讚!蝦餃唔算皮薄但蝦肉味道好新鮮, 幾好食呀~

奶皇流沙西多士下午茶時間，前排聽朋友力推呢間嘅西多士，今日難得行經西環，決定去試試。因為店內人太多，所以司令決定買外賣。流沙西多士一份$18，價錢合理，外皮炸得金黃香脆，但都無浸油嘅情況出現，值得一讚👍🏻輕輕一切，入面嘅奶皇流沙就好似泉湧咁爆出黎，極度淫賤😖司令非常欣賞喱度嘅流沙餡真係做得到起沙嘅感覺而帶有蛋黃香，唔似普通酒樓嗰啲咁水汪汪。不過，司令雖則好喜愛，但咁香濃嘅美食，食落其實都會有少少膩，所以就建議同朋友一齊share☺️ 西環對司令黎講係個偏遠嘅地方，所以就算地鐵開通之後，都好少踏足，希望第日可以發掘到喱區更多咁高質嘅食店😋

老婆大人一聲令下要去瀑布灣欣賞美景為夫那敢不從她見我乖乖從命便帶我去周記食好嘢喎(自從她上次吃過後口中經常蝦多士蝦多士)真係咁正嗎??價位真夠親民除咗名物西式流沙西多士外還有中式點心可供選擇~是日要攀山涉水當然要澱粉質的支持啦揀了我倆最喜歡食嘅鳳爪排骨飯$23咁鬼平,飯嘅份量好足餸亦鋪得滿滿味道絕對正宗飯粒分明乾爽排骨入味淋滑有料到。叫多兩款點心蝦餃$24蝦肉夠爽口澄皮須未好薄但質地不錯唔痴牙合格啦,濃湯鮮竹卷$16就超水準先講啖湯香濃鮮味腐皮有豆香肉餡size適中吃落不錯過漏好味~老婆大人推介芝麻蝦多士$30(下午茶餐)新鮮滾熱辣炸起外層灑滿香口芝麻很不錯可惜今次蝦膠有點鬆散聽老婆大人講跟上次差咗少少不過整體也算合格~流沙奶皇西多士$28(下午茶餐)又係鮮滾熱辣送上切開後奶皇醬如山泥傾瀉般湧出好澎湃呀!!呢味真係要趁熱食炸得金黃麵包包裹香甜奶皇醬還有鹹蛋黃不好甜如我也不會抗拒呢~跟下午茶餐飲品我例牌熱奶茶不到出色但也過得去,老婆大人凍檸檬茶+$3見她喝盡就知質素不俗~

一條上下貫通、糾斜的行人路上，以梯級劃分為三小段，每一段均安裝了長椅子。使我聯想到老伯和婆婆坐下乘涼的畫面；又或是初中生放學後聚集在一起喧鬧的情景。若然在剛過的星期天路經此處的話，您會看到一男一女在長椅開餐。揭開發泡膠盒蓋，誘人蝦香隨即散發，說不定您是那刻被分心的某一位過路人！芝麻蝦多士，一客四件，表層鋪滿了白芝麻，兩邊露出了粉紅飽滿的小蝦。一咬鬆香甘脆的麵包，溢出濃濃的芝麻香氣；繼而咀嚼到嫩滑如河蝦仁的蝦餡，蝦味出奇地突出，相較其他的蝦多士，層次既分明，口感又較多元化！吃第二件也不感膩意，可嘗試沾上沙律醬同吃的效果，但似乎沙律醬未能搶去芝麻蝦多士絲毫的風頭。嚐畢鹹點，隨後而來是甜的奶黃流沙西多士，當天還備有綠茶紅豆作餡的西多士！輕輕在表層一切，馬上滲出橙黃如流沙的奶黃。一邊切，澎湃的奶黃不斷流出，盡顯流沙的美妙境界！對不太好甜的我，甜度可以接受，奶黃也來得香濃，最妙的是在西多內找到了鹹蛋黃，證明真材實料，絕不欺場！在長椅坐了好一會，那裡有著小社區的寧靜和閒逸。三張長椅中，果然坐有一對老人，還包括一位外藉女士和一名在抽煙的年青人！原來昔日為方便附近一帶的居民，這三張長椅是固定菜檔的所在

Luckily HKU station was built not long ago, thus coming to this area for good food is a breeze now. When we reached at 1pm+, we had to wait for 30 queue numbers but luckily, we just waited for 30min as the turnover were quite fast. As both of us were quite hungry, we ordered quite a fair bit for lunch. First came the bottled iced milk tea. It was packaged in a plastic bottle, unlike in those traditional glass bottles that most cha chan teng were using. The milk tea was smooth, with a strong tea

28/9中秋節翌日捉了車爸爸去睇瀑布先去周記點心嘆早午餐~還是假期的星期一下午茶時份等了15min巳可入座~今天須要體力要吃個鳳爪排骨飯$23份量不少飯粒粒分明排骨醃得好好味加懷舊飯盅細時感覺返晒嚟~蝦餃$24皮須不算透薄但內餡足料又夠爽口頗好吃~ 濃湯鮮竹卷$14呢個推介要食啊~奶白濃湯充滿腐竹香味而鮮竹卷亦足料非常不只得大大舊肉還有不少蔬菜同配絕無膩感~我大愛的蝦多士下午茶餐$30第二次吃也相當享受熱辣辣造起芝士香口麵包不油膩厚敷的蝦膠充滿鮮味簡直沈醉了~ 當然要重溫流心奶皇西多士下午茶餐價$28充滿鹹蛋黃香氣切開後澎湃流心傾倒出來色香味俱全28蚊有這種享受太化算了吧!!凍檸茶跟下午茶餐+$3正常沒太特出,車爸爸飲熱奶茶醃尖大少略嫌未夠香濃喎~