味力曼谷

营业中

休息中

岩岩食完午餐，轉頭就想買定下午茶，於是就黎到呢間餐廳，嗌左一份木瓜沙律。面頭勁多花生碎，酸酸辣辣，好惹味呀！木瓜絲爽脆，吸收曬啲酸辣汁，每一啖都好滿足。不過提醒返個辣度都幾勁，岩曬嗜辣既朋友！而我呢啲唔食得辣既人，下次要叫佢調低下個辣度先得。-個人覺得雪凍佢食更滋味。而價錢都係$3X，非常實惠，出面泰國餐廳應該都賣緊$50以上。份量唔算太多，一個人食就岩岩好。聽講呢度既主食都唔錯，下次黎要試埋主食先得。

由於上次食完海南雞飯之後一試難忘～ 所以今日中午 決定又走去呢間食炒飯！！ 海鮮炒飯足料而且飯粒炒得乾身粒粒分明～～ 配上上面鹹鹹哋嘅肉鬆一齊入口實在一大享受～ 加配的龍眼睛亦都非常好飲～ 今日中午即時有曬動力呀

今日行開西九龍！ 所以上咗頂樓 食呢間嘅海南雞飯 ～ 晚市時段～人頭湧湧！！ 好似人多一定冇死錯人嘅心態 拿拿林去買咗海南雞飯食～ 啲雞第一啖入口嘅時候我已經知道為什麼咁多人～ 雞肉 有雞味 ～而且好滑好滑！！ 點配汁食一流

西九龍中心個food court 之前食過一次..已經覺得好平..今日同屋企人再黎食..可以買多幾間..試多幾間..其中一間就揀左呢個泰國野..叫做泰式拼盆..$80有4串串燒..有雞,豬,牛..味道唔錯..燒得好香唔燶..面頭灑左d花生碎..有蝦餅..好大塊..炸得好香唔油..有2隻燒蝦..有d梅..可能係急凍唔係新鮮..有泰式鳳爪沙律..都幾辣呀..唔食得辣既人要有心理準備..另外有兩個醬..一個係常見既泰式辣醬..一個係少少辣既汁..可以點蝦食..個人認為..好抵食又唔算..如果有埋野飲就唔錯喇!!

又來西九food court。西九8樓的food court總是人頭湧湧、座無虛席，但要尋一空位也非難事，因為大家吃得頗快，又食物製作速度快，座位流轉快，吃完飯抬頭看，身邊的食客早已換了人了。 這裡的東南亞菜有很多家，許多都做得挺出色，又喇沙又海南雞，反而大熱的韓國菜只小貓一兩間，真是奇怪。我跟朋友很喜歡吃泰國菜，來到food court便四處覓食，尋找美味的泰國菜。西九food court好的地方就是地方小小卻容納了廿幾家的食店，每家特色不同，價格又實惠，我們如斯平民亦可以食個豐富大餐。每家買一點特式美食，而主菜早已找好，是另外兩家的麵食及雞，來到味力曼谷，只好買小食，免得過飽。味力曼谷店面很搶眼，綠色的霓虹燈帶來清爽感覺卻不會俗氣。店面亦貼滿美食照片，看得我垂涎三尺。原來海南雞是其招牌菜，可惜我已買了另一家，不然一定會試試。曾俊華也是座上客。生菜很翠嫰有沒有!! 生菜新鮮、清爽，沒有很小塊的那種，店家都有細心挑選過的! 而且總共給了12塊生菜! 很土豪呢!肉碎亦給了很多，很爽手的店家!吃生菜包最開心的地方就是可以用手吃，用一片翠綠清新的生菜，放上惹味可口的辣肉碎，捲起包妥，送入口中

西九龍中心 8樓 Food Court 的食肆多如繁星 , 何謂各有各特色 , 廚藝精湛的廚師比比皆是 ....在雲雲食肆當中 , 有一間叫 味力曼谷 的 泰國菜館 , 就是其中一間相當有實力的菜館 ~不少達官貴人 , 城中名人都是其座上客 , 其實力可見一斑 ~ 炸蝦餅 : 雖然是 food court 店舖 , 但蝦餅都是即叫即炸 , 外層金黃脆口 , 蝦餅有蝦味 , 肉質爽口彈牙 ~ 無骨海南雞飯 乃是此店的名物 , 獲眾多名人熱捧 , 當然不會是泛泛之輩 .... 而且套餐還配有湯 , 加錢另有飲品 , 認真抵食 ~ 雞湯 (跟餐) : 鷄湯是用了大量鷄骨去煲 , 不加味精而且重薑味 , 好喝 ~ 海南雞 , 因為已經去骨所以是啖啖肉 , 雞件厚肉而且肉質細緻嫩滑 , 皮下脂肪少 , 雞味濃郁鮮香 ; 配上油潤又香口的油飯 , 滋味無窮 , 絕對是極品級的海南雞飯 ~這間 味力曼谷 果然 魅力四射 ~本篇完 ~

又接近糧尾時候, 飲食方面當然儘量遷就～習慣逢星期日旺角跳完舞, 就撘巴士去西九龍中心8樓food court尋食, 貪位置方便, 又極多選擇, 當然經濟實惠係大前題啦, 見啲呢間有薯片叔叔相片, 仲要加句財爺都話海南雞飯靚, 當然想試試啦, 但醒起感冒😷未清, 改咗食冬蔭公豬頸肉河粉, 香味十足, 兩大片蕃茄好新鮮爽脆, 厚切豬頸肉至少有10片, 真係估佢唔到, 仲要炭燒得恰到好處, 有汁唔會太乾, 配埋大大粒紅荳椰汁冰, 感覺很美滿, 等我感冒清哂就會試薯片叔叔湯南雞飯😆

西九龍中心, 係唔係"美食天堂"我唔敢講, 當然呢個 terms 我個人亦較有保留啦,但可以好肯定既係, 佢個 food court 絕對係"糧尾救星", 甚至可以話係冠絕成個深水埔, 無論無菜式選擇, 口味, 以致價錢定位,都絕對係糧尾天堂電梯一上到去八樓美食廣場, 晚上七點零已經好難搵位, 坐得滿滿的,有幾十間店, 中美意法日台韓, 各式其式, 眼花撩亂啊 !!就係一個角位見到一間頗多人等候的店, 今晚先試試呢間泰國菜吧 !叫左 鮮蝦金邊粉 $37 / 馬拉盞炒通菜 $35, 都在水準預期之上,特別係個"馬拉盞炒通菜", 比很多九龍城泰國菜還要出色, 馬拉盞味濃, 而且菜的份量多到嚇一跳,平時出去食, 份量少 1/3 吧, 但價錢可能已經要 $68+ 了