味滿

营业中

休息中

今日喺天后試了一間傳統味道，清新簡約風嘅粥麵店～味滿，兩幅掛牆鏡，有點似髮型屋，配搭高腳櫈，又好似吧檯😅小店粥粉麵飯全部都有齊，很多熟客光顧，仲有一位叔叔在店內即場包雲吞， 證明係自家製作，腸粉都係即叫即拉，有點少驚喜 就是有生滾粥，我點了豬潤粥$47，粥底幾香滑，豬潤有好多片，非常足料。朋友點了豬手撈麵$52，可揀湯麵或撈麵，粗麵或幼麵，豬手腍滑，墊底嘅蘿蔔，索滿湯汁非常入味。另外點了蝦子唐生菜$26，脆脆炸兩$31，凍檸茶$10和金裝羅漢果茶$8。價錢貼地親民，下次經過會再來。

天后電氣道食肆超多，粥粉面飯要乜有乜。 今日去咗幫襯呢間粥麵小店，因為朋友話佢哋個蜆介鯪魚球超好食😋佢哋嘅套餐價錢都好貼地，又多嘢食，又有嘢飲！怪唔知人流滿滿！今日同朋友都超肚餓，仲叫咗好多嘢食！腩汁蘿蔔蘿蔔炆得好淋，入口即溶咁制！豬膶粥豬膶好大片，片片都好爽滑，粥底都好夠綿滑！雲吞撈麵麵超大碟，雲吞細細粒，入口好易食，仲有好多粒添！蝦都好爽口，夠哂彈牙！鮮蝦腸粉腸粉皮唔厚，夠哂滑，如果多幾隻蝦會更滿足😌蜆介鯪魚球真材實料！仲好彈牙！炸得外脆內軟！朋友果然冇介紹錯！

味滿．滿意的粥麵飯去天后必食的粥店，一定是味滿味滿坐得舒服，出品好食店員仲幾好傾感覺不錯與朋友一起happy share食飯最是happy牛筋腩飯汁香最正是撈飯牛筋入味，香味濃郁口感QQ的，牛腩醬香十足肉軟林，配飯飯一起吃非常滋味水餃麵水餃3大粒蝦肉、木耳包得豐富皮薄可口味道不錯幼麵麵質彈牙爽口配大地魚湯底，好食豬潤粥最愛的生滾靚粥此店真材實料豬潤勁大塊，夠厚夠潤香入口剛剛好，粉嫩爽口]豬潤味道鮮甜，粥夠綿滑非常好食炸雲吞炸得香脆，有大蝦肉感非常彈牙點些泰式辣醬酸甜辣都有齊好好食蠔油生菜+ 蠔油芥蘭雖說是跟餐的油菜但絕不求其條條菜都鮮甜沒有渣而且蠔油畀得好疏爽配住來食，菜肉平衡又健康味滿天后電氣道64號地舖

好耐無食港式麵店，經過天后地鐵站，發現附近就有一間。一入去，發現地方都幾寬闊同乾淨。點左幾樣嘢食。炸醬撈麵，粗麵爽口彈牙，份量都幾多，炸醬甜甜辣辣，開胃惹味。雲吞河粉 (套餐) 包括一個雲吞河粉，蠔油生菜同飲品。雲吞皮薄餡多，蝦肉口感彈牙。河粉份量都唔少。生菜口感爽脆。麻辣牛腩，强烈推介。有牛腩同蘿蔔。牛腩炆得好入味。蘿蔔清甜無渣。麻辣汁唔會好辣，香香辣辣。油條 ，新鮮炸起，熱辣辣，漲卜卜，口感非常酥脆。韭黃鮮蝦腸粉，腸粉都幾足料，入面有5-6只鮮蝦。

岩岩伏完一間，食唔飽之下再去另一間算係多好評既中餐，叫左比較多人會叫既牛筋腩河同炸鯪魚波。加分位係落單叫牛腩河既時候，姐姐會問你要唔要筋，最後變左牛筋腩河，但係咪同一個價錢我就無留意。兩樣加埋78蚊！個炸鯪魚波就算中上，彈牙，夠熱，一碟6粒，影個時已經俾人挾左一粒走。Size就正正常常，可以一試。根住到個牛筋腩味精河，食落去個湯係掛到上去個，個湯仲幾香，但3點食完之去到7點個喉嚨都係keep住乾乾到懷疑自己啪左成包味精。牛筋幾淋，牛腩無comment，蘿蔔算甜，但俾個味精湯污染左。究竟天后有冇邊度係好食

今日突然之間好想食粥， 行過地鐵站附近見到呢間粥舖， 有別於其他粥舖呢間粥舖，裝修係小清新路線， 但人情味滿滿， 可能街坊生意見到佢對個伯伯好細心，而且坐低嘅時候， 姨姨都有另外畀張凳擺嘢，好貼心❤️醒胃炸醬撈麵麵底好大份，麵質爽口🈶️蛋香肉絲更軟滑有嚼口，那鮮紅的顏色是來自豆瓣醬和茄醬， 食麵嘅時候加少許醋，令鮮味提升跟隨撈麵附送的上湯好好飲，吃撈麵前飲口熱湯，打開味蕾後才開始吃麵，當麵條慢慢變乾時，就再喝湯濕潤嘴巴爽脆灼魚皮魚皮絕對要講一講，比平時其他店大塊好多厚身口感比較爽彈最重要係加埋大量薑蔥令味道升華。炸雲吞熱辣辣脆卜卜仲係即炸入面係原隻蝦仁❤️魚腩粥魚嘅份量好多，好鮮味，粥底非常軟綿 食粥梗係要叫佢個好朋友脆脆《炸兩》炸兩嘅腸粉同好薄最鍾意佢啲醬較多

味滿 滿滿人情味嘅小店同朋友去天后行下 有啲肚餓發現有間小店坐滿左人就同朋友入去食嘢醫肚啦小店位唔算好多 但店員會好好安排你坐邊而且好有禮貌 感覺好舒服環境都乾淨企理我哋叫咗個淨蘿蔔柱候牛筋腩$85韭黃鮮蝦腸粉$44酥炸鯪魚球 $42香茅豬扒 $40蝦籽菜芯$30上菜好快 都好多人叫外賣好受街坊客歡迎牛筋腩彈彈下入口滿滿骨膠原食落又夠淋夠滑腩汁好夠味 同蘿蔔一齊食多一份清甜香茅豬扒份量都唔少 炸到好香口 又有肉汁唔會鞋 保留左少少肥膏勁香滑鯪魚球一球係大大粒 炸到金黃色好吸引本身已經好鮮味唔會腥唔點汁都好好食蝦腸粉都好夠滑 菜心都鮮甜啲嘢又好食 份量又足唔怪得咁多街坊幫襯啦味滿 (天后)天后電氣道64號地舖

👨🏻‍🍳味滿 (天后)📍天后電氣道64號地舖 「粥幾綿🤤」 收工天后覓食，想食清淡小小🤤 👍🏻🍽️肉丸粥 $47超細綿的生滾肉丸粥🤤熱辣辣上，夠味，加埋胡椒粉更加惹味！！肉丸彈牙有咬口，好多粒🤤 👍🏻🍽️酥炸鯪魚球 $36配蜆蚧醬個人口味中意就咁食，吾蘸醬🙈可以食到魚肉味同酥脆香🤤都系彈牙有咬口！！ 🍽️鹹肉糭 $25連豉油上，個人中意蘸砂糖🤣不過試下豉油都不錯。口感較其他粥店煙韌，有小小似粢飯既口感。 🍽️柱侯牛筋腩飯 升級套餐 $78奉送油菜 （菜心）、飲品（凍檸茶）柱侯醬好香🤤 另加配兩款小食：🍽️脆脆炸兩👍🏻🍽️蠔油冬菇冬菇好大粒，彈牙、juicy、有咬口😻吾會好咸👍🏻 #味滿 #天后粥店 #天后粥品

有日想食清淡少少，於是去左朋友介紹嘅呢間味滿！今次試左豬潤粥、炸鯪魚球特別有驚喜😋豬潤粥嘅粥底好綿滑，豬潤粉量好多又大片，而且佢係爽嗰種質地，好食！因為我跟餐叫，所以另外就有埋油炸鬼同埋腩汁羅白。油炸鬼似新鮮炸起，因為平時出面係比較硬同埋幼，但呢個係漲卜卜而且好酥脆👍🏻另外試左柱候筋米粉，肉質都算腍。小食方面，炸鯪魚球我認為必點！鯪魚球炸得剛剛好，真材實料，而且唔會食到魚骨，仲保持彈牙，配埋蜆介醬就更惹味👍🏻平時去開天后嘅朋友可以試下呢間～

味滿 • 天后一直以來好多人比較鍾情於日式、西式等食物，不過個人覺得香港一直有好多港式餐廳都係好俾心機去做出美味可口嘅食物，今次呢間亦唔例外，個人覺得食物質素和性價比都非常好，好值得推薦比大家😆✅ 鮮蝦雲吞湯麵 🍜 $40鮮蝦雲吞大大粒，亦都爽口彈牙，湯麵用生麵做面底，麵身比較爽，雲吞包得亦都非常幾靚，有條短短嘅金魚尾，湯底大地魚味濃，仲有少少韭黃增加香味😙✅ 牛丸湯麵 🐮 $44大家唔好以為呢個係普通嘅牛丸，呢碗麵入邊嘅牛丸大大粒，好爽口，而且一咬落去好多肉汁，味道較濃，有驚喜👍🏼✅ 叉燒腸粉 🥟 $37入邊叉燒佔比幾多，用料有誠意，腸粉外皮唔算太厚，而且滑身，食落唔錯😗✅ 酥炸鯪魚球 🐟 $42鯪魚球炸得非常香口，入邊魚肉爽口彈牙，而且加入唔同配料調味，最突出嘅應該就係陳皮，增加少少甘香嘅味道。😗

最近喺天后搵到間唔錯嘅粥麵店店舖光猛非常乾淨企理 👍🏻有套餐可揀性價比好幾高選擇多而且質素都唔錯薑蔥鮮肉片湯麵($45)湯底有好香薑蔥香味麵質彈牙爽口 夠掛湯鮮肉片亦好嫩滑 調味都唔錯手打鯪魚球湯麵（$44）鯪魚球好大粒 食落好彈牙唔腥餡料好豐富葱香 配埋薑蔥湯底好開胃韭黃鮮蝦腸粉（$37）蝦肉好新鮮 入口好彈牙腸粉口感好滑有米香 亦都夠熱鮮雞粥（$53）雞肉好新鮮 食到幾濃郁雞味粥底都幾綿滑

今日去了天后，我們去了一家好有家庭風格的小餐廳。我們點了雲吞撈麵雲吞麵紅油三寶麻辣牛腩炸鯪魚球豬潤腸雲吞是師父現場包。👍🏻👍🏻👍🏻👍🏻👍🏻雲吞撈麵😝👍🏻👍🏻👍🏻👍🏻麵質爽口彈牙，加上醋和蠔油撈一撈，好好味。雲吞大大粒，爽口蝦仁鮮甜好味。雲吞麵😋😋👍🏻👍🏻👍🏻👍🏻湯底好香麵質爽滑，雲吞好似小金魚在湯中游動😍。紅油三寶（水餃/菜肉雲吞/片頭）味道正常。麻辣牛腩香香辣辣，肉質香滑，彈牙爽口。炸鯪魚球😋😋👍🏻😝😝😝👍🏻外脆內軟彈牙爽口。豬潤腸豬潤滑滑香濃，腸粉滑嫩香糯。

🍜 柱候牛筋腩撈粗麵 ($52)撈麵當然要叫粗麵啦，牛筋咬落夠腍好似半溶咁濟，牛腩濃香入味食落仲有陣陣果皮香味，值得一提既係果皮能夠令到柱候汁更加香濃而且去除左牛既臊味，食落更加有層次，蘿蔔清甜冇渣，麵質爽口冇咩鹼水味，撈埋腩汁一齊食夠哂惹味。🥟 淨雲吞 ($40)雲吞一碗有八粒，餡料仲食到原隻大蝦加少量豬肉，一口一粒，爽口彈牙，而且雲吞湯底仲加咗韭黃，飲落真係唔錯，小編覺得加埋一個幼麵落黎就會變成一碗出色「細蓉」啦。🌱 香荽牛肉腸粉($31)腸粉又薄又滑食落有米香，香噴噴既芫荽配埋免治牛肉呢個配搭真係好好味。 食落就知每款都係誠意作品，用心製造，真係encore幾次都唔會厭阿。❤️ 紅油三寶 ($35)「三寶」就包括菜肉雲吞、水餃、魚片頭每款兩粒，小編就覺得醬汁加咗辣椒油及少少黑醋，食落辣辣地而且仲有少少醋香幾出色。

#鼠尾草食飲玩 #sagefoodiehk粉麵😚 × 粥品🥰 × 自家製✨呢間位於天后電氣道嘅粥粉麵舖，嘢食高質素，又抵食😍！而且裝修新淨，環境靚又坐得舒服。店員都非常親切有禮，係鼠尾草🌱私心好鍾意嘅餐廳。薑蔥豬膶湯麵套餐裏面已經包埋菜心同埋可以加購嘢飲💖。豬潤嘅份量都幾多，真係大滿足，配埋河粉好正😋。蠔油菜心都大大份，以呢個地段嚟講都幾抵食。艇仔粥套餐裏面仲包埋油炸鬼同腩汁蘿蔔。艇仔粥裏面有唔同嘅海鮮配料，味道夠鮮香😍，配埋咁大碟嘅油炸鬼夠晒飽肚，另外佢哋嘅蘿蔔亦都整得好腍好入味，好好食✨。亦都加購咗舖頭自家煲嘅凍薏米水，裏面真材實料，仲有一啲薑片，飲落感覺好滋潤🥰。嚟到呢度一定要嗌佢哋嘅香脆炸雲吞，雲吞都有彈牙嘅餡料，而且炸得超級酥脆，餡同埋炸皮嘅比例好好😚。呢度嘅蠔油冬菇亦都好入味又夠腍，配埋套餐食好正🫶🏻。💰薑蔥豬膶湯麵套餐($70)💰艇仔粥套餐($77)💰凍薏米水(+$10)💰香脆炸雲吞($36)💰蠔油冬菇($28)

✳️周日與太太相約到位於天后的味滿品嚐地道的港式粥麵小吃。✳️我選擇了水餃撈麵套餐~$80。麵條彈牙有勁,配上鮮嫩的水餃,不論是口感還是味道都把握得恰到好處。我特別點的蠔油芥蘭更是增添了這一套餐的層次感,清脆的蔬菜配上醇厚的醬汁,無疑是絕配。套餐還包熱檸茶,清新解膩。✳️此外，我點了一份韭皇蝦仁腸粉~$37，有酒樓點心風味。✳️而太太則選擇了淨水餃~$40。水餃皮薄餡實。她更加點了一份~$47的豬潤粥,粥質細滑,飽含豬潤香氣,溫暖順口。太太還加配了一杯羅漢果茶,加~$8,清雅甘甜。