味王餐廳

营业中

休息中

這間味王餐廳是我們最近的飯堂， 今日本來唔想出街食但係見到同事所叫的吉列豬扒沙律十分之吸引所以又行落去 一入到去餐廳 嘩 見張張枱全部都係食吉列豬扒沙律 二話不說就叫咗喇 嘩一上枱就畀佢擺款呼吸引住， 有西瓜車厘茄同埋搣咗嘅橙沙律同埋一塊熱辣辣脆卜卜嘅吉列豬扒， 切落去以聽好脆咋聲音， 脆粉和豬扒的比例啱啱好 唔會脆粉多 ，豬扒厚已難咬， 十分鬆軟， 沙律方面十分新鮮有好多生果， 十分細心有切開一片片的西瓜 ，切好的橙 和幾粒車厘茄 可以撇去豬扒 油膩 的感覺， 這個餐不是成日都有的 不過除咗呢個餐之佢嘅炒粉麵都ok㗎，我覺得過今日真係好好彩食到咁好味嘅吉列豬扒。

最近比較忙 大家lunch都揀快既黎食 茶記就最能滿足大家食快飯既需求 又平 又飽 四十幾蚊 有湯有飯有嘢飲 其實真係幾抵 午餐得嗰幾個揀 有選擇困難症都可以快快脆揀完 嗌左個椒鹽豬排 因為豬排好少可以出錯 好快就出左個飯 有朋友話呢個椒鹽豬排好乾 所以叫姐姐拎左豉油過黎 但係我又覺得okay 唔想食咁鹹既話 唔駛落豉油都會覺得好夠味 呢度個飯又係好大 好彩有前車可鑑 所以嗌左少飯剛剛好 豬排入面唔知點解放左啲五花腩落去 口感突然唔同曬 都係豬排好食啲 不過豬排都偏肥 帶有頗多脂肪 說時遲那時快 半個鐘都唔知有無 咁就食完個飯 以後都係慢啲食飯 好似話會比較健康

工廠區緊有一間又快又抵既快餐廳，今次我就去咗葵興區既快餐店。最值得讚既係員工既效率，超快超有團隊性。而食物選擇多，日式，越式，中式，港式炒野粉麵咩都有，套餐包野飲都係四十幾蚊。抵和風汁炸大蝦豬扒飯大大碟，豬扒配上和風汁好好味，炸蝦當然比唔上鮮蝦但口感還可以，無炸粉味，以快餐廳嚟講算ok越式豬軟骨肥牛米線買相幾好，多葱超吸引湯淡咗少少，味道唔夠岀面麵檔味道咁濃咁入味，但勝在唔多油。連野飲都唔洗四十蚊，超大碗，都食唔晒，抵食。

第一次叫呢度嘅三文治，咁偷工減料嘅餐旦治都係第一次見識到！🙄食左一半以為得半件係咁啦， 點知打開未食果件睇個餐肉竟然一樣咁細～無材料就咪賣啦！食到一肚氣！真係好過份！😤😤😤

今日(30-1-2009Fri)冇飯帶,但要為今晚食buffet留肚,唔買飯盒食喇,又o係o度買件三文治先.今日唔多款揀,迫住要呢隻烚蛋生菜蕃茄三文治.返到公司放o係位,嗅著一陣陣蛋香,實在吸引,快啲到lunch time啦.夠鐘喇,即拆開包裝o個o黎食,蕃茄同生菜唔太甜,蛋係正常,方包仍軟.不過,原來全無沙律醬,口感完全唔同喇.都幾乾.

** 此 食 肆 的 第 六 個 笑 **尋日(2-12-08 Tue)冇飯帶,又只想食少少o野做lunch,食三文治,不過呢排冇生果到肚,上次見呢o度有蔬菜三文治,就不如買件啦.o黎到,見唔係好多,不過都要啦,問吓幾錢,又係$9.00喎,good!到lunch time,打開o黎食先,係吞拿魚三文治,裡面有蕃茄,青瓜,生菜絲同沙律醬,材料新鮮(當然吞拿魚唔係,因為佢係罐頭油浸吞拿魚),但所有o既份量適中,誰也搶不到誰的風頭.而今日,我都係encore買o左呢個做lunch.

** 此 食 肆 的 第 三 個 OK **今日(27-11-08 Thur)冇飯帶,晏晝唔想食咁heavy,想食三文治,如果晏晝叫外賣只叫三文治好似好衰咁,咁不如返工時買定啦.行過,有好多已入盒唔同款式o既三文治擺晒o係o度,我攞o左份疑似腿蛋治,問吓幾錢,男人答$9.00.好,就呢件.啲蛋係炒到仍有蛋汁,而且份三文治重係暖暖地,可惜我唔係當佢早餐食.到晏晝lunch time,打開o黎食,當然係凍晒,但方包仍軟,蛋又幾厚,而件火腿,原來係午餐肉,不過又唔係咁鹹.服務:好好禮貌,會先同人講早晨,畀張$50.00佢都唔會變臉.

** 此 食 肆 的 第 二 個 OK **今日(12-11-2008Wed)依然冇飯帶,又唔知食乜.對旺記同飛亞都失望,睇吓呢o度有咩食,好,叫個$26.00o既豉椒排骨炒麵.轉頭打返去叫佢帶$80.00o黎找,電話唔通,之後通o左喇,同佢講返,佢話o岩o岩想打返電話畀我,話我知冇排骨,重話叫人上o黎搵我同我講.真係有心.之後決定要個味菜牛肉炒麵.不久,有個亞姐真係上o左o黎同我講冇排骨,真係好好呢.o黎到嗅到好香,夠鐘打開飯盒,好大盒.可惜牛肉好乾,麵都係炒得一般.睇o黎佢o既中式o野食麻麻地.

** 此 食 肆 的 第 五 個 笑 **今日(5-11-2008 Web)都係冇飯帶,再接再厲叫呢間,要日本J特區拉麵餐2號,即脆皮雞髀拉麵(豬骨湯),配: 雞髀,海草,粟米,銀芽同椰菜.打開睇睇先,今次脆皮雞髀冇分開裝,而且切件一齊放o係湯麵內,同樣地,佢寫明o既配菜全部都有,但今次椰菜少啲,粟米多啲.拉麵同其他配菜唔講喇,雞髀係煎過,為o左要佢佢脆,就另外夾開放o係湯碗蓋上好啲.食落,冇咩味,唔油,OK呢.

** 此 食 肆 的 第 四 個 笑 **今日(4-11-2008 Tue)冇飯帶,返工時諗晏晝食乜好,o係溫莎堡買個$12.00o既盅頭飯?但怕冇微波爐盒畀我晏晝加翻熱,於是放棄.晏晝就決定叫呢間,要日本J特區拉麵餐5號,即脆軟骨菜肉餃子拉麵,配: 軟骨餃子,海草,粟米,銀芽同椰菜.夠鐘食飯喇,打開睇睇先,5隻餃子分開裝o係一個膠盒內,湯拉麵大大碗,佢寫明o既配菜全部都有,而椰菜就佔最多.拉麵有蛋味,尚算彈牙,椰菜,海草略為硬o左少少,粟米夠甜,軟骨菜肉餃子係煎o既,軟骨脆脆地,幾好.湯又濃濃的,OK.服務:好有禮貌,問埋我幾點食飯,開飯前兩分鐘送到.其他:由於我冇散銀,畀$50.00佢找,亞姐咁o岩又冇$1.00,索性找$24.00畀我,真唔好意思.

** 此食肆的第一個OK **今日(30-4-2008 Wed)男友人CK又過o黎攞o野,咁順便食個lunch.佢食齋o既,我記得上次同佢o黎時,呢o度有齋食,但今次睇就冇,不過我一直叫佢留肚o架嘛(因為我請),點可以要佢餓住走?於是佢話叫個河粉,我幫佢食o左啲肉佢,我話不如叫扎肉河走扎肉最後佢要o左扎肉湯河,凍檸茶.而我就要日式特餐o既5號餐:汁燒雞扖配雙菇炒什菜,飲凍檸水.咁CK就有菜食啦.兩杯o野飲好快到,CK o既湯河都到o黎.幾多生菜,我夾起晒啲扎肉,唔算少.扎肉清清地,OK.好耐,我o既定食到o黎,好多什菜,麵豉湯,一般啦,內裡有兩件豆腐仔,好滑.雞扖唔太厚但幾大件,不過啲汁幾鹹.飯硬o左啲.至於什菜,我睇唔到有雙菇囉,CK話見到有金菇,不過好少.由於我好飽,碟菜就由CK消滅啦.埋單$72.00,CK個餐係$25.00我o既係$40.00,但一杯凍飲要加咁多錢?好貴.

哈，睇下睇下，終於見到有呢間既頁面喇。呢間近我，所以成日幫曾襯，係差不多日日既早餐。三文治整得好好味架。經常幫襯，因為呢度招呼ok，裝潢企理，價錢亦較附近食店平。(唔知點解呢頭食野係幾貴，都唔似一般工廠區既，呢排仲要玩加價添。)

** 此食肆的第二個笑**今日(21-12-2007 Fri)公司我工作o既部門晏晝開聖誕午餐,主管覺得呢間唔錯,於是主力叫呢間到會,有:1.大蝦鮮果沙律呢個我o地年年叫,但今年量少o左,問同事今年係咪特登叫細啲,佢答冇,但價錢一樣不過係細o左.材料新鮮,OK.味道: 4分2.吞拿魚意粉好香吞拿魚味,但好懶,冇整碎啲吞拿魚,攪到大大舊咁,汁唔太多,但我攪埋意粉又唔覺太乾.味道: 3分3.鮮檸斑球今年第一次試,呢個人人讚,汁香且酸甜得宜,炸漿已經唔脆,但魚肉滑,真係好味,不過佢o地又切得幾大舊.味道: 4.5分4.香茅雞中翼/ 豬扖開頭唔知咩雞翼豬扖,食o左豬扖有香茅味再問同事confirm.開頭覺得味道o岩o岩好,但當食多o左就覺得鹹o左少少.佢o地將豬扖預先切開一條條,方便我o地食用.味道: 4.5分5.春卷/ 蔗蝦/ 韓式流菜我冇食到泡菜,因個樣唔係咁吸引,春卷夠脆,唔太大條亦唔太油膩,OK.蔗蝦o既蝦膠一啲都唔豐滿,味道一般.味道: 3分我o地一共十一個人,食埋另外叫買o野都食唔晒.呢餐唔知幾錢,因為係經理級請,不過應該係偏貴o個隻.

今日(23-10-2007 Tue)男性朋友CK過o黎攞o野,於是同佢食lunch.好彩我公司o既lunch時間係早啲,咁就容易搵位喇.由於我少出街食飯,亦只係o黎過一次,只記得呢o度有日本拉麵食,而同CK坐o係卡位睇睇,重有越南同港式o野食,而原來都有o岩食齋人士食o既飯類,咁下次CK過開o黎可以唔駛打定底,都同我食喇.講返,我叫o左個J6日式叉燒拉麵同熱檸水,CK要o左凍奶茶同占醬飽.好快,熱檸水同占醬飽都到o左,我o既日式叉燒拉麵都到埋,但等好耐,眼見出o左好多杯凍奶茶都未畀CK,於是追問,亞姐應該漏落但價錢就寫o左$14.00同$28.00,我諗返,唔係喎,我個餐係$26.00.於是同CK check同搵亞姐講清楚,的確係,凍奶茶同占醬飽$15.00,我個餐跟熱飲係$26.00.亞姐都改返.講返我o既日式叉燒拉麵,menu內寫明有叉燒,笋條,海草,銀芽,栗米,獅子狗同X門卷,碗麵好夠熱,拉麵夠彈牙同好味,湯o既鹹淡適中,日式叉燒唔肥,不過算’鞋’,其他材料都OK唔錯o既.食完後,我舊同事KN都放lunch入o黎見到我,之後都好多人o黎,CK都意會到食1:00pm o既打工仔殺到